📣 Hurmatli EMU universiteti talabalari!

Istanbul Youth Summit 2026 (Turkiya) tadbirida ishtirok etish imkoniyatini boy bermang!

Ushbu Xalqaro yoshlar sammiti turli mamlakatlardan kelgan talabalar va yosh yetakchilarni g'oyalar almashish, ijtimoiy loyihalarni taqdim etish hamda yetakchilik ko'nikmalarini rivojlantirish maqsadida birlashtiradi.

📅 Sanalar: 2026-yil 9–12-fevral
📍 Manzil: Istanbul, Turkiya

Tashkilotchi: Youth Break the Boundaries (YBB Foundation)

Ishtirok etish formatlari:

🔹 Fully Funded — to'liq moliyalashtirilgan ishtirok (tanlov asosida)
🔹 Self-Funded — ishtirokchining o'z hisobidan

Afzalliklar:
🌍 Xalqaro aloqa va netvorking
💡Tajriba almashish va loyihalarda ishtirok
📜 Ishtirokchi sertifikatlari

Ro'yxatdan o'tish va batafsil ma'lumot:
👉 istanbulyouthsummit.com

🇷🇺На русском языке
🇬🇧Read in English

👍👍🤞👍👍👍👍👍

🌐 Instagram | 🌐 Tik tok
🌐 YouTube | 🌐 Telegram

🌏 Tibbiyot va Farmatsiya talabalari uchun Xitoyda o’quv safari!

🗣 Hurmatli EMU University talabalari!

Xitoy o‘quv safarida ishtirok etish uchun talabalar qabuli boshlandi!

📍 O‘tkaziladigan joy: Shijiazhuang, Xitoy
📅 Sanalar: 2025-yil 7–14-dekabr
👥 Ishtirokchilar soni: 10 nafar
👩‍🎓👨‍🎓 Barcha kurslar va fakultet talabalari ishtirok etishlari mumkin.

Dastur quyidagilarni o‘z ichiga oladi:

🎓 Ta’lim:
• Dori vositalari ishlab chiqarish jarayoni
• An’anaviy xitoy tibbiyotining asosiy tamoyillari
• Oziq-ovqat xavfsizligi indeksini aniqlash usullari
• xitoy tibbiyotida ishlatiladigan dorilarni tayyorlash

🏯 Madaniy dastur:
• Qadimiy Zhengding shahriga tashrif
• Xebey viloyati muzeyini ziyorat qilish
• boshqa diqqatga sazovor tashriflar

💰 Ishtirok etish narxi: 360 AQSH dollari

Narxga quyidagilar kiradi:
• yashash joyi
• aeroportdan/ga transfer
• kirish chiptalari
• dastur bo‘yicha ovqatlanish
• dastur doirasidagi ichki transfer

Qo‘shimcha xarajatlar:
• aviachiptalar
• shaxsiy xarajatlar

📝 Ro‘yxatdan o‘tish havolasi: https://forms.gle/1wqv8ZPaNYPskZnn7

⏰ Ariza topshirish muddati: 2025-yil 15-noyabr

📱 Kurs menejeri: Ms. Joanna
📞 +86 158 1117 6651 (WhatsApp)


🇷🇺На русском языке
🇬🇧Read in English

👍👍🤞👍👍👍👍👍

🌐 Instagram | 🌐 Tik tok
🌐 YouTube | 🌐 Telegram

🎓 Talabalikka bag‘ishlov – yangi sahifa, yangi orzular!

👌3-noyabr kuni EMU UNIVERSITY’da an’anaviy “Talabalikka bag‘ishlov” 2025-tadbiri bo‘lib o‘tdi!

Bu tadbir – talabalik hayotining ilk sahifasi, yangi orzular va maqsadlar sari boshlangan yo‘l ramzi bo‘ldi. ✨

Tadbirda ustozlar, mehmonlar va birinchi bosqich talabalari ishtirok etishdi.

Sahnadagi chiqishlar, iliq so‘zlar va bayramona muhit har bir talaba uchun unutilmas taassurot qoldirdi. 🎉

🎤Show dasturi esa tadbirga yanada shukuh bag‘ishladi — mashhur o‘zbek san’atkorlarining chiqishlari barchaga ijobiy kayfiyat ulashdi deb umid qilamiz🔥

Bir so‘z bilan aytganda, “Talabalikka bag‘ishlov” – bu yangi sahifa, yangi orzular va katta ilhom manbai bo‘ldi! 💫

👇Siz ham tadbir haqida o‘z fikringizni yozib qoldiring!

🇷🇺На русском языке
🇬🇧Read in English

🎓 EMU University 2025-yil 7–8-noyabr kunlari Nano Medical Clinic bilan hamkorlikda
“Ultratovush tashxislash va rentgen nazorati yordamida orqa va oyoq-qo‘llardagi og‘riq sindromlarining interventsion davolash usuli: mahorat darsi” mavzusida o‘quv-amaliy seminar olib bordilar.

👩‍⚕️ Seminarni PhD, dotsent Abdullayeva Xilola Nodirovna olib bordilar.

🩺 Seminarda 20 ga yaqin shifokorlar qatnashdilar. Seminar davomida shifokorlar o‘tkir va surunkali og‘riq sindromlarida ultratovush tashxislashning ahamiyati va surunkali og‘riq sindromida ultratovush tashxislashni qo‘llash to‘g‘risida bilimlar va ko‘nikmalarga ega bo‘lishdi, hamda o‘tilgan mavzular bo‘yicha savol-javob qilishdi, bilimlar va ko‘nikmalarni mustahkamlashdi.

🇷🇺На русском языке
🇬🇧Read in English

👍👍🤞👍👍👍👍👍

🌐 Instagram | 🌐 Tik tok
🌐 YouTube | 🌐 Telegram

📣 Hurmatli EMU Universiteti talabalari, magistrlari va ordinatorlari!

Fransiyada bir oylik tibbiy amaliyot (stajirovka) uchun saralash bosqichi boshlandi

📍 O'tkazilish joyi: Parij, Fransiya

🏥 Amaliyot bazasi: Mari-Lannlong kasalxonasi (Hôpital Marie-Lannelongue)

📅O'tkazilish sanalari: 2026-yil 1– 28-fevral

Amaliyot dasturi:
– Jarrohlik bo'limida amaliyot
– Bemorlarni kuzatish va kundalik ko'riklarda (obxodlarda) ishtirok etish
– Fransiya sog'liqni saqlash tizimi bilan tanishish

Nomzodlarga qo'yiladigan talablar:
• "Davolash ishi" yo'nalishi 4-5-kurs talabalari
• Jarrohlik yo'nalishi magistrlari yoki ordinatorlari
• Fransuz yoki ingliz tillarini erkin bilish (sertifikat talab etilmaydi)
• Yuqori akademik ko'rsatkichlar va qarzdorliklarning yo'qligi
• Universitet hayotida faol ishtirok etish
• Xorijga chiqish pasporti (zagranpasport) mavjudligi
• Motivatsion xat

💰 Universitet tomonidan qoplanadi:
- o'qish
- yashash joyi

🧧 Ishtirokchi tomonidan to'lanadi:
- viza to'lovlari
- aviachipta
- tibbiy sug'urta
- ovqatlanish
- shaxsiy xarajatlar

📝 Ro'yxatdan o'tish havola orqali: https://forms.gle/kQTHiSNyeTszpJ3o6

⏰ Hujjat topshirishning oxirgi muddati (deadline): 2025-yil 15-noyabr

📩 Qo'shimcha savollar bo'yicha murojaat qilish uchun: @emu_interdep

🇷🇺На русском языке
🇬🇧Read in English

👍👍🤞👍👍👍👍👍

🌐 Instagram | 🌐 Tik tok
🌐 YouTube | 🌐 Telegram

📣 EMU Universitetida xalqaro uchrashuv!

2025-yil 7-noyabr kuni EMU Universitetiga Rehabilitation International tashkilotining vitse-prezidenti janob Mark Subiran tashrif buyurdi.

Uchrashuv davomida reabilitatsiya, jumladan, bolalar reabilitatsiyasini rivojlantirish masalalari, shuningdek, imkoniyati cheklangan bemorlarni ta’lim, jismoniy, ijtimoiy va madaniy sohalarda faol turmush tarziga moslashtirish masalalari muhokama qilindi.

Tomonlar reabilitatsiya sohasidagi ilg‘or tajribalarni birgalikda ishlab chiqish va targ‘ib etishga kelishib oldilar va bu sohada xalqaro hamkorlikning muhimligini ta’kidladilar.

🇷🇺На русском языке
🇬🇧Read in English

👍👍🤞👍👍👍👍👍

🌐 Instagram | 🌐 Tik tok
🌐 YouTube | 🌐 Telegram

🩺 Tibbiyot xodimlari kuni bilan!

Bugun O‘zbekiston bo‘ylab o‘z hayotini inson salomatligiga bag‘ishlagan barcha shifokorlar, hamshiralar va tibbiyot xodimlari o‘z bayramlarini nishonlamoqda.

Sizlarning fidoyiligingiz, sabringiz va g‘amxo‘rligingiz tufayli minglab insonlar hayotga qaytmoqda.
Rahmat sizga — sog‘lom hayot posbonlari!

🇷🇺На русском языке
🇬🇧Read in English

👍👍🤞👍👍👍👍👍

🌐 Instagram | 🌐 Tik tok
🌐 YouTube | 🌐 Telegram

👌 EMU University va Rongtong Group: Tibbiyotdagi yangi bosqich sari xalqaro hamkorlik

🇨🇳 EMU University Xitoyning yirik Rongtong Group xoldingi bilan strategik hamkorlik shartnomasini imzoladi. Ushbu kelishuv universitetning xalqaro miqyosdagi tibbiyot innovatsiyalari markazi sifatidagi mavqeini yanada mustahkamlaydi.

Kompaniya raisi boshchiligidagi delegatsiya tashrifi ikki tomonlama hamkorlikda yuqori innovatsion salohiyatga ega loyihalarni yaratish uchun yangi imkoniyatlar ochdi.

⚡Hamkorlikning asosiy yo‘nalishi sifatida EMU University klinikasi negizida oftalmologiya bo‘limini tashkil etish rejalashtirilgan. Bu loyiha zamonaviy, yuqori texnologiyali tibbiyot yo‘nalishiga qaratilgan bo‘lib, unda Xitoy tajribasidan olingan noyob-texnologiyani joriy etish va xususiy hamda davlat investitsiyalarini jalb etish imkonini beruvchi kengaytiriladigan model ishlab chiqiladi.

Bundan tashqari, EMU University tibbiyot xodimlari uchun Xitoyning yetakchi klinikalarida o‘qish va malaka oshirish dasturlari yo‘lga qo‘yiladi. Bu nafaqat kadrlar salohiyatini oshiradi, balki xalqaro bilim almashinuvi va ilmiy-tadqiqot faoliyatini kengaytirish uchun mustahkam zamin yaratadi.

🇷🇺На русском языке
🇬🇧Read in English

👍👍🤞👍👍👍👍👍

🌐 Instagram | 🌐 Tik tok
🌐 YouTube | 🌐 Telegram

🎓 EMU Universityda xalqaro konferensiya bo‘lib o‘tdi!

📅 2025-yil 11-noyabr kuni EMU Universityda “XXI asrda tibbiyot turizmi: barqaror modellar va so‘nggi amaliyotlar” mavzusida III Xalqaro ilmiy-amaliy konferensiya tashkil etildi.

Tadbirda tibbiyot, ilm-fan va turizm sohalarining yetakchi mutaxassislari, xorijiy ekspertlar hamda davlat va xususiy sektor vakillari ishtirok etdi.

👨‍⚕️ Konferensiyada Dr. Javed Khan ilmiy ma’ruza bilan qatnashdi.

🇺🇿 Anjuman O‘zbekistonning tibbiy turizm sohasidagi salohiyatini xalqaro maydonda keng targ‘ib etish, investitsion imkoniyatlarni namoyish etish va yangi hamkorlik yo‘nalishlarini rivojlantirishga qaratilgan.

Tadbir davomida sog‘liqni saqlash infratuzilmasini takomillashtirish, xorijiy bemorlar oqimini oshirish, raqamli yechimlarni joriy etish hamda davlat–xususiy sheriklikni rivojlantirish bo‘yicha takliflar ilgari surildi.

Ushbu tashabbuslar O‘zbekistonni mintaqada tibbiy turizm markazi sifatida mustahkamlashga xizmat qiladi.

🇷🇺На русском языке
🇬🇧Read in English

👍👍🤞👍👍👍👍👍

🌐 Instagram | 🌐 Tik tok
🌐 YouTube | 🌐 Telegram

👌 EMU University va Ikuo Hirayama Xalqaro Karvonsaroyi: mavsumning madaniy hamkorligi

🇯🇵 Global o‘zgarishlar davrida qadimiy yo‘nalishlar yana jonlanmoqda. 2025-yil 11‑noyabr kuni EMU University bilan Yaponiyaning Ikuo Hirayama Xalqaro Madaniyat Karvonsaroyi o‘rtasida hamkorlik kelishuvi imzolandi. Bu tadbir — Sharq va zamonaviy ta’lim o‘rtasidagi yangi muloqot hamda qit’alarni birlashtira oladigan madaniyat kuchining namoyoni.

🟰 Karvonsaroyning markazida — asrlar davomidagi sayohatlar va uchrashuvlar xotirasini saqlovchi muhitda — an’anaviy yapon choy marosimi o‘tkazildi. Ushbu marosim, yapon estetikasidagi vabi‑sabi tamoyillariga chuqur bog‘langan holda, nafaqat ramziy tadbir, balki jonli etnografik tajriba bo‘ldi. Universitet delegatsiyasi Sharq muhitiga sho’ng’ib, har bir imo‑ishora va choy marosimi tafsilotlarida uyg‘unlik va o‘zaro hurmat falsafasini his qildi.

➕EMU Universiteti delegatsiyasiga Karvonsaroyning eksponatlarini o‘rganish uchun noyob imkoniyat yaratildi. Rasmlar va badiiy asarlar ko‘rgazmasi tarixiy aloqalarning chuqurligini ko‘rsatib, Yaponiya va O‘zbekistonning boy madaniy merosini aks ettirdi.

🟠Uchrashuv madaniy, ta’lim va ilmiy sohalarda qo‘shma loyihalarning boshlanishini belgiladi. Ushbu loyihalarning maqsadi — madaniyatlararo muloqotni dunyoga yetkazish, san’at va ta’limni rivojlantirish, chegaralarni yo‘qotish va yangi intellektual elita avlodini shakllantirishdir.

🇷🇺На русском языке
🇬🇧Read in English

👍👍🤞👍👍👍👍👍

🌐 Instagram | 🌐 Tik tok
🌐 YouTube | 🌐 Telegram