_مالك بتضحكي براك يا محاسن جنيتي؟ 😂
=ما جنيت لكن بضحك وبتحسر على نفسي
_ كيف الكلام ده يا محاسن 😂
= اتخيلي الليلة اخوي الصغير جاء قال لي الشيخ في الجامع قال لينا اي زول يمشي يسأل اخوانو الكبار عن شروط وأركان وواجبات ومبطلات الصلاة ويجي يوريني ليهم بكرة
وانا طبعا غلبني الاقولو لاني انا زاتي م عارفة والله.. شينة عديل مني قدر حالي ده وابسط الحاجات م عارفاها 💔
_ والله بالغتي يا محاسن 😂💙 لكن ياخ م مشكلة ما عيب الزول يعرف 💙
= طيب ممكن تقوليهم لي اذا ماف مانع
_حاااضر 🤩💜 طيب بسم الله نبدأ اول شي بي شروط الصلاة ويلي هي.. الإسلام والعقل والتمييز والطهارة من النجاسة والحدث ودخول وقت الصلاة وستر العورة واستقبال القبلة والنية.. وبس كده 😂💙💙
= ياخ والله بسيطات خلاص حفظتهم خلاص 😂💙
....
_ طيب نقول ليك أركان الصلاة ويلي هي: القيام مع القدرة.. وتكبير الإحرام..وقراءة الفاتحة.. والركوع ..والرفع والاعتدال بعد الركوع ..والسجود على سبعة أعضاء ..والرفع من السجود والجلسة بين السجدتين.. والطمأنينة في الأركان والترتيب والموالاة ..والتشهد الاخير والجلوس للتشهد الاخير 💙وبس كده
= تمام حلو واصلي باقي الواجبات والمبطلات...

_ كويس يلا الواجبات هي : جميع التكبيرات عدا تكبيرة الإحرام فهي ركن.. قول سمع الله لمن حمده وقول ربنا ولك الحمد.. وسبحان ربي العظيم فالركوع.. وسبحان ربي الأعلى في السجود.. ورب اغفر لي بين السجدتين.. والتشهد الأول.. والجلوس للتشهد الأول
= تامام 😂💙💙ماشين كويس..

_اها يلا المبطلات كالآتي.. الكلام العمد والاكل والشرب والضحك والانحراف عن القبلة كثيرا والعبث المتوالي وانتقاض الطهارة.. وبس كده خلصنا 🙃💙💙
= والله ياخ جزاك الله خير.. لكن م وريتني يعني شنو ركن ويعني شنو واجب ويعني شنو شرط
_ طيب يا ستي هسي نوريك تعريف اي واحد فيهم
.. 🪷
الركن : هو الأفعال والأقوال التي يقوم بها المسلم في الصلاة واذا ترك واحد منها تكون صلاته باطلة شرعاً💙
والواجب : كما ذكرنا سابقاً من الواجبات فإن تركها سهواً يوجب فيها سجود السهو واذا تركها عمدا تبطل الصلاة 💙
الشرط : هو الفعل الذي يجب فعله لصحة الصلاة ولا تتم الصلاة الا بتنفيذ شروطها اولاً💙
= ايواا خلاص عرفت تب والله الليلة م قصرتي معاي عديل 🤩💜 +عندي اسئلة اكتر من كده وتفاصيل عايزة اعرفها لكن خلي بكرة ان شاء الله بجي بسألك
_ حااضر م عندك اي مشكلة 💙
= طيب س سـ سلاام 🤩💜

‏- هل سمعت ما حدث لفُلان ؟
‏- لا لم أسمع !
‏- أين تعيش أنت ؟
‏- أعيش في حياتي وليس في حياة الناس .

"رَحِمَ اللهُ إمرئٍ عرفَ حدَّهُ فوقفَ عِنده" 💜

_ اسمعيني دايرة أسألك
=اتفضلي يا محاسن 🙃
_ امس كنت بصلي وبعد انتهيت وحدة من البنات اللطيفات 🌸قالت لي تاني قبل م تبدي الصلاة قولي دعاء الاستفتاح ومشت طوالي وانا ما لحقت اسألها دعاء الاستفتاح ده شنو
= وانت م كنت عارفاهو يعني يا محاسن!! 😅
_لا والله اول مرة اسمع بيهو.. كدي كان عارفة وريني ليهو
=حااضر يا ستي هسي تعرفي والما عارف كلو يعرف معاك
_سمح😁
=طيب دعاء الاستفتاح ده صيغته كالآتي (اللهم باعد بيني وبين خطاياي كما باعدت بين المشرق والمغرب.. اللهم نقني من خطاياي كما ينقى الثوب الأبيض من الدنس.. اللهم اغسل خطاياي بالماء والثلج والبرد) 📌وبس كده وأيضاً عندو صيغ أخرى ممكن تبحثي عنها يا محاسن اذا حابة تعرفي اكتر 😁😁
_بسس كدده.. يا سلام والله بسيط وساهل وخلاص حفظتو وتاني م بنساهو ان شاء الله 🤩💜
= اي سؤال تاني يا محاسن
_اي بس م وريتني بقولو متين بالضبط
= بتقوليه بعد تكبيرة الإحرام مباشرة وقبل البدء في قراءة الفاتحة 📌
_ ايواا لالا تمام.. طيب الفضل منو شنو؟
=الفضل يا ستي انو سنة مندوبة او مستحبة.. والمندوب يثاب فاعله.. واما من تركه فلا بأس فصلاته أيضاً صحيحة..📌
_ يا سلاام طيب.. إذاً نحن حنقولو لانو الجنة درجات 🤩💜
=اكييد 🌸
_ اها وبنقولو في صلاة الفريضة بس ولا حتى في النوافل؟
= يُقال في الفريضة والنوافل جميعها لا بأس 🌸
_تمام بارك الله فيك
_طيب س سـ سلاام 😂💙💙