imod pro for android 14

ويدجيت الثيم
والثيم ان شاء الله هينزل بالليل

جهازي الراعي الرسمي لهذة المدعكة 😂

جرب وقول رأيك

اقرأ البوست كويس
القناة اوقات محتواها بيبقي مشتت شوية للناس اللي لسة دخلاها
بس دة لاني بحاول علي قد ما اقدر اعمل طلبات الناس كلها
دي اول نقطة حابب اوضحها

تاني حاجة من الصعب انك ترضي كل الناس لانه كل واحد زوقه مختلف وحكاية انك تعمل ثيم وتبقي موفق فية دة توفيق من ربنا ثم اجتهاد

تالت حاجة
انا مبعملش ثيمات فيها غلطات واسمحولي علشان النقطة دي هتطول شوية
اي حد متابع القناة عارف اني الحمد لله فاهم كويس اوي انا بعمل اي فمفيش حاجة بتيجي عشوائي زي الناس التانية واللي اكيد الناس مجربة ثيمات كتير من قنوات تانية
بس الفكرة فين بقي ؟!
دلوقتي انا اندرويد 14 يعني لو حضرتك اندرويد 14 الثيم هيبقي مظبوط معاك علي الشعرة ودة مش معناه انه هيبقي بايظ في نسخ الاندرويد التانية
بس كل الحكاية ان في اكواد كتير مبقتش شغالة في اندرويد 14
انا قبل ما ابدأ في اي ثيم بفضي ملفات الـ xml كلها وابدأ من جديد يعني مثلا عايز اكبر الايقونات اضيف الكود واكبرها عايز اعدل لون حاجة معينة بضيف الكود بتاعها واعدل واي حاجة مش بضيف كود ليها هتظهر عندك بشكلها الطبيعي ودة اللي بيخلي ثيماتي نادراً ما يظهر فيها مشكلة
المشاكل بتيجي منين بقي
انا مثلا رايح اضيف كود حاجة معينة اروح وانا بنقله انقل كود تاني معاها كدة بالغلط ممكن الكود ميغيرش اي حاجة عندي في موبايلي لانه زي ما قولت انا اندرويد 14 بس ممكن يظهر عندك فيه مشكلة علشان كدة ديما بقول للناس تجرب الثيم وتقول رأيها ولو ظهر اي مشكلة بحلها فوراً بفضل الله
من ضمن الاكواد اللي اتوقفت في اندرويد 14 شفافية الاشعارات وتعديل حجمها واكواد تاني كتير انتا كمستخدم مش هتفرق معاك بس حبيت اوضح
اسف لو كنت طولت