أرباح الذكاء الاصطناعي أصبحت اليوم تفوق أرباح تجارة المخدرات وغيرها. ومع الانتشار الواسع للتقنيات الذكية، سيصبح اعتماد الناس عليها نوعا من الإدمان تماما كما يدمن البعض على المواد المخدرة. ومع هذا الإدمان الجديد، سيصرف العالم مبالغ هائلة على الذكاء الاصطناعي، كما يصرف المدمنون أموالهم على المخدرات وأكثر

قسم التوقعات

السلام عليكم .. شباب كتير بتبقي عايزه تخش مجال البرمجة بس مش عارفه تبدء منين .. او بتبقي ف المجال بالفعل ولكن مش عارفه تقرر تخش مجال امتي

شباب كتير بتخش مجال زي الويب علطول من غير تأسيس .. ودا غلط الاساس اهم حاجه دا ال هيخليك تقدر تدوس ف اي مجال واي تكنولوجي في اي وقت

مبدئيا مش محتاج اقولك انك لازم تبقي بتعرف تتعامل مع الكمبيوتر كويس .. ودا مش محتاج كورس حتي لو انت ابيض هيجي مع الوقت

طيب يا بشمهندس الاساس ل المبرمج حضرتك شايفه ايه؟ كالأتي

- Programming language اي لغه برمجة ولكن يكون مشروحه صح
- OOP
- data structures
- algorithms
- Problem solving
- database
- git and GitHub
- Agile

اه بس دا قوله بيقوله صح.. فين مصادرهم بقي؟ .. خلينا اقولك ان دا مش كافي في حاجات لازم تهتم بيها معاهم زي ال
- english
- Operating system (OS)
- networking
- Discrete Mathematics
- Computer Architecture
- math and probability جزء لازم يكون عندك اساس حتي لو بسيط
- ai basics

وبعض المواد الاخري هنجلها بعدين

البوست دا هيتكلم فقط عن الحاجات الاساسيه .. الي حضرتك بعديها تقدر تخش مجال عادي .. ولكن الحاجات التانيه دي الي زي OS وغيره مهمه جدا وهننزلها في بوست منفرد برضه

تعالي نمشي واحده واحده ونشوف اهميتها ايه والمصادر الي بتشرحها ..

خلي بالك معظم المصادر هنا مجانيه ولو ضفتلك مصادر مدفوعه ف هي حاجه اضافيه ممكن متشوفهاش ولكن برضه السعر هتلاقيه مش بيزيد عن 300ج

لغه البرمجة هنا تقدر تختار اي لغه عادي في ناس بتفضل لغات زي سي بلس بلس او سي شارب دا مش حكر انت اختار اي لغه هنا انا هختار سي بلس بلس عشان المصادر اكثرها متوفره بيها

1))
طيب اتعلمها منين؟

1- تشوف كورس دكتور محمد الدسوقي
https://www.youtube.com/watch?v=Fr6wJ5_Hok0&list=PLJzrJ6NUlRb8e5o0jGe8yHYGy2Mu17Eeg

خلي بالك وانت بتتعلم في حاجات هتكون مش مفهومه او مفهومه بس مش اوي عادي اسال الناس المهم تفهم متحفظش حاجه

بعد كدا شوف برضه كورس بشمهندس عادل نسيم عشان تكتب كود اكتر وتثبت المعلومات وتاخد معلومات اكتر

https://www.youtube.com/watch?v=z1FdInL8sjg&list=PLCInYL3l2AajFAiw4s1U4QbGszcQ-rAb3

كدا مبروك انت اتعلمت لغه برمجة .. نحل بقي نحل بقي!

2))

عشان تحل في شيت اسيوط كويس لو انت مبتديء دا اللينك بتاعه

https://docs.google.com/spreadsheets/d/1EbbsotAwb0zuuwxyzs8l2qh8twqw-sNcNbAjCK1kXaE/htmlview?fbclid=IwVERDUANXR41leHRuA2FlbQIxMAABHrRecNmh6CaY4fKMmfdyUtZ7dF1NIr1-T33eFfBPr9fa7ZJqKLj7DNQnTpV1_aem_dJDJKTQRlvMUdJN7cEyy5A#gid=2113919847

طيب لو عايز تشوف حلول هتروح فين؟

https://www.youtube.com/watch?v=WIvV_HoOruE&list=PLkay_Ly8rNnaAIxbyAtCWai2D7wRB5eZ1

دا حالل اول شيتين فيه وتقدر الباقي تشوف حل شات جي بي تي وتفهم كويس

3))
oop حل شويه يا صديقي مش العمر كله وبعد كدا خش علي ال
تقدر تحل بالتوازي عادي

هنا برضه شوف كورس دكتور محمد الدسوقي
https://www.youtube.com/watch?v=6U6WtWG3NrA&list=PL1DUmTEdeA6KLEvIO0NyrkT91BVle8BOU

بعد كدا شوف كورس دكتور عادل نسيم .. الاتنين دايما هيكملولك صوره
https://www.youtube.com/watch?v=YMXUxKDziaA&list=PLCInYL3l2Aaiq1oLvi9TlWtArJyAuCVow

كدا مبروك انت خلصت لغه برمجة و او او بي

هنا بقي في كورس علي يودمي قوي جدا بيلملك الاتنين وبشكل ادفنسد شويه والكورس سعره لا يزيد عن 300ج يودمي بينزل عروض كل كام يوم

مش اجباري تشوفه ولكن انا شوفته عشان كدا بنصحك به
https://www.udemy.com/course/beginning-c-plus-plus-programming/

خلي بالك لو انت مش كويس فالانجليزي متعيطش .. في ترجمة بالانجليزي ترجم ال مش فاهمه واحفظ وهتلاقي الدنيا صعبه ف الاول لكن بالصبر والتعلم هتلاقيها سهله

4)) هنيجي بقي ل الداتا استراكشر

تقدر تشوف من الدسوفي
https://www.youtube.com/watch?v=jGP19W5IObA&list=PL1DUmTEdeA6JlommmGP5wicYLxX5PVCQt

وبعد كدا روح ل عادل نسيم اتفرج علي المواضيع الي الدسوفي مشرجهاش منه

تقدر تشوفها من كورس عادل نسيم
https://www.youtube.com/watch?v=owCqVRbZlbg&list=PLCInYL3l2AajqOUW_2SwjWeMwf4vL4RSp&pp=0gcJCaIEOCosWNin

5)) بعد كدا محتاج تتعلم الجورزمز
عندك هارد كود شارح جزء صغير بس حلو ومهم

https://www.youtube.com/watch?v=McifeJjrvpI&list=PLwCMLs3sjOY6KH-8c9F-lMWn-r02hyoV_

وهنا عندك كورس مدرس برمجة الي شارح داتا استراكشر والجوريزم مع بعض
https://www.youtube.com/watch?v=m-u_t2XGjbg&list=PLs4xH3XPr55guaS_NY0SQ6dQabpXK0xQ6

لو عايز كورس شارح الاتنين مع بعض مدفوع علي يودمي ممتاز جدا جدا جدا برضه كورس عبدالباري
https://www.udemy.com/course/datastructurescncpp/

6)) بالنسبه ل حل المشكلات ف شيت اسيوط كافي ك مبتدء وبعد كدا ممكن تبدء تحل من ليت كود عالتوبيك الي انت ذاكرته
Leetcode

البوست دا هيفهمك كل حاجه

https://www.linkedin.com/posts/abdelrahman-mohamed14_problem-solving-roadmap-activity-7383125598442868736-CQVa?utm_source=share&utm_medium=member_desktop&rcm=ACoAADn7zMABCqDlTEfUfHDTU29fAedJss_3NaY

خليني اكون صريح معاك هنا انت تقدر تخش اي مجال عادي .. ولكن في حاجات مهمه لازم تتعلمها برضه سواء دلوقتي او بعدين .. ف حتي لو انت هتوقف هنا وتروح تتعلم مجال ف خلي ف حسبانك الحاجات الي جايه دي كلها لانها مهمه جدا

7)) database
لازم تبقي فاهم يعني اي داتا بيز اصلا ومفاهيم اساسيه ف هنا كورس د محمد الدسوقي

https://www.youtube.com/playlist?list=PL37D52B7714788190

بعد كدا الdb اشهرهم sql and no sql

كورس الsql د محمد الدسوقي عندك : https://www.youtube.com/watch?v=fqA2t50vXjA&list=PL1DUmTEdeA6J6oDLTveTt4Z7E5qEfFluE&pp=0gcJCaIEOCosWNin

بالنسبه ب nosql شوف الفيديو دا يفهمك الدنيا https://www.youtube.com/watch?v=UZc0r2L235M&pp=ygUN2LTYsditIG5vIHNxbA%3D%3D

8)) مهم جدا وضروري جدا تبقي عارف جت وجت هب .. وهنا كورس احمد سامي هو الافضل

https://www.youtube.com/watch?v=Q6G-J54vgKc&pp=ygUaZ2l0INi02LHYrSDYqNmK2Kwg2K_Yp9iq2KfSBwkJ_AkBhyohjO8%3D

وغندك كورس تاني برضه اهو https://www.youtube.com/watch?v=Z6C35WqawGs&list=PLYyqC4bNbCIeCHLTRtwdLpQvle_zIavZ- عشان لو مفهمتش من الاول

9)) مهم تكون عارف يعني اي Agile وشويه مصطلحات

https://www.youtube.com/watch?v=eVDZJ7_c60c&list=PLcdCk5ljWQ-p3t9E_vPcGzZMGLoAeRUO5

دا كويس جدا هيفهمك الدنيا واشهر اداوات تستخدمها هي جيرا ودا كورس بسيط ليها

https://www.youtube.com/playlist?list=PLbJF4g421wqn7Di5kpxFHh0gXnCJpNoKA

بس كدا يا صديقي .. روح اختار مجال به يكون له شغل في بلدك وتوكل علي الله .. وخلي بالك الرود ماب مفيهاش غير كورسين بفلوس يعني اخرك تدفع 600ج دا لو انت حابب لانهم مش اجباري

نصيحه متتعلمش حاجات ملهاش شغل .. متتعلمش حاجات مش هىفيدك .. متروحش تقعد سنتين بتتعلم اساسيات .. متقعدش حياتك كلها تحل PS

افهم دايما .. اسال دايما .. واخيرا استعين بالله وابدء

أكبر خطأ ممكن ترتكبه في حق نفسك إنك تتواضع لدرجة متعرفش فيها تتكلم عن نفسك، وعن قدراتك وتسيب الآخرين يقيموك.. وانت بتعتقد إنهم ب ينصفوك ويدوك حقك !

محدش بينصف حد، ولا بيدي له قدره !

الناس الوقت بتحكم عليك من خلال مصلحتها معاك، ومزاجها الشخصي لحد ما بتلاقي نفسك فجأة بقيت واقف في منطقة رمادية ... مش عارف تتكلم وتقول إنك أكبر من كذا، وفي نفس الوقت مش قادر ترضى بالمكان اللي حطوك فيه.

عشان كذا تفضل مقولة الإمام علي هي الأعظم في مجالها ...

"لا تدعن جهل الناس بك يغلب علمك بنفسك."

حاول تتعلم كل يوم حاجه جديده

مش لازم كورس كامل
مش لازم خمس ساعات

ولو فيديو ربع ساعه

انا عارف ان دا صعب.. حتي لو قولت ياعم ربع ساعه بسيطه

حافظ عليها وهتعرف قيمتها يعدين

البرمجة

ساعات بسال نفسي ، هل المذاكره ال بتذاكرها دي سواء في اجازتك او في شغلك هتتوقف يوما ما؟

يعني هتقعد طول عمرك تتعلم؟ طول عمرك بجد؟

يعني المجال الصعب التقيل دا مع تقدم عمرك هتقدر تتعلمه بسهوله اكتر ولا بصعوبه ؟!

انا درست ف اخر سنتين لناس كتير

في منهم الي شغوف بالمذاكره وملتزم
في منهم الي بيذاكر لما بيجيله مزاج
في منهم الي بيتحجج بكل حاجه ومش بيذاكر

انا يفرق معايا فقط اول نوع.. مع اني بنصح كله عادي بس اول نوع دا بعامله معامله خاصه

برد عليه بسرعه
بساعده علطول
ببعتله مصادر يشوفها
بحاول اديه كل حاجه

ليه؟ لانه شخص شغوف ويهمه مصلحته.. ما احنا مش صغيرين اكيد كل واحد عارف مصلحته

بس فيه الي بيلتزم وبيخاف علي وقته ، وفيه الي بيضحك علي نفسه

انت تقدر وانت كمان تقدر.. بس مش الكل بيصدق نفسه

متبصش لحد 10 سنين خبره وتيجي تقول هو ازاي كدا او مستحيل اكون زيه

حضرتك سواء لسه فريس او سنه خبره انت لو اتعلمت كل يوم موضوع او معلومه جديده

بص لنفسك بعد 10 سنين

ناس كتير فاكرة إن char(n) او Varchar(n)

إن الـ n = عدد الحروف ودا غلط مشهور

n = عدد البايتس مش الحروف

السبب؟

ان تخزين الحروف بيعتمد على Collation

الCollation دا مين؟ دا الي بيحدد

إيه الـ Code Page المستخدم
كل حرف هيتخزن بكام Byte
إزاي الحروف تتقارن (Sorting & Comparison)

varchar مش بيستخدم ASCII
هو بيستخدم Code Pages (زي 1252، 1256…)
والـ ASCII مجرد subset صغير داخل بعض الـ Code Pages.

فمتقولش "varchar = ASCII" ده غلط

تقدر تخزن عربي في VARCHAR .. بس بشرط إن الكوليشن يبقى عربي
(علشان يشتغل على Code Page 1256)

وكود بيدج 1256 = Single-Byte
فالحرف العربي جوه VARCHAR = 1 byte

طب لو VARCHAR بيشيل عربي .. ليه نستخدم NVARCHAR؟

1️⃣ الاعتماد على Unicode بدل Code Pages

NVARCHAR بيستخدم UTF-16
فمش مرتبط بالـ Collation في تخزين الحروف، وبالتالي: مفيش فقدان بيانات ومفيش حروف بتطلع "?"
وكمان مفيش مشاكل نقل بين سيرفرات/داتابيز Collations مختلفة

2️⃣ دعم كل اللغات في نفس النص

تقدر تكتب عربي + إنجليزي + صيني في نفس العمود بدون أي مشكلة.

3️⃣ هنا الـ n = عدد الحروف فعلا .. ف N في nchar , nvarchar هما عدد الحروف

مش عدد البايتس.
الحرف = 2 bytes ثابت.

مش كل البني ادمين بيفهموا بفس السرعه

مش كل البني ادمين نفس الدماغ

ف بالتالي .. ممكن تلاقي طالب استيعابه تقيل شويه .. ولكن اول ما يستوعب الحاجه بينطلق فيها ويقدر يشرحها احسن منك كمان

اي حد بيدرس حاجه وشايف انها صعبه عليه .. لازم تجتهد وتصبر .. وبعديها اوعدك هتلاقي نفسك استيعابك زاد

كل ما تذاكر وتفهم اكتر .. كل ما استيعابك بيزيد

حاول تتعلم كل يوم حاجه جديده

مش لازم كورس كامل
مش لازم خمس ساعات

ولو فيديو ربع ساعه

انا عارف ان دا صعب.. حتي لو قولت ياعم ربع ساعه بسيطه

حافظ عليها وهتعرف قيمتها يعدين

لو انت معاك حد شاطر في مجالك صاحبك ف احمد ربنا

دا هيشد معاك وتقدروا تشوفوا كورسات مع بعض وتتعلموا حاجات جديده مع بعض

شوف الصاحب الشاطر

بس مافي😓

للاسف

الشباب عايزه الطريق السهل.. الي يوصله لفلوس كتير

مفيش فلوس كتير حلال بتيجي بسهوله

الشباب بتخش تشوف الحاجه صعبه (.اي مجال)

.. يقولك لا مش طريقي

ادور علي حاجه اسهل.. صدقني مش هتلاقي طريق كويس بطريقتك دي

لازم تتعب.. لازم تتعب كتير

ي اما عمرك ما هتوصل

البرمجة مش لغة تتعلمها، نظام تفكير تبنيه.
لا تضيع وقتك بين كورسات لا تنتهي. اختَر مسارًا واحدًا، ابنِ مشروعًا حقيقيًا، واكسر رأسك فيه.
الكود اللي ما يدخل إنتاج = تمرين ذهني لا أكثر.
ركّز على الأساسيات، افهم قبل ما تحفظ، وخلي كل أسبوع فيه نتيجة قابلة للاستخدام.
السوق ما يدفع على الجهد… يدفع على القيمة.

#منقول
عاوز تعرف يعني إيه بيئة العمل السامة؟

الشغل اللي يعزلك عن كل حاجة...

مرة واحدة هتلاقي نفسك بتقول:

✅ مش فاضي أشوف صحابي.
✅ مش قادر أروح لأهلي.
✅ مش مستوعب غير الشغل.

تقول لنفسك: مرحلة وهتعدي، بس المرحلة طولت أوي، والعلاقات بردت ووجودك في البيت بقى مجرد شكاوى عن الشغل.

الشغل اللي ياخدك من كل حواليك…
هييجي يوم تكتشف إنه خدك من نفسك كمان.

الكارير مهم…

بس لو هتبقى لوحدك في حياتك من غير حد جنبك…
يبقى كارير فاضي.

اوعى تصحى بعد سنين تكتشف إنك كسبت شغلك علشان تخسر حياتك. 😥

ساعد الناس لحد ما تقدر
متتكبرش علي حد لانك اصلا ولا حاجه.. كل العلم ال عندك مهما كان دا غيرك عنده اضعافه

دايما اتعلم.. دايما تواضع وساعد الناس

انت بتحب المهنة جداً لما الكود اللى كتبته يشتغل ويطلع نتيجة حلوة وبتحس انك بتشارك فى تقدم البشرية ولو بسطرين كود

لكن لو الكود مش راضي يشتغل او ماليان مشاكل بتبدأ تلعن المدنية الحديثة والأنسان اللى ساب الزراعة والجمع والألتقاط وبنى مدن وطور علوم جابتله الكافية

وجودك مع الناجحين بيخليك واحد منهم!

قال رسول الله «المرءُ على دينِ خليلهِ، فلينظرْ أحدُكم مَن يُخالِل»

اجمل محاضره بحب اشرحها في ال
Database
هي ال Index

تعرف مميزاته ايه
انواعه
امتي الاندكس مش ببستخدم.. وتفهم كويس ال
Execution plan

تبقي فاهم امتي تستخدمه.. وتخلي بالك من شويه حاجات عشان ميكونش عدوك

دايما المحاضرات دي بحب اركز فيها جدا واتعلم زياده عشان افيدك😍

متعملش عميق وانت اصلا عبيط

🤝


نصيحة العام الجديد🖐
#المحنكين فقط

للاسف اغلب المبرمجين الي مشهورين عالسوشيال ميديا بيضيعيوا الشباب بنصايح وفيديوز

ويجي يقولك ٢٠ سنه خبره ولا معرفش كام
.. ي اخي احيه عالخبره دي

واحد بيطلع يشرح مصطلحات غلط والتاني يقولك المبرمجين انتهوا وغيرهم تاسيس كورس مدته خمس سنين عشان تاسس وان شاءالله لما تكون عندك أحفاد تقدر تتعلم مجال يس متنساش تتعلم ويندوز فورم

نصيحتي اوعي تجري ولا كلام حد وتقدسه.. ذاكر واجتهد واعمل ال عليك ومتركزش مع الناس ولا هما بيعملوا ايه

متركزش مع ال ai استخدمه صح وركز مع نفسك

#ابو هدهود😅