Поздравление Председателя СТД РСО-А Казбека Губиева

Дорогие женщины!

Поздравляю вас с Международным женским днем- 8 Марта!
В этот прекрасный весенний праздник хочется подарить вам волнительные минуты радости и счастья, сказать слова признательности!
Благодаря вам наша жизнь ярче,  насыщенней и радостней!
От всей души желаю вам любви, семейного счастья и благополучия, успехов в работе,  вдохновения! Пусть этот день подарит вам неповторимые эмоции и исполнит ваши мечты!

Нӕ зынаргъ сылгоймӕгтӕ!

Зӕрдиаг арфӕ уын кӕнын уалдзӕджы рӕсугъддӕр бӕрӕгбӕттӕй иу-Сылгоймаджы дунеон боны фӕдыл! Сымах стут нӕ царды фидауц, нӕ къонаты хъарм, нӕ уӕздан ӕмӕ худӕндзаст сылгоймӕгтӕ.
Мӕ зӕрдӕ уын зӕгъы царды хорздзинӕдтӕ, бинонты амонд, куысты ӕнтыстдзинӕдтӕ!
Уадз ӕмӕ ацы бӕрӕгбон ӕрххӕсса уе'ппӕтӕн дӕр уарзондзинад, цины ӕнкъарӕнтӕ, удӕнцойдзинад,  уалдзыгон хур та уын батавӕд  уӕ зӕрдӕтӕ!

Пусть это прекрасное трио добавит праздничности и ярких эмоций в этот день!

Дорогие коллеги, публикуем видеопоздравление Председателя СТД РФ с Международным женским днём.

https://youtu.be/QnryQUII8O8

Конно-драматический театр «Нарты» с сегодняшнего дня будет носить имя заслуженного деятеля искусств
Российской Федерации, народного артиста Республики Северная Осетия-Алания Анатолия Дзиваева! Такое решение принято на заседании правительства.

Анатолий Гаврилович был основателем и первым художественным руководителем конно-драматического театра
«Нарты». Своим трудом и талантом он создал сильную и перспективную труппу молодых, творчески одарённых людей. И по сей день коллектив остаётся единственным в своём роде во всей нашей большой стране. Пожелаем артистам успехов и новых творческих свершений!

Абон мысӕм УАТАТЫ Бибойы,
РСФСР-ы ӕмӕ РЦИ-А адӕмон артисты, Таджикистаны Рудакийы номыл ӕмӕ Хетӕгкаты Къостайы номыл Паддзахадон премиты лауреатыл абон хъуамӕ сӕххӕст уыдаид 85 азы.
Уатайы -фырты ирон адӕм мысынц, куыд  курдиатджын актёр,  хуымӕтӕг ӕмӕ ӕмгарджын адӕймагӕй,  уарзӕгой зӕрдӕйы хицауӕй. Кӕд разамонӕгӕй дӕр  фӕкуыста (1994-1998 азты уыд республикӕйы культурӕйы министр), уӕддӕр никуы рох кодта йӕ уарзон хъӕубӕстӕ,  аргъ кодта хуымӕтӕг адӕймагӕн.
Бибойы сфӕлдыстадон фӕндаг уыд ирд, хъӕздыг ӕмӕ бирӕвӕрсыг.  Йӕ ӕнтысджын архайд кинойы ӕрӕййӕфта советон дугмӕ. Фылдӕр куыста Астӕуккаг Азийы республикӕты, зонгӕ та йӕ кодтой ӕнӕхъӕн бӕстӕйы ӕмӕ ма уымӕй дарддӕр.
Йӕ актёры курдиаты ӕмӕ арӕхстдзинады фӕрцы, цы ролты ахъазыд, се хсӕн та уыд бирӕ историкон ӕмӕ адӕмон хъайтартӕ, уыдон киномӕкӕсджыты зӕрдӕтӕ агайдтой cе 'цӕгдзинадӕй.
"Чермен", "Огненные дороги", кинотрилоги "Шах-намэ" ("Сказание о Рустаме", "Рустам и Сухраб", "Сказание о Сиявуше"), "Прощай", "Хасан-арбакеш", "Поэма двух сердец", "Снег в сентябре", "Год дракона"- ацы  ӕмӕ иннӕ кинонывтӕ зынгӕ бынат ахсынц нӕ бӕстӕйы киноаивады историйы.
Зын зӕгъӕн у, цавӕр уыдаид ирон театр,  ӕнӕ Бибойы хуызӕн артистӕй. Афтид йӕ хъӕлӕсӕй дӕр, йӕ асӕй, фактурӕ кӕй хонынц, уымӕй ризӕджы ӕфтыдта театрдзауты.
Куыд ис ферох кӕнӕн Чермены, Плиты Гришы пьесӕмӕ гӕсгӕ  ӕвӕрд спектаклӕй, Хазбийы, Шекспиры "Къарол Лир"-ы, Софоклы "Паддзах Эдип"-ы,  Димийы "Фыдӕлты намыс"-ӕй, Хуыгаты Г. спектаклӕй, Борӕханы "Хъодыгонд зӕд"-ӕй,  авт. Джыккайты Шамил. Абон дӕр уыцы спектаклтӕн сӕ кад у бӕрзонд,  цы  хъуыдытӕ сӕ уыд ӕвӕрд,  уыдон нӕ рӕстӕджы дӕр  сты актуалон, уӕдӕ Уататы Бибойы сфӕлдыстады та нымад ӕрцыдысты хуыздӕртыл.
Амондджын хонынц сӕхи, Бибоимӕ иу сценӕйыл чи хъазыд, уыцы актертӕ.
"Фыццаг хатт Бибойы федтам, Мӕскуыйы куы ахуыр кодтам, уӕд. Ӕмдзӕрӕнмӕ нӕм уазӕгуаты ӕрбацыд",- мысы ГУЫБИАТЫ Хъазыбег. - Иннӕ студенттӕ  цымыдисӕй кастысты Бибомӕ,  мах та йӕм нӕхи хӕстӕгӕй-хӕстӕгдӕр ластам, цӕмӕй йӕмӕ къам сисӕм. Ирыстонмӕ куы ӕрыздӕхтыстӕм, уӕд хӕстӕгдӕр базонгӕ дӕн йемӕ, ӕмӕ мӕхиуыл кӕддӕриддӕр ӕнкъардтон  йӕ хъӕрмуд ахастдзинад. Амондджын хонын мӕхи, Бибоимӕ иу сценӕйыл кӕй куыстон, иумӕ спектаклты ӕмӕ кинойы кӕй хъазыдыстӕм, уымӕй. Бибойы фӕрцы хъуыддаджы фӕдыл бахаудтӕн Ташкентмӕ. Йемӕ проспекты тезгъо кӕнгӕйӕ, нӕ фӕстӕ ӕмбырд кодтой ӕмӕ Бибойы къухтӕн батӕгӕнгӕйӕ цыдысты тынг бирӕ адӕм...Е, ахӕм кад кодтой ӕмӕ  ӕнӕкӕрон уарзтӕй уарзтой Бибойы. Абон дӕр уыцы диссаджы ныв лӕууы мӕ цӕстыты раз. Хорз хъуыды кӕнын, мӕ хорз ӕмбалмӕ Гуырдзыйы уазӕгуаты уыдыстӕм, ӕрыхсӕв ныл ис, арв стъалытӕй дзаг, уӕлдӕф та - ногуагъд сӕны хӕрздӕфӕй. Кӕцӕйдӕр нӕм хъуыстысты   гуырдзиаг зарӕджы зӕлтӕ.  Фӕстӕдӕр ӕй бамбӕрстон, уый уыд Бибойы уарзондӕр зарӕг. Бибо йӕм хъуыста, йӕ цӕссыгтӕ йӕ рустыл уадысты, афтӕмӕй. Стӕй мын уӕд афтӕ бакодта, "ацы хсӕв дӕ зӕрдыл бадар, Хъазыбег, уымӕн ӕмӕ ныл дыккаг хатт  нал ӕрцӕудзӕн"...
Бибо не хсӕнӕй фӕхъуыд 2000 азы, 61 азы йыл куы цыд, уӕд...

МАМИАТЫ Лолитӕ