📌"Башкиравтодор" - республиканың төп предприятиеларының береһен һаҡлап ҡала алғандар.

Был турала кисә республика Хөкүмәтендә үткән оператив кәңәшмә барышында Башҡортостан Башлығы Радий Хәбиров хәбәр итте.

Төбәкте юлдар менән тәьмин итеүсе һәм 5 мең кешегә эш биреүсе предприятие республика етәкселеге, федераль именлек һағы һәм прокуратураның килешеп эшләүе һөҙөмтәһендә бөгөн банкротлыҡтан ҡотола алған. Республика етәксеһе "Башкиравтодор" яйлап эш хаҡтары буйынса бурыстарын да ҡайтарыр, аяҡҡа баҫыр, тип ышаныслы белдерҙе.

📌 Ҡурған өлкәһенең Сафакүл районында йәшәүсе башҡорт ҡатын ҡыҙҙарының уңғанлығы кейемдәрендә уҡ сағыла: сигеүле алъяпҡыстар һәм балитәктәр, зауыҡлы яға, шулай уҡ биҙәлгән ҡушъяулыҡ.

Әйткәндәй, борон ептәргә һәм туҡымаға төҫ биреү өсөн тәбиғи буяуҙар ҡулланылған.

Башҡорттар төҫтәрҙе шулай алған:
❤️ҡыҙыл - бөрмәкәй (русса подмаренник йәки марена),
💛һары - һыйыр теле (серпуха),
💚йәшел - артыш һәм көкөрт үләне (плаун).

Буяу сағыуыраҡ ултырһын һәм уңмаһын өсөн көл менән эсеүташ (квасцы) ҡулланғандар.

Минераль буяуҙарҙан хромлы тимер тотонолған.

✅ Этнограф Светлана Шитова яҙыуынса, башҡорттарҙа ҡыҙыл, охра төҫөндәге һары һәм йәшел төҫтән торған йәйғорло теҙмә өҫтөнлөк иткән. Кейемдә ҡара туҡымалар менән аралаштырған осраҡта улар айырыуса сағыу күренгән.

Видео: "Гөлдәр" төркөмөнән.

Төшкө сәйҙәрегеҙ тәмле булһын!❤️

Видео: Башҡортостандың халыҡ артисы Ринат Рамаҙанов тормош иптәше менән.

Һәр миҙгелдең үҙ йәме 💛

"Туҡмасы һөткә буялған"

ашты ярата торғайнығыҙмы? 🤭

Видео: Фидәлиә Йылҡыбаева.

📌Өфөлә Рәсәй Геройы Илдар Суфияров менән хушлашалар

Ил сиген һаҡлап вафат булған "Башҡортостан" мотоуҡсылар полкының өлкән лейтенанты Илдар Суфияров менән хушлашыу сараһы 18 сентябрҙә "Башҡортостан" Дәүләт концерт залында сәғәт иртәнге 10-да ойошторола.

Илдар Филорет улын күреп белгәндәр һәм геройҙы хөрмәт иткән һәр кем хушлашыу тантанаһына килә ала.

"Башҡортостан" полкының Даян Мурзин исемендәге батальон взводы командиры Илдар Суфияров 2024 йылдың апрелендә Махсус хәрби операция зонаһында һәләк була. Ҡаһарман үҙ посын ташлап китмәй, һан буйынса күпкә көслөрәк дошманға ҡаршы ут аса һәм тамам яҡынлашҡастары, граната шартлатып, үҙе менән тағы өс ВСУ һалдатының ғүмерен өҙә.

Үткән йылдың октябрь айында РФ Президенты Владимир Путин Указы менән Илдар Суфияровҡа Рәсәй Геройы исеме бирелде.

Башҡортостан Башлығы Радий Хәбиров был аҙнаның дүшәмбеһендә үткән оператив кәңәшмәне герой хөрмәтенә бер минутлыҡ тынлыҡ менән башланы.