«Хæлардзинады хид». Паддзахадон драмон театры аншлагимӕ ацыд «Симд» æмæ «Вайнах»-ы иумæйаг концерт.
Дыууӕ ансамблы иумӕйаг концерт ирон аивадуарзджытӕн ‘ссис ӕцӕг музыкӕйы бӕрӕгбон. Хуссар Ирыстоны зард æмæ кафты паддзахадон ансамбль «Симд» æмæ Цæцæны паддзахадон академион кафты ансамбль «Вайнах»-ы артисттӕ та радон хатт сценӕмӕкӕсджытӕн балӕвар кодтой цины ӕнкъарӕнтӕ. Концерты банысан ӕрцыд дыууӕ бӕстӕты культурӕты ‘хсӕн фидардӕр кӕй кӕнынц бастдзинӕдтӕ.