Нарабіла трошкі галінак, накапіравала туды таго ліста што зрабіла. І запякла гэтую прыгожую галіну проста на звычайны квадрат. (Гэта не я прыдумала, гэта было ў відэа 🥲). Атрымалася нядрэнна, адзінае што не атрымалася чамусьці мапа шурпатасці, да і халера з ёй :)

Расказваць падрабязна не буду. Толькі калі вам цікава як зрабіць такім чынам лісце, то напішыце, зраблю інструкцыю 🌝

Шлях быў доўгі і цярністы, але ў выніку атрымалася вось такая асіна.
(Пакуль кары дрэва няма, не звяртайце на яе увагу).

💖 Важная рэч. Рухавіку прасцей рэндэрыць палігоны, ніж празрыстасць. Таму пласт з тэкстурай лепей падрэзаць па форме, а не пакінуць квадратным.

Мадэль для аб'ектаў прыроды робіцца трошкі іначай, чым проста пропсы. Таму што яна павінна быць максімальна лёкай, бо такіх мадэляў у сцэне зашмат.

1) Для пачатку мы робім хай полі. Гэта можа быць таксама скульпт.

2) Потым запякаем хайполі на лоўполі (звычайны plane). Я раблю зараз толькі мапу нормал і мапу альфа маск.

2.1) Але ж можна перад запяканнем зрабіць тэкстуры на хайполі і запякаць яшчэ напрыклад рафнэс і колер. Таксама можна запеччы аклюжн. Калі я рабіла лісце – там былі гэтыя мапы.

3) нашай лоўполі з'яўляецца проста plane, на які мы і запякалі хайполі.

4) Можна трохі аптымізаваць лоўполі. Прасцей за ўсё выразаць форму па мапе альфа маск.

5) гатовую лоўполі можна змяніць па памерах і трошкі сагнуць. Таксама можна аб'яднаць іх у групы і экспартаваць як адзіны аб'ект.

На гэтым стварэнне мадэлі ўсё. Астатняя праца за матэрыялам 💫