የተፈጥሮ ሳይንስ የ12ኛ ክፍል ሀገር አቀፍ ፈተና መሰጠት ጀመረ
**
(ኢ ፕ ድ)
በተለያዩ ዩኒቨርሲቲዎች የሁለተኛ ዙር የተፈጥሮ ሳይንስ የ12ኛ ክፍል ሀገር አቀፍ መልቀቂያ ፈተና በዛሬው ዕለት መሰጠት ጀምሯል።

ተማሪዎች ፈተናውን እየወሰዱ የሚገኙት በኦንላይንና በወረቀት መሆኑም ተጠቅሷል።

የተፈጥሮ ሳይንስ ፈተና ከሐምሌ 9 ጀምሮ እስከ ሐምሌ 11 ቀን 2016 ዓ.ም ድረስ እንደሚሰጥ መገለጹ ይታወቃል።

ሐምሌ 9 ቀን 2016 ዓም

#ገበታ_ለሀገር_ፕሮጀክቶች ‼️

የጠቅላይ ሚንስትር ዐቢይ አሕመድ “ገበታ ለሀገር” ውጥን እንደ ሀላላ ኬላ፣ ጨበራ ጩርጩራ፣ ወንጪ እና ጎርጎራ ያሉ የቱሪዝም መዳረሻዎችን በማልማት እና በአከባቢያቸው የሚገኙ ልዩ የተፈጥሮ ሀብቶችን አጉልተው በማሳየት ረገድ ከፍተኛ እመርታን አስመዝግቧል። እነዚህ ጥረቶች ለዘላቂነት እና ለአካባቢ ጥበቃ ቅድሚያ በመሰጠት ቱሪዝምን ለማሳደግ፣ ስራ ለመፍጠር እና በዙሪያው የሚገኙ የማህበረሰብ ክፍሎችን የኑሮ ደረጃ ለማሳደግ ያለሙ ናቸው።

ቱሪዝም በአለም አቀፍ ደረጃ ከፍተኛ የውጭ ምንዛሪ ገቢ በማስገኘት እና በሚሊዮን የሚቆጠሩ ስራዎችን በመደገፍ በአለም ኢኮኖሚ ውስጥ ወሳኝ ሚና ይጫወታል። ለጠቅላላ አገራዊ ምርት (GDP) በሚያደርገው ቀጥተኛ አስተዋፅኦም በጎ የሆነው ኢኮኖሚያዊ ተጽዕኖው በጉልህ ይታያል።

በአገራችን ኢትዮጵያም ቱሪዝም መንግስት ላስጀመረው የአገር በቀል የኢኮኖሚ ማሻሻያ ፕሮግራም የማዕዘን ድንጋይ ሲሆን ከአምስቱ ቁልፍ ምሰሶዎች አንዱ ነው። እንደ “ገበታ ለሀገር” ያሉ ሥራዎች የቱሪዝም ዘርፉን ለማዳበር፣ ብዙ ጎብኝዎችን ለመሳብ፣ የኢኮኖሚ ዕድገትን ለማነቃቃት፣ የስራ እድሎችን ለመፍጠር፤ መዳረሻዎችን ለማልማት እና ለማሻሻል ታልመው በስራ ላይ በመዋል ላይ ይገኛሉ።

የጎርጎራ ኢኮ ሪዞርት ምረቃ ጠቅላይ ሚኒስትር ዐቢይ አህመድ አራት አለም አቀፍ ደረጃቸውን የጠበቁ መዳረሻዎችን በ “ገበታ ለሀገር” ውጥን ስር ለማልማት ያሳዩት ቁርጠኝነት ተጨማሪ ማሳያ ሲሆን በ2012 ቃል በገቡት መሰረት ገንብተው ማስረከባቸውንም ያመላክታል።

በአሁኑ ወቅት ደግሞ ርዕያቸው ተስፋፍቶ በግንባታ ላይ ያሉ ሰባት ተጨማሪ መዳረሻዎችን ለማልማት ያቀደ “ገበታ ለትውልድ” የተሰኘ አዲስ ፕሮጀክትም አስጀምረዋል።

ሐምሌ 10 ቀን 2016 ዓም

ከንቲባ አዳነች አቤቤ ለአዲስ አበባ ከተማ አስተዳደር ምክር ቤቱ ባቀረቡት ሪፓርት ‼️

👉በተጠናቀቀው 2016 በጀት ዓመት 146 ነጥብ 84 ቢሊዮን ብር ገቢ ተሰብስቧል

👉ከ291 ሺህ በላይ ዜጎች ቋሚ የሥራ ዕድል ተፈጥሯል

የአዲስ አበባ ከተማ ምክር ቤት 3ተኛ ዓመት የስራ ዘመን 4ኛ እና የበጀት ዓመቱ ማጠቃለያ ጉባኤውን እያካሄደ ይገኛል።

የአዲስ አበባ ከተማ ከንቲባ አዳነች አቤቤ ለምክር ቤቱ ባቀረቡት ሪፓርት እንደገለጹት፤ በበጀት ዓመቱ 151 ነጥብ 68 ቢሊዮን ብር ለመሰብሰብ ታቅዶ 146 ነጥብ 84 ቢሊዮን ብር መሰብሰብ ተችሏል።

አፈፃፀሙ ከባለፈው ተመሳሳይ ወቅት ጋር ሲነጻጸር በ44 ነጥብ 16 ዕድገት አሳይቷል ብለዋል።

በ2016 በጀት ዓመት ለ291 ሺህ 577 ዜጎች ቋሚ የሥራ ዕድል ተፈጥሯል።

በበጀት ዓመቱ ለ300 ሺህ ሥራ ፈላጊዎች የሥራ ዕድል ለመፍጠር ታቅዶ እንደነበር ጠቅሰው ለ291 ሺህ 577 ዜጎች ቋሚ የሥራ ዕድል የተፈጠረ መሆኑን ገልጸዋል።

የሥራ እድል የተፈጠረባቸው ዘርፎች የከተማ ግብርና 9 በመቶ፣ ማኑፋክቸሪንግ 17 ነጥብ 5 በመቶ፣ ኮንስትራክሽን 5 በመቶ፣ ንግድ 19 በመቶ እና አገልግሎት ዘርፍ 49.3 በመቶ ድርሻ እንዳላቸውም ተናግረዋል።

የገቢ አሰባሰብ ንቅናቄ በመፍጠርና ጠንካራ የክትትል ሥርዓት በመዘርጋት የከተማውን የወጪ ፍላጎት ለመሸፈን መሰራቱን ጠቅሰው ዝቅተኛ ገቢ ያለውን ነዋሪ መደጎም የሚያስችል ገቢ በማሰባሰብ የከተማችንን ገቢ ከማሳደግ እየተሰራ መሆኑን ተናግረዋል።

ምክር ቤቱ የከተማ አስተዳደሩን የ2016 በጀት ዓመት የዕቅድ አፈጻጸም ሪፓርት ያዳመጠ ሲሆን በቀጣይ የከተማውን ዋና ኦዲተር ሪፓርትን ጨምሮ የተለያዪ ሹመቶችንም ያጸድቃል ተብሎ ይጠበቃል።

በማርቆስ በላይ
ሐምሌ 10 ቀን 2016 ዓም