ሚድሮክ ግሩፕ ታሪክ እየሰራ ነው። አሁን ደግሞ ከትልቁ Carrefour ከተባለው Multinational Company ጋር የ franchise ስምምነት ተፈራርሟል። ይሄ ለሐገራችን በጣም ትልቅ እድል ነው። ምናልባት Carrefour ን ለማታውቁ የፈረንሳይ ካምፓኒ ሲሆን በአለም ከአርባ ሐገራት በላይ የሚገኝ ከ 15 ሺ በላይ ግዙፍ Standard ሱፐርማርኬቶች ያሉት international supermarket retailer ነው። ይሄንን ግዙፍ ካምፓኒ ወደሐገራችን ማምጣት ቀላል የሚባል ነገር አይደለምና ለሚድሮኮች እንኳን ደስ አላችሁ ልላቸው እፈልጋለሁ። ለሐገራችንም እንዲህ አይነት በአለም አቀፍ ስታንዳርድ ደረጃ ያሉ ካምፓኒዎች መምጣታቸው ትልቅ እድል ነውና ለኛም እንኳን ደስ አለን።

ስምምነቱን የሚድሮክ ኢንቨስትመንት ግሩፕ ዋና ስራ አስፈፃሚ አቶ ጀማል አህመድ እና የካርፉር ግሩፕ ዋና ስራ አስፈፃሚ ፓትሪክ ላስፈርጉስ በአዲስ አበባ ተፈራርመዋል።

በስነ-ስርዓቱ ላይ የተገኙት የገንዘብ ሚንስትሩ አቶ አሕመድ ሽዴ የተደረገው ስምምነት ሚድሮክ ሀገርን ለማሳደግ በቁርጠኝነት በመስራቱ የተገኘ ዉጤት ነው ብለዋል። ይህም የኢትዮጵያ ንግድን ለማዘመን ትልቅ እርምጃ ነው ያሉት።

የሚድሮክ ኢንቨስትመንት ግሩፕ ዋና ስራ አስፈጻሚ አቶ ጀማል አህመድ ስምምነቱ ለኩዊንስ ሱፐርማርኬት የዕድገት ጉዞና ኢትዮጵያ ከዘርፉ የምታገኘዉን ዉጤት ለማሳድግ ትልቅ ምዕራፍ የሚከፍት መሆኑን ገልጸዋል።

17 ተጨማሪ ቅርንጫፎችን በጂማ፣ በአዳማ፣ በቢሾፍቱ፣ በድሬደዋ፣ በደሴ፣ በባህርዳርና በጎንደር ከተሞች እንደሚከፈቱም ገልፀዋል።
በተለይም ሚድሮክ የቡና፣ የሻይ ቅጠል፣ የቅመማቅምና የአበባ ምርቶችን ለካርፉር በማቅረብ የዉጪ ምንዛሬን ለማስገኘት እንደሚሰራ ዋና ስራ አስፈጻሚው ተናግረዋል።
የካርፉር ግሩፕ ዋና ስራ አስፈፃሚ ፓትሪክ ላስፈርጉስ ስምምነቱ የሀገር ውስጥ ሸማቾችን በተሻለ ሁኔታ ለማገልገል እንዲሁም የኢትዮጵያ ምርቶችን ለዓለም ገበያ እንዲቀርቡ ምቹ ሁኔታዎችን ለመፍጠር ያስችላል ብለዋል ።
በሁለቱ ተቋማት የተደረገው ስምምነት በዘርፉ የመጀመሪያውን ዓለም አቀፍ ፍራንቻይዝ (franchise) ለኢትዮጵያ ገበያ ያስተዋወቀ ነው።
የሚድሮክ ኢንቨስትመንት ግሩፕ አካል የሆነው ኩዊንስ ሱፐርማርኬት በአዲስ አበባ 13 ቅርንጫፎች ያሉት ሲሆን ምርቶችን በተመጣጠኝ ዋጋ በማቅረብ ገበያን በማረጋጋት የበኩሉን ድርሻ በመወጣት ላይ የሚገኝ ነዉ።

የፈረንሳዩ ካርፉር ሱፐር ማርኬቶችን ጨምሮ በዓለም ዙሪያ ከ15 ሺህ በላይ መደብሮች ያሉትና በዘርፉ በዓለም ላይ የሚታወቅ ድርጅት ነዉ፡፡

ሚድሮክ ኢንቨስትመንት ግሩፕ -የሀገር ሀብት
ናቲ