خو من البداية انت ماعدك غير الله

بس انت خليت رب من تزوجت

فعيشوا بواقعية

واعرف انت عايش ويا بشر
تحمله ع خيره وشره

لا تصنع رب
وتخلي آمالك وسعادتك متعلقة بهل الرب

حتى رب العالمين من ذكرى الزواج
كال
وجعل بينكم المودة والرحمة

سبحان الله
شكد دقيق رب العالمين

المودة ممكن تختفي
لان هاي حياة مو يوم ولا ٢ هذا عمر

بس رب العالمين زرع الرحمة
لان الرحمة مككن الإنسان يتجاوز عن وساوس الشيطان
ويتغافل عن اخطاء شريكة

فلا تخلون صنم وتترسون هالصنم علك
وهو مصدر سعادتكم

السالفة ترا هيج

معليكم بالي يحجون سوالف مسلسلات

عيشوا بواقعية

وهالاصنام الي تصنعوها هدموها
مثل ماهدم ابراهيم اصنام قومه

الاصنام مو بس من طين

الاصنام بشر هم

من هذا الصنم يخذلك
ترجع

آه ياإلهي اني ماعندي غيرك

جا وين جنت؟