Shaharlar — depressiya manzili. Buning bir sababi sun’iylik ko’pligi bo’lsa, ikkinchisi shovqin.

Tabiat qo’ynidagi yolg’izlik buning davosi deb o’yladim. Chunki ruh tabiiylikni sevadi.

Ayni kunlarda ko’ngil ana shunday sokinlik va uzun yo’l istaydi..

📌 @Iysoxon

Taksi haydovchisi uxlab qolmaslik uchun 3 ta energetik ichdi va insultga uchradi.

Toshkentda qizlar sovg’aga olgan gullarni sotadigan auksion paydo bo’ldi.

Men vaziyatga realroq qarashni yaxshi ko'raman, lekin bu ikki voqea meni ga’lati holatga tushirib qo’ydi.

Chunki shu ikkisini birlashtirganda aksar o’zbek erkaklarining hayotini ko’rish mumkin: u uxlamasdan ishlaydi, o’zini unutadi va sevganiga gul sovg’a qiladi. Gul orqali mehr-muhabbatini ko’rsatmoqchi bo’ladi.

Va o’sha hissiyotlar sariq chaqaga sotiladi…

📌 @Iysoxon

Level up

Bolaligimda telefonda strategik o’yinlar o’ynardim. Barchasida qandaydir pul birligi va dushmanlar bo’lardi.

Boshida kichik pul evaziga nimadir qura olasiz, keyinroq hammasi qimmatlashib boradi.

Avvaliga kichik dushmanlar bilan olishasiz, sizga faqat o’zingizga mos raqib chiqadi. Keyinroq siz kuchayganingizda ularning o’rniga kuchliroqlari keladi.

Hozir o’ylasam, hayotda ham shunday ekan: Talabalik vaqtlarimda moliyaviy masalalarim uzog’i 100-200 ming so’m bilan hal bo’lardi.

Keyinchalik yuzlik dollarlarga o’tdi. Yana keyin mingliklar haqida gaplashadigan bo’ldik, usiz ishimiz bitmaydigan bo’ldi.

Ya’ni muammolar tugamadi, o‘zgarmadi ham.
Shunchaki kattalashdi va davom etyapti.

Demak, vahima qilish emas keyingi bosqichga moslashish kerak.
Bu — level up.

📌 @Iysoxon

Shikoyatdan yechimga

Sizga istalgan vaziyatda yordam bera oladigan bitta muhim ko‘nikma bor — bu muammoni hal qila olish.

Bilim, tajriba yoki aniq kasbingiz bo‘lmasligi mumkin. Lekin muammoni hal qilishga harakat bo‘lsa, uzoqqa borasiz.

Oddiy inson vaziyatni «muammo=shikoyat» sifatida ko‘radi.
Muammoni hal qiladigan inson esa “nima bo‘ldi va endi nima qilamiz?” formatida fikrlaydi.

Aynan shu fikrlash tarzi bugun hammaga kerak. Masalan, menga ham bilimdan ko‘ra fikrlash tarzi va «soft skill» muhimroq.

Jamoamda shunday yigit-qizlarni ko‘rishdan xursand bo‘laman. Va bor bilimlarimni ularga o‘rgatishga tayyorman.

Agar jamoada men bilan birga rivojlanmoqchi bo‘lsangiz, menejerim kontaktini o‘zingiz toping va yozing.

Bu siz uchun birinchi topshiriq bo‘ladi.
Kutaman. 😉

📌 @Iysoxon

Ba’zida seni shunchaki gap-so’zlarsiz anglashlarini istaysan. Chunki bu paytda na gapirishga, na tushuntirishga qodir bo’lmay qolasan...

📌 @Iysoxon

Kechki tavsiya

Achchiq qahvani yaxshi ko’raman. Ish bilan bir joyga kirgandim, qahvasi juda zo’r ekan. Va men 2 hissalik espressodan 3 ta ichib yuboribman.

Va’da beraman, bu xatoni boshqa qilmayman. Siz ham buni takrorlamang. Bo’lmasa, 02:30 da post yozib o’tirasiz. 😅

📌 @Iysoxon

Oldinlari “sen bilan ichilgan choy boshqacha” degan gaplarni ich-ichimdan anglamasdim.
Endi tushundim — sog‘inchli choy ekan. )

***

Ichingda olov bormi, uni jilovlashga urin.
Eplolmasang, qayergadir yo‘naltir. Ishon, ‘yondirib yuborasan’.

***

Yaqinlar ham ikki xil bo‘ladi:
ruhga yaqinlar va shunchaki qaysidir manfaat yo‘lida birlashganlar.

Birinchisini topish qiyin.
Topildimi — yo‘qotib qo‘yma.

***

Jamoa yig‘ishda ichki sezgini ham hisobga olish kerak. Aks holda noto‘g‘ri ruhiyat shakllanadi va qurilib bitgan bino buzilib ketadi.

📌 @Iysoxon

— Shu ishingdan nima topasan?
— O’zimni…

📌 @Iysoxon

Akrom Malikning “Halqa” asarida qahramonlar ko‘p.
Ammo Abdulloh Yorqin hikoyasi ich-ichigacha va eng nozik nuqtalariga ta’riflangan, ta’sirli yozilgan. Nega?

Chunki insonning tasavvur ufqi qanchalik keng bo‘lmasin,
u o‘zi bosib o‘tgan, yashab ko‘rgan narsani tasvirlagandek boshqa narsani tasvirlab bera olmaydi.

Muallif qaysidir ma’noda Abdulloh Yorqin hayotini yashab ko‘rgani uchun ham bu hikoya shunchalik ta’sirli chiqqan, deb o‘ylayman.

Demak, tajriba shunchaki bilim yoki tasavvur emas — ancha kuchliroq narsa.

📌 @Iysoxon

Muammolarga ikki xil qarash mumkin — og‘ir tosh yoki yengil paxta kabi.

Ularni hal qilishga kirishganda og‘ir toshni ko‘tarishga bel bog‘lagandek jiddiy yondashish kerak.

Ammo o‘ylashga va qabul qilishga kelganda, ularga xuddi yengil paxtadek qarash lozim.

Chunki asab tolalarimiz juda nozik — ular toshlarni ko‘tara olmaydi.

📌 @Iysoxon

Hayot asta-sekin insonlarga ishonmaslikni o’rgatib qo’yadi, boshqacha aytganda shunga majburlaydi.

***

Jim turganingda hamma seni kuchli inson deb o’ylaydi. Gapirishing bilan mutaxassis emasliging oshkor bo’ladi.

***

Asosiy e’tirozlar ziyoli, adolatli shaxslardan kelyaptimi, demak, jarayonni qaytadan ko’rib chiqish shart.

***

Inson aql va ruhiyat birlashgan mavjudot. Hissiyotlarni aql boshqarishini o’rganmasak, ancha qiynalamiz.

📌 @Iysoxon

Ko’ngil ishiga mas’ul emasmiz, lekin uning ortidan keladiganlarga javobgarmiz.

Tushuntiraman: insonga xos hissiyotlar — sevgi-muhabbat, g’azab va nafrat kabilarga hech kimning e’tirozi yo’q. Kimnidir sevish yoki nafratlanish bu inson boshqarishi qiyin jarayon.

Ammo ana shu hislar bizni nimadir yomonlikka undasa va o’sha ishni qilsak, bunga javob berishga majburmiz.

Bizlarga o’rnak bo’lgan zot ham kimnidir sevganlar yoki yomon ko’rganlar, ammo shu sabab kimgadir zulm va adolatsizlik qilmaganlar. Mana shu eng to’g’ri yo’ldir…

📌 @Iysoxon

Maqsadni kattaroq qo’yginki, yarmiga yetganingda ham boshqalardan ancha oldinda bo’lasan.

📌 @Iysoxon

Premium Fikrlarni youtubeda boshladik!

Har qanday qo'llab-quvvatlashdan xursand bo'laman )

https://youtu.be/Q_HzkH4mbPE

— Ko’zlar aldamaydi.
— Aldagani yaxshi edi…

📌 @Iysoxon

“Uzum Bank” ilovasi men uchun qulay. Deyarli barcha kartalarim, amaliyotlar shu orqali bo’lardi. Bundan 3-4 oy oldin ilova ishlamay qoldi.

Operator va texniklar bilan qayta-qayta gaplashdim, lekin foydasi bo’lmadi. Ishlarim qiyinlashib qolgandi.

Bugun ham 1 soatcha vaqtim shu texnik muammolar bilan o’tdi. Lekin birdan ilova ishlab ketdi-yu. Uhh, dedim. Boshqacha bo’lar ekan.

#insayt
Qo’limizda bor imkoniyat sezilmaydi, oldimizdan oqib turgan suv ko’zga ko’rinmaydi. Lekin yo’qolib qolsa, keyin aniq bilinadi.
Gohida ne’matlar olib qo’yilishi ham bejiz emas: hammasi bizni tarbiyalash uchun…

📌 @Iysoxon

Biznesga ozroq aralashishni boshlasangiz, jarayonlarni raqamlarda o’lchashni boshlaysiz. Va natijada sizga yakka shaxslar emas ko’pchilik, boshqacha aytganda foizlar nisbati qiziqroq bo’lishni boshlaydi.

Bu bir tarafdan yaxshi, chunki hech qachon hammani rozi qilolmaysiz. Foizda hisoblaganda ko’proq inson sizdan rozimi, demak, hammasi joyida.

Bir tarafdan esa yomon, chunki ko’pincha yakka shaxslarning fikrlarini unchalik e’tiborga olmay qo’yasiz va bu kattaroq xatoga olib borishi mumkin.

Demak, ikki o’rtani ushlay olish muhim…

📌 @Iysoxon

Fokus — diqqatni yig’ish haqida hamma gapiradi.
Lekin juda kam inson buni eplay oladi.

Bir g’oya, bir yo’nalish, bir ish yoki bir mavzuga to’liq diqqat qaratib ishlash va chalg’imaslik juda qiyin. Shuni qila olganlar boshqalardan zo’r bo’lib ketaveradi.

Chunki mashaqqatli vazifalarni zimmasiga oladiganlar har doim kam bo’ladi.

📌 @Iysoxon

100% intizomli bo’lish 99% insonlarning qo’lidan kelmaydi. Agar siz ham shu ko’pchilik ichida bo’lsangiz, tushkunlikka tushmang.

Nimadir yaxshi odatni shakllantirishni boshladingiz va to’xtab qoldimi, yana qayta boshlang. Chunki tashlab qo’yishdan qo’rqib umuman bajarmagandan ko’ra 10% bo’lsa-da, amalga oshirgan yaxshiroq.

O’sha 1% ichida emasligimiz ayb emas, shunga intilmasligimiz haqiqiy muammo.
To’xtamang, siz kuchlisiz. Biz kuchlimiz.

📌 @Iysoxon