كفّينه العتب والباب سديناه
يا صرخه النضُمها بذمه الصنطه!
شنگول الحطب بالنار ضميناه؟
غلطه وبالحلم ماتنحسب غلطه
وطمطمنه الخبر وعبيد بريناه
وخلينه الحچي على الوادم مغطه . 

12:12✨

‏تمشي نص الليل وحدك
مستعز بأخر جگارة
تمشي والظلمة جسر يعبر عليك
وياخذك لأبعد مغارة
تضحك من الخوف وحدك
تبچي كلش
سكتة خاف تموت كافر
بين ذرعان المنارة
وتلتفت مامش منارة
ولا مغارة
ولا جگارة

اني وانت
ليلة باردة
نكعد بالسيارة
ونسمع شمسين
It’s a date

كف بأول جَرح
لا تنلچم مرتين
عاههَ يظل اذا مرتين يتخيط
ابتره اليوجعك من الجَذر وارتاح
عليمن باقي عثره ووضعك مخَربط
يستفحل اذا ماقررت ينهيك
اگطع دابره من تعوفه يتسلط
مايحمي الظهر لا بالملاگه يفيد
مابي نَفع زايد وين ماينحَط .

-

ماضيك بدفتري
وموجود كل الحصل مابينك وبيني
نتلاگه يوم بدرب
وحط عينك على الشمس
ومن تصبر ويا الشمس
حط عينك بعيني.

‏أن تحظى بالأحن، هذا هو الفوز الدافئ✨.

ضيعيتج..
ورقه ما بين الدفاتر ضيعيتج
لحضه وبساعات باجر ضيعيتج
فره وبدولاب داير  ضيعيتج .

ترس روحي الضباب وبينت وياك
كلي بروحك امشي وجرحي ماشفته!
انه بالنسمة اعثر وانتَ قيس الحال
مو جدمي وراك خيالي ما شلته
واجي بواهس عذر وحروفي مني تطيح
واتبده اعلى وجهك مستحى وسكته
وانخل غير وجهك واليطيح تراب
وانكتهم واهزهم بس تظل انتَ
رمح فرگاك اجاني مسابك ويا الريح
ماقصرت تسلم بالنفس جبته
بس المحترك يفهم حجي الدخان .

ليش تِستوطن بِـ صدر الما يحس!
النسمة التُطب صدر ميت تنحبس .

وگتلي رايح
درت وَجهي وغيمتك مُطرت سفر
ما گلتلي.. مِن البداية
الحُبّ ضلالة ، الشوگ لعنة
حتى لا أكفر وأحبّك
ومَا گلتلي..
عُيونك الحِلوات ما بيهِن قرَار!

أن يكون بيتنا صغيرًا
منعزلًا محاطًا بالورد
تنيره الشمس
ولا يعرف طريقه
إلا مَن نحب✨.

12:12✨

_

ومن صار الصدگ ردتك ولو حاجوز
وغصب عذرك قبلته تخاف تتعور
بزلاتك أضم ردتك ضمير تصير
وجذبت الصدگ حتى انت ما تخسر
وعاونتك علي من شفت عذرك خاب
وقنعت النفس گلتلها يتغير
لا گصرك طول لا فاض بيك الطيب
لا شمسك علت والراكد تبخر
لا مدك وصل والعين شافت نور
لا كسرك جبر لا لغزك تفسر
گدامك طحت ما شفت وجهك گام
وهاك ابسط مثال وشوف وتصور
ولك خشبة بطبر فرگست چف حطاب
من شافت حطب گدامها تّطبر.