21 ноября. Собор Архистратига Михаила и прочих Небесных Сил Безплотных. Архангелов: Гавриила, Рафаила, Уриила, Селафиила, Иегудиила, Варахиила и Иеремиила.
С праздником!

Тропарь, глас 4:

Небе́сных во́инств Архистрати́зи,/ мо́лим вас при́сно мы, недосто́йнии,/ да ва́шими моли́твами огради́те нас/ кро́вом крил невеще́ственныя ва́шея сла́вы,/ сохраня́юще ны, припа́дающия приле́жно и вопию́щия:/ от бед изба́вите ны,// я́ко чинонача́льницы Вы́шних Сил.

Кондак, глас 2:

Архистрати́зи Бо́жии,/ служи́телие Боже́ственныя сла́вы,/ Áнгелов нача́льницы и челове́ков наста́вницы,/ поле́зное нам проси́те и ве́лию ми́лость,// я́ко Безпло́тных Архистрати́зи.

Величание

Велича́ем вас,/ Арха́нгели и А́нгели/ и вся во́инства,/ Херуви́ми и Серафи́ми,// сла́вящия Го́спода.

26 ноября. Иконы Пресвятой Богородицы "Милостивая"

Тропарь, глас 1:

Притеце́м, лю́дие, со дерзнове́нием/ к Ми́лостивей Цари́це Богоро́дице,/ и умиле́нно воззове́м к Не́й:/ ниспосли́, Влады́чице, ми́лости Твоя́ бога́тыя,/ сохраня́я во здра́вии и благоде́нствии гре́шныя рабы́ Твоя́./ Боля́щия исцели́, скорбя́щия уте́ши и бе́дствующим помози́./ И сподо́би на́с, Премилостивая/ благоче́стно житие́ сие́ земно́е сконча́ти,/ христиа́нскую непосты́дную кончи́ну получи́ти/ и Небе́сное Ца́рствие унасле́довати./ Гра́д на́ш изба́ви от вся́каго зла́го обстоя́ния,/ огражда́я Твои́м ми́лостивым заступле́нием./ Ми́рови ми́р да́руй// и спасе́ние душа́м на́шим испроси́.

Кондак, глас 6:

Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние, // предста́тельствующи при́сно, Богоро́дице, чту́щих Тя.

25 ноября. Святителя Иоанна Милостивого, Патриарха Александрийского

Тропарь, глас 8:

В терпе́нии твое́м стяжа́л еси́ мзду твою́, о́тче преподо́бне,/ в моли́твах непреста́нно терпе́вый,/ ни́щия возлюби́вый и сия́ удовли́вый,/ но моли́ся Христу́ Бо́гу,/ Иоа́нне Ми́лостиве, блаже́нне,// спасти́ся душа́м на́шим.

Кондак, глас 2:

Бога́тство твое́ расточи́л еси́ убо́гим/ и Небе́сное Бо́гатство ны́не восприя́л еси́,/ Иоа́нне всему́дре,/ Сего́ ра́ди вси тя почита́ем,/ соверша́юще па́мять твою́,// ми́лостыни о тезоимени́те!

Величание

Велича́ем тя,/ святи́телю о́тче Иоа́нне,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.

К нам обратилась Алена Лисицына https://vk.com/redfox544

Алена, как и многие сейчас неравнодушные и отзывчивые люди, ухаживает за ранеными в госпитале, а еще она делает очень важное дело, на которое способны далеко не все - она приводит в порядок могилы воинов. Мы узнали об Алене так - она убирает могилу и нашего воина Станислава (он работал в охране храма).

Алена рассказала, что летом этого года в мессенджере telegram было создано сообщество - "Таксисты Пулково". Это сообщество людей, которые безвозмездно перевозят раненых бойцов СВО - на колясках или прошедших реабилитацию - в аэропорт, на вокзал или по другим нуждам. Зачастую бойцы из других городов не ориентируются в нашем городе, им необходима помощь и поддержка!

❗"Таксистам Пулково" очень нужны автоволонтеры для перевозки прошедших лечение и реабилитацию воинов! Просим репост! Репост - это нематериальная, но очень существенная помощь. Так о сообществе узнает как можно больше людей.

Ссылка: https://news.1rj.ru/str/taxstipulkovo

27 ноября. Святого апостола Филиппа. Заговенье на Рождественский пост, который продлится с 28 ноября по 7 января

Тропарь, глас 3:

Благоукраша́ется вселе́нная,/ Ефио́пия ликовству́ет,/ я́ко венце́м красу́ема,/ Тобо́ю просвети́вшися,/ све́тло торжеству́ет па́мять твою́,/ богоглаго́ливе Фили́ппе,/ вся бо ве́ровати Христу́ научил еси́/ и тече́ние соверши́л досто́йно Ева́нгелия./ Тем дерзнове́нно вари́т Ефио́пская рука́ к Бо́гу,// его́же моли́ дарова́ти нам ве́лию ми́лость.

Кондак, глас 8:

Учени́к и друг Твой и подража́тель стра́сти Твоея́,/ вселе́нней Бо́га Тя пропове́да богоглаго́ливый Фили́пп;/ того́ моли́твами от враго́в пребеззако́нных// Це́рковь твою́ и всяк град Твой Богоро́дицею соблюди́, Многоми́лостиве.

Величание

Велича́ем тя,/ апо́столе Христо́в Фили́ппе,/ и чтим боле́зни и труды́ твоя́,/ и́миже труди́лся еси́/ во благове́стии Христо́ве.

28 ноября. Иконы Пресвятой Богородицы "Благоуханный цвет"

Образ находится в Воронежском кафедральном соборе, иконографический тип - Одигитрия. Богоматерь изображена на этой иконе держащей в руке расцветшую ветвь.

Тропарь, глас 4:

К Богоро́дице приле́жно ны́не притеце́м,/ гре́шнии и смире́ннии, и припаде́м,/ в покая́нии зову́ще из глубины́ души́:/ Влады́чице, помози́, на ны милосе́рдовавши,/ потщи́ся, погиба́ем от мно́жества прегреше́ний,/ не отврати́ Твоя́ рабы́ тщи,// Тя бо и Еди́ну наде́жду и́мамы.

Кондак, глас 6.

Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.

Величание

Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.

28 ноября. Мучеников Гурия, Самона и Авива

Святым мученикам Гурию, Самону и Авиву молятся о том, чтобы примириться с близкими людьми, с которыми по какой-либо причине случилась ссора.

Тропарь, глас 5:

Чудеса́ святы́х Твои́х му́ченик/ сте́ну необори́му нам дарова́вый, Христе́ Бо́же,/ тех моли́твами сове́ты язы́ков разори́,/ Це́рковь Святу́ю укрепи́,// я́ко Един Благ и Человеколю́бец.

Кондак, глас 2:

С высоты́, му́дрии, благода́ть прие́мше,/ су́щим во искуше́ниих предстои́те, всехва́льнии./ те́мже отрокови́цу, святи́и, от сме́рти го́рькия изба́висте,// вы бо вои́стинну есте Еде́су сла́ва и ми́ру ра́дость.

Величание

Велича́ем вас,/ страстоте́рпцы святи́и Гу́рие, Само́не и Ави́ве,/ и чтим честна́я страда́ния ва́ша,/ я́же за Христа́/ претерпе́ли есте́.

28 ноября. Преподобного Паисия Величковского

Тропарь, глас 2:

Стра́нен быв на земли́,/ Небе́снаго Оте́чества дости́гл еси́/ преподо́бне о́тче Паи́сие,/ добротолю́бия подви́жниче,/ ве́рных научи́л ум к Бо́гу возводи́ти/ и се́рдцем к Нему́ взыва́ти:/ Го́споди Иису́се Христе́, Сы́не Бо́жий,/ поми́луй мя, гре́шнаго.

Кондак, глас 8:

Избра́нный и́ноческаго жития́ ревни́телю,/ я́ко пчела́ многотру́дная,/ писа́ньми оте́ческими ду́ши на́ша снабди́л еси́,/ коего́ждо наставля́я на путь спасе́ния, сего́ ра́ди зове́м ти:// ра́дуйся, Паи́сие прему́дре, ста́рчества духо́внаго в стране́ на́шей возроди́телю.

Ин кондак, глас 4:

Весел был еси образом,/ и приклонял еси уши просящим у тебя помощи,/ и простирал еси руце на подъятие их./ Темже тя молим,// моли спастися душам нашим.

Величание

Ублажа́ем тя,/ преподо́бне о́тче Паи́сие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.

4 декабря. Введение во храм Пресвятой Богородицы.
С Праздником!

Тропарь, глас 4:

Днесь благоволе́ния Бо́жия предображе́ние,/ и челове́ков спасе́ния пропове́дание,/ в хра́ме Бо́жии я́сно Де́ва явля́ется,/ и Христа́ всем предвозвеща́ет./ Той и мы велегла́сно возопии́м:// ра́дуйся, смотре́ния Зижди́телева исполне́ние.

Кондак, глас 4:

Пречи́стый храм Спа́сов,/ многоце́нный черто́г и Де́ва,/ свяще́нное сокро́вище сла́вы Божия,/ днесь вво́дится в дом Госпо́день, благода́ть совводя́щи,/ Я́же в Ду́се Боже́ственном,/ Юже воспева́ют А́нгели Бо́жии:// Сия́ есть селе́ние Небе́сное.

Величание

Велича́ем Тя,/ Пресвята́я Де́во,/ Богоизбра́нная Отрокови́це,/ и чтим е́же в хра́м Госпо́день// вхожде́ние Твое́.