#hacker #hujum

Biz ham hayron qoldik do'stlar. Bu Hackerchalarni o'rganib chiqdik, shunaqa kichik kanallarni buzib kirib, ichiga o'zlarining o'yinlari joylashgan videolar yoki har xil o'zlarining programmalarini videolar orqali reklama qilar ekan. Hozir React bo'yicha videolarni yuklashni boshlaymiz. Bizni qo'llab turgan barchaga rahmat.

👉 @it_time

YouTube da React bo'yicha 1-real proyekt Food Dashboard bilan tanishamiz.

YouTube linki:
https://youtu.be/ChwKR6GaWhs

Sayt dizayni:
https://www.figma.com/file/0rsOUjLNTiZA5LTv6CfGzU/Food-POS-Dark---Tablet-Device-(Community)?node-id=0%3A1


👉 @it_time

YouTube da React bo'yicha 1-real proyekt Food ning Sidebar qismini qilamiz

YouTube linki:
https://youtu.be/QvsxkPhpIe4

Sayt dizayni:
https://www.figma.com/file/0rsOUjLNTiZA5LTv6CfGzU/Food-POS-Dark---Tablet-Device-(Community)?node-id=0%3A1


👉 @it_time

#javanoscript

💻 JavaScript dasturlash tili orqali Array da map, filter, reduce funksiyalaridan foydalanish. Natijalar orqali bu funksiyalar nima vazifa bajarayotganini bilishingiz mumkin.


👉 @it_time

Assalomu alaykum do'stlar. Habaringiz bor bundan 1 oy oldin Frontend kursiga start bergan edik. Mana 1-oy dan 2-oyga o'tish imtihonlari bo'ldi. Bunda 1-o'rinni olib chegirma yutgan o'quvchimizning qilgan ishlarini sizlar bilan baham ko'rmoqchimiz. Biz imtihonga Pixer saytini bergan edik. Muhriddin ismli o'quvchimiz qilgan ishga o'zingiz baho berishingiz mumkin(Noutbukdan kirilsin)

👉 https://pixer-ravshanov.netlify.app/

💥💥 Eslatib o'tamiz, Frontend bo'yicha 7-guruhimizga qabul boshlandi. 1-ro'yhatdan o'tgan 3 kishiga 30% chegirmani taqdim etamiz. Shoshiling joylar soni cheklangan, atiga 10 kishi olamiz.

Kursga ro'yhatdan o'tish: @it_time_admin

👉 @it_time

Aslida dasturchi kuniga necha soat ishlaydi?

Dasturchi deganda ko'pchilikning hayoliga qorong'u xonada ertalabdan kechgacha kompyuter qarshisida o'tirib turli kod kombinatsiyalarini amalga oshiruvchi shaxs keladi.

Aslida unday emas. Dasturchilar ham odatiy insonlar kabi jamoa bilan yorug' ofislarda ishlashlari mumkin. Ularning ishiga qancha vaqt ajratishi qanday loyihada ishlayotgani va unga qanday vazifa berilganiga bog'liq.

Ba'zida dasturchilar muammoga yechim topish uchun juda ham ko'p vaqt sarflaydi. Ularning asosiy qismi kunduzi emas balki tunda ishlashni afzal ko'rishadi. Bu ularga diqqatni jamlashga yordam beradi.

Dasturchilar uchun necha soat ishlashning uncha axamiyati yo'q bu ularning ish tajribasidan kelib chiqadi. Junior dasturchi 8 soatda bajarishi mumkin bo'lgan ishni Senior dasturchi 1 soatda qilishi mumkin.

Sizningcha dasturchi kunduzi ishlashi kerakmi yoki ijodni tunda olib borgan yaxshimi?

👉 @it_time

FEO nima?

FEO - Front-end optimization.
Qisqa qilib aytganda FEO yoki CO (Content Optimization) - veb-saytingizni brauzer uchun qulayroq va tezroq yuklanishi uchun nozik sozlash jarayonidir. Umuman olganda, FEO fayl o'lchamlarini kamaytirishga va ma'lum bir sahifani yuklash uchun zarur bo'lgan so'rovlar sonini kamaytirishga qaratilgan. Bu postda FEO ni yaxshilash uchun bir qancha usullarni ko'rib chiqamiz.

1. Resurslarni minimallashtirish - HTML, CSS, JS fayllardagi kodlaringizni minimallashtiring, ishlatmaydigan kodlaringizni, kommentlarni, bo'sh joylarni o'chirib tashlang. Fayllarni online compressor orqali minimallashtirib oling, bu faylning hajmini anchagina qisqartiradi, veb-sayt yuklanish jarayonida ham vaqt va resurs kamroq sarflanadi. Ko'p kutubxonalarda .min.css yoki .min.js fayllari bekordan bekorga turmaydi axir, endi bu usulni o'zingiz yozgan kodlarda ham ishlatishni boshlang.

2. Responsive rasm va WebP dan foydalaning - Ko'p veb-saytlar hajmining deyarli 50 foizi media fayl va rasmlarga to'g'ri keladi, rasmlar veb-sayt uchun moslashtirilmagan bo'lsa bu veb-saytingizni tezligiga yaxshigina tasir qiladi. Saytingizga rasmlarni qo'yishdan oldin online servislar orqali rasmni 70-80 foizgacha siqishga urinib ko'ring, keyin uni WebP formatga o'giring, bu saytingizni yuklanishini ancha tezlashtiradi.

3. Lazy Loading - Lazy load veb-sayt ochilganda faqat kerakli resusrlarni yuklaydi, qolganini foydalanuvchiga kerak paytida yuklaydi. Masalan veb-saytni ochganingizda rasmlarning faqat bir qismi, ya'ni sizga ko'rinayotgan qismi yuklangan bo'ladi, qolgani esa scroll qilishingiz davomida yuklanib boradi. Misol uchun Google images ham shunaqa ishlaydi, siz rasm qidirsangiz sizga millionlab variantlarni taklif qiladi, lekin hammasi ham yuklanmaydi, rasmlar pastga tushishingiz davomida yuklanib boradi.

Agar hammasini birdan yuklaganida balki bir necha hafta kutardingiz yoki ram yetishmasligidan kompyuteringiz qotib qolgan bo'lardi 🙂.

4. CDN tanlang - CDN lar tarmoqning kechikishi (tarmoq orqali aloqada kechikishlar) bilan bog'liq muammolarni hal qilish uchun mo'ljallangan. Bunday kechikishlar asosan veb-sayt hosting serveri va foydalanuvchi orasidagi fizik masofa bilan bog'liq. Ushbu masofani kamaytirish uchun CDN kontentning versiyasini turli geografik joylarda saqlaydi.

Masalan siz saytingizga biror kutubxonani ulab qo'ydingiz, veb-sayt har safar serverning o'ziga murojaat qiladi, server USA da bo'lsa, masofa taxminan 11 km bo'lsa, javob qaytish vaqti esa taxminan 500-700 ms bo'ladi.

CDN orqali ulasangiz, eng yaqin CDN 200 km uzoqlikda bo'lsin, sizning saytingiz endi CDN ga murojaat qiladi, bu ma'lumot CDN da mavjud bo'lsa sizning so'rovingiz bajariladi, taxminan 50-100 ms.

CDN siz so'ragan ma'lumotni oldin o'zidan qidiradi, topa olmasa USA dagi serverga murojaat qiladi, ma'lumotni olgach sizga uzatadi, keyin uni o'zida ham saqlab qo'yadi. Keyingi safar siz so'rov yuborganingizda, endi u o'zidagi ma'lumotni sizga qaytaradi. Bunda faqat birinchi holatda ko'proq vaqt sarflanadi, keyingi safardan boshlab veb-sayt ma'lumotni CDN dan oladi.

5. Serverga so'rovlarni kamaytirish - Umuman olganda front-end dan serverga qanchalik ko'p so'rov yuborilsa, bu saytning yuklanishini shunchalik kechiktiradi. Serverga har qanday so'rovni yuborish, sayt yuklanishidan oldin to'liq aloqani talab qiladi. Buni oldini olish uchun bir qancha usullar mavjud.
- CSS Sprite-dan foydalanish.
- Ko'p tashqi so'rovlarni amalga oshiradigan third-party plugin'larni kamaytirish.
- Ishlatilmayotgan fayllarga bo'lgan link'larni olib tashlash.

6. Xulosa - FEO ni yaxshilash usullari ko'p, tepadagilar faqat asosiylari (bilganlarim 😁). Ko'pincha dasturchilar bu narsaga jiddiy qarashmaydi. Menimcha bu narsalarga bizda ko'proq e'tibor berilishi kerak. Natija siz uchun sezilarli bo'lmasligi mumkin, lekin bir amallab tomni tepasida turib veb-saytingizga kirayotgan G'ishmat uchun bu narsa judayam muhim.

Manba

👉 @it_time

💥Siz tengilar allaqachon dasturchi bo'ldi, siz esa hali ham o'yin o'ynab yuribsiz.

⚡️Uraaa talabalarga 30% chegirma

• Kurs davomiyligi 5 oy
• Amaliyot +1 oy
• Haftada 3 kun 2 soatdan
• Real proyektlar
• Darslar zapis qilib olinadi va guruhga tashlanadi
• Ishga joylashishda maslahat va yo'llanmalar
• 12 ta darsdan so'ng imtihon qilinadi. 1-o'rinni olgan o'quvchi keyingi oy Bepul ta'lim oladi.
• O'zi bilan sherik boshlab kelgan har bir o'quvchiga 10% chegirma

👨‍💻Kurs davomida: Html, Css, Sass, Bootstrap, Tailwind, Javanoscript , React, Typenoscript, Git kabi texnologiyalar o'rgatiladi

🥇Bonus: Amerika kompaniyasiga ishga kirish yo'llari, yaxshi bitiruvchini kompaniyaga ishga olish, Freelancer saytlardan ish topishni o'rgatish

☎️Bog'lanish uchun: @it_time_admin
+998931487733

👉 @it_time

Biz haqimizda Google kompaniyasi nimalarni biladi ?

Sizning eng yaqin do'stlaringiz siz haqingizda, ya'ni nimalarga qiziqishingiz to'g'risida to'liq bila olmasa kerak 💯

Lekin Google buni biladi. Biz kompaniya xizmatlaridan foydalanishimizda bizga "halaqit qiladigan" reklamalar aynan bizning qiziqish doiramizga qarab yig'ib boriladi 🔍

Misol uchun Internetda siz faqat o'yin o'ynaysiz. Boshqa saytlar yoki birorta tarmoqqa kirsangiz sizga reklamalar chiqadi, reklamada sizga qiziq bo'lgan o'yinlar chiqishni boshlaydi.

adssettings.google.com sayti orqali siz haqingizda nimalar bilishlarini guvohi bo'ling. Bu saytda hattoki 1 yil oldin qaysi saytda qanday kino ko'rganingiz ham chiqadi.

👉 @it_time

Frontend dasturchi kim?

Frontend dasturchi , siz har kuni browseringiz orqali biror saytga kirganizda ko'radigan ko'rinishni yaratadi. Yani siz so'ragan narsani saytning backend (algoritmlardan tuzilgan dasturiy qism)ga tushuntiradi hamda qaytgan natijani dizayner chizib bergan dizayn orqali sizga tushunarli ko'rinishda ko'rsatib beradigan interfeysni yozadi.

Frontend dasturchi bo'lish uchun birinchi navbatda Html va Css belgilash tillari va JavaScript dasturlash tilini o'rganishi kerak.

Bularni o'rgangandan so'ng shularga oid mashxur Bootstrap, Jquery, Angular, ReactJs yoki VueJs UI kutubxonalarini o'rganib chiqishingiz zarur bo'ladi.

Siz qaysi UI kutubxonalardan foydalanasiz va uning ustunligi nimada deb o'ylaysiz?

👉 @it_time

💻💻💻 Noutbuk olishda e'tibor berish kerak bo'lgan jihatlar

Quyidagi tavsiyalar dasturchi, dizayner, loyihalovchi ya'ni og'ir dasturlarni ishlatuvchi yoki o'rganuvchilar uchun noutbuk sotib olishga taalluqli. Faqat MS Office bilan ishlaydiganlarga bundayroq kompyuterlar ham bo'laveradi 😉.

1️⃣ RAM (Operativ xotira, ОЗУ) - Kamida 8 GB
Ma'lumot: https://is.gd/x0IPJE

2️⃣ Doimiy xotira (hard, винт) - SSD toifalisini oling, kamida 240 GB hajmdagi. Agar ma'lumotlarni saqlash uchun boshqa HDD diskingiz bo'lsa, 120 GB lik SSD hard olib, unga operatsion tizimni yozib, fayllaringizni HDD da saqlasangiz ham bo'ladi.
Ma'lumot: https://www.starusrecovery.ru/articles/the-difference-between-ssd-and-hdd.html

3️⃣ Protsessor (x64) - Intel Core i5 (i7 bo'lsa yana ham yaxshi).
Chastotasi kamida 2 GHZ, kamida 8 yadroli
https://it.wikireading.ru/39448

4️⃣ Videokartasi kamida 2 GB bo'lsin, undan yuqori bo'lsa juda yaxshi.
Ekran Full HD - https://car3g.ru/info/chto-takoe-vram-v-noutbuke/

5️⃣ Tekshiring:
- kamida 1 tadan USB 2.0 va USB 3.0 portlar (ko'p bo'lsa yaxshi)
- VGA port (proyektor ulash uchun)
- HDMI port (televizorga, proyektorga, ... ga ulash uchun kerak)
- Ethernet port (kabel bilan internetga ulanish uchun)

6️⃣ Akkumlyatorining ishlash vaqtiga ham e'tibor beringlar (bu ishlatilgan noutbuk olayotganlar uchun).

💻 Kompyuteringizning yuqorida sanalgan texnik ko'rsatkichlarini qanday aniqlashni bilmasangiz:
- Win + R (Win bu Пуск, ya'ni u bilan R harfi birgalikda bosiladi) ni bosing hamda chiqqan oyna (Выполнить) ga dxdiag deb yozing va OK ni bosing.
- Win + R, msinfo32 deb yozing va OK.
- Win bilan birga Pause Break klaviturasini bosing.
Chiqqan oynalarda tizim va kompyuter texnik ko'rsatkichlarini bilib olishingiz mumkin.

P.S.: Odatda dasturlar (Autocad, 3D Max, Revit, Photoshop, ... kabi katta va og'ir dasturlar ayniqsa) ishlash jarayonida doimiy xotira (qattiq disk) dagi o'z fayllariga o'qish yozishlarni amalga oshirish orqali ishlaydi. Demak, ular tezroq ishlashi uchun muhim omillardan biri, bu - qattiq diskning o'qish / yozish tezligidir. SSD disklar HDD disklardan kamida 5 barobar tezroq ishlaydi bu o'qish yozish tezligi bo'yicha. Shuning uchun SSD xotirali qattiq diskli kompyuter tavsiya qilaman. Ammo, SSD li noutbuklar qimmatligi uchun yana bir yo'lni tavsiya qilaman: Siz 200 - 500 $ ga HDD li noutbuk olib, uning qattiq diskini olasizda, o'rniga kamida 120 GB li SSD disk o'rnatasiz, chiqarib olgan HDD ga 10 $ ga g'ilof va kabel olish mumkin Malikada. Shunda noutbuk ishlashi ancha tezlashadi.

👨🏼‍💻Men qoldirib ketgan qo'shimcha foydali ma'lumotlarni bilsangiz, shaxsiy tavsiyalaringiz bo'lsa, izohlarda qoldirishingizni so'rayman.

👉 @it_time

Biznikiga mehmon kelyapti.. 🙂

U shunday mehmonki, 1,2,3 kun emas, balki, 1 oy to'liq biznikida yashaydi...

U shunday mehmonki, u sovg'ayu salomlariga to'lib-toshib kelmoqda...

U shunday mehmonki, u bizga o'zi bilan Allohning rahmatu - mag'firatlarini ,savobu- salomatliklarini olib kelmoqda ...

👉 @rustambek_off

#ramazon

IT-Time jamoasidan ajoyib yangilik! 📣📣

Ramazonga sizlar uchun loyiha boshlamoqchi edik. Sizlardan taklif olmoqchimiz. Qanday loyiha qilsak sizlarga manfaatli bo'ladi?

Misol uchun, viloyatdagi do'stlarimiz uchun 1 oylik online bepul dars o'taylikmi yoki shunga o'xshash. Takliflarni kommentariyada kutamiz.

👉 @it_time

#free_fake_api #api

Soxta Tekin API (Free Fake API) larni ishlatish uchun yana bir ajoyib sayt.

Bu saytda siz "Soxta API"lardan bemalol foydalana olishingiz mumkin..!

Saytga kirish uchun link 👇:
https://fakestoreapi.com/

👉 @it_time

#mushugizm

• Yaxshi yashash deganda mushuklardek fikrlamaslik kerak. Yani biz inson bo'lib yaratilibmizmi, demak bizni oldimizda missiya qo'yilgan.

• Hamma dasturchi bo'lishi, yoki hamma shifokor bo'lishi kerak degan tushunchaga borib qolish noto'g'ri. Har kimning o'zini missiyasi va shuningdek har kimning o'zini sohasi bor.

• To'g'risini aytaylik hozirgi kunda sohani puliga qarab tanlaydigan bo'lib qoldik barchamiz. Hattoki, ota-onalar farzandiga yo'l ko'rsatarkan pulini surishtiradigan bo'lishdi. Farzandni qiziqishi va ummatdagi soha mutahasislarining yetishmasligi esa keyingi o'rinda.

• Yashash degani umrining birinchi qismida pul topib, mablag' jamg'arib, ikkinchi qismida mushuklardek yastanib yotish degani emas.

• Yashash meni fikrimda shunday: umrning birinchi qismida o'rganib, ikkinchi qismida o'rgatishdir.

P.S: Sohamizni professional darajada o'rganaylik toki hayotimizning ikkinchi qismi, mushuklardek o'tmasin!

👉 @it_time

🌙 Mohi Ramazon muborak!

Ushbu oyda qilgan ibodatlaringiz, ezgu amallaringiz, xayr-ehsoningiz dargohida qabul bo’lsin.

🤍 Sizga Ramazon oyida sabr va qalb hotirjamligini hamroh bo’lsin.

😌 IT-Time Academy oilasi nomidan ushbu muqaddas oy bilan sizni muborakbod etamiz!

👉 @it_time

Dasturchilarning Portfoliosi qanday bo'lishi kerak?

🧰 Eng avvalo portfolio o'zi nima?

🗂 Portfolio - sizning karyerangiz davomida tayyorlagan ishlaringiz jamlanmasi hisoblanadi. U web sayt, telegram kanal yoki instagram sahifa va shu kabi ko'rinishlarda bo'lishi mumkin.

📟 Dasturchilar uchun portfolio muhim ahamiyatga ega.

🗑 Agar endi ishga kirmoqchi bo'lsangiz yoki yangi ishga o'tmoqchi bo'lsangiz sizga albatta portfolio kerak. Ish beruvchi ham sizning portfoliongizga qarab siz va sizning tajribangiz haqidagi ilk tushunchalari paydo bo'ladi.

⚙️ Lo'nda qilib aytganda esa portfolio bu sizning butun hayotingizda qanday ishlar bilan shug'ullanganingizni va natijalaringizni ko'rsatib beruvchi yordamchi.

👉 @it_time