#رئيسية


الارض صاحت - لاتذبحه ياشمر
عوف صدره - لاتصعده بي كسر
الارض رادت تنخسف صبرهه الحسين
بيده يضربهه ويكلهه لاتخسفين
,,,,,,,,,,,,,,,,,,,,,,,,,,,,,,,,,1
الارض تبجي والالم يعصرهه عصره
اتصيح بالك ياشمر تمشي اعلصدر ه
بصدره اكثر من كسر عينك تنظره
ولو ذبحته اني انخسف لاتمس نحره

الكاع تبجي – وتصرخ ترابي خشن
الكاع تبجي – تجوي بظلوعه ويون
الكاع رادت تنجسم بالحسره نصين
بيده يضربهه ويكلهه لاتخسفين
,,,,,,,,,,,,,,,,,,,,,,,,,,,,,,,,2
لاتذبحه ايتام عنده ومحد الهم
المن يفرون لو حركوا خيمهم
هو بس حسين ضل ماغيره عدهم
ابو ما عدهم بعد لو اخذته منهم

عوف نحره – بي اثر بوست نبي
عوف نحره – نحره مصحف زينبي
الارض رادت تبلع الحاربوا هالدين
بيده يضربهه ويكلهه لاتخسفين
,,,,,,,,,,,,,,,,,,,,,,,,,,,,,,,,


........................................3
اثنعش ضربه اتضربه ليش اتخضبه بدماه
ويه كل ضربه اصيحن اه وياه
من شعر راسه تلزمة وجفك اذاه
دمه فوك اترابي سال وصحت ويلاه

عوف خده – لاتلمسه يانذل
عوف خده – دمع زينب ضل يهل
جبال تهتز من ينادي يبو الحسنين
بيده يضربهه ويكلهه لاتخسفين
,,,,,,,,,,,,,,,,,,,,,,,,,,,,,,,,,,,,,,,4,
من العطش كل لحظة تطلع شوف روحه
ويلجم جروحه التراب البي ملوحه
فوك كل هذا الشمس تجوي بجروحه
ومن كبرهه فاطمة كامت تنوحه

خله نايم – لاتزعجه بجيتك
خله نايم – لاتكعده بطعنتك
حسين من الالم كوه يفتح العين
بيده يضربهه ويكلهه لاتخسفين
,,,,,,,,,,,,,,,,,,,,,,,,,,,,,,,,5
بعد مايتحمل ومابيه لجمات
بيامجان تريد تسحك كله طعنات
وسهم طابك يم سهم ماكو مسافات
ثلث من كلبه طلع كافي الولي مات

ماتشوفه – تنزف عيونه دمه
ماتشوفه – يبس كلبه من الضمه
السمه سوده اتحولت والارض كل حين
بيده يضربهه ويكلهه لاتخسفين
,,,,,,,,,,,,,,,,,,,,,,,,,,,,,,,,
الخادم\حيدرموسى الرميثي

بالتراب.. ادفن الموته اجيت
بس ابوي..اتلمست صدره وبجيت
.....
اه ياكسر الابو المحد يجبره
كبره موبالكاع كون ابكلبي احفره
امن الحوافر صدره مطبوك اعله ضهره
والرمل حار واخاف ايأذي نحره
للجميع..اكبور بالهيمه بنيت
بس ابوي..اتلمست صدره وبجيت
....
كلبي ماينطيني اهل فوكه الترايب
جنت شاب ودفنته سوتني شايب
ابكثر مامشتاك اذتني المصايب
الله يرحم كلمن امفارك حبايب
موعليل.. اتمرضت من فاركيت
بس ابوي.. اتلمست صدره وبجيت
.......
ياسهم يانبله اطلعهن بديه
شرد اجاوبهه اذا تسأل رقيه
والطفل فاتح اكماطه اشكد خطيه
موتوني وصلت الدمعه عليه
عالخيام.. اتوجهت واشكد نعيت
بس ابوي..اتلمست صدره وبجيت
......
ابو الروح الترفه والرقه الجبيره
تالي ماتالي يشيلونه ابحصيره
لااهل لا فزعو الدفنه عشيره
عله زينب لو عله العباس اديره
استقبلت..قبلة الخيمه ونويت
بس ابوي..اتلمست صدره وبجيت
.....
شلته للحفره واحس اكوان شايل
وانه جسمي امن المرض ياناس ناحل
موجسد تاريخ ابوي امن المراجل
راس ماعنده وسهم يم ضهره واصل
وعالرضيع..حنية الزهره انحنيت
بس ابوي.. اتلمست صدره وبجيت
.....
امن التراب اموذر ابجفي واجمعه
هذا جبده وذاك يم الخوذه اصبعه
كمت اسولف والنحر يشهك اسمعه
كمت اسولفله اعله زينب دمعه دمعه
اشكد جروح..ابكربله تنزف لكيت
بس ابوي...اتلمست صدره وبجيت
.....تمت..بفضل الزهراء ع...

محمد الجماسي

هايناگه .. خاف يعثر جدمچ وزينب تطيح
هايناگه .. والكفلـها عــالـنهر مرمـي ذبــيح
مــن تطيـح شلون بـيها
وبالحبل مشدوده اديها
هايناگه
----------------------------------
على هونچ . هـاينـاگه صـوت زينـب لاتسـمـعين
على هونچ . خاف ونهــا من تسمعـينه تعـثـرين
على هونچ . مــن يركــبها الاهل عنهـا بعــيدين
على هونچ . الخاطر الله صبري روحچ لاتونين

ها يناگه .. بعد مايحمل ظرب والله المتن
هايناگه .. وهـيه كـل لحظه لكافلـها تحن
اشگد تصيح ومايجيها
وبالحبل مشدوده اديها
----------------------------------
من تسيرين . على كيفچ هايـناگه الخاطر الله
من تسيرين . على ظهرچ تره خدر الدنيه كله
من تسيرين . اخفـي دمــع اعيونها لمـن تهـله
من تسيرين . حتى مايظهر على مظهرها ذله

هايناگه .. تره مامتعوده تمشي ابلا كفيل
ها يناگه .. شلون بيها والسبي دربه طويل
صعبه تمـشي ابلا وليها
وبالحبل مشدوده اديها
هايناگه
-----------------------------------
ابلايه محمل . اتـواري بين النوگ لايدنون يمـها
ابلايه محمل . انحرگ محملها لمن حرگو خيمها
ابلايه محمل . من يشوفوها يصيحون ابأسمها
ابلايه محمل . تـره والله تنفـجع ويـزيد هــمها

هايناگه .. صعبه تمشي زينب ابلايه ولي
هايناگه .. تره هاي اتصير زينـب بت علي
الــنـاس لاتنــظر عليــها
وبالحبل مشدوده اديها
هايناگه
-------------------------------
لاتسرعين . ثگــلـي خطواتـچ وصــيـري بالنهــايه
لاتسرعين . حتـى زيــنب عيــنها اتــباري السبـايه
لاتسرعين . الگـيد حــز اچفوفها وتجــري دمــايه
لاتسرعين . ابتعدي ياهالناگه عن روس الضحايه

هايناگه .. دمــع عيــناها يصب لمـــن تــــشوف
هايناگه .. شلون تمسح خدها مربوطه الچفوف
صعــبه لو شـافت وليها
وبالحبل مشدوده اديها
هايناكه
-----------------------------
لاتميلين . والله لو طاحت تطيــح الدنيه كلها
لاتميلين . تــره هــاي الگاع ماتحــمل حملــها
لاتميلين . مــن يركبها وعلى الشاطـي الكفلها
لاتميلين . ياهــو التحشمه ضـحايه كـل اهلها

هايناگه . صعبه لوصاحت يبو فاضل تعال
هايناگه . والكفلـها ابكــربله فوگ الـــرمال
وال امــيه امحــاوطيها
وبالحبل مشدوده اديها
هايناگه
--------------------------------
تمت والحمد لله في 29 / 10/ 2015
حيدر تركي االكربلائي

للمشاية المقدسه
اربعين الامام الحسين ع
.
.
.


جيناك .. رايـه تـسـبگ رايـه
جيناك .. ابـمـوكب المـشايـه
جيناك .. الـغايه انتـه الغايـه
يا ابا عبد الله

-----------------------------------------

بـــده حــج الاربــعــين الكــربـــلــه المــعـموره
وصـورة المـشايه بيــها سـيدي اجــمل صـوره
احچايه نحچيها ابيقين وهاي ماهي اسطوره
لــون يــم الشــمس گــبرك هــم نـروح انـزوره

جيناك .. عــالعـــهد وفــــايه
جيناك .. ابـمـوكب المـشايـه
جيناك .. الـغايه انتـه الغايـه
يا ابا عبد الله

-----------------------------------------

الــذي علمــنه المســير الكــربله القــدســـيه
مـدرسة زيــــن الـعبــاد وحـوزتــه العلــميه
انواسي يحسـين ابمـشيـنه زيـنب المـسبيه
اويانه حتى الشمس تمشي والكره الارضيه

جيناك .. وتـدري بالــوفــايه
جيناك .. ابـمـوكب المـشايـه
جيناك .. الـغايه انتـه الغايـه
يا ابا عبد الله

-----------------------------------------

مانــهـم ومـــا نبـالــي لـو بعــيـده ادروبــنه
احنه چم محبوب عدنه انته بـس محبوبنه
اسلـوبنــه كـل سـنه هـذا ومانـغيـر اسلوبنه
علـى هالـرايـات اجـيـنه شــاديــن اگلــوبنه

جيناك .. وبســمك امسـمايه
جيناك .. ابـمـوكب المـشايـه
جيناك .. الـغايه انتـه الغايـه
يا ابا عبد الله

-----------------------------------------

باربعـينك مانـعوف المشـي يابـو اسكينه
لــون تتــگطع ادينــه وروســنه ورجـلينه
هـددونه اهـواي هـمــه واحــنه مامــلينه
گلنه نتحـدى الـظـروف وصدگ اتحدينه

جيناك .. اليحچي هيچ احچايه
جيناك .. ابـمـوكـــب المـشــايـه
جيناك .. الـغــايه انـتـه الـغـايـه
يا ابا عبد الله

-----------------------------------------

لـو عـمر نمشـيلك احـنـه مانـمـل مـمشــانه
نبـقه مادام الامـام الحجـه يمــشي اويـانه
نقره وي كـل خطـوه ندبه سيدي ابمسرانه
عجــل اللـهــم عــجـــل بالـفـــرج مـــولانه

جيناك .. الشيعه تدعي وجايه
جيناك .. ابـمــوكب الــمـشايـه
جيناك .. الـغــايه انتـه الغايـه
يا ابا عبد الله

-----------------------------------------

اشگد حـسبنه الأربـعينك ننـطـر ايمر بيـنه
يـبو اليمه أحنـه مــوته والمــشي يحـيينه
خدمـتك نعـمه فضـيله الخـدمـتك خـلينه
الله لايــحــرمــنه منـك كــون يــاوالـــينه

جيناك .. تبـچي هاي وهـايه
جيناك .. ابـمـوكب المـشايـه
جيناك .. الغايه انتـه الغايـه
يا ابا عبد الله

-----------------------------------------
تمت والحمد لله في ١٣ / ١١ / ٢٠١٦
حيدر تركي الكربلائي

.



علين واعلياه

عطف دهر المنايه عليك يهدم روعة احلامك

عشت لوعة مصاب الكون تشد ابجرحك اللامك

شفت بالطف ظلام الليل يسحك خطوة اجدامك

عليك امحزمه النكبات مابين الدمع والاه

**

هتف طاري المحن والنوح يخنك روحك بعبره

يهل ساجد حياتك اه و ذكره اتسلم الذكره

اليخط لوحت عذاب الكون منك ياخذ الفكره

صرت لم الحزن محراب خلصت الليالي احاه

****

خلص عمرك تبات بهم ومبخنك الف دمعه

تذوب وتحرك ابروحك مابين الظلم شمعه

تنوح الفكدت العافوك تحس امجتفه الوسعه

تلاوي همومك الصوبين كل صرخه الصحت ويلاه

****

يحزم دهرك اللجمات كل يوم اليمر يومه

على راسك يلم اهات جمعهن تره اغيومه

تمطر بس عذاب وهم وكلام الشامت ولومه

تصبر ياجرح يااه وجروحك جرح تنخاه

*****

عشك ويه  الدمع ماصار مثلك عاشك جروحه

عله باب الهظم والنوح روحه تاكل ابروحه

تمر بيك اليالي باه بين الدمعه والنوحه

الك جم لوعه جم صواب يشرحهن اثر معناه

************

الشاعر علي الحاج الصبيحاوي

المستهل.
يالخذت مني التراجي ..عيني متبطل بواجي
مو لجلهن..ولا المهن...ذكره جانت من ابويه.
.......................
انه طفلة والدي واسمي رقية
والدي سبط النبي وامه الزجيه
انه جدي المرتضي حامي الحميه
ارد احلفك بيهم واعطف عليه
يلي شكلك موحش واصلك اميه

انه ورده فاطميه..لاتمد ايدك عليه
لا ياكافر ..غصني طاهر... ذكره جانت من ابويه

.................
هالتراجي من ابويه ليه ذكره
اشلون تاخذهن يظالم واني حره
يعني كل الصار كلبك مايكسره
ونته تنظر كل خيمنه بنار وجره
ورايد اتسلبني ذكره وهي حسره

لاتسلب ذكرياتي..مابقه كلشي بحياتي
انه اميره..صرت اسيره..ذكره جانت من ابويه

................
ارد اسألك يالي كاصدني ابأذيه
طفله ماعندك تتانيك بمسيه؟
وانه طفله ابلا ولي وهسه ابرزيه
ماتحن الطفلتك وتحن عليه
ونته تنظر حالي تتراجف اديه

مايذكرك حالي بيها..وينكسر كلبك عليها
وانه وحدي ..وانته ضدي..ذكره جانت من ابويه
.......................

طفله مسبيه ويتيمه ورعبتني
اركض ابخوفي ودمعتي ولوعتني
وانه ادوس اعل الجمر هاي الجوتني
هالتراجي ماتلوك الا اعل اذني
ماتوالم طفلتك يالسلبتني

هالتراجي هاشميه..ماتوالم ال اميه
لاتكرب ..لاتسلب..ذكره جانت من ابويه

....................
عمي ياعباس وينك يااماني؟
عمي انظر دمي يجري من اذاني
مااريد الماي اريدك بس تراني
وين اروح واتجه من السباني
عمي سلبني ويصيحنك لساني

عمي ياراعي الموده..هالعدو محد يرده
مالي والي..شوف حالي..ذكره جانت من ابويه

الشاعر حيدر العزام

بسم الله الرحمن الرحيم
(بطور يامحلا الوداع ابهل المسيه)

سجـــاد اللـــقب يـــبن الزݘيه من كثرة صلاتك
وعنوانك حــــــزن بيــن الـبريه
*
تجسيد الرساله ومظـــهر القران بي عـــندك درايه
زين العابدين ومعـــدن الاحـسان حجه اعله البرايه
نورك زاهر وبي تزهر الأكـــوان مـــصباح الهدايه
نور وأصلك النور للحـﮔ منهجك سور
نور امن العرش حــل عالوطيه
سجـــاد اللـــقب يـــبن الزݘيه من كثرة صلاتك
وعنوانك حــــــزن بيــن الـبريه
*




صلاة الليل كل عمرك تصــليهه جلــــبابك خشوعك
سبحتك طين ريحت كربله بيهه عـاجنـهه ابدموعك
دوم أبأيدك الطــــــيبه تخـــليهه واضمهه الضلوعك
لحسينك تذكره ݘن دامي وتنظره
تــــوه منــــــــذبح بالغاضريه
سجـــاد اللـــقب يـــبن الزݘيه من كثرة صلاتك
وعنوانك حــــــزن بيــن الـبريه
*
إمام الإمه عالــــم بالشرع والـدين للـــعالم نـــظامه
صوام النهار وتفـــﮔــد المسكــــين وتحــن عاليتامه
باسط لليـﮔـــــصدك دومك الݘـفـين وتحفظله الكرامه
أصلك منبع الجود للهادي النبي اتعود
جود المجتبى وجودك سويه
سجـــاد اللـــقب يـــبن الزݘيه من كثرة صلاتك
وعنوانك حــــــزن بيــن الـبريه
*

طاهرمن طهرمن الذنب معصــــوم حـــــاكم بالعداله
المايرضه ابعدل حاقد عليك ايحوم عــاداك ابضـلاله
دس سم الغدر تالي ومتــت مسموم سم ﮔلب الرساله
دلالك تـــﮔطع من سِمه تروع
سمك حاقد ايــــرد لآل امــــيه
سجـــاد اللـــقب يـــبن الزݘيه من كثرة صلاتك
وعنوانك حــــــزن بيــن الـبريه
*








يعين الله شبلك ساعة الـــــتـغـسيل ﮔلبه أسأل اشـﮔـال
يغسل جسمك ومنه الدمـوع اتسيل شاف اثار الاغلال
أغلال السبي وݘان الطريق اطويل يشبه حزنك الطال
بالطف ﮔلبك انصاب من كثر الهظم ذاب
طوّل ݘي مشت زينـب سبيه
سجـــاد اللـــقب يـــبن الزݘيه من كثرة صلاتك
وعنوانك حــــــزن بيــن الـبريه
*

حيدركريم جارالله

《من وحي الامام السجاد ع 》

زين العِباد المضلوم چم نايبه العاناها
جبده تفطر مسموم روحه الأجل وافاها

شجم نايبه السجاد شاف بُعمره
من كربله ومن الزمان وغدره
جم غالي شاهد منصرع عالغبره
ورأس الولي فوك الرماح اينظره

تكفل حراير وايتام بدرب اليسر يرعاها

درب اليسر ماينوصف اصعب حال
من عگب ما وَدع جثث فَوگ رمال
الجامعه بعُنقه وبجفوفه الاغﻻل
تجْرع عذاب ونايبات واهوال

وللكوفه حاديهم سار من كربله تعناها

بعد الطفوف أيامه صارت احزان
يشرب الماي ويذكر شجم عطشان
وسدهم بأيده الاهل والوليان
مثل الخيم تلهب بگلبه النيران

كربله عاشت وياه كل عمره ماينساها

تلومه البشر لدموعه والكثر النوح
جاوبهم بگلبه الحزين المجروح
دمعي يظل ياناس من دم مسفوح
بيدي شِلت منحر ابويه المذبوح

عيني تظل تجري دموم وماينكطع مجراها

جرح الگلب مايُبره جرحه ويلّتم
بهاي المصيبه الله وحده اليعلم
بعد الألم كلبه تفطر بالسم
وانختمت أيامه الحزينه بالهم

علنت حداد الأكوان بﻷرض وبعلياها

غسله شبله الباقر بدمع العين
شاهد أثر أغﻻل ظل بﻷيدين
ويگله بويه بعدك يكون الحين
اتمنه يشملني بغيابك هل البين

وروحي يوافيها الموت والزهره تتلگاها


خادم أهل البيت ع
الشاعر زيد الكاظمي

للاستفسار اوللتواصل مع الرادود مصطفى الكربلائي على هاذة المعرف


@MlleMastafa

كريــــــم العتـــــــره مسمـــــوم
يمكن قراءة هذه القصيده بنفس طور قصيدة ( زينب لايسبوها مرتين ) التي قرأها الحاج باسم الكربلائي
شاعر أهل البيت / جابر النجفي ــ التاريخ 2 / 12 / 2013م ــ 28 / محرم / 1435 هـ ــ ديوانيه 07804314411

يالمهدي == الحسن مظلوم == يامهموم == وين الثار
ينتظرك == يبو الثارات == ترفع سيف == يامغوار
نعزي فاطمه اليوم === كريم العتره مسموم
ـــــــ
إﮔصد للبقيع إو زور أبو إمحمد إمامك
تلاﮔيها تــُربـْتـَه إتنوح مشتاﮔـــﻪ إلسلامك
إذا زرته إو ﺑﭽيت إبتربته يسمع كلامك
ترد مسرور منــّه المجتبه إو عالي مقامك
ياشيعي == الحسن ناداك == شاركني == الحزن والنوح
على إحسين == الوﮔﻊ بالحوم == محبوبي == الأخو المذبوح
أبو السجاد مظلوم === كريم العتره مسموم
ـــــ
مظلوم الحسن من شيعته إبن الزﭽيــّه
ناسينه إو أبد ما ينذكر راعي الحميـّه
ما عنده ضريح إو تـُربته إتشوف الرزيــّه
كل يوم اليـُمر يمــّه يعيث الناصبيــّه
ما عدهم == أبد أخلاق == مذمومين == بالآيات
يبغضون == الولي الكرار == مولانه أبو الطيبات
ﺑﭽــاه الدين مهموم === كريم العتره مسموم
ـــــــ
واجه زيف أرباب الدجل زمرة أميـّه
حارب كل فكرهم ما رضخ لبن الدعيــّه
غدروه إبحقد أهل المطامع جاهليــه
عافوه إو ﺑﮔﻪ إبحيره أبو النفس الأبيـــّه
بالحيره == ﺑﮔﻪ مولاي == والأخطار == حاطت بيه
ما ننسه == كريم البيت == أبد والله == ما ناسيه
والينه الحسن دوم === كريم العتره مسموم
زينب تنظر الوجه الأخو إو دمعتها بالعين
ﺘﮔلـــّه يا إبن أمـّي الحسن تاركنه لاوين
ذابت مهجة المظلوم أخوي الصابر إحسين
من شافك يبو القاسم تــُوَدّع ياحمه الدين
يالغالي == تروح إشلون == ياروحي == إو أمل دنياي
من بعدك == أظل بالنوح == ياخويه == إو ضـُوَه عيناي
ﮔلبي إبنار ﻣﻠﭽــوم === كريم العتره مسموم
ـــــ
شـَيــْعوه الحسن وإرتفعت الأصوات تنعاه
وأسهام الحقد صابت نعش مولاي ويلاه
والعباس رادت ترفع البتـــّار يمناه
وإحسين إبألم نادى الشهم عباس هــَدّاه
مو وكتك == يبو الهدّات == ياعباس == إلك أيــّام
ناداه == إو لزم يمناه == أبو السجاد == بالآلام
يومك صار معلوم === كريم العتره مسموم
ــــ
ياموعود يـَمـْتــَه إتعود نمشي إوياك أنصار
وإنزور البقيع إهناك نبني إﮔبور الأطهار
وإنزور الزﭽيــّه فاطمه بـــِدْموع أنهار
نطرد كل وهابي إو ناصبي وإنــــْطــَهـّر الدار
نزور إحسين == ماي العين == يامحجوب == كلنه إوياك
نصيح الآه == ما ننساه == تشيل إبشوﮒ == طفله إهناك
لواءك يصعد إيحوم === كريم العتره مسموم
ـــ
مع تحيات شاعر أهل البيت / جابر النجفي

بسم الله الرحمن الرحيم

أَبكي حســــيـــــناً وبهِ أبكي الحسـنْ
دمعــــي لــدى الزهراءِ ألقــــاهُ غداً
************************
يا باكيــــاً ابكِ علــى ذاكَ الغـــريـبْ
واذكرهُ في الطــــــفِ ذبيحــاً وسلـيبْ
صلى عليــــــــــــهِ اللهُ والخــدُ تريبْ
على الثرى صارَ الثــــــرى لهُ الكفنْ
************************
وابكِ الــــــذي قدْ ماتَ بالــسُمِّ النقـيعْ
كريمُ أهلِ البيتِ ذو الخـطبِ الفضيعْ
صاحــــبُ قــــبرٍ هدمــــــــوهُ بالبقيعْ
كــــــأنَّهُ الغـــــريبُ في أرضِ الوطنْ
************************
صاحبُ كــفٍّ إن يشأ يعطي الجنانْ
ومنهلٌ يبقى على طــــــولِ الزمانْ
كـــــفُّهُ قـــــــــــلبٌ ويفيضُ بالحنـانْ
بابُ إلــــــــى الله تعالى في المحـنْ
************************
قفْ عندَ قبرِ المجتبى أجـــرِ الدمـوعْ
يا عاشقَ الأطـــــهارِ وابكِ بالخشـوعْ
أوقـدْ لهُ الأضـلاعَ حــزناً كالشمـوعْ
رتلْ جــــوارَ القـــــــــــبرِ آياتِ الشجنْ
************************




وسَلْهُ عن قــــــبرِ البتــولِ أيـــــنَ حـلْ
أما عـــــنْ الضــــلـــعِ الكسيرِ لا تسلْ
لعلّهُ فــــــي لحدِهِ يجـــــــــري المُقـــلْ
فكسرُ ضلعِ فـــــاطـــــمٍ يُـــذكي الحـَزَنْ
***************************
ذكّــرْهُ بــالعــــباسِ ذي الصبرِ الجميلْ
وقـــــــــــــلْ لهُ ردَ لكَ الــثأرَالكــفيـلْ
من آلِ حربٍ بالكفــــوفِ و الصـــقيلْ
قدْ ردَّ ثأرَ النعشِ مــــن أهــــلِ الــوثنْ
************************





ســــــلْهُ بأنْ يـــــــدعو لمهـديِّ الأممْ
كي يــــــــــــــرفعَ القبرَ ويعلوهُ علمْ
كانَ لــــدى العــــباسِ مخضوباً بدمْ
حناءُهُ الدماءُ فـــــــــي طولِ الزمنْ
*********************
تمت بعون الله تعالى وفضلهِ وتوفيقه وإحسانه وتسديده والحمد لله رب العالمين وصلى الله على محمدٍوآله الطاهرين وعَجلَ الله فرجهم وسهلَ مخرجهم اللهم صلِّ على محمدٍوآلِ محمد
حيدركريم جارالله الكربلائي