واحنا عدنا هنا ناس مسترة برداء الاخلاق واقعهم يعلمه الله :)
اعرف ناس اهل قنوات يحجون بالدين والاخلاق
بس حقيقة الله لا يبلينا بسوء اخلاقهم والتستر الي عدهم امام الناس
بس كلنا يم رب العالمين معروفين شنو احنا

سوء اخلاقك بالواقع والمواقع
رب العالمين مراح يغادرها صغيرة ولا كبيرة

كل كلمة تجاوزت بيها واتهمت بيها عبد بشر
يم الله مراح تضيع

راح ترجعلك اعمالك يم رب كريم
هناك ماكو تستر
هناك حقيقتك الصحيحة

كلش احب آية موجودة بسورة ال عمران تكول

الي مسترين كدام العالم بالواقع والمواقع والي يحجون دروس بالاخلاق والدين

وهمه واقعهم يعرفه رب العالمين
لا تحسبنهم بمفازة من العذاب

فالمتقون فيها هم أهل الفضائل منطقهم الصواب

الشيخ بناهيان 🌱

اما الانسان الخلوق بكل مكان مؤدب
وبالدرجة الاولى مؤدب مع اهله وناسه والاصدقاء
مو مستر ويحجي بالدين وهو ابسط صفة فاقد الاخلاق
وبحسابات وهمية يطلع اخلاقه السيئة :)
ان شاء الله وصلت الرسالة

عن رسول الله (صلى الله عليه وآله) - وقد قيل له: إن فلانة تصوم النهار وتقوم الليل وهي سيئة الخلق تؤذي جيرانها بلسانها قال -:
لا خير فيها هي من أهل النار


- عنه أيضًا (صلى الله عليه وآله): إن العبد ليبلغ من سوء خلقه أسفل درك جهنم

ميزان الحكمة🌱

كل يوم صفحة من القران الكريم .. 🌿
نهديها للسيدة فاطمة الزهراء.

كل هذا لكي تفهم أنك عبد..
ولا سبيل آخر لسعادتك✨

آية الله الشيخ مصباح اليزدي(رض)

شايفين

شكد يوصفون المتدين معقد؟؟
الي مستورة معقدة
الي يصلي شيخ
الي ماياخذ غيبة غدة وكئيب
والي والي... الخ


بس بالحقيقة وهمه يتمنون يوصلون للراحة الي عدهم
والسعادة الي تملي روحهم

هاي الاوهام الي الناس تطلقها والي نصها مصدكتها

تدرون هذا الي مايصلي مامرتاح حتلو هو ظاهريًا كدامك سعيد
بس هذا الانسان عده اضطراب
ويكعد يقنع روحه هسه الي مصلي شحصل!!

يطلع اعذار حتى نفسه اللوامة تسكت

وهاي السافرة لو الي حجابها اسم حجاب
وهي حرفيًا ماملتزمة بالحجاب من مكياج ومن ومن... الخ

هاي كدام العالم سعيدة وهي حرة
وهي مثقفة وهي مواكبة المودل

بس هي بصراع داخلي
ونفسها مضطربة
وتكعد تقنع روحها الاعمال بالنيات
المهم قلبي نظيف وووو الخ
وغيرها وغيرها من الامثلة

بس جربت فد يوم تكعد يم شخص يعرف الله صدك
شخص يمشي بطريق الله
ولمست سعادة روحه!!
هذا الشخص الي يصفه المجتمع معقد ومحروم
جربت فد يوم تشوف السعادة الي تملي روحه والسلام
مو سعادة المظاهر
سعادة داخلية

لمست السلام الي يعيش بي!!
سعادة المظاهر
كلها تكدر تصنعها
بس سولفلي عن سعادة الروح والسلام

"فمن أعرض عن ذكري فان له معيشة ضنكا"
معادلة مابيها مجاملة

سعادة ماتلكون لو تعلكون أصابعكم شمع
سعادة بغير طريق الله

عيشوا السعادة الروحية

واضح الطريق وين.... 🌱

الطريق إلى الله
الشيخ بناهيان.. ٠🌿

هي اول مرة اسوي گيك وسويتها ع طريقتج طلعت كُلش طيبة.

صراحة افرح من تطبقون الوصفات وتفرحون وتفرحون اهلكم
لان خطية أمهاتنا تعباتنا فحاولوا تساعدوهن، يم الله مايضيع ان شاء الله عملنا
والي كاعدة ويا عيال زوجها
اعتبري اهله اهلج
واشتغلي قربة لوجة الله

انتِ حتلو بيت وحدج
هم راح تطبخين وهم تشتغلين
فبدال كلاص تمن كلاصين يصير
وبدال غسل ملابسج هم
غسل ملابسهم

و بالحركة بركة
خلوا كل عمل لاجل الله
والجزاء من رب العالمين ان شاء الله
لا تنتظرون من بشر يردلكم جميل
ولا تسمعون للي يكولون انتِ خطية ماعدج حظ كاعدة ويا عيال
شنو تخدمين عيال خدامة
ومن هذا الكلام

الخلق عيال الله
وهنيالج اذا تخدمين بشر لاجل الله
وهم تشيلين حمل زوجج
بين ماالله يفرجها عنكم
وتأسسون بيت

الخطية الي ماعده حظ ويا رب العالمين
هذا الخطية

معليكم بحجي اهل الدنيا