ذنب البشرية لا يرحم بعضهم بعض
الشيخ الوائلي💙

#سلسلة_تهذيب_النفس

لو بيناتنا رحمة ماسلط علينا هل البلاءات كلها
تدرون قوم يونس الله بلاهم بعذاب بس من شافهم واحد راحم الثاني رحم عليهم العذاب
كال للملك الي مسلط عليهم العذاب أرفع عنهم العذاب أستحي أن يرحم احدهم للأخر ولا أرحمهم

أحنا عايشين مثل الحيوانات كل وأحد يريد يحصل قوت يومه
وأحدنا يسقط الثاني أذا شاف وأحد أحسن منه نتعارك بيناتنا ع اللكمة ولا عبالك الرزق من الله
أحنا ناس ماعدنا دين بس بلأسم

لا تقيس الدين برأيك
لا تفتون بكيفكم لا تزكون الناس وتكفروهم
لا تحللون وتحرمون بالي يهوى مزاجكم

#سلسلة_تهذيب_النفس

لا تكفرون العالم بس لأن مايتفقون وياكم بالرأي (الي أنتو نضرتكم الها محدودة)
هاي ماتلبس حجاب كفرتوها
هذا مايصلي فتيتوا بكيفكم
وهذا وهذاك
بكيفكم تحكمون
لا يزكي الإنفس إلا الله
دعوا الخلق للخالق
التفت لنفسك
أنصح بالتي هي أحسن
وبس...
لا تكفر العالم :)

دين الله لا يصاب بالعقول ياأهلنا
لا تزكون العالم بكيفكم وتكفروهم
كل شخص بينا خلي يلتفت لنفسه 💙
عليكم أنفسكم ربي روحك

بخصوص أبتلاءات الله هي رحمة وتطهير للنفس البشرية وليس عذاب
لأنه الله 🌱
#سلسلة_تهذيب_النفس

الإنسان الي يبتلي بمرض لو بسجن لو..... الخ
هو مو عذاب حشالله
دائمًا رب العالمين يبلي الإنسان حتى يطهره لو يرجعه اله لو حتى يرفع منزلتة بالدنيا والأخره
بدليل البسملة
بسم اللّه الرحمن الرحيم...

(لنبلؤنكم بشي من الخوف والجوع ونقص من الأموال والأنفس والثمرات وبشر الصابرين الذين إذا اصابتهم مصيبة قالوا أنا لله وأنا اليه راجعون)

أتقِ شر من أحسنت اليه
#سلسلة_تهذيب_النفس

النفس السليمة ماتنكر فضل بشر
من لم يشكر الخلق لا يشكر الخالق
بالتالي الإنسان بسبب نفسه المريضة هو الشعور بالنقص النقص الي يؤدي الي مرض الروح والقلب بالغيرة والحسد... الخ

عرفوا شون تعيشون بسلام داخلي
لا تباعون للعالم شعدهم باوع لنفسك شعدك من نعم
أحسنوا ولا تنتظرون مقابل
يم البشر يضيع بس يم الله مايضيع
لا تغادره كبيرة ولا صغيرة 💙

الدين والأخلاق جعلت من الإنسان ضوابط الإنسان بطبيعة الحال حيوان يتعامل بغرايزة
#سلسلة_تهذيب_النفس

لذلك الرسول
كال أنما بعثت لأتمم مكارم الاخلاق
لان لولا الأخلاق الإنسان يبقى حيوان
لذلك دين بدون أخلاق هذا مو دين
شنو فايدة ديني وأني أنسان داخلي حيوان
أنسان أنبش بلحم هذا وهذاك بغيبة
أطعن بشرف العالم بشهادة زور
أحلل وأحرم حسب رأي وحسب الي يوافق راحتي
أضرب وأغلط أبوك وأزني أكفر
وأسب... الخ
دين بدون أخلاق هذا مو دين
هذا رياء
لذلك الدين من حلل وحرم حتى يجعلني أنسان أعيش بضوابط مو بغابة مثل الحيوانات

عرفوا تعيشون بأنسانية مو بدين بدون أنسانية
مو دين رياء ومظاهر
الدين مايريد صلاتك وصومك
وأنت تأذي هذا تسب هذا
تكفر هذا تشتم هذا
قبل صلاتك أعرف الدين أخلاق

الدين حب
لا تخوفون الناس منا
خلوا الي مايعرفون الدين من يشوفكم
ويشوفون حياتكم يتمنون يصيرون بسعادتكم
ما الدين إلا الحُـب ياأهلنا :) 💙💙

الإبتلاء من الله بغرض التربية لا القسوة
#سلسلة_تهذيب_النفس

بهل الدنيا ماكو بشر مايتعرض للمصايب
لأن هو هذا غرض الدنيا نتعرض للمصايب
هي مثل الأختبار لو ننجح لو نفشل
فشوف الله يبلي هذا بمرض
هذا بزوج مو صالح
أو زوجة مو صالحة
أو يبلي بأبن أو بنت عاق
لو أبو وأم يأذوا... الخ
هاي الابتلاءات حتى نطهر
حتى يرفع من مكانتة
من تبتلون بمصيبة معينة لا تقنطون من رحمة الله
‏ ‏ ‏ ‏لو علم العبدُ ثواب البلاء
لاستلذَّ البلاء كما يستلذُّ العافية!"

أنت الذي خلقتني أم الله!!
#سلسلة_تهذيب_النفس

هذا واقع الحال الإنسان نهايتة بالتراب بالتالي الجمال مايفيد البشر بشي
الي يبقه من ذكر الإنسان هو أثاره بهل الدنيا مو جماله ولا شهادتة ولا نسبه

اما بخصوص جمال الملامح فمو من حق أي أنسان هذا شي بالنهاية أحنا خلقة الله مهما كان شكلنا
وسبحان الله كلنا مثل قوالب الكليجة نادرًا تلكه ٢ يشابهون
كل واحد بينا اله فد ملامح مميزة
بغض النظر إذا هل الملامح حلوة بنضر المقابل أو لا
الجمال هو أنت تترك أثر الناس تترحملك عليه بعد مماتك
مثل ماتركوا العلماء والشهداء
وبس وأحد بينا يتمرض تلكه حماله يبهت
فالتباهي مو بحمال الشكل
التباهي بجمال روحك الي راح تخلدك

ومثل ماكال الشيخ الوائلي 💙

حجيت عن هل الموضوع بسبب تنمر البشر ع هذا وهذك أنت مو حلو أنت أسمر
أنت خشمك جبير أنت عيونك صغار
أنت ضعيف أنت سمين أنت أنت.. الخ

أنت الذي خلقتني أم الله!! :) 💙
نهايتك بست أشبار وقطعة بيضة لا تتباهى بشي زائل وهو من الله ولله