لذلك الرسول
كال أنما بعثت لأتمم مكارم الاخلاق
لان لولا الأخلاق الإنسان يبقى حيوان
لذلك دين بدون أخلاق هذا مو دين
شنو فايدة ديني وأني أنسان داخلي حيوان
أنسان أنبش بلحم هذا وهذاك بغيبة
أطعن بشرف العالم بشهادة زور
أحلل وأحرم حسب رأي وحسب الي يوافق راحتي
أضرب وأغلط أبوك وأزني أكفر
وأسب... الخ
دين بدون أخلاق هذا مو دين
هذا رياء
لذلك الدين من حلل وحرم حتى يجعلني أنسان أعيش بضوابط مو بغابة مثل الحيوانات

عرفوا تعيشون بأنسانية مو بدين بدون أنسانية
مو دين رياء ومظاهر
الدين مايريد صلاتك وصومك
وأنت تأذي هذا تسب هذا
تكفر هذا تشتم هذا
قبل صلاتك أعرف الدين أخلاق

الدين حب
لا تخوفون الناس منا
خلوا الي مايعرفون الدين من يشوفكم
ويشوفون حياتكم يتمنون يصيرون بسعادتكم
ما الدين إلا الحُـب ياأهلنا :) 💙💙

الإبتلاء من الله بغرض التربية لا القسوة
#سلسلة_تهذيب_النفس

بهل الدنيا ماكو بشر مايتعرض للمصايب
لأن هو هذا غرض الدنيا نتعرض للمصايب
هي مثل الأختبار لو ننجح لو نفشل
فشوف الله يبلي هذا بمرض
هذا بزوج مو صالح
أو زوجة مو صالحة
أو يبلي بأبن أو بنت عاق
لو أبو وأم يأذوا... الخ
هاي الابتلاءات حتى نطهر
حتى يرفع من مكانتة
من تبتلون بمصيبة معينة لا تقنطون من رحمة الله
‏ ‏ ‏ ‏لو علم العبدُ ثواب البلاء
لاستلذَّ البلاء كما يستلذُّ العافية!"

أنت الذي خلقتني أم الله!!
#سلسلة_تهذيب_النفس

هذا واقع الحال الإنسان نهايتة بالتراب بالتالي الجمال مايفيد البشر بشي
الي يبقه من ذكر الإنسان هو أثاره بهل الدنيا مو جماله ولا شهادتة ولا نسبه

اما بخصوص جمال الملامح فمو من حق أي أنسان هذا شي بالنهاية أحنا خلقة الله مهما كان شكلنا
وسبحان الله كلنا مثل قوالب الكليجة نادرًا تلكه ٢ يشابهون
كل واحد بينا اله فد ملامح مميزة
بغض النظر إذا هل الملامح حلوة بنضر المقابل أو لا
الجمال هو أنت تترك أثر الناس تترحملك عليه بعد مماتك
مثل ماتركوا العلماء والشهداء
وبس وأحد بينا يتمرض تلكه حماله يبهت
فالتباهي مو بحمال الشكل
التباهي بجمال روحك الي راح تخلدك

ومثل ماكال الشيخ الوائلي 💙

حجيت عن هل الموضوع بسبب تنمر البشر ع هذا وهذك أنت مو حلو أنت أسمر
أنت خشمك جبير أنت عيونك صغار
أنت ضعيف أنت سمين أنت أنت.. الخ

أنت الذي خلقتني أم الله!! :) 💙
نهايتك بست أشبار وقطعة بيضة لا تتباهى بشي زائل وهو من الله ولله

أن النفس لأمارة بالسوء
تجعل الإنسان من شدة حبه لنفسه لا يرى عيوبه يرى عيوب غيره
#سلسلة_تهذيب_النفس

التكبر على عباد الله هو التكبر على الله
تبقى أنسان من تراب والى التراب

وقولوا لهم قولًا معروفا
#سلسلة_تهذيب_النفس

الدنيا قاسية على الإنسان
لا تقسي عليه أنت هم
تبقى الكلمة الطيبة صدقة
تدرون شخص دخل جنة من وره كلمة
وشخص دخل النار من وره كلمة
باجر أسولفلكم هل القصة
أحنا لا ماشاء الله نسب نغلط نجرح
بكل قوتنا نحاول نأذي المقابل
وندعي الدين
الدين أخلاق
حسن أخلاقك قبل لا تكول أني متدين

رأس العبادة حسن الظنّ بالله
الشيخ بناهيان🌿

نبلش بسلسلتنا
الإنسان لو شك ولو لحظة الله مراح يغفرله
لو جان مسوي أكبر الكبائر
هذا ساء الظن بالله
أن الله عند حسن ظن العبد به... 🌿

تكملة سلسلة سوء الظن بالله والأخرين
وماهي درجة ومكانة حسن الظن بالله
الشيخ حبيب الكاظمي 💙

تكملة سلسلة سوء الظن بالله وبالأخرين
من أثار سوء الظن بالله الخسارة دنيا وأخرة
(ذَٰلِكُمْ ظَنُّكُمُ الَّذِي ظَنَنتُم بِرَبِّكُمْ أَرْدَاكُمْ فَأَصْبَحْتُم مِّنَ الْخَاسِرِينَ)

السيد الشيرازي 🌿

قصة عن حسن الظن بالله
أحسنوا الظن بالله وقضاءه وقدره 💙

الرب الذى يرعى نملة في جوف الأرض السابعة هل ينسى عباده؟

سلسلة تكملة حسن الظن بالله

السيد الشيرازي 🌿

من ذا الذي يحاسبنا؟؟
الشيخ الوائلي 💙
#سلسلة_حسن_الظن_بالله