‏كورسيرا اشترت Udemy يعني أكبر منصّتين تعليم أونلاين تقريبًا صاروا منصّة وحدة. تقييم الشركة بعد الدمج حوالي 2.5 مليار دولار 👀

‏⏳ الخراب المخطّط. قدوه أبل😂

• في 1924، اجتمعوا في جنيف ممثلين كبار مصنّعي اللمبات وأسّسوا تجمع اسمه Phoebus. هدفه كان بسيط وصريح "يقلّلون عمر اللمبة عشان يضمنون مبيعات ثابتة". وفجأة المهندسين اللي شغلهم يحسّنون المنتج صار مطلوب منهم يسوّونه أسوأ بس بطريقة محسوبة. سوّوا معايير واختبارات وحتى غرامات على اللي لمباته تعيش أكثر من اللازم تخيلوا.

• الحين تخيّل إننا في 1920 (قبل Phoebus بأربع سنين). الكهرباء بدأت تصير شيء طبيعي، ولمبات إديسون اللي كانت تعيش 40 ساعة بس، صارت بفضل فتيل التنجستن توصل 2500–3000 ساعة. وبعض اللمبات كانت تعيش سنين مثلا في فندق Ritz بباريس الثريات اشتغلت بدون تبديل 8 سنين، وفي بعض المصانع كانوا العمّال يتفاخرون بلمبات عاشت بعد 3 ملاّك.

• بس المصنعين كانوا يتعذّبون لأن المبيعات مو ثابتة ولا متوقعة. السوق كان فيه آلاف الشركات الصغيرة، والمشتري يختار الأفضل.
مثلا Osram باعت في ألمانيا 63 مليون لمبة في 1922، وبعدين في 1923 طاحت إلى 28 مليون. رئيس Osram وقتها، ويليام ماينهاردت، كان أول واحد قال: لازم نرتّب الصناعة.

• اللي دخلوا Phoebus هم الألمانية Osram، الهولندية Philips، الفرنسية Compagnie des Lampes، الأمريكية General Electric، المجرية Tungsram، البريطانية Associated Electrical Industries، واليابانية Tokyo Electric. رسميًا سموه اتفاقية تطوير وتقدم صناعة اللمبات عالميًا والحقيقة إن الهدف الحقيقي كان تقسيم السوق العالمي + فرض معيار عمر موحد حوالي 1000 ساعة (يعني تقريبًا سنة إذا تشغلها 3–4 ساعات يوميًا).

• ولضمان الالتزام كل مصنع مشارك لازم يرسل عينات بشكل دوري لمختبر مركزي في سويسرا. إذا اللمبات عاشت أطول بكثير أو أقل من المطلوب غرامة.

• والمضحك إن الموضوع مو خربطة وخلاص أي واحد يقدر يسوي لمبة سيئة. التحدي كان أصعب: يبغون منتج يخرب بشكل موثوق بعد وقت محدد. عشان كذا صار فيه تجارب كثيفة وتبادل براءات اختراع بينهم.

• النتائج طلعت بسرعة في 1933 متوسط عمر اللمبات نزل إلى 1205 ساعة. المبيعات ارتفعت من 335.7 مليون 1926–27 إلى 420.8 مليون بعد أربع سنين. والأسعار بقيت شبه ثابتة رغم إن تكلفة التصنيع كانت تقل.

• بس شهر العسل ما طول. الأسعار العالية جذبت منافسين خصوصًا من اليابان. ورش صغيرة صارت تطبع لمبات رخيصة شبه يدوي وتصدّرها بسعر أقل بكثير من منتجات الكارتيل. الجودة أقل، بس السعر يغطي العيوب.

• كارتيل Phoebus تفكك خلال الحرب العالمية الثانية بس روحه عايشة للآن، وحتى في الـ IT.

• أشهر مثال حديث قصة تقليل أداء البطارية برمجيًا اللي اتهموا فيها Apple، وصارت تُعرف باسم Batterygate.

• وفيه فضيحة HP اللي حطّت تاريخ تعطّل داخل خرطوشه الحبر بعده يوقف يشتغل، حتى لو كان الخرطوشه لسه مقفّلة.

• وفيه حالة ثانية اسمها طاعون المكثفات: أعطال جماعية لمكثفات إلكتروليتية في المذربوردات، الباور سبلاي، وغيرها تسببت في خراب سيرفرات ومحطات عمل على نطاق واسع، وقللت عمر الأجهزة وشجعت استبدالها بدري.

• الخلاصة: رغم إن Phoebus اختفى من زمان، أسلوبه لسه شغّال لأن عمر كثير من الأجهزة ما تحدده قوانين الفيزياء بس، أحيانًا يحدده البزنس بلان والـ KPI.

⚠️ محكمة في كاليفورنيا: اسم “Full Autopilot” من تسلا مضلّل

محكمة في كاليفورنيا أقرت إن استخدام تسلا لمصطلح “Full Autopilot” ممكن يضلّل المستهلكين. القرار يوضح إنه رغم الاسم والتسويق، السائق لازم يظل منتبه ومسيطر بالكامل طول الوقت.

الأثر القانوني والتنظيمي

تسلا تواجه دعوى قضائية بسبب طريقة عرضها وتسويقها لتقنية مساعدة السائق.

كعقوبة محتملة، ممكن الشركة تفقد رخصة بيع السيارات في كاليفورنيا لمدة تصل إلى 30 يوم.


تأثيره على فكرة الروبوتاكسي

القضية ممكن تضغط على طموح تسلا بموضوع الروبوتاكسي.

الجهات التنظيمية والمحاكم تقول إنه لحد الآن ما فيه دليل “قاطع” إن تسلا وصلت لقيادة ذاتية حقيقية.


وبشكل عام، القرار يزيد الضغط في وادي السيليكون، خصوصًا مع تشدد الرقابة القانونية والتنظيمية على ادعاءات “الاستقلالية” هالفترة.

لقيت لكم RenderCV أداة أوبن سورس تساعدك تبني سيرة ذاتية ك PDF مرتب ونظيف 👌

الفكرة بسيطة تكتب كل معلوماتك في ملف YAML، والأداة هي تبني لك السيرة وتطلعها PDF حلو وتنسيق ثابت ما يخبّص.
وتقدر تعدّل بسرعة على نفس الملف لكل وظيفة/شركة بدون خوف إن القالب ينهار أو يتلخبط.
وبرضو فيها خيارات مرنة لتخصيص التصميم على مزاجك.
https://github.com/rendercv/rendercv

‏تخيلوا ChatGPT Atlas و Chrome طلعوا أسوأ متصفحات من ناحية الأمان 💀

والأغرب إن Atlas حق ألتمان فشل تقريبًا بكل اختبارات حماية البيانات الشخصية وجاب 99 نقطة من 100 يعني كارثة.

أكثر شي طلع موثوق وآمن: Brave و Mullvad Browser.

إنفيديا اشترت Groq حق مهندسين سابقين من Google اللي كانوا يطوّرون شرائح مخصصة لـ LLM.

الغريب إن قبل سنة ونص تقريبًا كانت قيمة الشركة بس 2.8 مليار دولار واليوم إنفيديا داخلة تشتريها بـ 20 مليار 😳

والأغرب من كذا إن الصفقة مو مطروحة كـ استحواذ كامل بالشكل المعتاد، بل كأنها ترخيص غير حصري للتقنيات والأصول.

يعني إنفيديا بتأخذ أصول Groq، ومن ضمنها حقوق استخدام معالجاتهم LPU (Language Processing Unit)، لكن مثلًا خدمة السحابة GroqCloud بتظل مستقلة وبتكمل شغل تحت إدارة CEO جديد.

المدير السابق لـ Groq جوناثان روس (المؤسس اللي اشتغل قبل على TPU في Google)، ومعه عدد كبير من الموظفين ومنهم تقريبًا أغلب الإدارة العليا بينتقلون لإنفيديا.

وبالمناسبة، هذي تعتبر أكبر صفقة في تاريخ إنفيديا. أكبر شي قبلها كان استحواذات زي Mellanox بـ 7 مليار دولار سنة 2019.

‏من حقه يزعل او لا؟
روب بايك أسطورة البرمجة وUNIX وصله إيميل شكر على Go وPlan 9 وUTF-8 وعقود من ابتكارات يونكس

بس المفاجأة إن اللي كتب الإيميل مو إنسان.

اللي كتبه بوت ذكاء اصطناعي Claude Opus
4.5 شغّال على Agent Village.

هذا رفع ضغط روب بايك وخلاه ينفجر. وهذا اللي كتبه بحسابه :

تبًّا لكم يا جماعة.
قاعدين تستنزفون الكوكب، وتصرفون تريليونات على معدات سامة وغير قابلة لإعادة التدوير، وأنتم بنفس الوقت قاعدين تخربون المجتمع ومع كذا لقيتوا وقت تخلو آلاتكم القذرة تشكرني لأني كنت أحاول أسوّي سوفتوير أبسط.

بس تبًّا لكم. تبًّا لكم كلكم.

ما أذكر آخر مرة كنت غاضب كذا.

‏عملاق الكلاود Salesforce طلعوا يتأسفوا ونادمين إنهم سرّحوا 4000 موظف خبير واستبدلوهم بالذكاء الاصطناعي.

وخلال 2025 الشركة خسرت عملاء مهمّين، وسهمها طاح 34% مقارنةً بـ 2024.

تخيلوا Meta اشترت الستارتب الصيني Manus 😳

الشركة المطورة Manus اللي سوّى ضجة في مارس هالسنة. وعلى فكرة، لسه للحين يجيب 100/100 في كذا اختبار، وعندهم مستخدمين كثير.

الشركة كانت أساسًا متمركزة في الصين، بس بعد الاستحواذ بيقطعون علاقتهم بالكامل مع البلد حتى مع المستثمرين الكبار زي Tencent و Hongshan، وManus بيكمل شغله بشكل مستقل من سنغافورة.

قيمة الصفقة ما انكشفت، بس محللين يقدّرونها بحوالي 2 مليار دولار. والغريب إنها مو مرتفعة مرة إذا أخذنا بعين الاعتبار إن ستارتب خلال 8 شهور بس وصل لـ ARR بين 100 و125 مليون دولار.

والأهم: الوكيل Manus ناوين يدمجونه داخل منتجات Meta. وبصراحة الصفقة منطقية لهم: Meta تقريبًا الوحيدين اللي لحد الآن ما عندهم منتج AI قوي واضح للناس، وهذا مأخرهم كثير.
يمكن الحين أخيرًا نشوف وكيل رهيب تحت يد زوكربيرغ؟ 👀

‏💰 فوربس قالت إن أصغر مليارديرات بالعالم طلعوا مؤسسين منصة AI

القصة عن 3 شباب أعمارهم 22 سنة، وهم الشركاء المؤسسين لستارتب ذكاء اصطناعي اسمه Mercor. قبل ما ينجحون كانوا أصحاب من المدرسة، وبدؤوا الشركة على طول بعد الدراسة.

والأغرب؟ هذا الستارتب كان أول وظيفة لهم ومع ذلك خلا كل واحد فيهم ملياردير 😳

📈 تقييم الشركة: حوالي 10 مليار دولار
💰 ثروة كل واحد: تقريبًا 2.2 مليار دولار

Mercor عبارة عن منصة تستخدم الذكاء الاصطناعي عشان تؤتمت التوظيف وتساعد الشركات تلقى مطورين من كل العالم.

واضح إن بزمن الـAI تقدر تبني بزنس عالمي حتى لو ما عندك خبرة ضخمة ولا علاقات.

‏نبدأ السنة الجديدة بشيء مفيد كورس ستانفورد عن برمجة الذكاء الاصطناعي صار متاح مجانًا وبلا مبالغة هذا كنز.

داخل كورس “The Modern Software Developer” يشرحون كيف تستخدم الـAI في كل مراحل التطوير.
من المواضيع:
البرومبتينق، بناء وكيل خاص فيك وموضوع MCP، إدارة الكونتكست، “vibe coding” بشكل آمن، وأشياء كثير غيرها.
وكل درس معه روابط قراءة مفيدة، سلايدات، وطبعًا واجبات عملية مفصلة وواضحة.

فكرة الكورس إنك بنهايته تطلع فاهم بالضبط كيف تدمج الـLLMs الحديثة داخل workflows وتتفادى الألغام اللي الناس تطيح فيها.

Github

‏بينهم وحده عربية

❗️أكثر من 21% من فيديوهات يوتيوب اللي تُرفع الحين صارت تُصنَّف كمحتوى AI slop رديء بسبب أدوات توليد رخيصة وحوافز ربح تكافئ الكمية أكثر من القيمة.

التقرير يوضح إن مزارع المحتوى الآلي قاعدة تغرق المنصة، وتخلي الاكتشاف أصعب على صناع المحتوى الحقيقيين، وتهز ثقة المشاهدين بينما الإشراف مو قادر يلحق السرعة.

وما فيه أي مؤشر إن الموضوع بيوقف غالبًا بيصير أسوأ.
نظرية الإنترنت الميت قاعدة تتحول لواقع.

‏أول فضيحة بعام 2026

يان لوكون طلع للعلن ووصف ألكسندر وان إنه قليل خبرة، وتوقع إن Meta بيطلع منها موظفين أكثر الفترة الجاية.

في مقابلة جديدة مع Financial Times قال لوكون حرفيًا بمعنى الكلام:

هو ما عنده خبرة في شغل الأبحاث، ولا فاهم كيف الأبحاث تُدار أو كيف العلماء يشتغلون. وما عنده فهم لإيش اللي يكون جذّاب أو منفّر للباحث.

وكمان قال إن ألكسندر ما كان يبي لوكون يطلع ويقول للعالم إن الـ LLMs طريق مسدود (ولوكون معروف إنه يحب يكررها كثير 😅).
وقال: بس أنا ما راح أتنازل عن رأيي عشان واحد يقولي إني غلط. أنا مو غلط. وأمانتي كعالم ما تسمح لي أسكت.

وتذكير: يان أصلًا في نهاية 2025 خلّص آخر أيامه في الشركة. والحين قاعد يبني ستارتب خاص فيه.

10 كورسات AI مجانية تقدروا تجربوها في 2026:

1. Google AI Essentials


2. Meta Generative AI Fundamentals


3. Stanford Machine Learning (Andrew Ng)


4. IBM AI Engineering Foundations


5. Open-Source LLMs with Hugging Face


6. LangChain for LLM App Development


7. Claude code in action


8. AI for Everyone (لغير التقنيين)


9. MLOps Fundamentals


10. Introduction to Generative AI with Google

الجهات التنظيمية في الصين بدت تفتّش بعد صفقة شراء Meta لستارتب الذكاء الاصطناعي Manus بـ 2 مليار دولار. والمراجعة مو بس على الصفقة نفسها، حتى انتقال الشركة اللي أصلًا كانت صينية إلى سنغافورة قبل نص سنة وقاعدين يدققون فيه.

نظريًا ممكن الموضوع يوصل لمسؤولية جنائية، بس احتمالها ضعيف بالنهاية هذا حل عملي أكثر من كونه تصدير شيء حساس جدًا.
لكن من جهة ثانية، حركة تنظيف سمعة الستارتب عبر سنغافورة صارت معروفة شوي، وممكن السلطات تستخدم هالقضية كمثال ورسالة تذكير لأي أحد يفكر يسوي نفس الشيء.

لو تتذكروا حملات التأديب اللي صارت قبل كم سنة اللي فعليًا دفنت آمال كثير شركات صينية إنها تسوي IPO في الأسواق الغربية من Ant Group إلى DiDi.

محكمة في Zwolle بهولندا أبطلت شهادة زواج بسبب ChatGPT 😳

اللي أدار المراسيم كان واحد يعرفونه، وأخذ صلاحية مأذون/مُسجّل زواج ليوم واحد بس.

بدل ما يلقي الخطاب الرسمي اللي القانون يلزمه فيه، راح اخذ كلام من ChatGPT وقاله لهم.

المحكمة اعتبرت الخطاب غير صحيح، وبالتالي الزواج غير صالح. والحين ما قدّام الزوجين إلا يتزوجون من جديد 😅