🇺🇸🇺🇦🇦🇪🇷🇺 Россия ва Украина 314 нафар ҳарбий асирни алмашишга келишиб олди — Стив Уиткофф

АҚШ президентининг махсус вакили Стив Уиткоффнинг маълум қилишича, Абу-Дабидаги уч томонлама музокараларда 314 нафар ҳарбий асирни алмашиш бўйича келишувга эришилган.

"Бу натижага кенг қамровли ва самарали ўтаётган тинчлик музокаралари орқали эришилди.Олдинда ҳали салмоқли ишлар турганига қарамай, бундай қадамлар доимий дипломатик мулоқот аниқ натижалар беришини ва Украинадаги урушни тўхтатиш бўйича саъй-ҳаракатларни олдинга силжитишини кўрсатади", - дейилади Уиткоффнинг Х ижтимоий тармоғидаҳи постида.

🔥 @burchakostida

🇦🇿 Озарбoйжон суди тан олинмаган Тоғли Қорабоғнинг собиқ президенти ва унинг сафдошларини умрбод қамоқ жазосига ҳукм қилди — “Медуза”

Боку ҳарбий суди 2023 йил кузида қўлга олинган Тоғли Қорабоғнинг ҳарбий-сиёсий раҳбариятига нисбатан ҳукм эълон қилди.

2020 йил майидан 2023 йил 1 сентябригача тан олинмаган Тоғли Қорабоғ Республикасига раҳбарлик қилган Араик Арутюнян умрбод озодликдан маҳрум этилди. Худди шундай жазо тан олинмаган республиканинг мудофаа армияси собиқ қўмондони Левон Мнацаканян, унинг ўринбосари Давид Манукян ҳамда Тоғли Қорабоғнинг собиқ ташқи ишлар вазири Давид Бабаянга ҳам тайинланди.

Республиканинг яна икки нафар собиқ президенти Аркадий Гукасян ва Бако Саакян 20 йил муддатга озодликдан маҳрум этилди.

Маълум қилинишича, мазкур иш бўйича жами 15 киши жавобгарликка тортилмоқда. Озарбойжон расмийлари уларни “тинчлик ва инсониятга қарши” қатор жиноятларда айбламоқда. Жумладан, агрессив урушга тайёргарлик кўриш ва олиб бориш, геноцид, уруш қонунлари ва одатларини бузиш, шунингдек терроризм, терроризмни молиялаштириш, ҳокимиятни зўравонлик билан эгаллаш ва уни зўравонлик билан сақлаб қолиш ҳамда бошқа жиноятлар қайд этилган.

🔥 @burchakostida

🇬🇧 Буюк Британиянинг собиқ шаҳзодаси Эндрю Эпштейн иши туфацли Виндзордаги қасрни зудлик билан тарк этди — BBC

Буюк Британия қироли Чарлз III’нинг укаси, Жеффри Эпштейн билан алоқалари туфайли барча унвонларидан маҳрум этилган Эндрю Маунтбеттен-Виндзор Виндзордаги қасрни тарк этиб, Шимолий денгиз соҳилига кўчиб кетди, у энди Норфолк графлигидаги оддий уйда яшайди.

Буюк Британия жамоатчилиги Эндрю АҚШда педофилликда айбланиб қамалган Эпштейн билан муносабатлари юзасидан кўрсатма беришини қатъият билан талаб қилмоқда. Эндрю эса ҳеч қандай ноқонуний ишга алоқаси йўқлигини айтиб келади.

Эндрюнинг Эпштейн билан алоқалари бўйича тергов давом этмоқда. Британия полицияси америкалик адвокат Брэд Эдвардснинг Эпштейн камида бир марта, 2010 йилда шаҳзода Эндрю билан жинсий алоқа қилиш учун бир аёлни Буюк Британияга юборгани ҳақидаги баёнотини ўрганмоқда.

Октябр ойида қирол укасини шаҳзодалик ва бошқа барча унвонлардан маҳрум этганди, ундан олдинроқ Эндрюнинг ўзи ўз ихтиёри билан Йорк ҳерцоги унвонидан воз кечганди.

🔥 @burchakostida