‏نصبر على الدنيا مثل صبر سعدون
صبرن يجي عقبه عقاب العواجي .

‏كانت افكاري تحب احلامي الورديه
وتالي اكثر لون افكر فيه لون الشاهي

كل شي ابيه واجد صرت ابيه شويّه
النزول بـ سقف رغباتي جعلني راهي

اهتمامي قلّ في حاجاتي الشخصيّه
واهتمامي زاد صوب الجانب الإلاهي

السلام الداخلي والراحه النفسيّه
من ملكها ما يهمه في الحياه الا هي .

الطيب مثل الطِيب لامن فاح
‏ يكتم صـدور العالم المرضى .

‏يالله ياربي بالغناة اللي ماهي ب أية غناه
‏اللي على اثرها الصدور المناوي تمتلي .

الظنون أحيان يخطيها الصواب
‏مثل طيبك في زمن مافيه طيّب .

‏يا رب أنا قلبي عزيز وحياويّ
‏شي يهين النفس لا تقسمه لي

‏حتى لو إني له شفوق وشفاوي
‏تغسل فؤادي منه قبل اغسل يديّ .

لا ترفع الهقوه ولا تظلم الناس
‏خلك وسط بين الحذر والهقاوي .

‏ماذا لو اختصّك الله بحنانه؟
يقول السعدي عند تفسير آية:
﴿ وَحَنانًا مِن لَدُنّا ﴾
أي:
آتيناه رحمةً ورأفةً تيسرت بها أموره
وصلحتْ بها أحواله
واستقامت بها أفعاله .
اللهم حنانًا من لدُنك يؤنسُ أرواحنا
ولُطفًا من حنانك تدرأ
به عنّا المصائب والنوائب .

فيك تشخيص البصاير ولك مد الكفوف
‏ياكريمٍ يكرمون الأكارم من عطاه

‏عالم اللي ما اعلمه شايف اللي مانشوف
‏خافيٍ سرّه والأسرار ماهيب تخفاه

‏ولا انقفل بابٍ من الرزق حرّاسه وقوف
‏فتّحت بيبان الأرزاق من كل اتجاه .

‏ الا يالله وفقني وهب لي من جلالك نور
‏يقديني على مسرى الظلام وغربة ايامي .

‏تشرّبت السكينه لين توّبت الخصام و لين
‏رزقني ربي في بالٍ طويل و قلب متغاضي .

‏من طاب أصلهُ، طاب فعلهُ،
فَلا يُثمرُ الغصنُ
‏ إلّا من طيبِ الجُذور .

الله عوّدك الجميل ..
فقِس على ما قد مضى .

صلَّى عليكَ اللهُ ما عبدٌ تلا
أُمَّ الكتابِ مُجَـوِّدًا ومُرَتِّلا

وعليكَ صلَّى اللهُ مِلءَ دُعائنا
ربَّاهُ أنزِلْهُ الوسيلةَ مَنزِلا ﷺ .

اطالع الدرب وان شفت اوله ياسمين
‏اسوقها مانشدت اللي مع الدرب جاي

‏والقى بنصفه سراب وباخر الدرب طين
‏وارجع اعيد الخطا من كبرياي وعياي

‏لين ادبتنا الليالي وعسفتنا السنين
‏وبديت اسيطر على نفسي واخالف هواي

‏وان جيت وارد نشدت اللي هنا صادرين
‏وجمعت لي كم راي وفوقهن جبت راي

‏واجنب اللي تبي نفسي ولو هو ثمين
‏يا ما من المغريات اللي تركته وراي

‏اخاوي الصبر وان الله مع الصابرين
‏لين اصبح الصبر اخو والصابرين اخوياي .

‏ستغلبكَ الأيامُ إنْ كنتَ واهنًا
‏وإنْ كنتَ صبّارًا فذو الصبر أغلبُ .

يالله ب دعوة خير وخاتمة خير
تمسح ذنوبي الاوله و الاخيره .

الحقيقة أنه لا ضمانات لأي شيء دنيوي
مهما تفانيت من شدة الحرص
ليحدث على نحوٍ معين
الضمان الوحيد هو نيتك
إن أصلحتها فقد ضمنت ألّا يُضَيّعك الله .

‏فهو سبحانه :
المَلاذُ في الشدة، والأنيس في الوحشة،
والنصير في القِلة، سلوة الطائعين،
وملجأ الهاربين، وآمان الخائفين .