Хәйерле иртә!

❄ Бөгөн республикала һәм Өфөлә көндөң аяҙлы-болотло булыуы, урыны менән бер аҙ ҡар яуыуы көтөлә.

Ел көньяҡтан талғын, көсәйеүсән.

Һауа температураһы республикала -5, -10, Өфөлә -5,-7 градус һалҡын


Беҙгә 📻лдаш бул!

Табиптар Яңы йыл осоронда хәүеф тыуҙырған мәлдәр тураһында иҫкәртә.

Шуларҙың береһе - байрамға таратылған татлы күстәнәстәр. Күп кәнфит ашау балалар һаулығы өсөн зыянлы, ти белгестәр. Айырыуса тән ауырлығы, шәкәр диабеты хәүефе булған балалар иғтибарһыҙ ҡалмаһын.

Шулай уҡ татлы ризыҡтың иммунитет системаһы, мейе, бауыр һәм тештәргә зарары ҙур. Кәнфитте күп ашау йоҡоға ла кире йоғонто яһай, ти табиптар.

Беҙгә 📻лдаш бул!

Башҡортостанда Яңы йылдан һуң тәүге яугирҙарҙар төркөмө ҡыҫҡа ваҡытлы ялдан һуң йәнә махсус хәрби операция биләмәһенә юлланды.

Уларҙы оҙатыу сараһы “Өфө-Арена” комплексы алдындағы майҙанда үтте. Ир-егеттәрҙе оҙатыу тантанаһында яугирҙарҙың ғаилә ағзалары, туғандары, дуҫтары ҡатнашты.

Хәрбиҙәрҙе тәғәйен урынға алып барыу өсөн республика етәкселеге уңайлы автобустар бүлгән.

Беҙгә 📻лдаш бул!

🌨 Башҡортостандың баш автоинспекторы водителдәрҙе һауа торошоноң насарайыуы хаҡында иҫкәртте.

Владимир Севастьянов хәбәр итеүенсә, Башҡортостандың ҡайһы бер райондарында буран сығыуы, секундына 21 метрға тиклем көслө ел иҫеүе күҙәтелә.

"Республика ЮХХДИ водителдәрҙе һаҡлыҡ саралары тураһында иҫкәртә. Һауа торошоноң насарайыуы арҡаһында юлда үтә һаҡ булығыҙ; мөмкин булһа, алыҫ юлдарҙан баш тартыу яҡшыраҡ", - тип билдәләне ул. "Сәйәхәткә сығыр алдынан машинаның техник торошона айырым иғтибар итегеҙ һәм яғыулыҡ багын тултырығыҙ. Аккумулятор йәки яҡтыртҡыстар менән проблемалар булмаһын. Үҙегеҙ менән йылы кейем, аяҡ кейеме һәм телефон зарядкаһын алығыҙ."

☎ Дежур подразделениеларҙың телефондары: Башҡортостан буйынса Эске эштәр министрлығы Дәүләт автоинспекцияһының юл патруле хеҙмәтенең махсус батальоны: 235-84-02, 233-27-31, РФ ЭЭМ Өфө ҡалаһы буйынса дәүләт автоинспекцияһының юл-патруль хеҙмәте: 237-84-80, 237-02-02.

Беҙгә 📻лдаш бул!

Республикала яңы йыл каникулында поликлиникалар көн дауамында эшләй.

Медицина ойошмалары иртәнге сәғәт 8-ҙән көндөҙгө 5-кә тиклем асыҡ була. Травмотология пункттары, теш табибы бүлмәһе, ҡатын-ҡыҙҙар консультацияһы шулай уҡ пациенттарҙы ҡабул итә.

Һаулыҡ һаҡлау министрлығынан белдереүҙәренсә, ялдарҙа диспансеризация һәм медицина тикшеренеүе үтергә, анализдар тапшырырға ла була.

Беҙгә 📻лдаш бул!

Бөгөн Бөтә донъя Брайль азбукаһы көнө билдәләнә.

Тактиль шрифт ярҙамында һуҡыр һәм күреү һәләте насар булғандар уҡырға, яҙырға өйрәнә, һөнәр үҙләштереп, йәмғиәткә яраҡлаша.

Бөтә Рәсәй һуҡырҙар ойошмаһының төбәк бүлексәһендә бөгөн биш меңдән ашыу кеше иҫәпләнә.

Беҙгә 📻лдаш бул!

Бөгөн❗

"ЮлдашХит - 2025" йыр фестиваленең телевизион вариантын ҡарарға саҡырабыҙ. 22:30 сәғәттә БСТ-ны ҡуйырға онотмағыҙ!

Беҙгә 📻лдаш бул!

Йылдың тәүге рәсми никахы.

Әлшәй районынан Ралина һәм Айнур Хәзиевтарҙы ихлас ҡотлайбыҙ!

Йәштәргә бәхет һәм именлек теләйбеҙ ❤️

Беҙгә 📻лдаш бул!

☃ Ишембай районы Ҡолғона ауылынан Гөлнара Вәлиева өй алдын ошолай матур итеп биҙәгән.

Ул "Юлдаш" радиоһы ойошторған "Их, ихата!" конкурсында ҡатнаша. Фотобәйгегә һеҙ ҙә ҡушылығыҙ:

vk.ru/wall-4647320_705950

Беҙгә 📻лдаш бул!

🎄 Яңы йылға - изге теләктәр.

Һеҙҙе Ilgizmo ҡотлай.

Беҙгә 📻лдаш бул!

Бер-беребеҙгә ниндәй һүҙҙәрҙе йышыраҡ әйтергә кәрәк?

Эфирға ҡунаҡҡа килгән психологҡа ошондай һорау бирҙек. Яуап "Яратам!" һүҙе булды.

Яратҡан һәм ғәзиз кешеләребеҙгә был һүҙҙе йәлләмәйек.

Беҙгә 📻лдаш бул!