18 дақиқа усули.

Кунига 18 дақиқа ўз соҳангиз бўйича ишласангиз, бир йилда шу соҳадаги билимларингиз 95 фоизга ошар экан.

Ростан шунақа экан, тасаввур қилинг, сиз ошпазсиз, кунига 18 дақиқа сарфлаб ҳар куни қандайдир янги рецептларни ўргандингиз, уларни синаб кўрдингиз, яъни бир кун масалан, ютубда бир рецептни томоша қилдингиз, 18 дақиқа кетди, кейинги куни шуни тайёрлаб кўрдингиз, шунақа қилиб ўзингизнинг шу соҳадаги билимларингизни ошириб бордингиз, қарабсизки бир йилда шу соҳадаги билимингиз ўтган йили шу вақтдаги билимингизга қараганда 95 фоиз кўпроқ бўлар экан.

Худди шу нарса ҳар қандай соҳага тегишли экан, атиги 18 дақиқа ва сиз бир йил олдингига қараганда 95 фоиз билимлироқсиз. Дейлик кунига 18 дақиқа инглиз тилини ўрганиш бир йилда инглиз тилидаги билимларингизни 95 фоизга оширар экан.

Умуман спорт, мобилография, дастурчилик, айти ва бошқа барча соҳаларда 18 дақиқа усули аниқ натижа берар экан. Бир синаб кўринг, натижани бир йилдан кейин айтасиз.

@bektoshkhatamov

Қарашлардаги фарқ.

Мен кўплаб инсонларни кузатаман, атрофимда ўзига тўқ бой танишларим ҳам бор, топиш-тутиши ҳаминқадар бўлганлари ҳам мавжуд. Ўзи аслида ҳаётимнинг кўп қисмини кузатиш билан ўтказаман, бой ва камбағал инсонлар ўртасидаги фарқларни кузатиш бошқача.

Баъзи бирларни кўрсангиз, бой кўриниш асосийси ҳисобланади ва бунинг учун кўп пул сарфлашади, қиммат кийимлар, соатлар ва бошқаларда буни кўрсатишга ҳаракат қилишади, бошқаларида эса бой кўринишдан кўра бой бўлиш кўпроқ муҳим ҳисобланади, улар кимгадир ниманидир исботлашга ошиқмайди, шунчаки оддий кийимлар, ортиқча зеблар йўқ.

Менда иккала тур одамларни кузатишга имкониятим бор, чунки иккала турда ҳам дўстларим, танишларим бор. Лекин мен уларни ташқи кўринишларидан кўра кўпроқ қарашларини кузатаман.

Кузатувларим натижасида шуни англаб етдимки, биргина қоидага амал қилишнинг ўзи билан ҳам қарашлардаги фарқни кўрсатиб қўяр экан:

Бойлар аввал пулларини инвестиция қилади,
қолганинигина сарафлайди.

Камбағаллар эса аввал пулларини сарфлайди,
қолганинигина инвестиция қилади.

Агар аввал инвестиция қилсангиз, сўнгра сарфлашни ўйласангиз, молиявий аҳволингиз жуда тез ўзгаришни бошлайди, бойлардаги энг асосий хусусият ҳам шунда, улар пулни восита сифатида кўради ва уни инвестиция қиладиган жой қидиради, мия шу тарзда ишлайди, хатолардан тезгина сабоқ чиқариб давом этади.

Камбағалларда эса қараш озгина бошқачароқ, улар пулнинг ўзини мақсад сифатида кўришади, натижада топилган пул инвестицияга эмас, балки қаерга сарфлаш ҳақида ўйланади. Асосий сабаб қарашларда.

@bektoshkhatamov