يبعد الما يدگ لچفوف كل الناس
يبعد الما يرف الا على چف ايدك
عفت بيه بشر عايفني ويريدك !

ولله لو أكتب تَفاصيل إنتظارك ،
أترس الدِنيا حُبر .

كون ادير العين عنهم
گلبي الملوع شگله شلون أديره.

السلامُ علىٰ الخيام الخاليهۃ من الحسين(؏) 🖤.

ورجع أيلول وانتَ بَعيد.

‏واشتاگلك وأرجـع طفل ،
مايقتنع هو بعذر ..
مــآ يعرف فراگ ، وهجر ؟
كل اليشوفه يريــده ،
حاجاته كلهن بس أله ..
‏وممنوع وآحد يقترب ،‏
حاضنهـن بـ چف إيده 🖤

‏اريد كمادات ثلج احطها على گلبي ..

گلبي مارايد غريب ، يريد گلبك
گلبي تعبان ويحبَك.

- كون تشوف حالي شگد آلك ملهوف !

- كون اشوف روحي شخله
بيها الخوف
مطلوبة نذر وتخاف
ماتوصل حضرتك من بعيد اطوف

- انه بلياك مدري شبيه مابيه
زلف وبلايه ترچيه
درب ما بيه كُل جيه !
نهر فاض وتبع ميه ..
رجع بس ما لگاله جروف....

- نسولف بيك لـ آخر لحظه بـ الليل
‏و ترد من الصبح تِشغِل فكرنه

لـ المرحوم جبار رشيد💔

اتاني ، وادري وعدك ذاك
غيمه صيف ما تمطر 🖤

مآ نسيتك ..
آنتَ من آول حنين بـ روحي غآلي !!
مآ نسيتك ..
كل حزن وآنتَ آعله بآلي ،
كل فرح وآنتَ آعله بآلي ،
وآنتَ آول سآلفه بـ روحي خذتني
و كلهآ تآلي

الراحل ...جبار رشيد


عفت كلشي ...وجبت كلشي
ومدري شلون اجيت امشي ..
اجيتك ردت اگلك شوف ...
ردنه نعوف كلشي وماگدرنه نعوف

كون تشوف
حالي شگد الك ملهوف ..
جبت كلشي اليسولف بيك
خيالي وصحوتي وطيوف
جبت دگات گلبي
الگطعن گلبي بجفاك سيوف
جبت صفنات روحي
السودنت روحي .....
مثل جن بمسيه وعاليتيمه يحوف

كون تشوف .....
بشفافي الحزن ماخله بسمه تعيش
وكلمن گمت ابوسه بخده اطبع اوف

كون تشوف .....
دموع الجدم مايدري وين يروح
والخطوات عميه
وتايه بلاشوف

كون تشوف ....
..خلصت الوجوه وشفت كل الناس
كلها وجوه غربه ولا وجه معروف
وين الگاك يالموصوف
اليه أنه والك موصوف ؟...
يالفرگاك غربه وكلشي مامألوف ...
انه بلياك مدري شبيه مابيه ..
زلف وبلايه ترچيه ...
درب مابيه كل جيه...
نهر فاض وتبع ميه
رجع بس مالگاله جروف

كون تشوف....
روحي شخله بيها الخوف
مطلوبه نذر وتخاف ...
ماتوصل حضرتك
من بعيــــــــــــــــــــــ ـــــد تطوف

كون تشوف....
روحي شخله بيها الخوف
مثل دم العروس الجايه على اجناب
ويصبر عليهه
وجابها الزافوف

وشوف شخله بيه الخوف
مثل حلت مدارس
روحي احسها اطفال
حلت وتركتني ...
وباقي بس صفوف

ويا وحشة صفوفي ومن يجيني الليل
ويالون الوجه
بعدك الضل مخطوف

ويا قسوة ضنوني الماتريد ارتاح
وانه الصاير اسير
وبيدهن مجتوف

كون الگاك واشكيلك
على جروحي لگيت
الغشمه بيها تروف
وكون الگاك وابجيلك
واسوي خدودي سبوره
ودمعتي حروف

وكون الگاك واحجيلك
بكتاب السنين انحذف كلشي الچان
بس اسمك لگيته الباقي مامحذوف
واذكرك من مسحت دموعي
باخر يوم على خدودي
احس لهسه طبع چفوف

وكون تشوف....
عيوني مضيف تصير وكت النوم
وهلبت بالحلم لنك
تجينه ضيوف
كون تشوف حالي
شكد الك ملـهوف.....

آسف آلك بگد مآشفتني متآنيك ..
بگد الثقه المآ ضلت بـ عيني وبيك !