⚠️200 грамм мех ва самарез дар меъдаи бемор

Дар филиали Маркази ҷумҳуриявии ёрии таъҷилии тиббии шаҳри Самарқанд ҷавони 29-солаеро ҷарроҳии фаврӣ карданд. Пас аз ҷарроҳӣ табибон аз роҳи меъдаю рӯдаи бемор миқдори зиёди маснуоти металии сохтмониро хориҷ карданд.

Тибқи маълумоти пешакӣ, сабаби ин ҳодиса ҳолати шадиди стресс будааст, ки ба рафтори ғайримуқаррарӣ оварда расондааст. Дар ин бора расонаҳои ӯзбекистонӣ хабар додаанд.

Ба гуфтаи пизишкон бемор бо шикояти дарди шадид ба беморхона интиқол ёфтааст. Ташхис нишон додааст, ки дар узви ҳозимаи бемор миқдори зиёди ашёҳои металӣ мавҷуд аст.

Амалиёти ҷарроҳӣ бо усулҳои лапаротомия ва гастростомия тақрибан як соат идома ёфт ва дар ҷараёни он қариб 200 грамм ашёҳои бегона хориҷ карда шуданд.

Ба гуфтаи табиби дараҷаи олӣ бемористони номбурда Юлдош Қулиев, айни ҳол ҳолати бемор қаноатбахш буда, ӯ аллакай мустақилона роҳ рафта метавонад.

📱 Pressa.tj

⚠️Қодиров писари 20-солаашро ба мақоми баланд таъйин кард

Раҳбари Чеченистон Рамазон Қодиров рӯзи 5-уми январ таъйиноти наверо эълон кард, ки бар асоси он писари калонаш Аҳмад Қодиров акнун муовини сарвазири ҷумҳурӣ мешавад.

Ҷавони 20-сола бо ин, ки вазифаи навро ҳам соҳиб шуд вале аз мансаби ҳозирааш, яъне вазири тарбияи ҷисмонӣ ва варзиш аст нигоҳ медорад.

Аҳмад танҳо фарзанди Қодиров нест, ки дар дастгоҳи ҳокимияти Чеченистон мавқеи баланд дорад:

Зелимхон (19-сола) — писари дуюм, соли гузашта раиси Федератсияи муштзании Чеченистон шуд.

Одам (17-сола) — писари хурдӣ, ҳоло дабири Шӯрои амнияти ҷумҳурӣ аст.

Хадиҷа (24-сола) — духтари Қодиров, соли 2024 ба мақоми муовини аввали раиси дастгоҳи раҳбари Чеченистон расид ва то имрӯз дар ин вазифа кор мекунад.

Таъиноти писарони ҷавон ба мансабҳои калидӣ нишондиҳандаи сиёсати Рамазон Қодиров дар мустаҳкам кардани нуфузи хонаводагиаш дар сохтори ҳокимияти минтақавӣ аст.

📱 Pressa.tj

⚠️Масъалаҳои иқтисодӣ, фарҳангӣ меҳвари гуфтугӯи Тоҷикистон ва Арабистони Саудӣ

Раиси Маҷлиси намояндагони Тоҷикистон Файзалӣ Идизода бо ҳамтои саудии худ Абдуллоҳ ибни Муҳаммад ибни Иброҳим оли Шайх дидор кард. Ҷонибҳо дар ин вохӯрӣ масъалаҳои калидии густариши робитаҳои дӯстонаи ду кишварро мавриди муҳокима қарор доданд.

Дар ин бора хабаргузории давлатӣ АМИТ “Ховар” хабар додааст.

Ба иттилои манбаъ, ҷонибҳо зарурати таҳкими ҳамкориро дар соҳаҳои сиёсӣ, иқтисодӣ, фарҳангӣ ва гуманитарӣ таъкид карданд. Нақши парлумонҳо дар густариши муносибатҳои байнидавлатӣ муҳим арзёбӣ карда шуд.

Масъалаҳои табодули таҷрибаи қонунгузорӣ, ҳамоҳангсозии мавқеъҳо дар созмонҳои байналмилалӣ ва густариши робитаҳои гурӯҳҳои дӯстии байнипарлумонӣ низ дар дастури корӣ қарор дошт.

Ҳарду тараф омодагии худро барои пешбурди ҳамкории судманд баён намуданд, ки ин барои рушди минтақавӣ аҳамияти калон дорад.

📱 Pressa.tj

⚠️Тағироти кадрӣ дар сохторҳои давлатӣ

Имрӯз, 7 январ дар чанде аз мақомоти шаҳру ноҳияи Тоҷикистон тағйироти кадрӣ сурат гирифт.

Президенти кишвар Эмомалӣ Раҳмон раисони нави 9 шаҳру ноҳияи кишвар ва роҳбарони нави баъзе сохторҳои давлатро ба ҳузур пазируфт.

Кадрҳои навтаъин инҳо ҳастанд:

1. Солеҳзода Ашурбой - муовини раиси вилояти Хатлон оид ба иқтисод;
2. Раҳмонзода Абдулло - муовини раиси вилояти Хатлон оид ба идеология;
3. Пирзода Диловар - иҷрокунандаи вазифаи раиси шаҳри Кӯлоб;
4. Набизода Фаррухуддин Амурдин - иҷрокунандаи вазифаи раиси ноҳияи Мир Сайид Алии Ҳамадонӣ;
5. Рауфзода Саймумин Тоҷиддин - раиси ноҳияи Ховалинг;
6. Ализод Азизулло Муҳибулло - иҷрокунандаи вазифаи раиси ноҳияи Ҷайҳун;
7. Ҷумазода Шарифҷон - иҷрокунандаи вазифаи раиси шаҳри Исфара;
8. Қодирӣ Абдусаттор Ғаффорзода - раиси шаҳри Истаравшан;
9. Нӯмонзода Темурҷон - иҷрокунандаи вазифаи раиси ноҳияи Бобоҷон Ғафуров;
10. Ҷӯразода Ҷамшед Ҳабибулло - иҷрокунандаи вазифаи раиси ноҳияи Спитамен;
11. Салимзода Нусратулло Файзулло - иҷрокунандаи вазифаи раиси ноҳияи Рӯдакӣ;
12. Муминзод Камолиддин Рамазон - раиси Кумитаи рушди маҳали назди Президенти Ҷумҳурии Тоҷикистон;
13. Давлатзода Зарина Дилмурод - муовини раиси Кумитаи рушди маҳали назди Президенти Ҷумҳурии Тоҷикистон;
14. Маъмурзода Адҳам Маъмур - мушовири калони бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа;
15. Шарифзода Мануҷеҳр Муртазо - директори Муассисаи давлатии «Театри миллӣ».

📱 Pressa.tj

⚠️Дар Венесуэла 7 рӯз мотами миллӣ эълон шуд

Иҷрокунандаи вазифаи Президенти Венесуэла Делси Родригес барои поси хотири нафарони кушташуда дар амалёти ИМА дар ин кишвар як ҳафта мотами миллӣ эълон кардааст.

Дар ин бора хабаргузории “Ройтерз” иттилоъ додааст.

Дар ҳамлаи Амрико ба Венесуэла, ки рӯзи 3-юми январ рух дод ҳудуди 20 афсари венесуэлӣ кушта шуд. Инчунин Николас Мадуро ва ҳамсараш Силия Флоресро нерӯҳои амрикоӣ дар ин амалиёт рабуданд.

📱 Pressa.tj

⚠️Шаҳрвандони Тоҷикистон, ки ба ИМА рафтан мехоҳанд, акнун пеш аз сафар бояд 15 ҳазор доллар гаравпулӣ супоранд

Шурӯъ аз 21 январи соли 2026 Тоҷикистон ба Барномаи озмоишии гаравпулии раводид (Visa Bond Pilot Program) ҳамроҳ мегардад. Дар ин бора Сафорати ИМА дар Тоҷикистон хабар дод.

Тибқи ин барнома, шаҳрвандоне, ки барои гирифтани раводиди хизматӣ ё сайёҳии навъи B1/B2 ба Иёлоти Муттаҳида муроҷиат мекунанд, пеш аз содир шудани раводид бояд гаравпулиро дар ҳаҷми то 15 ҳазор доллари ИМА супоранд.

Гуфта мешавад, ин маблағ дар сурате ба аризадиҳанда пурра баргардонида мешавад, ки ӯ ҳамаи шартҳои раводидро риоя карда, пеш аз анҷоми муҳлати иҷозаи будубош қаламрави Иёлоти Муттаҳидаро тарк намояд.

Барои маълумоти бештар дар бораи гаравпулии раводид аз пайванди зерин истифода баред:  https://travel.state.gov/content/travel/en/News/visas-news/countries-subject-to-visa-bonds.html

📱 Pressa.tj

❗️Ба хонаводаи афсари ҳалокшуда дар марзи Афғонистон манзил тақдим шуд

Ба хонаводаи Исматулло Қурбонов, афсари Хадамоти марзбонии Тоҷикистон, ки моҳи декабри соли 2025 дар марзи Тоҷикистон бо Афғонистон ҳалок шуд, манзили истиқоматӣ ва кумакҳои иҷтимоӣ пешниҳод гардиданд. Дар ин бора хадамоти матбуоти Вилояти Хатлон хабар дод.

Ба иттилои манбаъ, раиси вилоят калиди хонаи истиқоматиро дар маркази Бохтар ба хонаводаи марҳум, ки сокини ноҳияи Ҳамадонӣ мебошанд, супорид.


Қаблан, рӯзи 1 январ, мақомоти Вилояти Мухтори Кӯҳистони Бадахшон ба хонаводаи Зиреҳбон Наврӯзбеков, афсари дигаре, ки дар ҳамон ҳодиса ҳалок шуд, дар шаҳри Хоруғ хонаи дуҳуҷрагӣ ҷудо карда буданд.

Ёдовар мешавем, ки рӯзи 24 декабр дар натиҷаи ҳамлаи афроди мусаллаҳ аз қаламрави Афғонистон дар ноҳияи Шамсиддин Шоҳин ду афсари Хадамоти марзбонии Кумитаи давлатии амнияти миллии Тоҷикистон ҷон бохтанд. Ба иттилои Кумитаи давлатии амнияти миллии Тоҷикистон, дар ҷараёни амалиёт се фарди мусаллаҳ безарар гардонда шуданд. Ба гуфтаи мақомоти амниятӣ, аз ҷои ҳодиса силоҳу муҳимоти ҷангӣ, аз ҷумла автоматҳо, норинҷакҳои дастӣ, маводи тарканда ва дигар таҷҳизоти низомӣ мусодира шудааст.

Мақомот таъкид мекунанд, ки вазъият дар минтақа зери назорат буда, чораҳои иловагӣ барои таҳкими амнияти сарҳадӣ андешида мешаванд.

📱 Pressa.tj

🤖Зуд, қулай, осон: чат-боти “Доно” ба муштариён чӣ тавр кӯмак мерасонад

Аллакай қариб 60% ҳамаи муроҷиатҳо ба ширкати “МегаФон Тоҷикистон” бо кӯмаки ёвари виртуалӣ баррасӣ ва ҳал карда мешаванд. Ба шарофати он, ки чат-боти “Доно” дарҳол посух медиҳад ва мунтазам такмил меёбад, нишондиҳандаи қаноатмандии мизоҷон (CSI) низ рӯ ба афзоиш аст: он аз оғози соли 2025 28% боло рафта, шумораи саволҳое, ки “Доно” ба онҳо ҷавоб медиҳад, 45% зиёд гардидааст.

“МегаФон Тоҷикистон” имкониятҳои гуногуни хизматрасонӣ, аз ҷумла зангзанӣ ба маркази тамос ё муроҷиат ба идораи ширкатро пешниҳод мекунад. Аммо ҳалли мушкилот бо ёрии чат-бот боз ҳам зудтар сурат мегирад. “Доно” бо забонҳои русӣ ва тоҷикӣ кор мекунад, шабонарӯзӣ ва дар ҳама ҷо дастрас аст ва ба саволи маъмулӣ дар тӯли чанд сония, бе ягон навбат посух медиҳад.

✅ Обуна шавед  /Telegram /Instagram/Facebook/YouTube

🤖Быстро, удобно, просто: как чат-бот «Доно» помогает абонентам

Уже почти 60% всех обращений в компанию «МегаФон Таджикистан» решается с помощью виртуального помощника. Благодаря тому, что чат-бот «Доно» отвечает почти мгновенно и постоянно учится, растёт и показатель удовлетворённости клиентов (CSI): с начала 2025 года он увеличился на 28%. А количество вопросов, на которые отвечает «Доно», – на 45%.

МегаФон Таджикистан предлагает разные способы обслуживания – например, можно позвонить в колл-центр или прийти в офис компании. Но быстрее всего решить вопрос с помощью чат-бота. «Доно» работает на русском и таджикском языках, доступен 24 часа в сутки в любом месте, а ответ на типовой вопрос он предоставит всего через пару секунд, без каких-либо очередей.

✅ Обуна шавед  /Telegram /Instagram/Facebook/YouTube