‏﴿رَبَّنا وَلا تُحَمِّلنا ما لا طاقَةَ لَنا بِهِ﴾💔

فزاعيه الى السيده زينب عليها السلام❤️‍🔥

❥❥ـــــــــ❁❂❂❁❂❂❁ــــــــــ❥❥


شيخه معدله.. بت داحي الباب

دخلت يم يزيد وشنهو الأسباب
❥❥ـــــــــ❁❂❂❁❂❂❁ــــــــــ❥❥



زينب هاي شيخه وبت ابوها

ذلت كل زلمهم ما يذلوها

زينب هاي رباها ابوها

(( تربيه حيدر// معروفه))

❥❥ـــــــــ❁❂❂❁❂❂❁ــــــــــ❥❥


معروفه اعله ابوها طالعه الهيبه

بت حيدر علي معروفه تربيه

اخت عباس هايه موش مسبيه

(( اخت الهيبه// زينب علويه﴾

❥❥ـــــــــ❁❂❂❁❂❂❁ــــــــــ❥❥

هاي معدله واربات اجاويد

كالت للبطل لاماي ماريد

زينب هاي ربوها الاجاويد

﴿ زينب شيخه // يا شام اشهد﴾



❥❥ـــــــــ❁❂❂❁❂❂❁ــــــــــ❥❥


كل الشام يشهدلج يعلويه

كل طفله بدرب بالنار مجويه

زينب بت علي وامها البدويه

﴿ اسمج هيبه// بت داحي الباب ﴾

❥❥ـــــــــ❁❂❂❁❂❂❁ــــــــــ❥❥
تمت بحمدالله للشاعرات المبدعات
#للشاعرة نرجس البنداوي
#الــشاعـرة حنـــــين العبوديه

غير مبري الذمه لمن يحذف الاسم
امام الله والزهراء؏ وينسب القصيده له الى يوم القيامه
https://news.1rj.ru/str/ncjriw13

قصيده ثكيله اللاحباب ﴿مانامت اليل ﴾😔💔
❥❥ـــــــــ❁❂❂❁❂❂❁ــــــــــ❥❥



مانامت اليل....... مانامت اليل
روحي تريد احبابها.. ما نامت اليل


وياهم اتشيل.... .. وياهم اتشيل
ياريت ياغيابها ...... وياهم اتشيل



❥❥ـــــــــ❁❂❂❁❂❂❁ــــــــــ❥❥


روحي تريد احبابه متنطره بالباب
شالو ابساعه ماأجو والدمع سچاب
كلهم سويه من مشوا جا شنهي السباب
ردو عليه هالصحت ياجرحي ماطاب

والمدمع ايسيل.... والمدمع ايسيل
محد يجي يم بابها .. والمدمع ايسيل

مانامت الليل....... . مانامت الليل
روحي تريد احبابها... مانامت الليل

❥❥ـــــــــ❁❂❂❁❂❂❁ــــــــــ❥❥
دمعي يهل عليهم من فاركوني
ماسئلو عني اخواني يمكن نسوني
كلبي شتعل بناره ونعمن عيوني
متنطره اني بدارهم هلبت يجوني

ونهدم الحيل .... ونهدم الحيل
بفراك النامو تره ..... انهدم الحيل

مانامت الليل....... . مانامت الليل
روحي تريد احبابها... مانامت الليل
❥❥ـــــــــ❁❂❂❁❂❂❁ــــــــــ❥❥
بفراكهم من الحبل زركه امتوني
بعد الولي عدوان والله أسروني
طبيت اني لديوان ولكل يناظروني
زينب اني يحسين ما يكسروني

ضلو مجاتيل ..... ضلو مجاتيل
نامو والله عله ترب .... ضلو مجاتيل

مانامت الليل....... . مانامت الليل
روحي تريد احبابها... مانامت الليل
❥❥ـــــــــ❁❂❂❁❂❂❁ــــــــــ❥❥
وهسه ذكرة الي جره بلغاضريه
والله لا يعودها ذيج المسيه
وحدي ضليت انا ودياري خليه
لا اهل ولا ولد هاي اذيه

ضليت وحدي .... ضليت وحدي
محد ضل ويايه ... ضليت وحدي

مانامت الليل....... . مانامت الليل
تريد روحي احبابها... مانامت الليل

❥❥ـــــــــ❁❂❂❁❂❂❁ــــــــــ❥❥
وحدي ضليت انه اون وانحب
وعتب عله الوكت وخدري تسلب
ضليت اجر حسرات يكلبي ونحب
وضل امناطره ياهلي وجرحي ماطاب

وبدمعه وونين .... وبدمعه وونين
اضل انا مناطره ..... بدمعه وونين

مانامت الليل....... . مانامت الليل
تريد روحي احبابها... مانامت الليل ❥❥ـــــــــ❁❂❂❁❂❂❁ــــــــــ❥
تمت بحمدالله
غير مبري الذمه الي يمسح اسم الشاعراه
عله طور يم باب اهلنه 💔

#الــشاعـرة حنين ام ادم العبوديه
#الــشاعـرة نور الهدى الحسناويه
https://news.1rj.ru/str/ncjriw13

كأني بالسيده زينب (؏) عندما بقيت تتلفت يمينأ وشمالأ عيناها غارقات بلدموع مرت تبحث عن قبر الحسين بكت وقالت 😔💔
❥❥ـــــــــ❁❂❂❁❂❂❁ــــــــــ❥❥


اخوتي احنان بس محد تلكاني
شكثر ونيت وانه مغيره الواني
❥❥ـــــــــ❁❂❂❁❂❂❁ــــــــــ❥❥
اجيت اليوم اسوي الاربعينيه
واسولف بالوجع والدمعه مجريه
اكعدو وشوفو اختكم اجت محنيه

ثجيل افراگكم والوكت اذني
❥❥ـــــــــ❁❂❂❁❂❂❁ــــــــــ❥❥
دولبني الوكت يحسين دولبني
فك عينك عليه ولا تعذبني
بعدك دهري خويه هواي تعبني

من جور الوكت يحسين مو اني
❥❥ـــــــــ❁❂❂❁❂❂❁ــــــــــ❥❥
ادورك يخويه وكوه الگيتك
مرني الهظم واحتاجيت حنيتك
ارد شلون خويه وفاگدك بيتك

وانت وكافلي وجعاتي واحزاني
❥❥ـــــــــ❁❂❂❁❂❂❁ــــــــــ❥❥
من ذبحوكم گبالي نطفت عيني
راحو عني اخوتي وزادوا ونيني
وابد ما حسبت واحد يخليني

مشيت ميسره ومسبيه عنواني
❥❥ـــــــــ❁❂❂❁❂❂❁ــــــــــ❥❥

(تمت بحمدالله)
#الــشاعـرة والملا حنين ام ادم العبوديه
غير مبري الذمه الي يمسح اسم الــشاعـرة
https://news.1rj.ru/str/ncjriw13

يا سدت بابها والله عمت عيني
دارام الحسن وحشه وتبجيني


✍🏻#الشاعره حنين ام ادم العبوديه
انتظروها بس باجر وتنزل 😔💔

قصيده لمولاتي فاطمه الزهراء ؏ 💔😔
❥❥ـــــــــ❁❂❂❁❂❂❁ــــــــــ❥❥
سدت بابها والله عمت عيني
دار ام الحسن وحشه وتبجيني
❥❥ـــــــــ❁❂❂❁❂❂❁ــــــــــ❥❥
دار امي الحنينه اليوم عميتنه
وحشه اخلافهه والفرگه كتلتنه
لكعدتها نحن ذيج ومحنتنه

ومو هذا طبعها امي تخليني
سدت بابها والله عمت عيني
❥❥ـــــــــ❁❂❂❁❂❂❁ــــــــــ❥❥
حنينه الروح ماتحمل يفركاها
ليش الزاجية احنه فاركيناها
يلجم بالضلع التراب غطاها

بسمار الضلع بالروح ماذيني
سدت بابها والله عمت عيني
❥❥ـــــــــ❁❂❂❁❂❂❁ــــــــــ❥❥
لا كالت بنيتي ولا حجت بيه
لاطارش اجه ولا سألت عليه
سهرانه عليها العين ليليه

جفني ماطبك والسهر كاظيني
سدت بابها والله عمت عيني
❥❥ـــــــــ❁❂❂❁❂❂❁ــــــــــ❥❥
عونه الشافها وتسامر وياها
يهنيال الگبر بضلوعه ضماها
روحي البين من الفرحه حرماها

اصيحن وينها الجانت تسليني
سدت بابها والله عمت عيني
❥❥ـــــــــ❁❂❂❁❂❂❁ــــــــــ❥❥
(تمت بحمدالله)
#الــشاعـره حنين ام ادم العبوديه
غير مبري الذمه الي يمسح اسم الشاعره
https://news.1rj.ru/str/ncjriw13

هوسات للعباس عليه السلام 🔥
═══ೋ• 🖤 •ೋ═══
شدي الحيل يالجيتي تهوسين
على العباس ومصابه تونين
شدي لطمتج يستاهل الزين

عباس الليلة //الطميله
═══ೋ• 🖤 •ೋ═══
للعباس هوسي ولا تفكرين
يستاهل دمى نجريها بالعين
انطه العين والجفين لحسين

بصولاته // معروف الكافل
═══ೋ• 🖤 •ೋ═══
وين يريد شايل راعي الكلفات
ابو الغيرة الوفي الكله امروات
يستاهل الهوسة وملعب ورايات

ويگضيهه كل شده// الكافل


═══ೋ• 🖤 •ೋ═══
للعباس اودي اعتاب وبحسره
واحلفه بخوته وبحسين وبصبره
وامشي عليه زينب وأمها الزهره

بس حلفه // بزينب مكضيه
═══ೋ• 🖤 •ೋ═══
يگضيها الحاجه وادري بالعباس
كفو ونعمين منه تصيح كلها الناس
وآنه اقسم عليه بالمشت وي الراس

الحاجه بزودك // تكضيها

═══ೋ• 🖤 •ೋ═══
ارد امشي للعباس واحجيله الهموم
وذكره بالعطشان المات محروم
اريدن حاجتي منك يابوالفضل ياجيدوم

واحلفنك بعد //بأمك البدويه


═══ೋ• 🖤 •ೋ═══
تـمــ✍ـت بـعــون الـلـه تَعَـالَى
بـقلـم خـــادمــة أهــل الـبـيـت
{عـليـهـم الـسـلام}
#الــشاعـرة ألـعلـويّــة
بـــتــول اللهـــاشـــمــي
#الــشاعـرة حنين ام ادم العبوديه

https://news.1rj.ru/str/ncjriw13

قصيده مربعه للزهراء عليها السلام (المستهل. )
❥❥ـــــــــ❁❂❂❁❂❂❁ــــــــــ❥❥

شفجه الوالده وحلوه حجاياهه
مشتاك الكلب ويريد ملكاهه
❥❥ـــــــــ❁❂❂❁❂❂❁ــــــــــ❥❥

عليهه احتام كلبي يريد شوفتهه
كبل وياي جانت محله كعدتهه
اخذهه الموت فلت وسفه عشرتهه
نامت بلكبر وتراب غطاهه
❥❥ـــــــــ❁❂❂❁❂❂❁ــــــــــ❥❥

وسفه ام المحنه التحجي بلزينات
غطاهه التراب وما ترد هيهات
واحنه اخلافهه بس نجهر الونات
هاي الدللتنه شلون ننساهه
❥❥ـــــــــ❁❂❂❁❂❂❁ــــــــــ❥❥


هاي الدللتنه شلون ننساهه
حلوه معدله محله حجاياهه
تعاي وياي خل نتعاتب وياهه
حلوه الوالده محله محله حجاياهه

❥❥ـــــــــ❁❂❂❁❂❂❁ــــــــــ❥❥

محله گعدة امي جانت ويانه
يريت ترد علينه وتگعد ويانه
وين السامرتنه وگعدت ويانه
يبجون الولد يردون وياهه
❥❥ـــــــــ❁❂❂❁❂❂❁ــــــــــ❥❥
#الــشاعـره حنين ام ادم العبوديه
#الشاعر عبدالله السهلاني
غير مبري الذمه الي يمسح اسم الشاعره
https://news.1rj.ru/str/ncjriw13

فزاعيه المولاتي رقيه القضاء الحاجه

احلفج يارقيه بروح الحسين
ادري بيج انتي الماتقصرين
❥❥ـــــــــ❁❂❂❁❂❂❁ــــــــــ❥❥
نحلفج بلبطل عباس وحسين
تكضين الحوائج ماتقصرين
تعنيت بسفرتج تدمع العين

تكضيها//مولاتي صعبه

الحاجه يا رقيه اليوم عندج
وادري يا رقيه من اندبج
وادري ما يخاب اللي يندبج

معروفه// تگضيها ابابج

❥❥ـــــــــ❁❂❂❁❂❂❁ــــــــــ❥❥
تعنينه السفرتج والهضم بينه
نحلفج بلذبيح حسين ابو سكينه
انريد مراد من جفج تكرمينه

حليهه//كل شده ادخيلج

عدنه هموم كثره وليج نحجيهه
عليج ابداعت المضلوم ثجيلهه
بجاه الحره عمتج لا تخليهه

هليله// ندك بابج

❥❥ـــــــــ❁❂❂❁❂❂❁ــــــــــ❥❥

﴿تمت بحمدالله ﴾
#الشاعره حنين ام ادم العبوديه
#الشاعره ام طيبه المحمداويه
غير مبري الذمه الي يمسح اسم الشاعرات امام الله والزهراء ؏

https://news.1rj.ru/str/ncjriw13

يمه يالولد .. ما احمل افراگه

ناره بالگلب يا نار حراگه

✍🏻#الشاعره حنين ام ادم العبوديه
انتضروني 💔😔

قصيده الى القاسم ؏ وللشباب 💔

❥❥ـــــــــ❁❂❂❁❂❂❁ــــــــــ❥❥

يمه يالولد .. ما احمل افراگه

ناره بالگلب يا نار حراگه


❥❥ـــــــــ❁❂❂❁❂❂❁ــــــــــ❥❥

ونارك يالولد تجوي بدلالي

تعال وشوف حال الضيم يا حالي

عگبك بس دمع هالعين يصفالي

( تبجيها// من دم اعيوني)

❥❥ـــــــــ❁❂❂❁❂❂❁ــــــــــ❥❥

تبجي عيوني ما تبطل بواچيها

من تنشد الروح وشرد احاچيها

اگللهه الولد والجان ساليها

( من ايدي// رايح يوليدي﴾

❥❥ـــــــــ❁❂❂❁❂❂❁ــــــــــ❥❥

راح الولد من ايدي شسويله

اضل طول العمر الطم وابجيله

ضلت روحي عگبك يوليدي ذليله

﴿ ابجيله// ياروح اوليدي﴾

❥❥ـــــــــ❁❂❂❁❂❂❁ــــــــــ❥❥

تبجي الروح لوداعك يغالي

تره راح الولد عزي ودلالي

ضلت دمعتي هاي التلالي

﴿ انته عيوني // ياروحي الغالي﴾

❥❥ـــــــــ❁❂❂❁❂❂❁ــــــــــ❥❥

عميت العين يبني من رحت عني

تره گلبي بفركتك صار يوجعني

هاذي الوكت لا والله ميرحمني

﴿ بفراگه// گلبي اليوجعني﴾
❥❥ـــــــــ❁❂❂❁❂❂❁ــــــــــ❥❥

تمت بأقلام الشاعرات
غير مبري الذمه الي يمسح اسم الشاعرات امام الله والزهراء ؏
#الــشاعـره حنين ام ادم العبوديه
#الشاعره نرجس البنداوي
https://news.1rj.ru/str/ncjriw13

قصيده الى السيد الصدر ﴿ قدس) سريعه
❥❥ـــــــــ❁❂❂❁❂❂❁ــــــــــ❥❥


وللسادات .. محلاها العراضات

ويا سيد الصدر تحلاله گولات

❥❥ـــــــــ❁❂❂❁❂❂❁ــــــــــ❥❥

كلنه اليوم نطلعله بهوسات

لبس جفنه وگف علوها رايات

ولسيد الصدر محلاها دبجات

﴿ وتلوگ العراضات.. الك سيد﴾

﴿ نسويله// ميدان وهوسه)

❥❥ـــــــــ❁❂❂❁❂❂❁ــــــــــ❥❥

محله وكفته ومحلاها الهدوم

واليعاند السيد ينحكم دوم

عليه اليوم كلها صارت ادموم

﴿ للحنانه// خل نطلع عراضه اليوم ﴾

❥❥ـــــــــ❁❂❂❁❂❂❁ــــــــــ❥❥

خل انروح للسيد نجر ونه

ميدان السيد بالله اعدلنه

من يوگف ويلبس خام يا جفنه

﴿ مفصلها // خاجيته بچفنه﴾

❥❥ـــــــــ❁❂❂❁❂❂❁ــــــــــ❥❥

تمت بقلام الخادمات الحسين ؏
#الــشاعـرة حنين ام ادم العبوديه
#الــشاعـرة نرجس البنداوي
غير مبري الذمه الي يمسح اسم الشاعرات
https://news.1rj.ru/str/ncjriw13

يرج الكون يايوم الافاعيه

يستاهل الطم منج يشيعيه

✍🏻#الشاعره حنين ام ادم العبوديه
✍🏻#الشاعره ام علي افضل الزينبي
انتضرونه

سريعه للصدر ❤️‍🔥
❥❥ـــــــــ❁❂❂❁❂❂❁ــــــــــ❥
يرج الكون يايوم الأفاعيه
يستاهل لطم منج يشيعيه

{ شمحلاها // لطمة اعله القادة}
❥❥ـــــــــ❁❂❂❁❂❂❁ــــــــــ❥❥

يعور يوم ابونة يمرد الدلال
وعكبك الحنانة حالها ياحال
تون خلافك يبويه اطفال وارجال

{مضعينه//ياوسفه الحيد }
❥❥ـــــــــ❁❂❂❁❂❂❁ــــــــــ❥❥

شجاع وماكو احد يجي مثله
يتراجف من اسمة الكون كله
ومسجد الكوفة هناك يشهدله

{ ومشهودة // خطباتة هناك }

❥❥ـــــــــ❁❂❂❁❂❂❁ــــــــــ❥❥

شـــــايل والمــــنبر خالي بدونة
ابو مصيفي سبع واهله يريدونه
وهاذا ابن الفحوله بارعه عيونه

{يون عليه // المنبر خالي }

❥❥ـــــــــ❁❂❂❁❂❂❁ــــــــــ❥❥
#الــشاعـره حنين ام ادم العبوديه
#الــشاعـره ام علي افضل الزينبي
غير مبري الذمه الي يمسح اسم الشاعرات
https://news.1rj.ru/str/ncjriw13

اذا زاد همك والونين
عوف الدنيه كله وانخه ام البنين 💔

يا ام البنين اقضي حاجتي 😔

فاركونه ونريد اهلنه الدللونه
فاركونه واليش اهلنه ماخذونه

✍🏻 #الــشاعـره حنين ام ادم العبوديه
انتضروني 💔💔😔

عن لسان حال مولاتي زينب ؏ تقول 💔
❥❥ـــــــــ❁❂❂❁❂❂❁ــــــــــ❥❥
فاركونه نريد اهلنه الدللونه
فاركونه واليش اهلنه ماخذونه
❥❥ـــــــــ❁❂❂❁❂❂❁ــــــــــ❥❥
ظلت عيوني تناطرهم عله لباب
اااخ ياضيم البكلبي والله ماطاب
سدو الباب ومشو وبعيده الدروب
فاركوني والفراك شكد صعب


فاركونه نريد اهلنه الدللونه
فاركونه واليش اهلنه ماخذونه
❥❥ـــــــــ❁❂❂❁❂❂❁ــــــــــ❥❥
خلصت العشره ويه اهلنه وهل نسونه
سكنوو كبور البعيده وما خذونه
يل ماخذ اهلي يا دهر مايردونه
شالو بليل ومشوو جنهم نسونه

فاركونه نريد اهلنه الدللونه
فاركونه واليش اهلنه ماخذونه
❥❥ـــــــــ❁❂❂❁❂❂❁ــــــــــ❥❥
وحمليتو هايهلنه وين ماشين
وتبقه طول العمر دمعاتي بالعين
مناطره ردتهم عليه وين ماشين
من دم تهمل العينين مني ما تنامين


فاركونه نريد اهلنه الدللونه
فاركونه واليش اهلنه ماخذونه
❥❥ـــــــــ❁❂❂❁❂❂❁ــــــــــ❥❥
اذكرت احبابي المشو عني وجفوني
لحظه ماغابو عن البال ونسوني
من زايد هالدمع ذبل جفوني
عالمشو وبليل اظلم عذبوني

فاركونه نريد اهلنه الدللونه
فاركونه واليش اهلنه ماخذونه
❥❥ـــــــــ❁❂❂❁❂❂❁ــــــــــ❥❥
اليدفن اعزازه يظل ابكلبه جمره
الودع احبابه وتركهم دمعه حسره
ايظل يناظر للصور وبكلبه حسره
دمعه دمعه للمشو تركولي ذكره

فاركونه نريد اهلنه الدللونه
فاركونه واليش اهلنه ماخذونه
❥❥ـــــــــ❁❂❂❁❂❂❁ــــــــــ❥❥
(تمت بحمدالله)
#الــشاعـره حنين ام ادم العبوديه
غير مبري الذمه الي يمسح اسم الشاعره
https://news.1rj.ru/str/ncjriw13

افراكج يلحنينه افراك جتال
خذاج الموت مني ولزمن عال

✍🏻 #الــشاعـره حنين ام ادم العبوديه
انتضروني 💔