ХӘЙЕРЛЕ ИРТӘ!

Көнөгөҙ матур үтһен!

САЛАУАТ ЮЛАЕВ ИСЕМЕНДӘГЕ ДӘҮЛӘТ ПРЕМИЯҺЫ ЛАУРЕАТТАРЫ БИЛДӘЛӘНДЕ

📌Башҡортостан Башлығы указына ярашлы, 2024 йылда әҙәбиәт, сәнғәт һәм архитектура өлкәһендәге дәүләт премияһына лайыҡ булдылар:

✅архитектура өлкәһендә Өфө хосписын төҙөү проекты өсөн “Башкиргражданпроект” проект институты яуаплылығы сикләнгән йәмғиәт: генераль директор урынбаҫары – баш архитектор Роберт Александров һәм 1-се комплекслы оҫтахананың баш белгесе, етәксеһе Марина Завиская;

✅сәнғәт өлкәһендә Рәсәй Геройы, 112-се Башҡорт кавалерия дивизияһы командиры, генерал-майор Миңлеғәли Шайморатовҡа һәйкәл эшләгән өсөн Рәсәйҙең халыҡ рәссамы Салауат Щербаков;

✅әҙәбиәт өлкәһендә “Төньяҡ амурҙары” тулы метражлы анимацион фильм төшөргән өсөн “Муха” ЯСЙ-ы директоры Артур Абдрахманов, “Башҡортостан” киностудияһы директоры Юнир Әминев, рәссам-карикатурасы Камил Буҙыҡаев.

Ҡотлайбыҙ! 🌹

"Әгәр ғаиләлә бер генә милли ҡомартҡыбыҙ һаҡлана икән, шуны заманса кейем менән зауыҡлы ғына итеп кейеп йөрөргә өйрәтергә, шул миҫалды күрһәтергә кәрәк йәштәргә", - ти Салауат районы Комсомол ауылынан башҡорт милли кейемдәре оҫтаһы Гөлдәр Шәбиева.

Уның ауылында" Һомай" атамалы йорт-музейы бар.

Бында теләгән һәр кем килеп, башҡорт йортоноң биҙәлеше, ҡаралтылар, милли кейемдәр менән таныша, кейеп фотоға төшә ала.

Видео: Азат Ғәлиуллин.

БАШҠОРТ ИЛЕ

Ҡайҙа - аҙан, һыуҙа - һаҙан,
Усаҡтарҙа ҡайнай ҡаҙан -
Шунда - башҡорт.
Йөҙө - нурлы, иле - муллы,
Табынында бисмиллалы
Һыйлы аш-ҡот.
Иманым тип, ил-ғәмем тип
Ҡанын ҡойған, йәнен ҡыйған -
Аҙаны шул,
Йәйрәп ятҡан тау-далаһын
Иңләп аҡҡан йылғаларҙың
Һаҙаны мул.
Ни мосафир изге уйҙан
Тупһабыҙҙан аша уҙһа -
Ҡаҙан әҙер,
Бабаларҙан шул рәүештә
Йәшәргә тип, эшләргә тип
Ҡалған нәҙер.
Донъяларҙа беҙ юғалған
Ҡәүем түгел, әүен түгел -
Кәмһенмәйбеҙ,
Сит малына, байлығына,
Әллә кемдең ер-һыуына
Ымһынмайбыҙ.
Шөкөр, тибеҙ: тулы - ҡаҙан,
Һыуҙа - һаҙан, моңло - аҙан,
Ныҡлы биле;
Иман сәсһен, дуҫ күбәйтһен,
Торған ерен ожмах итһен
Башҡорт иле.

Гүзәл СИТДИҠОВА.

БӨГӨН БАШҠОРТ ТЕЛЕНӘН ОНЛАЙН-ОЛИМПИАДА БАШЛАНДЫ!

❓Ҡатнашып өлгөрөүселәр бармы?

Һөҙөмтәләрегеҙ менән бүлешергә онотмағыҙ!😉

📌Теркәлеүгә бәйле ҡыйынлыҡтар килеп тыуған осраҡта:

✅браузерҙың кэшын таҙартығыҙ;

✅олимпиаданың сайты асылған битте яңыртып асығыҙ, тип кәңәш итә ойоштороусылар.

Олимпиаданың сайты: basholimpiada.ru.

☎Әгәр ҙә тағы ҡыйынлыҡтар килеп тыуһа, ошо телефон һандарын йыя алаһығыҙ: 8 (347) 246-58-24

Уңыштар!

“Йүрүҙән” гәзите төркөмөндә яңы онлайн фотоконкурс иғлан ителгән.

Ул Ололар көнөнә арналған. Конкурс шарттары менән гәзиттең "Бәйләнештә"ге төркөмөндә ентекләберәк танышырға мөмкин.

Ә беҙ ҡатнашыусыларҙың береһе, Нәфиә Ҡәйепованың ғаилә фотоһына күҙебеҙ төшөп, һеҙҙең менән дә уртаҡлашмаҡсы булдыҡ. 🥰

Шундай һөймәлекле балалар һәм өлгө күрһәтерҙәй өләсәй-олатай бар икән был ғаиләлә, күҙ теймәһен!

❓БАРАҺЫҒЫҘМЫ?

Башҡортостандың Ҡурайсылар дәүләт ансамбле беренсе концертына саҡыра.

Иртәгә, сәғәт киске 7-лә "Башҡортостан Дәүләт концерт залында.

ХӘЙЕРЛЕ ИРТӘ!

Байрам ялдары башланырға бер генә эш көнөн үткәреп ебәрәһе ҡалды.

Уңышлы булһын!💕