🔴 🟦🟦🟦

❗️ССВ: Ўтган йилги натижалар танқидий таҳлил қилиниб, галдаги устувор вазифалар белгилаб олинди

✅ Соғлиқни сақлаш вазирлигининг навбатдаги Ҳайъат йиғилиши бўлиб ўтди.

➡️ Тадбир Соғлиқни сақлаш вазири Асилбек Худаяровнинг маърузаси билан бошланди. Вазир ўз чиқишида 2025 йилда соҳада амалга оширилган ишларни танқидий таҳлил қилиб, 2026 йилдаги устувор вазифалар ҳақида тўхталди.

💬 — Тўғри, қатор йўналишларда салмоқли натижаларга эришдик, соҳада ижобий ўзгаришлар бўлди, — деди А.Худаяров. — Лекин, бу улкан мақсадларимизнинг бир қисми, холос. Ислоҳотларни изчил амалга оширишда қатъий тартиб-интизом, садоқат ва масъулият бўлиши шарт. Давлатимиз раҳбари биз, соҳа масъуллари олдига катта вазифаларни қўйган. Бу йил ислоҳотларимиз самараси, аввало, қуйи бўғинда, ҳар бир маҳаллада сезилиши керак. Режаларимизни шунга кўра белгилаб олишимиз, бунда ҳар бир раҳбарнинг виждони уйғоқ, шахсий масъулияти юқори бўлиши зарур.

⏩  Таъкидланганидек, Президентимиз халқ саломатлигини таъминлаш, тиббиётни ривожлантириш учун бу йил жуда катта ресурсларни йўналтирмоқда. Масалан, биргина инфаркт, инсульт, онкологик, нефрологик каби юқумли бўлмаган касалликларни даволаш, трансплантация, вакцинация, она-бола саломатлигини муҳофаза қилиш йўналишларига ўтган йиллардагидан 1,5 баробар кўп – 3,5 трлн. сўм маблағ ажратилиши бунинг яққол тасдиғидир.

🔎 Энди тизимдаги ҳар бир мансабдор пастга тушиб, қуйи бўғиндаги муассасаларда бўлиб, аввало, ҳудудларнинг ўзида мавжуд вазиятни чуқур ўрганади, аниқланган камчиликларни жойида ҳал қилиш чораларини кўради.

💻 Вазир маърузада ижро интизоми, касалликлар профилактикаси, уларни эрта аниқлаш ва даволаш, соғлиқни сақлаш тизимининг янги моделини самарали жорий этиш, диагностика ва даволаш жараёнларига сунъий интеллект ҳамда робот технологияларини кенг жорий этиш, рақамлаштириш, кадрлар малакасини ошириш, соҳадаги коррупцион ҳолатларнинг олдини олиш, хорижий инвестицияларни жалб қилиш каби қатор масалалар танқидий таҳлил қилинди.

💫 Хусусан, А. Худаяров тизимда ижро интизоми ҳақида сўз юритар экан, ўтган йили бир нечта топшириқлар ижроси таъминланмагани, Андижон, Жиззах, Қашқадарё ва Сирдарё вилоятлари бўйича ижро ҳисоботлари тасдиқланмагани жиддий танқид қилди. Шунингдек, бугунги кунда ихтисослаштирилган  марказлар боқиманда кайфиятда экани ва мавжуд имкониятлардан самарасиз фойдаланаётганини таъкидлаб, раҳбарлар қатъий огоҳлантирилди.

📌 Қолаверса, DMED тизимини кенг жорий қилиш, тез тиббий ёрдам хизматини янада яхшилаш, тизимда комплаенс-назоратни янада кучайтириш юзасидан аниқ топшириқлар берилди.

❌ Вазир жорий йил Президентимиз коррупцияга қарши курашишда “фавқулодда ҳолат” эълон қилганини таъкидлаб, тизимда бюрократия, таъмагирлик ва манфаатлар тўқнашуви каби коррупцион ҳолатларни бартараф этиш, бу борада раҳбарлар шахсий намуна кўрсатиши лозимлигини қайд этди. Ўз навбатида, бу иллатга қўл урган масъуллар қатъий жазоланишини айтиб ўтди.

🔬Шундан сўнг кун тартибидаги навбатдаги масалалар юзасидан вазирнинг биринчи ўринбосари — А.Бобоев, вазир ўринбосарлари — Э.Баситханова, О.Омонов ва Ф.Ташпулатов сўзга чиқди.

🩺Унда тиббий ёpдaмни тaшкиллаштириш, тиббий сyғypтa мexaнизмлари, тиббий стaндapтлаp, тиббий тaълим ва инновацияларни жopий этиш, oнaлик вa бoлaликни мyҳoфaзa қилиш, инвестиция ҳамда харидлар, тизимни paқамлаштириш бopacидa ўтган йил давомида бажарилган ишлар, йўл қўйилган хато ва камчиликлар, уларнинг ечимлари ҳамда 2026 йилдаги устувор вазифалар юзасидан ҳисоботлар тингланди.

‼️ Йиғилиш сўнгида Маҳаллани ривожлантириш ва жамиятни юксалтириш йилида пастга тушган ҳолда бирламчи бўғин муассасалари билан интеграцияни мустаҳкамлаш, малакали тиббий хизматни ҳар бир хонадонга олиб кириш, тиббиётнинг янги моделини белгиланган ҳудудларда самарали йўлга қўйиш, тизимда рақамлаштиришни жадаллаштириш, аҳоли орасида соғлом турмуш тарзини йўлга қўйиш каби масалалар юзасидан аниқ вазифалар юклатилди.

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram

🔴 1️⃣2️⃣3️⃣4️⃣5️⃣

🩸Ҳижома — анъанавий тиббиётда қон айланишини яхшилаш ва турли касалликларни даволашда қўлланиладиган шарқона табобат усули ҳисобланади.

❓Хўш, у кимларга тавсия этилади?

❓Қандай беморларга мумкин эмас?

📹 Ушбу саволларга Республика ихтисослаштирилган гематология илмий-амалий тиббиёт маркази бош шифокори, тиббиёт фанлари доктори Абдураҳмон Қаюмов батафсил жавоб берди.

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram

🔴 1️⃣2️⃣4️⃣4️⃣5️⃣6️⃣

❗️Катаракта: Сунъий гавҳар имплантацияси кам инвазив усулда бажарилмоқда

📊 Катаракта – дунёда энг кенг тарқалган кўз касалликларидан бири. ЖССТ таҳлилига кўра, ҳозир Ер юзида бу хасталик туфайли 94 миллион нафар кишининг кўриш қобилиятида муаммолар юзага келган. Ногирон бўлганлар сони эса 6,55 миллион нафардан ошади.

❓ Хўш, бу касаллик нима сабабдан келиб чиқади? Қандай белгилар кузатилиши мумкин? Самарали даволаш усуллари борми?

➡️ Республика ихтисослаштирилган кўз микрохирургияси илмий-амалий тиббиёт маркази директори Азамат Юсупов шу ҳақда маълумот берди.

💬 — Катаракта — кўз гавҳарининг хира тортиши билан кечадиган касаллик, — дейди мутахассис. — Асосан ёш ўтиши, қолаверса, организмда модда алмашинуви бузилиши ёки ирсий омиллар туфайли пайдо бўлади.

👁 Тиббий амалиётда кўпроқ қирқ ёшдан ошган инсонларга ушбу хасталик ташхиси қўйилади. Бу патологияда беморга буюм ва жисмлар хира, иккита бўлиб кўрина бошлайди. Ранглар, тасвирлар ноаниқ намоён бўлади. Ёзувларни ўқиш қийинлашади.

🔬 Кенг тарқалган аломатлардан бири ёруғликка сезгирликнинг ошишидир. Касаллик даврида ёрқин чироқлар бемор учун ҳақиқий "душман"га айланади. Бора-бора хасталик кўриш қобилиятининг бутунлай йўқолишига олиб келиши эҳтимоли юқори.

❌ Бу каби ҳолатларда консерватив муолажа орқали касалликни тўхтатиш ва даволаш имконсиз. Шу боис замонавий тиббиётда кам инвазив жарроҳлик амалиёти тавсия этилади.

💫 Эътиборлиси, ҳозир юртимизда кўз гавҳарини алмаштириш билан боғлиқ бундай ноёб операциялар чоксиз ва кесмаларсиз, микроинвазив усулда амалга ошириляпти.

🏥 Республика ихтисослаштирилган кўз микрохирургияси илмий-амалий тиббиёт маркази бу борада илғор хорижий тиббиёт марказлари билан яқиндан ҳамкорлик қилмоқда.

🔎 Хусусан, ўтган йили БААнинг “NOOR Dubai” халқаро ташкилоти билан ҳамкорликда 300 нафар беморда факоэмулсификация усулида сунъий гавҳар имплантацияси бажарилди.

📍 Қолаверса, хитойлик офтальмологлар томонидан Қарши, Хоразм ва Фарғона филиалларида 200 нафар юртдошимизда шундай юқори технологик амалиётлар бепул ўтказилди.

‼️ Келгусида бундай замонавий турдаги муолажалар қамровини янада кенгайтиришни режалаштирганмиз.

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram

🔴 🟦🟦🟦🟦🟦

❗️Якунланган ҳафта давомида каналимизда эълон қилинган энг муҳим хабарлар дайжести

🫀 Инфаркт ва инсультга қарши курашиш миллий дастури жорий этилади

📍 Бухорода Саломатлик марафони бўлиб ўтмоқда

🦠 Нипах вирусининг Ўзбекистон ҳудудида тарқалиш эҳтимоли борми?

🇺🇿🇪🇬 Ўзбекистон — Миср: Фармацевтика соҳасидаги истиқболли қўшма лойиҳалар муҳокама қилинди

🏥 “Муассасамиз минтақадаги етакчи эндокринология марказларидан бирига айланади”

❓ Камқонликни бутунлай даволаш мумкинми?

💫 Аллергология маркази яна бир халқаро тузилмага аъзо бўлиш ҳаракатида

👍 Травматология марказида илк бор робот ёрдамида тотал эндопротезлаш амалиёти бажарилди

📋 Аутодонорлик тартиби белгиланди

🥙 ЖССТ мактабларда соғлом овқатланиш бўйича тавсияларини эълон қилди

📊 Коррупциянинг олдини олиш бўйича ишлар таҳлил қилинди

🏵 Соғлиқни сақлаш вазирлигининг навбатдаги Ҳайъат йиғилиши бўлиб ўтди

⏺ Ҳижома кимларга тавсия этилади?

👁 Катаракта:  Сунъий гавҳар имплантацияси кам инвазив усулда бажарилмоқда

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram

🔴 🟦🟦🟦🟦🟦🟦🟦

🇺🇿🇹🇷Хабарингиз бор, жорий йилнинг 29 январь куни давлатимиз раҳбари Туркия Республикасида расмий ташриф билан бўлди.

✍️ Олий даражадаги музокаралар якунида икки томонлама салмоқли ҳужжатлар тўплами имзоланди. Улар орасида соғлиқни сақлаш йўналишига тааллуқли қатор манфаатли келишувлар ҳам бор.

🖥🖥🖥 Ушбу ҳамкорлик лойиҳаларининг аҳамияти хусусида делегация аъзоси, Соғлиқни сақлаш вазири Асилбек Худаяров "O‘zbekiston 24" телеканалига интервью берди.

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram

🔴 ‼️‼️

✅ Отделом внутреннего контроля противодействия коррупции Министерства здравоохранения было проведено мероприятие, посвящённое анализу работы, осуществляемой в данном направлении в системе здравоохранения столицы и Ташкентской области.

❓ Какие важные вопросы были обсуждены в ходе мероприятия?

❓ Какие задачи были определены на перспективу?

📹 Подробные ответы на эти вопросы вы сможете получить в видеосюжете, подготовленном Пресс-службой Минздрава.

Пресс-служба
Министерства здравоохранения.

🔴 🟦🟦🟦

✅  Давлатимиз раҳбари 2025 йил 10 ноябрь куни тиббиёт ва фармацевтика ходимлари билан учрашувда соҳа вакиллари олдига долзарб вазифаларни қўйган эди.

🏥 Шундан келиб чиқиб, Академик Ё. Тўрақулов номидаги Республика ихтисослаштирилган эндокринология илмий-амалий тиббиёт марказида ҳам кенг кўламли саъй-ҳаракатлар амалга оширилмоқда.

❓  Хўш, мазкур муассаса ўтган йилни қандай натижалар билан якунлади?

❓ Жорий йилдаги энг муҳим вазифалар нималардан иборат?

❓ Ихтисослаштирилган тиббий хизматни қуйи бўғинга тушириш масаласига қанчалик эътибор қаратилмоқда? 

📹  ССВ Матбуот хизмати томонидан тайёрланган видеолавҳа орқали шу каби саволларга жавоб топасиз.

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram

🔴 🟦🟦🟦

❗️ Деменция, Паркинсон ёки Альцгеймерга чалинганлар учун кундузги қатнов асосида қараб туриш хизмати кўрсатилади

📋 Вазирлар Маҳкамаси қарори (36-сон, 29.01.2026 й.) билан “Фаол ҳаётга қадам” дастури жорий этилиши муносабати билан Ҳукуматнинг айрим қарорларига ўзгартириш ва қўшимчалар киритилди.

⬇️ Ҳукумат қарорларига қуйидагиларни назарда тутувчи ўзгартириш ва қўшимчалар киритилди:

⏺ ўзгалар парваришига муҳтож шахсларнинг Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар реестрига киритилган пайтдан бошлаб ҳар чоракда 1 маротаба яшаш шароитлари ишчи гуруҳ томонидан қайта баҳоланиши талабини бекор қилиш;

⏺ “Инсон” марказлари ва оилавий поликлиникалар томонидан кейинги йил учун шахслар чуқурлаштирилган тиббий кўрикдан ўтказилишини ташкил этиш жадвалини тузиш амалиётини бекор қилиш;

⏺ ижтимоий хизматдан фойдаланувчига берилган ваучерни бекор қилиш, ижтимоий хизмат кўрсатувчини “Ягона миллий ижтимоий ҳимоя” ахборот тизимидаги “Оила ҳамкори” платформасида рўйхатдан чиқариш асосларини аниқ белгилаш.

📝 2026 йил 1 мартдан хулқ-атвори бузилишлари бўлмаган руҳий касаллик бўйича диспансер назоратида турувчи деменция, Паркинсон ёки Альцгеймер касаллиги ташхиси қўйилган шахслар учун кундузги қатнов асосида қараб туриш хизмати кўрсатилади.

🔵@ssvuz|🔵@ssvmatbuotkotibi|👥Facebook | 📷Instagram

🔴 ❗️❗️❗️

❗️ Бакалавриат босқичи бўйича Президент ва номли давлат стипендиялари ғолиблари тасдиқланди!

📊 2025/2026 ўқув йили учун олий таълим ташкилотлари бакалавриат босқичининг 101 нафар талабаси Ўзбекистон Республикаси Президенти давлат стипендияси танлови ғолиби бўлди.

📌 Танловда иштирок этиб, совриндор бўлмаган талабалар ҳам тегишли ОТТ раҳбари томонидан рағбатлантирилади.

⬇️ Жумладан:

⏺ Президент давлат стипендияси талабгорлари сертификат ҳамда базавий стипендия миқдорининг 3 баравари;

⏺ номли давлат стипендиялари талабгорлари эса, сертификат ҳамда базавий стипендия миқдорининг 2 баравари миқдоридаги бир марталик пул маблағи билан мукофотланади.

➖ Президент давлат стипендиясига сазовор бўлганлар

➖ Навоий номли давлат стипендиясига сазовор бўлганлар

➖ Ислом Каримов номли давлат стипендиясига сазовор бўлганлар

➖ Беруний номли давлат стипендиясига сазовор бўлганлар

➖ Улуғбек номли давлат стипендиясига сазовор бўлганлар

➖ Ибн Сино номли давлат стипендиясига сазовор бўлганлар

➖ Имом ал-Бухорий номли давлат стипендиясига сазовор бўлганлар

➖ Ибройим Юсупов номли давлат стипендиясига сазовор бўлганлар

➖Тўлепберген Қаипбергенов номли давлат стипендиясига сазовор бўлганлар

➖ Бобур номли давлат стипендиясига сазовор бўлганлар

➖Паҳлавон Маҳмуд номли давлат стипендиясига сазовор бўлганлар

➖Абдулла Авлоний номли давлат стипендиясига сазовор бўлганлар.

‼️ Маълумот учун, магистратура мутахассисликлари бўйича Президент стипендияси ғолиблари вазирлик Ҳайъатида тасдиқлангандан сўнг эълон қилинади.

🔵@ssvuz|🔵@ssvmatbuotkotibi|👥Facebook | 📷Instagram

🔴 ‼️‼️

✅ 10 ноября 2025 года глава нашего государства в ходе встречи с медицинскими и фармацевтическими работниками обозначил перед представителями отрасли ряд актуальных задач.

🏥 Исходя из этого, в Республиканском специализированном научно-практическом медицинском центре эндокринологии имени академика Ё. Туракулова также проводятся масштабные и системные мероприятия.

❓ С какими результатами данное учреждение завершило прошедший год?

❓ Какие приоритетные задачи определены на текущий год?

❓ Какое внимание уделяется вопросу приближения специализированной медицинской помощи к первичному звену?

📹 Ответы на эти и другие вопросы вы найдёте в видеосюжете, подготовленном Пресс-службой Минздрава.

Пресс-служба
Министерства здравоохранения.

🔴 1️⃣2️⃣3️⃣4️⃣5️⃣

💊 Баъзи касалликларни даволашда гормон терапиясидан фойдаланилади. Бироқ бундай воситаларнинг хотин-қизлар, ҳомиладор аёллар томонидан ўзбошимчалик билан қабул қилиниши қатор салбий оқибатларни келтириб чиқариши мумкин.

❓ Хўш, қайси ҳолатларда гормонал терапия буюрилади?

❓ Кимларда бундай муолажаларни ўтказиш мумкин эмас?

📹 Ушбу саволларга Республика перинатал марказининг акушер-гинекологи Шоиста Маҳкамова батафсил жавоб берди.

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram

🔴 ‼️‼️

✅ В связи с растущим спросом на препараты крови в нашей стране особую актуальность приобретают дальнейшее расширение возможностей организаций службы крови и полное обеспечение потребностей лечебных учреждений в крови и ее компонентах.

🔗 В столице состоялось совещание, посвященное сути, реализации и ожидаемым результатам принятого недавно главой государства постановления, направленного на улучшение службы крови.

📹 Подробности в видеосюжете, подготовленном Пресс-службой Минздрава.

Пресс-служба
Министерства здравоохранения.

🔵@ssvuz|🔵@ssvmatbuotkotibi|👥Facebook | 📷Instagram

🔴 🟦🟦🟦

✅ Юртимизда қон маҳсулотларига бўлган талабнинг ортиб бораётгани сабабли қон билан ишлаш хизмати ташкилотларининг имкониятларини янада кенгайтириш, даволаш муассасаларининг қон ва қон маҳсулотларига бўлган эҳтиёжини тўлиқ таъминлашни йўлга қўйиш давр талабига айланди.

🔗 Аввал хабар берганимиздек, пойтахтимизда давлатимиз раҳбари томонидан яқинда қабул қилинган қон хизматини такомиллаштиришга қаратилган қарорнинг мазмун-моҳияти, ижроси ва кутилаётган натижаларга бағишланган йиғилиш бўлиб ўтди.

❗️Тафсилотлар ССВ Матбуот хизмати томонидан тайёрланган видеолавҳада.

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram

🔴 🟦🟦🟦

❗️Суд-тиббий экспертиза соҳасига сунъий интеллект технологиялари жорий этилади

📌 Бугун юртимизда суд-тиббий экспертиза соҳасини ривожлантириш, уни халқаро стандартлар даражасига олиб чиқиш, замонавий илмий-техник ечимларни амалиётга татбиқ этиш йўлида изчил ишлар олиб борилмоқда.

🏢 Хусусан, Республика суд-тиббий экспертиза илмий-амалий маркази томонидан бу йўналишда эришилаётган ютуқлар салмоқли.

💬 — Президентимизнинг 2025 йил 8 сентябрдаги тегишли қарорида соҳани босқичма-босқич модернизация қилиш, рақамлаштириш жараёнларини жадаллаштириш ва илғор хорижий тажрибаларни амалиётга кенг жорий этиш каби қатор вазифалар берилган эди, — дейди муассаса директори Шерзод Рўзиев.

➡️ — Шунга мувофиқ, бугунги кунда суд-кимё йўналишида масс-селектив детекторли газ ва суюқлик хроматографияси асосида таҳлилларни йўлга қўйиш, бу орқали биологик намуналарда синтетик гиёҳванд ҳамда кучли таъсир этувчи моддаларни аниқлаш имкониятлари сезиларли даражада ошди. Бу эса мазкур зарарли воситаларни фош этишда юқори ишончлиликни таъминламоқда.

🧪 Шунингдек, ҳодиса жойидан биологик далилларни йиғиш, қадоқлаш ва сақлаш бўйича услубий тавсиялар ишлаб чиқилиб, суд-биология амалиётида сўлак доғларини иммунохроматографик экспресс тестлар орқали текшириш муваффақиятли қўлланиляпти.

💻 Яна бир янгилик. Ўтган йили марказга БМТнинг Гиёҳванд моддалар ва жиноятчиликка қарши кураш бошқармаси (UNODC) кўмагида амалга оширилаётган дастур доирасида Япониянинг “Shimadzu Corporation” компаниясининг қиймати 121 минг АҚШ долларига тенг замонавий хромато-масс спектрометр ускунаси ўрнатилди.

🗺 Лойиҳанинг кейинги босқичида марказ ва унинг филиаллари моддий-техник базасини мустаҳкамлаш, хусусан, Сурхондарё вилояти чегара олди ҳудудларида лаборатория имкониятларини янада ошириш кўзда тутилган.

🌐 Халқаро ҳамкорлик доирасида муассасамиз “Ҳиндистон суд экспертлари академияси (Indian Academy of Medico-Legal Experts)нинг Ҳинд-Тинч океани минтақавий аъзолигига қабул қилинди. Россия, Хитой, Туркия, Япония, Беларусь, Қозоғистон, Тожикистон, Туркманистон ва Қирғизистон давлатларининг етакчи суд-экспертлик марказлари билан мустаҳкам алоқалар йўлга қўйилди.

🤖 Жорий йил муассаса ҳудудида молекуляр-генетик тадқиқотларни ривожлантириш мақсадида янги лаборатория биносини қуриш режалаштирилган. Ушбу бўлим ишга тушгач, суд-генетик экспертизаларни амалга ошириш, шу жумладан, шахсни идентификация қилиш, оталик (оналик) ва қариндошликни аниқлаш, жиноят жойидан олинган биологик ашёвий далилларни солиштириш, генетик маркерлар асосида таҳлиллар ўтказиш, суд-тиббий ва суд-биология соҳаларини илмий жиҳатдан қўллаб-қувватлаш имкони яратилади.

🖲 Қолаверса, бу йил сунъий интеллект технологияларидан самарали фойдаланиш мақсадида Intelligent Sperm Detection (сунъий интеллект асосида сперматозоидларни автоматик аниқлаш) замонавий қурилмасини харид қилиш кўзда тутилган.

🌡Мазкур ускуна серологик ва суд-биология тадқиқотларининг ишончлилиги ва тезлигини ошириб, бу жараёнларда инсон омилини камайтиради ҳамда кам концентрацияли биологик намуналарда сперматозоидларни аниқлаш самарадорлигини сезиларли даражада яхшилайди.

🔬 Шу билан бирга, микроскопик тасвирларни сунъий интеллект алгоритмлари орқали таҳлил қилиш асосида биологик намуналарда сперматозоидларни юқори даражада аниқлаш, ҳисоблаш ва ҳужжатлаштириш имкони яратилади. Бу эса хулосаларнинг ишончлилигини ошириш, экспертлик жараёнларини жадаллаштириш ҳамда халқаро стандартларга мос ҳолда суд-биология экспертизаларини амалга ошириш учун кенг имкониятлар яратади.

‼️ Айни пайтда Республика суд-тиббий экспертиза илмий-амалий маркази лабораторияларини ISO/IEC 17025 халқаро стандарти талаблари асосида аккредитациядан ўтказиш ишлари олиб борилмоқда.

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram

🔴 🟦🟦🟦

📆 Бугун — Бутунжаҳон саратонга қарши кураш куни

📊 Жаҳон соғлиқни сақлаш ташкилоти ҳисоботига кўра, дунёда қайд этилаётган ҳар тўрттадан битта саратонга чалиниш ҳолатининг олдини олиш мумкин. Бунинг учун қатор профилактик чораларга амал қилиш талаб этилади.

🔎 ЖССТ рўйхатидан тамаки чекиш, алкоголь истеъмоли, камҳаракатлик, ҳаво ифлосланиши, турли инфекциялар, ультрабинафша нурланиш каби 30 та олдини олиш мумкин бўлган хавф омили жой олган.

🚬 Масалан, саратонга чалиниш ҳолатларининг 15 фоизи кашандалик таъсирида келиб чиқмоқда. Инфекциялар 10 фоиз, алкоголь истеъмоли эса 3 фоиз ҳолатда онкологик касалликлар ривожланишига сабаб бўляпти.

💫 Бошқача айтганда, жаҳон бўйича олдини олиш мумкин бўлган хавфли ўсмаларнинг қарийб ярмини ўпка, ошқозон ва бачадон бўйни саратони ташкил этади.

📈 Олдини олиш мумкин бўлган саратон хасталиклари аёлларга нисбатан эркакларда 15 фоиз кўпроқ учрайди.

🏵 Хусусан, эркакларда бундай хавфли патологиялар 23 фоиз ҳолатда тамаки чекиш оқибатида пайдо бўлади. Инфекциялар улуши 9 фоиз, алкоголь истеъмоли таъсири 4 фоизга тенг.

🔬 Хотин-қизларда эса қайд этилаётган ҳолатларнинг 11 фоизи инфекциялар, 6 фоизи тамаки чекиш ва 3 фоизи юқори тана вазни билан боғлиқ.

‼️ Ҳисоботдан саратон профилактикаси бўйича қатор муҳим тавсиялар ҳам ўрин олган. Кашандаликка қарши курашиш, алкоголь истеъмолини тартибга солиш, одам папиллома вируси ва гепатит В га қарши эмланиш, ҳаво сифатини яхшилаш, хавфсиз меҳнат шароитларини яратиш, соғлом овқатланиш ҳамда жисмоний фаолликни ошириш шулар жумласидандир.

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram