Күпме генә болот ҡабармаһын,
Ниндәй ел-дауылдар ҡупмаһын,
Ҡояш сыҡмай ҡалмай көн һайын,
Тик һынмаһын бәхет тотҡаһы.

Һәҙиә ДӘҮЛӘТШИНА.

Фото: Елена Соколова.

❓Беләһегеҙме, бөгөн ниндәй көн?

Бөтә донъя торна көнө икән, баҡтиһәң.

📸Фотола былтыр Башҡортостандың Дәүләкән районында

📌 Бәләкәй башҡорт ҡыҙҙары - хәҙергесә принцессалар нисек кейенгән?
Был турала "Балалар" проектының бик матур видеоһынан өҙөк.

📌 ӨФӨЛӘ БЕРЕНСЕ АКСАКОВ ФЕСТИВАЛЕ БАРА

Фестиваль 30 сентябргә тиклем дауам итә. Уның сиктәрендә мәҙәни, эшлекле, белем биреү, конкурс һәм күңел асыу саралары үтә.

❓Ҡайҙа?
🔹С.Т. Аксаков исемендәге мәҙәниәт һәм ял баҡсаһы
🔹"Беренсе май" паркы
🔹Ленин исемендәге майҙан
🔹С. Орджоникидзе исемендәге майҙан
🔹Ағиҙел буйы

❓Нимә?
▪️ Эшлекле программа сиктәрендә һәр кесе аҙна һайын "Креатив индустрияларҙа һөнәрселәрҙең тәүге аҙымдары" тип аталған лекциялар үтә.

▪️Белем биреү программаһы буйынса оҫталыҡ дәрестәре, лекциялар уҡыла. Мәктәптәрҙә Аксаковтарҙың рухи мираҫына бағышланған дәрестәр ойоштороласаҡ. "Аксакова уҡыуҙары" уҙғарыла.

▪️Конкурс программаһы сиктәрендә "Тамға" Халыҡ-ара башҡорт милли кейеме оҫталары конкурсы, "Туған ер иртәктәре" сәсәндәр бәйгеһе, "Аксаков уҡыуҙары сиктәрендә тасуири һөйләүселәр, "Бөгөл формаһы" форумының ағас һындар эскиздары, Аксаков әҫәрҙәре буйынса һүрәттәр конкурстары ойошторола.

▪️Күңел асыу программаһы ла төрлө булмаҡсы.

▪️Фестиваль "Балыҡсы һәм һунарсы көнө" менән тамамланасаҡ. Ул Аксаковтың әҫәрҙәрендә һүрәтләнгән шөғөлдәргә арнала. Балыҡ тотоу буйынса ярыш, ҡармаҡтар әҙерләргә өйрәтәсәктәр, һунарсы кәрәк-яраҡтары тураһында һөйләйәсәктәр һәм иң тәмле балыҡ ашы, усаҡта бешерелгән ризыҡтар буйынса ярыштар ойоштороласаҡ.

✅ Ә 20 сентябрҙә Ленин исемендәге майҙанда ("Ҡала Советы" туҡталышы) ҡул эштәренән күргәҙмә ойошторола. "Башҡорт миҙгелдәре" һөнәрселәр йәрминкәһе сәғәт иртәнге 10-дан киске 8-гә тиклем эшләйәсәк.

📍 Өҫтәлмә мәғлүмәтте ошонда табырға мөмкин: https://vk.com/ufatvorit

📌 "Хайканутые" тапшырыуының яңы миҙгеле Башҡортостанда төшөрөлгән һәм бөгөн яңы серияһы көтөлә!

🔹Реалитиҙың алып барыусыһы Ян Дилан. Ә билдәле блогерҙар Лена Самчук һәм Макс Гурьянов - ҡатнашыусылар. Уларға Рәис Ғәбитов Көньяҡ Урал һуҡмағын үтергә ярҙам итә.

📍 Ҡатнашыусылар 16 көндә Башҡортостан һәм Силәбе өлкәһе буйлап йәйәү 500 километр үтергә тейеш. Иң күп мәрәй туплаусыны еңеүсе исеме һәм 600 мең һум аҡса көтә.

🎬Тапшырыуҙың беренсе серияһын ошонда ҡарарға мөмкин: https://vkvideo.ru/video-190046520_456239125?list=cc2546072dff2d21f0

Видео: Лена Самчук.

Дүшәмбелә уҡыу һәм эш көнө тамамланыуға табан күҙҙәрҙе ял иттереп алайыҡ 💚

Видео: Эмиль.

📌"Башкиравтодор" - республиканың төп предприятиеларының береһен һаҡлап ҡала алғандар.

Был турала кисә республика Хөкүмәтендә үткән оператив кәңәшмә барышында Башҡортостан Башлығы Радий Хәбиров хәбәр итте.

Төбәкте юлдар менән тәьмин итеүсе һәм 5 мең кешегә эш биреүсе предприятие республика етәкселеге, федераль именлек һағы һәм прокуратураның килешеп эшләүе һөҙөмтәһендә бөгөн банкротлыҡтан ҡотола алған. Республика етәксеһе "Башкиравтодор" яйлап эш хаҡтары буйынса бурыстарын да ҡайтарыр, аяҡҡа баҫыр, тип ышаныслы белдерҙе.

📌 Ҡурған өлкәһенең Сафакүл районында йәшәүсе башҡорт ҡатын ҡыҙҙарының уңғанлығы кейемдәрендә уҡ сағыла: сигеүле алъяпҡыстар һәм балитәктәр, зауыҡлы яға, шулай уҡ биҙәлгән ҡушъяулыҡ.

Әйткәндәй, борон ептәргә һәм туҡымаға төҫ биреү өсөн тәбиғи буяуҙар ҡулланылған.

Башҡорттар төҫтәрҙе шулай алған:
❤️ҡыҙыл - бөрмәкәй (русса подмаренник йәки марена),
💛һары - һыйыр теле (серпуха),
💚йәшел - артыш һәм көкөрт үләне (плаун).

Буяу сағыуыраҡ ултырһын һәм уңмаһын өсөн көл менән эсеүташ (квасцы) ҡулланғандар.

Минераль буяуҙарҙан хромлы тимер тотонолған.

✅ Этнограф Светлана Шитова яҙыуынса, башҡорттарҙа ҡыҙыл, охра төҫөндәге һары һәм йәшел төҫтән торған йәйғорло теҙмә өҫтөнлөк иткән. Кейемдә ҡара туҡымалар менән аралаштырған осраҡта улар айырыуса сағыу күренгән.

Видео: "Гөлдәр" төркөмөнән.

Төшкө сәйҙәрегеҙ тәмле булһын!❤️

Видео: Башҡортостандың халыҡ артисы Ринат Рамаҙанов тормош иптәше менән.