የ70 ዓመቱ አዛውንት የመጀመሪያ ዓመት ተማሪ

ዋቸሞ ዩኒቨርሲቲ ለመጀመሪያ ዓመት ተማሪዎቹ አቀባበል በማድረግ ላይ ይገኛል፡፡ ከአዲስ ገቢ ተማሪዎቹ መካከል የ70 ዓመት ዕድሜ አዛውንት የሆኑት አቶ ዮሐንስ አዲሴ አንዱ ናቸው።

አቶ ዮሐንስ አዲሴ በ2015 ዓ.ም በማኅበራዊ ሳይንስ መስክ ሀገር አቀፍ መልቀቂያ ፈተና ወስደው የማለፊያ ውጤት በማምጣት ዋቸሞ ዩኒቨርሲቲ ተመድበዋል።

የአስር ልጆች አባት የሆኑት አቶ ዮሐንስ ባጋጠማቸው የአካል ጉዳት ምክንያት ለብዙ ዓመታት ከትምህርት ገበታ ርቀው የቆዩ ቢሆንም ለትምህርት ካላቸው ፍላጎት የተነሳ ያቋረጡትን ትምህርት እንደቀጠሉ ይናገራሉ።

በሀዲያ ዞን ዱና ወረዳ ለጠቦ ቀበሌ ነዋሪ የሆኑት አዛውንቱ ፤ የዩኒቨርሲቲ ትምህርታቸውን በአግባቡ ለመከታተል በቂ ዝግጅት እንዳደረጉ ለዩኒቨርሲቲው የህዝብ ግንኙነትና ዓለም ዓቀፍ ጉዳዮች ዳይሬክቶሬት ተናግረዋል።

@tikvahuniversity