የጠቅላይ ሚኒስትር ዐቢይ አሕመድ(ዶ/ር) መልዕክት‼️ 

ጠቅላይ ሚኒስትር ላውረንስ ዎንግ በኢስታና ላደረጉልኝ አቀባበል አመሰግናለሁ። በቅርቡ ለጀመሩት የጠቅላይ ሚኒስትርነት ኃላፊነትም እንኳን ደስ አለዎ ለማለት እፈልጋለሁ።

ሁለቱ ሀገሮቻችን እርስ በርስ የሚማማሩት ብዙ ጉዳይ አለ። የሕዝብ ለሕዝብ ግንኙነታችንን ከፍ ለማድረግ፣ በአቅም ግንባታ፣ በሲቪል ሰርቪስ፣ በቴክኖሎጂ፣ በላቀ የማኑፋክቸሪንግና ቱሪዝም ልማት ትብብራችንን ለማጠናከር ተስማምተናል። የወዳጅነት ትብብራችንን ይበልጥ ለማስፋት የምንሰራም ይሆናል።

ግንቦት 28 ቀን 2016 ዓም

የዓባይ ግድብ ባለፉት አስር ወራት በሁለት ተርባይኖች ከ2ሺ 700 ጊጋ ዋት ሰዓት በላይ ኃይል አመንጭቷል
*****
(ኢ ፕ ድ)

በሁለት ተርባይኖች ኃይል እያመነጨ የሚገኘው የዓባይ ግድብ በ2016 በጀት ዓመት አስር ወራት ከዕቅዱ የ26 በመቶ ብልጫ ያለው የኤሌክትሪክ ኃይል ማመንጨቱን የኃይል ማመንጫዎች ኦፕሬሽን ዘርፍ አሰታወቀ።

በዘርፉ የዕቅድ ቢሮ ሥራ አስኪያጅ ወ/ሮ ጥሩወርቅ ሺፈራው እንደገለጹት ግድቡ በበጀት ዓመቱ አስር ወራት 2 ሺ 152 ነጥብ 8 ጊጋ ዋት ሰዓት ኃይል ለማመንጨት አቅዶ 2 ሺ 711 ጊጋ ዋት ሰዓት አመንጭቷል።

ባለፋት አስር ወራት ከመነጨው የ16 ሺ 900 ጊጋ ዋት ሰዓት ኃይል የዓባይ ግድብ የ16 በመቶ ድርሻ አለው።

ኃይል በማመንጨት ላይ የሚገኙት የግድቡ ሁለቱ ተርባይኖች እያንዳንዳቸው 375 ሜጋ ዋት የማመንጨት አቅም ያላቸው ሲሆን በግድቡ ላይ የሚተከሉት ቀሪ 11 ዩኒቶች ኃይል ማምረት ሲጀምሩ በሀገሪቱ ያለውን የማመንጨት አቅም በ83 በመቶ እንደሚያሳድገው የኢትዮጵያ ኤሌክትሪክ ኃይ መረጃ ያመለክታል።

ግንቦት 28 ቀን 2016 ዓም

#ውብአዲስ‼️
የአራት ኪሎ አዲስ ገጽታ በፕሬስ ዓይን‼️