ለታለመለት የነዳጅ ድጎማ 28 ነጥብ አምስት ቢሊዮን ብር ወጪ ተደርጓል
***
(ኢ.ፕ.ድ)

አነስተኛ ገቢ ያላቸውን የህብረተሰብ ክፍሎች ለመደጎም የነዳጅ ድጎማ ተግባራዊ ከተደረገበት ጊዜ ጀምሮ ለታለመለት የነዳጅ ድጎማ 28 ነጥብ አምስት ቢሊዮን ብር ወጪ መደረጉን የንግድና ቀጣናዊ ትስስር ሚኒስቴር አስታወቀ፡፡

የሚኒስቴር መስራ ቤቱን የ2016በጀት ዓመት የስድስት ወራት አጠቃላይ እቅድ አፈጻጻሙን ያቀረቡት የስትራቴጂክ ጉዳዮች ስራ አስፈፃሚ አቶ ኡርጌሳ ባይሳ የድጎማ ስርዓቱ ተግባራዊ መደረግ መንግስት የነበረበትን 180 ሚሊዮን ብር በማቃለል ወደ117.5 ሚሊዮን ብር ማውረድ መቻሉን ተናግረዋል፡፡

የድጎማ ስርዓቱ ተግባራዊ ከተደረገ ጀምሮ 199 ሺ333 ተሸከርካሪዎች የስርዓቱ ተጠቃሚ ሲሆኑ ባለፉት ስድስት ወራት ሁለት ሚሊዮን 19 ሺህ 455 ሜትሪክ ቶን ነዳጅ ወደ ሀገር ውስጥ መግባቱን ከሚኒስቴሩ ያገኘነው.መረጃ ያሳያል።

የካቲት 5 ቀን 2016 ዓ.ም

በተያዘው በጀት ዓመት የ103 ቢልዮን ብር ግዢ መፈፀሙን ተገለፀ
****
(ኢ.ፕ.ድ)

በተያዘው በጀት ዓመት የ103 ቢሊዮን ብር ግዢ እንደተፈፀመ የፌደራል ግዢ እና የንብረት ቁጥጥር አስተዳደር አስታወቀ።

የተቋሙ ዋና ዳይሬክተር ሐጂ ኢብሳ እንዳሉት፤63 በመቶ የሀገሪቱ በጀት ለግዢ ይውላል።

ይህ ከፍተኛ ወጪ የሚወጣበት የግዢ ሂደት ዘመናዊ የቁጥጥር አሰራር ተዘርግቶለት እየተተገበረ ይገኛል።

በመሆኑም በዚህ የግጭ ሥርዓት ያልተካተቱ ክልሎች ጥቂት እንደሆኑ በመጥቀስ፤አሰራሩ ለመዘርጋት እንደ ፌደራሉ ሊፈጥን ባይችልም እየተሰራ ነው ብለዋል።

ሥርዓቱን ለመዘርጋት እንቅፋት ከሆኑት ዋነኛ ምክንያቶች ኢንፍራስትራክቸር እንደሆነ በመጥቀስ፤ይህም በሂደት የሚፈታ ነው ሲሉ ተናግረዋል።

በሔርሞን ፍቃዱ
የካቲት 5 ቀን 2016 ዓ.ም