وزي ما تقول شيرين " يهزمني هو مره وأبكي له وأقول ليه ليييه ، وفي عز بكاي أبتسم له وأبص له وأضحك علييييه "

مفيش أصعب من إنك تكون حزين لكن خافي حُزنك ومكمل ، شايل جواك وتعبان ونفسك ترتاح وبرضوا مكمل ، مُطالب منك تفضل صالب طولك ، وتبان قوي زي الجِبال ، لإن مفيش حلول قدامك واللي زيك ماينفعش ينهار .. وحقيقي مفيش أصعب من إن الناس كلها تشوفك كويس وحياتك كويسة وانت لا كويس ولا حياتك كويسة وأكتر واحد الدنيا مبهدلاه ..

محدش فينا بيحب يخسر حد كان عزيز عليه في يوم من الأيام ، لكن الأفعال هي السبب ولكل واحد فينا طاقة وقوة تحمُل ، فينا اللي بيعاتب ، وفينا اللي بيتجاوز وبيعدي الموضوع من غير عتاب وبيخلي حُزنه وحرقة دمه بينه وبين نفسه ، لكن تكرار الغلط مرة بعد مرة بيخلي الشخص دا يتقفل منك ، ويستخسر فيك العتاب ويشتري راحته ويقولك ألف سلامة ..

- كنت اهوّن على نفسي دائماً بأنه لابأس ان لم احصل على ماتمنيت يوماً ، لابأس ان خسرت للمره الألف فلا مانع لتكون هذه خسارتي الألف وواحد ، لكن هذه المره كنت أريد ماتمنيته كثيراً ، اكثر من اي وقت فات .

حد قالي مرة ماتندفعش وتدي كُل الحلو اللي فيك لحد لإن مفيش حد بيُشكر وفي الآخر هتُبقا عملت زي ماعملتش ، بتمُر الأيام والسنين وأنا متجاهل كلامه وبضَحي وبتنازل وبتمسِك وباجي على نفسي مرة واتنين وألف وفي النهاية أكتشفت إن من بين كل العلاقات والتجارب اللي دخلتها طلعت فعلاً عملت زي ماعملتش .

إيّاك تعدي حاجات انت مش حابب تعديها علشان بس حد بتحبه وهو مش واخد باله من دا ، علشان لو مش واخد باله إنك بتعدي علشانه يبقى هييجي وقت و تزهق و تبطل تعدي و وقتها هيشوفك إتغيرت و هيتقال عليك بقيت وحش !

لكن محدش قالنا إن مرحلة العشرينات هتبقا صعبة كدا ، وإننا هنكون مضغوطين وتايهين مابين المسؤليات ، وإننا أصغر من الحمل دا ، ومابين نعيش حياتنا أو نبنيها ، محدش قالنا إن العشرينات دي أكتر مرحلة هيتسرق فيها عمرنا وهتضيع فيها أحلام كتير لينا ، وهيصعب علينا نفسنا ، وهنتبهدل بالمعنى الحرفي للكلمة .

لما جيت أقول لأ وكفاية لحد كان مستغلني وتاعبني فترة طويلة ، أول رد قالهولي أنا اتصدمت فيك أنا كُنت مفكرك طيب ، هي الطيبة من وجهة نظرك إني أسيبك تستغلني وتتعبني ؟ أنا لو جيت على نفسي مرة فعلشان ماتزعلش مني ، أو علشان المركب تمشي وبمشي حالي معاك ، لكن لو الطيبة إني أسيبك تستغلني طول العُمر وتتعبني فأنا مش طيب ولا عايز أبقا طيب .

‏- لم يكن كُره ، كان ندم ، لقد وهبتك حقيقتي كاملة وكسرتني من موضع ثقة .

- أنا حزين لدرجة اني لما ببص لنفسي في المرايه بحس إن شكلي إتغير ، حاسس إني كبرت بدري أو بقالي ياما بجري .

بعد خُسارتك لشيء ما بفتره ، هتكتشف إنك فعلاً كان لازم تخسره و إن دا الصح بس إنت اللي حُبك للشيء دا هو اللي كان عاميك عن الحقيقه

- مكنتش عايز اقول الكلام ده بس انا كان نفسي في انتصار واحد اتباهى بيه وسط كل الهزايم دي .

وناس حِلفت ما هتفارق ، وصاموا الصُبح كفارة!

فى ناس تحضن هواك جدا.
تسيبك لحظة الغارة
وناس صبحوا كما روحنا
وراحوا لغيرنا بإشارة
وناس حلفت ما هتفارق
وصاموا الصبح كفارة .

مش مُنصفة خالص الدنيا، يعني مثلاً أكتر شخص كنت واثقة أنه مش هيمشي أهو غايب بقاله سنة، معرفش هو فين ولا بيعمل أيه ولا أي حاجة، كنا لما نتكلم عن جملة الناس فترات يقولي "أنتِ ياوفاء الفترة اللي مش هتنتهي" .

والحقيقة المُرة أني طلعت فعلاً فترة وأنتهيت، ودي أبشع حقيقة أكتشفتها في الدنيا وهي أنه عادي نكون سوا وفجأة كل حد مننا يمشي في طريق .

الدنيا قلابة والنصيب غلاب، فـ يارب ماتكتبش على قلوبنا أنها تتعلق وتتساب ، يارب اللي جاي يكون نصيبنا لأننا واللهِ الدنيا هلكتنا تماماً .

وفاء الشقيري .

- كان صعب عليا أرجعه غريب تاني بعد كُل القُرب دا .

- كسره النفس صعبه وبيبقي صعب جداً مهما حصل مينفعش يبقي غريب .

" آنا رجعت تاني للصفر رجعت لسكوتي واختياري ابقي لوحدي رجعت لقلة الكلام وعدم الرغبة ف التواصل مع الكل ، علشان محدش دمرني نفسياً غير اللي فضلتهم على نفسي واتمنيت ليهم الرضا وهما للاسف مش مقدرين وجودي في "حياتهم" ف ياريت اللي أختاروا يمشوا من حياتي ياخدوا حتي الذكريات معاهم .. وكُل المواقف اللي زعلت على نفسي فيها بسببكُم ، عُمري ماهنساها .."

الشخص الغلط لما بيعدّي في حياتك مش بس بيديك درس عُمرك ومُجرّد صدمة هتعلم فيك وتعيش معاك شوية، لأ الموضوع للأسف أعمق من كدا بمراحل، مرور الشخص الغلط في حياتك كفيل إنه يحرق أفضل نُسخ ليك ويستهلك مُعظم طاقتك اللي هي يادوب مكفياك، فبعد التجربة دي إنتَ بتطلع منها شخص مطفي؛ زيرو طاقة وزيرو مشاعر، وزيرو كُل حاجة، وكإن حد خدك من العمار فجأة ورماك في الصحرا من غير لا أكل ولا شُرب ولا حتى خريطة تمشي عليها، فالتجارب كفيلة إنها تهد حياة البني آدم وتحوله لشخصية غريبة
عُمره ما تصوّر إنّه مُمكن يوصلها في يوم..

تخيل إن يكون زعلك الوحيد بسبب إنك استنيت يتردلك الحُب اللي حبيته ليهم ، واستنيت يتردلك التضحيات اللي ضحيتها علشانهم ، واستنيت يتردلك وقفتك معاهم والجمايل اللي عملتها ليهم ، تخيل إن يكون زعلك الوحيد بسبب إنك كُنت طيب وجدع مع ناس ما تستاهلش وفي الاخر ندموك على طيبتك .

- أكتفيت بمشاهدة الاشياء وهي تذهب وهي تأتي وهي تبقى ، حتى إني لا أفعل شيئاً سوى المشاهدة ، أعي ما معنى أن ينظر المرء بخيبه لكل شيء .