عارف يعني شنو اليقين بالله؟

يعني كل أمورك جايطة ومكركبة بس إنت متأكد و واثق كل الثقة بأنو ربنا حيرتب كل شئ، ودائماً مستحضر في بالك قوله سبحانه وتعالي (أنا عند ظن عبدي بي)

تكون مريض جداً ومنهك من المرض بس إنت واثق إنو ربنا حيشفيك، ويرفعك ويخفف عنك ودائماً مستحضر قوله سبحانه (أنا عند ظن عبدي بي)

تكون مشتغل بطريقة سيئه في الإمتحانات بس واثق بأنو ربنا حينجحك بكرمه ما بأجتهادك ودائما مستحضر قوله سبحانه (أنا عند ظن عبدي بي)

تكون رفضوك في أكتر من وظيفة وما لاقي شغل بس إنت واثق بأنو ربنا حيعوضك خيراً منها ودائماً.، مستحضر قوله سبحانه (أنا عند ظن عبدي بي)

تكوني يالسمحة، قسمتك لسه ما جات بس الناس الحواليك، ما مريحنك وأطلقوا عليك إسم بايرة، أو كل ما يتقدم ليك عريس تحصل حاجة والموضوع كلو يتفركش والحواليك يزهجوا ويتكلموا من وراك بس إنتي ثقتك في ربك الكريم ما إهتزت، و واثقة من جواك بأنو البحصل ده كلو لخير وربنا مخبي ليك الأروع والأجمل ومستحضره قوله سبحانه (أنا عند ظن عبدي بي)

بن القيم، عندو مقولة حلوة ومريحة كل ما أتذكرها بفرح جداً والطمأنينه تُصب علي قلبي صباً..
بقول " لو ان احدكم هم بإزالة جبل ، وهو واثق بالله . لازاله الله له

خليك واثق من ربك وأصبر وتوكل عليه وحاشاه مولانا يخزلك ويردك خائب، تعالي عن ذلك علواً كبير
وإذا في يوم اليأس حاول يتملك أتلوا عليه قوله سبحانه وتعالي (فما ظنكم برب العالمين،)
وردد ظني فيك خير يا رب العالمين ظني فيك تهديني وتصلح حالي وتنور دربي وتعف عني وترضي عني وتحقق مرادي ،
💜💜💜💜

والله ما طابت الحيـاة إلا بالقرآن، ولا ذُقنا لذّة و هَنـاء أعظم من القرآن.💜

جاء في سورةِ البَقرة:

- (ويسـألونكَ عَنِ المَحيض)
- وجاء:(يسـألونكَ عنِ الخَمر والميسر)
- وجاء:(يسـألونكَ عَنِ الشهرِ الحرَام)
- وجاء:(ويسـألونكَ عَنِ اليتــٰـمى)
- وجاء:(ويسـألونكَ مَاذا يُنفقون)
- وجاء:(يسـألونكَ عنِ الأهلَّة)

- ثمّ جاء فيها: (وإذا سألكَ عبادي عنّي فإنّي قريب)

يقول الشّيخ أيمن سويد :
و كأنّ في الآيةِ عتاباً لطيفاً مِنَ الرّحمنِ لِعبادِه المؤمنين ، يُعاتِبهم بقولهِ : عِبادِي .. قدْ شُغِلتم بالسّؤالِ عَن المَحيضِ والخَمرِ والأهلةِ ..

وأنا القريبُ .. أمَا آنَ لكمْ أنْ تَسْألُوا عَنّي ..؟!💛

"عتاب رباني لطيف"

قال أحدهم :
كنتُ أريد حفظ القرآن وأتكاسل كثيرًا ، فقمت فى الليل ودعوتُ ربي :
اللهم اجمع كلامك فى صدرى ، فحفظت سبع أجزاء فى شهر 💛
-قيام الليل

في عادة قبيحة عند الشباب السوداني بالتحديد
وهي انو الزول لما يطلع الشارع بيشوف كتيبة كاملة قاعدة قدام الدكان أو في نص الطريق
وفي بعض منهم بخلو حاجاتهم الضرورية جدا عشان م يفوتو قدامهم

فحابه اوريكم انو النبي صلى الله عليه وسلم نهى عن العادة دى

فعن أبي سعيد الخدري رضى الله عنه ،عن النبي صلى الله عليه وسلم قال: (اياكم والجلوس في الطرقات ،فقالو يا رسول الله ما لنا بعد من مجالسنا نتحدث فيه ،فقال :إن أبيتم الا المجلس فاعطوا الطريق حقه قالوا:وما حق الطريق يا رسول الله
قال :غض البصر ،وكف الاذى، ورد السلام، والأمر بالمعروف والنهي عن المنكر)