حَبيبي ، وداعتك تتلاگه الوجوه
وعلى كلشي نِتحاسب
وحده وحده، أجرحَك بالعتب
ما أجرح بسيف
لأن جرِح العتب محد يضمده
وگتلك ترا الدنيا دولاب
وإذا فرت عَكس حَبلك تهده
باچر مِن تضوگ الدمعة والاه
تِجي تدور مُحب وتريد وُده .

العَلي سألوك
هم سألوني واحتاريت .

مَعقوله عينك لَگت واحد يحبها
بكثر ما أحبها چِنت أني؟
مَعقوله تَنساني!
بگلبي حط خَنجرك
أذيني وأني أحتمل
بس لا تحَب ثاني
وغيرك عشگني صدك
وأكتبله أحبك ردت بس گلبي عَتاني
يالماعرَفت بعتلك ، يومين تهوى وترد
وشهرين تنساني .

المايندَل خيَالي بروحي ما خليه
ومَا يرهم عليه لو نفس جيته.

اليفارگنَي شبر، أبقى التفتله
سنين
وأتاني بكل جرح يا لچمه
لترجعله .

إجاني وگال نِرجع؟
گتله بأحلامَك
مِن راسَك كرهتَك بعد لجدامَك
وإذا بالمَحكمة يطلبون شَاهد بيك
أنا اوَل واحد يوقِع على إعدامَك
گلت لربي ديمه ويَاي إذا بي خير
ولأن مَابيك خير الله مادامَك
إنتَ الغيرتني هواي إلك مَمنون
واحِد ثاني هذا الهسَه كدامك.

خليتني سَاكت وانا كُلي عِتاب
خوفي اجرَح قلبَك لو حكيت
لا تسألني عن الزعَل والاسباب
راجِع أفعالك ان كانك نسيت
عندي سؤال واتمنىٰ له جواب
لو تبادلت الأدوار بينا رِضيت؟

"إجيت أنخَاك لِم وِجهك مِن أيَامي".

وراها تعِيش
لكن گلبك يموت
واحساسك الطيب يبدي يفهم
ماتحلَم بَعد بالـ عنك يروح
ومامسموحلك يومية تندَم
كل جروحنا وكل المُعاناة
مِن ورا الناس البيها نحلَم.

وأني أدري بيك تغيرت
من صرت اطب فايت وگت
وتگلي عادي تأخر
من گمت اگلك لو متت
ماقاطعتني ولا خَفت
ولا گتلي يكفيك الشر .

هواي تغَيرت ما أعرُف شبيك
أبد مو مَثل الأول من أحاچيك
عندي إحساس يصرَخ عافك وراح
واگُله أسكت ولك، وأصبَر وأتانيك
وأظل الليلَ كله بحَسرتي وياك
وأتذكر كلامَك من گلت شاريك .

ليش غيري يشمك وأني أغار؟

كتلك گضاني المَرض
حِط إيدَك إعلىٰ الوَجع
خاطِر تطيبني
تسحَگ برجلك
گمت وين اليتعبني
ويَاك طايِر جنت
ومأمِن تحبني
شمَدريني سَابع سِما
مِن توصَل تذبني.

شكثر باجي لخَاطرك
گلي شكثر
تِغلط بحقي
وأدورلك عِذر
جنت أدور كِلمة مِنك
مَاردت مِنك سَطر
إنتَ يا اغلىٰ
خسَارات العُمر.

بروحَك چّم سِما وماغَيمت وياي
عَليَ تزخ عطش ومنشف السَبعة
ألمفارگ مبين عذره يمشي وياه
المابي شوگ طافي، العشگ بي لمعة
بگصايب ياحلم شديت روحك خَيْط
خَيْطك مِنْ يُمّر دِّخان، ماگطعة .

مُطرَت والحَنين يِريد ملگاك .

لو تِرجع ذهَب مصبوب ما أريدك
هضيمة شلون بعَت إنسان
حافظ حتى أهِل بيتك .

" أَشَدّ مِنْ غَيبتَك، ماصخ طلع ملگاك "

الورد يطلع بالجماجم لو تجيني

الورد ذابل من زمان لا تحاول تعتنيني
لا جماجم لا ملاحم كلها متعوض سنيني