Honestly, if AI replaces these folks, I swear this country might finally get productive for once.

በድሮ ጊዜ አንድ ሰው ጥፋት ያጠፋና ዳኛ ፊት ይቀርባል ታድያ ዳኛው ሦስት ዓይነት የቅጣት ምርጫ አቀረቡለት...፡

1 አንድ ኪሎ ሽንኩርት እየላጠ መብላት፣
2 አንድ መቶ ጅራፍ መገረፍ፣
3 አምስት መቶ ብር መክፈል፡፡

ሰውዬው ለማሰብ የሚሆን ልቦና የሌለው ነበርና የመጀመርያ ምርጫ ሆኖ ስላየው ብቻ ሽንኩርቱን እበላለሁ» አላቸው...፡፡ ቀረበለት አንድ ኪሎ ሽንኩርት...

ገና አንድ ሁለት መብላት ሲጀምር ታድያ ዓይኑ ማልቀስ ለሐጩም መዝረክረክ ጀመረ አልቻለም ከመቀመጫው ተስፈንጥሮ ተነሣና

መቶ ጅራፍ መገረፍ ይሻለኛል...አላቸው፡፡ ወዲያው ኃይለኛ ገራፊዎች ተጠሩና እየተፈራረቁ ይለበልቡት ጀመር፡፡ ግማሽ እንደደረሰ አልቻለም፡፡ እጁን ወደ ላይ አነሣ፡፡

እህሳ አሉት ዳኛው፡፡

አልቻልኩም አላቸው፡፡

ታድያ ምን ይሻላል አሉት እየሳቁ፡፡

በቃ አምስት መቶ ብሩን እከፍላለሁ አለ ከተኛበት እየተነሣ፡፡

ያንተ ትልቁ ጥፋት መጀመርያ ወንጀል መሥራትህ ብቻ አይደለም፡፡ ማሰብ አለመቻልህ እንጂ፡፡ ምናለ አስበህ ከሦስቱ አንዱን ብትመርጥ ኖሮ፡፡ እኔ ከሦስቱ አንዱን እንድትቀጣ ነበር የወሰንኩት፡፡ አንተ ግን መናገር እንጂ ማሰብ ባለመቻልህ ሦስቱንም ተቀጣህ አሉት።