❗️Сумеснымі намаганнямі арганізоўваецца першачарговая дапамога для людзей, якія прыбылі ва Украіну. Паступова да людзей дастаўляюцца сродкі сувязі, што дазваляе ім выйсці на кантакт са сваімі блізкімі.

Людзі забяспечаны месцамі для сну, харчаваннем і неабходнымі сродкамі гігіены. Усё гэта пастаянна абнаўляецца і дакупляецца ў залежнасці ад актуальных патрэбаў. Паралельна вырашаюцца іншыя важныя пытанні і вядзецца збор інфармацыі для планавання далейшых крокаў і падтрымкі.

Аказанне дапамогі адбываецца дзякуючы аб’яднаным высілкам вялікай колькасці праваабарончых і гуманітарных арганізацый. У працэс уключаныя: Дабрачынны фонд «Краіна для Жыцця», BYSOL, Праваабарончы цэнтр «Вясна» (гарачая лінія), Вольныя, Ineedhelpby, Dissidentby, Дапамога, Полк Каліноўскага, а таксама іншыя структуры і валанцёрскія групы.

Уся работа вядзецца ў цеснай каардынацыі з місіяй ва Украіне і з прадстаўнікамі Аб’яднанага Пераходнага Кабінета па сацыяльнай палітыцы і нацыянальнай бяспецы, Офісам Святланы Ціханоўскай, а таксама праектам "Хочу Жить".

Гэта не поўны спіс арганізацый і ініцыятыў. Мы шчыра ўдзячныя ўсім, хто далучыўся да дапамогі. Шмат хто таксама працуе або знаходзіцца ў стане гатоўнасці ў Літве і Польшчы.

Калі вы яшчэ не змаглі звязацца са сваімі блізкімі, калі ласка, напішыце на @hotline202512 і пакіньце сваю кантактную інфармацыю - мы зробім усё магчымае, каб дапамагчы аднавіць сувязь

Дабрачынны фонд «Краіна для Жыцця» і праваабарончая ініцыятыва Dissidentby прадставілі дакумент «Прынцыпы аказання гуманітарнай дапамогі».

Ім могуць скарыстацца арганізацыі і ініцыятывы, што займаюцца падтрымкай людзей у крызісных сітуацыях.

❗️Цягам часу ўзнікла патрэба празрыстай, бяспечнай і ўзгодненай дапамогі, а таксама ўмацавання даверу між ініцыятывамі, атрымальніка і дапамогі і партнёрамі. Дакумент з'явіўся пасля таго, як правялі даследаванне з удзелам гуманітарных арганізацый і былых палітычных зняволеных.

Вы можаце больш падрабязна пачытаць аб Прынцыпах, а таксама пра тое, як да іх далучыцца 👉 humsector.work

Людзі, якія былі вымушана вывезеныя не павінны заставацца сам-насам з гэтай сітуацыяй. У Польшчы і Літве працуе шэраг ініцыятыў, якія аказваюць фінансавую, юрыдычную, гуманітарную і псіхалагічную падтрымку.

Ніжэй пералічаны правераныя арганізацыі, куды можна звяртацца па дапамогу або дзейнасць якіх можна падтрымаць:

Фонд «Краіна для жыцця» — юрыдычная падтрымка і дапамога з жыллём
👉 Падтрымаць шелтар: https://www.stranafund.org/kampanii/shelter-campaign

Фонд BYSOL — фінансавая дапамога для людзей у крызіснай сітуацыі
👉 Атрымаць падтрымку: https://docs.google.com/forms/d/1uz4cDW-noP5Zo1h0RY8zL0fCM118ji9JH7fH49pbA58

Праваабарончы цэнтр «Вясна» і Валанцёрская служба — дапамога вызваленым палітвязням, гарачая лінія, збор і перадача кантактаў, афлайн-дапамога.
👉Падтрымаць: https://donate.spring96.org/

«Дапамога» (Вільня) — гуманітарны склад, фізічнае размяшчэнне людзей
👉 Інфармацыя і як падтрымаць: https://news.1rj.ru/str/dapamoga_channel/6559

Partyzanka (Польшча) — кансультацыі, сацыяльна-прававая дапамога, легалізацыя
+48 600 384 500, https://news.1rj.ru/str/partyzanka1
👉 Падтрымаць працу: https://donate.stripe.com/3cs4gV3jt1Pi4nK8ww

Беларускі ПЭН — дапамога пісьменнікам і дзеячам культуры
👉Падтрымаць працу: https://penbelarus.org/padtrymacz-pen.html

Цэнтр Беларускай Салідарнасці — дапамога з размяшчэннем, юрыдычныя кансультацыі, псіхалагічная падтрымка
info@belaruscenter.eu
👉 Падтрымаць працу: https://buy.stripe.com/28E3cudeI81f8IBgVBa7C00

Беларуская Асацыяцыя Палітвязняў «Да Волі» — першасная легалізацыя, дапамога з жыллём, праязныя квіткі, адзенне, паслугі, першая падпрацоўка
👉 https://www.instagram.com/da_voli

Асацыяцыя палітвязняў Беларусі (АПБ) — супольнасць былых палітзняволеных па падтрымцы іншых палітвязняў
👉 https://apbel.com/by

«Вольныя» — дапамога ў аднаўленні і інтэграцыі
Стаць ментарам(-кай): https://www.volnyja.com/mentar-kam
👉Падтрымаць: https://www.volnyja.com/padtrymac-nas

Dissidentby — падтрымка палітзняволеных, дапамога ў рэсацыялізацыі, кансультацыі
👉 Падтрымаць Dissidentby: https://dissidentby.com/support

Ineedhelpby — прадуктовая дапамога рэпрэсаваным і сем'ям палітзняволеных
👉Падтрымаць: https://www.ineedhelpby.org/be/category/merchandise

Шэлтар ва Уроцлаве — дапамога ў кансультацыях, фізічным размяшчэнні людзей
👉 Падтрымаць Шэлтар: https://supolka.pl/2025/04/15/шэлтар-ва-уроцлаве

☔️ Акрамя гэтага, есць непублічныя важныя актары і арганізацыі, якія аказваюць дапамогу ў юрыдычным, матэрыяльным і медыцынскім накірунках. Dissidentby заўседы паведамляе пра гэта пры асабістым кантакце. Калі вы ў кантакце з іншымі арганізацыямі - калі ласка, не саромейцеся перапытаць 🙏

Калі вы хочаце дапамагчы былым палітзняволеным, запоўніце форму валанцёрскай дапамогі: https://forms.gle/eqD2Tk7UHKuWPSNX8

Як этычна сустракаць людзей, якія прыязджаюць?

Людзі, якіх мы сустракаем, знаходзяцца ў дарозе з самай раніцы і вельмі стомленыя. Важна памятаць, што яшчэ 12 снежня яны знаходзіліся ў месцах зняволення, многія больш за пяць гадоў. З 13 снежня яны ўсё яшчэ не мелі магчымасці абняць сваіх блізкіх і знаходзіцца ў поўнай бяспецы. Адчуванне бяспекі цяпер з’яўляецца асабліва важным. Паважайце асабістыя межы кожна_й.

Просьба ад саміх людзей, якія прыбываюць: яны вельмі стаміліся пасля дарогі і просяць спакою, цішыні і разумення з боку ўсіх, хто іх сустракае, асабліва прадстаўнікоў СМІ.

Рэкамендацыі для родных і неабыякавых

🔹Уваход у будынак забаронены.
Калі ласка, не спрабуйце прайсці без дазволу. Нам неабходна спачатку перадаць чалавеку рэчы першай неабходнасці і сабраць базавую інфармацыю для далейшай дапамогі.

Калі вы сваяк, калі ласка, пішыце на @hotline202512. Пасля таго як людзі атрымаюць усё неабходнае, вы зможаце забраць свайго блізкага.

Для прадстаўнікоў СМІ

🔹Былыя палітвязні выходзяць да прэсы толькі па ўласным жаданні і ў суправаджэнні валанцёраў.
🔹Людзей з белымі бейджамі фатаграфаваць забаронена.
🔹Уваход унутр будынка забаронены.

Важна для ўсіх!

🙏 Будзьце цярплівымі, уважлівымі і далікатнымі да людзей, якія прыязджаюць.
🛑 Не трэба прыносіць ежу і ваду.

На месцы будуць працаваць валанцёры ў салатавых камізэльках — пытанні можна вырашыць толькі праз іх.

Дзякуй за разуменне, павагу і падтрымку.

Якая вядзецца праца з людзьмі?

Літва
На дадзены момант усе людзі ўжо размешчаныя ў асобных апартаментах і адпачываюць. Кожны атрымаў наборы з рэчамі першай неабходнасці: сродкі гігіены, ніжнюю бялізну і шкарпэткі, базавую вопратку. Усе забяспечаныя ежай і вадой, а тым, каму гэта было неабходна, аказаная медыцынская дапамога.

Сёння таксама вядзецца падрыхтоўка ўсіх неабходных дакументаў для легалізацыі. У бліжэйшыя дні яны будуць пададзеныя ў Дэпартамент міграцыі для атрымання патрэбных віз або відаў на жыхарства.

У найбліжэйшыя дні арганізацыі, якія аказваюць дапамогу, забяспечаць людзей фінансавай падтрымкай, а валанцёры дапамогуць з набыццём чыстай і цёплай вопраткі.

Польшча

У Польшчы дапамога аказваецца па аналагічнай схеме. Усе людзі забяспечаныя жыллём, ежай, вадой і неабходнымі рэчамі. Працягваецца вырашэнне бытавых пытанняў і дакупляецца патрэбная вопратка, лекі і іншыя неабходныя рэчы.

Акрамя таго, вядзецца праца над лагістыкай (арганізацыя даезду да сям’і ў іншых гарадах і краінах), а таксама аказваецца юрыдычная і медыцынская падтрымка.

Шчыра дзякуем валанцёрам і ўсім уцягнутым арганізацыям, якія з 13 снежня безупынна працуюць над тым, каб забяспечыць неабходную падтрымку ўсім людзям, якія прыбылі.

Наперадзе яшчэ шмат працы ў сярэднетэрміновай і доўгатэрміновай перспектыве, таму, калі ласка, падтрымлівайце ініцыятывы і арганізацыі, якія працуюць з людзьмі і працягваюць аказваць ім дапамогу.

Праца па эвакуацыі, сустрэчы і падтрымцы вызваленых палітвязняў стала магчымай дзякуючы сумесным намаганням шэрагу беларускіх і міжнародных ініцыятываў: дабрачыннага фонду «Краіна для Жыцця», BYSOL, Праваабарончага цэнтра «Вясна», ініцыятываў Ineedhelpby, Dissidentby, асацыяцыі «Да Волі», НАУ, «Дапамога», «Вольныя», Цэнтра Беларускай салідарнасці, Палка Каліноўскага, праекта «Хочу Жить», фонду Паўла Латушкі і многіх іншых у каардынацыі з Місіяй дэмакратычных сілаў ва Украіне, прадстаўнікамі Кабінета па сацыяльнай палітыцы і нацыянальнай бяспецы, Офісам Святланы Ціханоўскай. Значная дапамога працягвае аказвацца Літвой і Польшчай.

Што адбываецца з беларусамі, якія ваююць на баку Расіі?

Украіна ў межах абмену ў 2024 годзе перадала Расіі грамадзяніна Беларусі Максіма Зезюльчыка, які ваяваў на баку РФ у складзе прыватнай вайсковай кампаніі «Рэдут». У палоне ён знаходзіўся з верасня 2022 года. Раней ва Украіне Зезюльчыка асудзілі як найміта да 10 гадоў пазбаўлення волі.

Максім Зезюльчык - ураджэнец Рудзенска. На пачатак поўнамаштабнай вайны РФ супраць Украіны ён служыў у Беларусі ў войску па кантракце. Пра ЧВК «Рэдут» даведаўся ад камандзіра сваёй часткі і ў ліпені 2022 года паехаў у Тамбоў, дзе завербаваўся. Пасля трохдзённай падрыхтоўкі яго накіравалі ва Украіну. 19 верасня 2022 года Зезюльчык атрымаў раненне ў нагу і трапіў у палон. Украінскі бок заяўляў, што ён можа быць агентам КДБ.

Пасля вяртання з палону і пры перасячэнні мяжы Беларусі ўвосень 2024 года Зезюльчыка затрымалі. У Беларусі ён быў асуджаны паводле арт. 356 (“здрада дзяржаве”) і 133 (“найміцтва”) КК РБ. Судовы працэс праходзіў у закрытым рэжыме, а сама крымінальная справа засакрэчаная. Вядома, што прысуд склаў не менш за 10 гадоў пазбаўлення волі. Яго накіравалі адбываць пакаранне ў ПК-17, Шклоў.

Расійскі рух «Ветэраны Расіі» звярнуўся да Аляксандра Лукашэнкі з просьбай аб памілаванні Зезюльчыка, называючы яго «добраахвотнікам СВА» і падкрэсліваючы, што ён нібыта выконваў абавязкі інструктара па медыцынскай падрыхтоўцы і быў узнагароджаны расійскім медалём «За адвагу». Амбасада РФ у Беларусі заявіла, што магчымасці “абароны” абмежаваныя яго грамадзянствам РБ, але яно будзе дамагацца зняцця абвінавачання па артыкуле «найміцтва».

Стала вядома, што ў межах крымінальнай справы затрымалі сям'ю Міронцавых. Зараз у СІЗА знаходзяцца маці і адна з дачок - Вераніка.

Вікторыя, Анастасія і Аляксандра Міронцавы ў жніўні 2020 года заступіліся за грамадзянаў, якіх збіваў АМАП. Аляксандра паспела з'ехаць, а Вікторую і Анастасію затрымалі ў кастрычніку 2020 года. У выніку Вікторыю асудзілі на 2,5 гады зняволення, а Анастасію - на 2 гады калоніі.

У 2022 годзе дзве сястры выйшлі на волю цалкам адбыўшы злачынныя тэрміны.

Але ў снежні 2025 года арыштавалі маці дзяўчын Лукер'ю Міронцаву і яе дачку Вераніку. Яны знаходзяцца ў СІЗА-1.

Па паведамленям праўладных каналаў памілаваны 22 чалавекі, з якіх 20 палітвязняў - 15 жанчын і 7 мужчын.

Калі ласка, паведамляйце праваабаронцам любую інфармацыю па кантактах у апісанні канала або праз сайт stayrebel.fun (працуе без VPN).