☝️ МУС паведамляе пра затрыманне мужчыны, якога падазраюць у падрыве службовага аўтамабіля каля Цэнтральнага РУУС Менску

Выбух адбыўся ў ноч з 7 на 8 студзеня.

Пра затрыманне дзяржаўным СМІ расказаў намеснік міністра ўнутраных справаў Генадзь Казакевіч.

Крыніца: minsknews.by

💥 Галоўныя навіны за 5 хвілін:

🔸 Рэкордны рост цэнаў. Распавядзём, што падаражэла найбольш.

🔸 За содні на ковід у свеце заразілася рэкордная колькасць людзей – 3,5 млн. І ў Беларусі пачалі расці лічбы інфікаваных.

🔸 Лукашэнка ўзгадаў пратэсты і запатрабаваў кампенсаваць страты ад акцыяў.

🔸 Трэба больш міністэрстваў. У Беларусі створаць яшчэ адно.

🔸 Выплата беспрацоўным – 27 рублёў. Але даюць яе не ўсім.

🔸 У Берасці 12-гадовая дзяўчынка кіравала «Тэслаю». Тата даў згоду.

🔸300 літраў самагонкі хацеў вырабіць гарадзенец «на ўласныя патрэбы».

https://www.youtube.com/watch?v=i2Xqqh1Uf2w&ab_channel=%D0%91%D0%95%D0%9B%D0%A1%D0%90%D0%A2NOW

МУС выклала відэа падрыву міліцэйскага аўтамабіля ў Менску

Крыніца: МУС

У Свіслацкім раёне 21 зубр праваліўся пад лёд. Жывёлы загінулі

Гэта адбылося на так званым «Навадворскім возеры» (сажалцы на рацэ Мядзянка) побач з вёскаю Вялікія Масушыны.

У гэтым месцы па лёдзе рухаўся статак колькасцю каля 100 зуброў. Больш за 20 з іх праваліліся ў ваду і патанулі. Усіх загінулых жывёлаў ужо дасталі з-пад лёду.

Крыніца: minpriroda.gov.by

🤦‍♂️ Беларусь б'е рэкорды. У гэты раз размова пра інфляцыйную статыстыку

Справа ў тым, што Белстат упершыню ўжыў у статыстыцы інфляцыі не адзін знак пасля коскі, а два – іначай было б не 9,9 %, а 10,0 %.

👇А мы параўналі абяцанні ды прагнозы ўладаў з тым, што атрымалася па выніку:

https://belswit.eu/news/13-01-2022-groshaj-stala-bolsh-padskochyla-grashovaya-masa-rekordy-u-inflyatsyi-i-abmene-valyuty/

☝️Следчы камітэт сцвярджае, што затрыманы за падрыў міліцэйскага аўтамабіля падарваў таксама «Табакерку» і сметнік на Старавіленскім тракце Менску

Гэта здарылася сёння ўначы. Менавіта пасля гэтых дзеянняў ён і быў затрыманы.

Заведзеная крымінальная справа па артыкуле 289 Крымінальнага кодэкса («Акт тэрарызма, здзейснены паўторна»).

Ведамства сцвярджае, што мужчына з Менску, яму 45 гадоў.

Крыніца: Следчы камітэт

Шоўмэн Дзяніс Дудзінскі запісаў «пакаяльнае відэа» сам з сабою. Ён раскайваецца ў тым, што хадзіў па мосце на Нямізе 😏

Прычым хадзіў «целенаправленно» і не получив разрешения у вышестоящих инстанций».

Крыніца: Instagram (dudinski_denis)

Сёння раніцай у Менску затрымалі дырэктарку арганізацыі «Геном» Дар'ю Царык

«Геном» дапамагае людзям з рэдкімі генетычнымі і нейра-цяглічнымі захворваннямі.

На кватэры ў жанчыны прайшоў ператрус (паведамляюць, што яго праводзіў ГУБАЗіК), потым Дар'ю павезлі на допыт. Пазней у Першамайскім РУУС на яе быў складзены пратакол па адміністрацыйнай справе (дакладны артыкул невядомы). Сёння ж адбыўся суд, на якім Дар'і Царык прысудзілі 8 содняў арышту.

Крыніца: @viasna96

❗️Паступаюць звесткі пра тое, што 7 студзеня з ІЧУ Салігорска ў больніцу быў дастаўлены мужчына ў коме з цяжкай чэрапна-мазгавой траўмаю

Паводле крыніцы, выратаваць яго не змаглі. Мужчыну, меркавана, звалі Дзяніс і ён 1981-га года нараджэння.

ІНФАРМАЦЫЯ НЕПРАВЕРАНАЯ

Калі вам нешта вядома пра гэта, пішыце ў наш @belsatbot. Гэта ананімна і бяспечна.

Крыніца: чытачы @belsat

💥«Студыя «Белсат» – галоўныя падзеі дня!

Пра што гаворым сёння?

🔸Вызваленне палітвязня Ігара Пражэннікава.
🔸Відэа МУС пра падрыў міліцэйскай машыны ў Менску.
🔸Ад Анджэлікі Борыс няма карэспандэнцыі ад кастрычніка 2021 года – Саюз палякаў б’е трывогу.
🔸Прадстаўнік НАУ Арцём Праскаловіч пра тое, чаму Лукашэнка вырашыў стварыць 25 міністэрства.
🔸Новы амбасадар Беларусі ў Расеі – Барыс Грызлоў.
🔸Паразмаўляем з Яраславам Раманчуком пра інфляцыю ў амаль 10%.
🔸Святлана Ціханоўская прыняла ўдзел ва ўшанаванні загінулых пад тэлевежай у Вільні ў 1991.
🔸Аляксандр Азараў пракаментуе расследаванне пра ГРУшнікаў, якія сачылі за беларусамі ў Варшаве.

Усе самыя галоўныя навіны ў «Студыі «Белсат»!
https://www.youtube.com/watch?v=-lXv4a6xJSA

«Важна ведаць, што застаюцца тыя, хто працягвае пачаты шлях. Шлях да ўсеагульнага вызвалення і гарманічнага свету. Змагайцеся і пабораце!»

Актывіста анархісцкага руху Дзмітрыя Дубоўскага асудзілі на 18 гадоў пазбаўлення волі!

За спробу перайсці мяжу з Беларуссю, улады абвінавацілі яго ў «акце тэрарызму, абароце зброі ды незаконным перамяшчэнні забароненых рэчываў».

Дашліце ліст палітвязню: СІЗА №1, вул. Валадарскага 2, 220030, г. Менск

Падтрымайце Дзмітрыя: https://belsat.eu/prisoners/dzmitryj-dubouski/

🔹Асноўны сайт belsat.eu чытайце праз VPN

🔹 Як паведамляюць праваабаронцы, сёння прайшлі вобшукі ў чацвярых сябровак арганізацыі «Радзіслава»

Сваёй мэтай яна ставіць аказанне дапамогі жанчынам, якія пацярпелі ад гвалту.

Дар'я Царык, пра затрыманне якой паведамлялася раней, таксама была сяброўкай арганізацыі.

Былую кіраўніцу «Радзіславы» Вольгу Гарбунову самаабвешчаныя ўлады называюць арганізатаркай жаночых акцыяў пратэсту ў 2020 годзе.

Крыніца: @viasna96

Вярхоўны суд Беларусі пастанавіў аштрафаваць Google на 1 438 941 BYN

Прычына ў тым, што Міністэрства антыпаманапольнага рэгулявання і гандлю выявіла парушэнне: кампанія Google LLC прапаноўвае вырабнікам смартфонаў з аперацыйнай сістэмаю Android усталяванне крамы Google Play толькі з умоваю ўсталявання іншых сэрвісаў і дадаткаў карпарацыі.

«Указанные практики компании Google LLC ограничивают возможности доступа на мобильные устройства иных разработчиков приложений, в первую очередь приложений поиска. Впоследствии данные практики могут привести к сокращению числа разработчиков мобильных приложений, к ограничению стимулов конкурентов к разработке приложений для смартфонов», – адзначылі ў МАРГ.

Крыніца: МАРГ

Святлана Ціханоўская разам з прэм'ер-міністрам Літвы Інгрыдай Шыманіце прыняла ўдзел у святкаванні «Дня абаронцаў Свабоды».

Менавіта 13 студзеня 1991 года літоўцы сабраліся каля стратэгічных будынкаў сталіцы, каб не дапусціць іх захопу. 14 асобаў загінулі ад куль і пад гусеніцамі савецкіх танкаў, некалькі сотняў атрымалі раненні.

Мы паспрабавалі спытаць, у чым важнасць трагічных падзей 13 студзеня для Беларусі.

Крыніца: @belsat