بس جربت فد يوم تكعد يم شخص يعرف الله صدك
شخص يمشي بطريق الله
ولمست سعادة روحه!!
هذا الشخص الي يصفه المجتمع معقد ومحروم
جربت فد يوم تشوف السعادة الي تملي روحه والسلام
مو سعادة المظاهر
سعادة داخلية

لمست السلام الي يعيش بي!!
سعادة المظاهر
كلها تكدر تصنعها
بس سولفلي عن سعادة الروح والسلام

"فمن أعرض عن ذكري فان له معيشة ضنكا"
معادلة مابيها مجاملة

سعادة ماتلكون لو تعلكون أصابعكم شمع
سعادة بغير طريق الله

عيشوا السعادة الروحية

واضح الطريق وين.... 🌱

الطريق إلى الله
الشيخ بناهيان.. ٠🌿

هي اول مرة اسوي گيك وسويتها ع طريقتج طلعت كُلش طيبة.

صراحة افرح من تطبقون الوصفات وتفرحون وتفرحون اهلكم
لان خطية أمهاتنا تعباتنا فحاولوا تساعدوهن، يم الله مايضيع ان شاء الله عملنا
والي كاعدة ويا عيال زوجها
اعتبري اهله اهلج
واشتغلي قربة لوجة الله

انتِ حتلو بيت وحدج
هم راح تطبخين وهم تشتغلين
فبدال كلاص تمن كلاصين يصير
وبدال غسل ملابسج هم
غسل ملابسهم

و بالحركة بركة
خلوا كل عمل لاجل الله
والجزاء من رب العالمين ان شاء الله
لا تنتظرون من بشر يردلكم جميل
ولا تسمعون للي يكولون انتِ خطية ماعدج حظ كاعدة ويا عيال
شنو تخدمين عيال خدامة
ومن هذا الكلام

الخلق عيال الله
وهنيالج اذا تخدمين بشر لاجل الله
وهم تشيلين حمل زوجج
بين ماالله يفرجها عنكم
وتأسسون بيت

الخطية الي ماعده حظ ويا رب العالمين
هذا الخطية

معليكم بحجي اهل الدنيا

كل يوم صفحة من القران الكريم .. 🌿
نهديها للسيدة فاطمة الزهراء.

تأثير التوسل بالامام المهدي عجل الله فرجه الشريف

السيد محمد رضا الشيرازي 🌱

تساركون باهداء ركعتين لتعجيل فرج الامام المهدي عليه السلام

"الصلاة مثل صلاة الفجر ركعتين"
بس تكولون انويها قربة لوجه الله تعالى بنية تعجيل فرج مولانا صاحب الزمان

كل يوم صفحة من القران الكريم .. 🌿
نهديها للسيدة فاطمة الزهراء

اللهم لك الحمد حتى ترضى

دعاء ينعش القلب 💕

طبعا آني مثل هاي المشكلة واجهت ويا اختي ماتقنع تلبس عباية تريد عباية لبنانية مو عراقية

متأثرة بالمدرسة ولبس صديقاتها

شفت انو فرض كلمتي عليها واجبارها مايفيد وتعاند زايد

فنصيحة لا تجبرون لان الشي الي يجي من جبر ما يداوم سواء بسالفة العباية او اي شي
كون واحد يقتنع بالشي الي يسوي

خلوا الشي الي تردون احد يسوي يلتفت لاهميته

آني اختي الحمدلله ملتزمة بالصلاة بوقتها
تقره اذكار
متعاونة بالبيت
تحفظ قرآن
وهواي صفات حلوة ببها

بس هي بسالفة العباية ماتقنع
تشوفنه معقدات