Չինացիների նոր տեխնոլոգիական «հարվածը». արհեստական բանականությամբ (ԱԲ) աշխատող Omnyhuman ծրագիրը կարող է ցանկացած լուսանկար համապատասխան աուդիոֆայլ դարձնել տեահոլովակ: Նայե´ք կից օրինակը:

Աշխարհը զարգացման բոլորովին նոր փուլ է մտնում, որը ազդելու է կյանքի բոլոր ոլորտների վրա` քաղաքականությունն ու անվտանգությունը առաջին հերթին:

Երբ վերականգնենք պետությունը, այս ոլորտները լինելու են պետության հզորացման գլխավոր գրավականներից մեկը:

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Bloomberg- ի տվյալներով` եկող շաբաթ Մյունխենի անվտանգության խորհրդաժողովին ԱՄՆ նախագահ Դ. Թրամփը կներկայացնի «Խաղաղության պլանը»:
Դատելով տարբեր տեղերից հնչող կարծիքներից ու դիվանագիտական ելույթներից` բավական մեծ է հավանականությունը, որ սա ճիշտ է:

Ըստ այդ պլանի` պետք է հաստատվի զինադադար, Ռուսաստանի նոր գրաված տարածքներին տրվի անորոշ կարգավիճակ, Ուկրաինային որոշակի միջազգային երաշխիքներ:

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Սիրիայում Թուրքիայի օգնությամբ իշխանությունը գրաված ահաբեկիչների ներքին գործերի նախարարությունը հրատարակել է երկրի նոր քարտեզը, որտեղ սիրիական տարածքներ Ալեքսանդրեթի շրջանը և Գոլանի բարձրունքները այլև չեն ներկայացվում որպես Սիրիայի մաս:
Առաջինը գրավված է Թուրքիայի կողմից, երկրորդը` Իսրայելի:

Օկուպացիոն իշխանությունը այսպես է աշխատում:

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Ռուսաստանի ու Ադրբեջանի հարաբերությունները նորից մտել են լարվածության շրջան:
Ընդ որում` հրապարակային լարվածության:

Ի՞նչ պիտի անի նման իրադրությունում Հայաստանի ազգային, պետակամետ ղեկավարը: Ճիշտ է, ողջ ուժերը կենտրոնացնի` օգտվելու բացված այս փոքր հնարավորության պատուհանից:

Բայց դրա փոխարեն Հայաստանի դե-ֆակտո կառավարիչը մի շաբաթ է` ԱՄՆ-ում է, մի հատ միջանցքում նկար ունենալու համար: Առանց որևէ իրական օրակարգի:

Հենց ունեցանք ազգային իշխանություն, նորից կլինենք անվտանգ պետություն:

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

⚡️Ադրբեջանական աղբյուրները սկսել են գրել, որ երկրում բացահայտվել է «ռուսական լրտեսական ցանց»:

Որպես այդ ցանցի անդամներ նշվում են տարբեր անուններ, օրինակ` նախագահի աշխատակազմի նախկին երկարամյա ղեկավար Ռ. Մեհտիևը, նախարար Մամեդյարովը, բիզնեսմեններ և այլոք:

Ադրբեջանական մեդիադաշտը իմացողը չի կարող կասկածել, որ գործ ունենք իշխանության թույլտվությամբ արվող մեդիա-հարձակման հետ:

Ռուսաստան-Ադրբեջան հարաբերությունները շարունակում են լարվել:

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Այսօրվա իշխանություն կոչվածը ասում է, թե ինչ էլ լինի, մեկ է ադրբեջանցիներն ասելու են միջանցք: Այսինքն, ինչպես 2020 թվականին ասացին, թե ինչ էլ լինի մեզ պարտված չենք զգալու, հիմա էլ ասում են, թե ինչ էլ լինի, միջանցք չհամարենք:
Հերթական անգամ փորձում են զիջել, տալ միջանցը, և ընդունել «հաղթածի տեսք»:

պ.գ.թ., թուրքագետ Մհեր Աբրահամյան | @mherab

Զգուշավոր լավատեսություն

ԱՄՆ-Ռուսաստան ընթացող բանակցություններում, որոնց վրա սևեռված է ամբողջ աշխարհի ուշադրությունը, կարևոր են նաև դետալները։

Այդ կարևոր դետալներից մեկն, ըստ իս, այն է, որ Թուրքիան փաստացի զրկվել է ուկրաինական հակամարտությունում չեզոք երկրի, հետևաբար նաև միջնորդի կարգավիճակից։ Հիշեցնեմ, որ 2022-2023-ին հենց Անկարան էր գլխավոր միջնորդը, ինչից զգալիորեն օգտվում էր Էրդողանը՝ լուծելով իր խնդիրները։

Այժմ իրավիճակը փոխվել է։ Թուրքիան զիջել է իր դերը Սաուդյան Արաբիային, որտեղ և տեղի ունեցան ԱՄՆ-ՌԴ բանագնացների հանդիպումը, ինչպես նաև, ամենայն հավանականությամբ, շուտով տեղի կունենա նախագահներ Թրամփի ու Պուտինի առաջիկա հանդիպումը։

Եթե պարզեցնենք, ապա սա լավ լուր է, քանի որ զրկում է Թուրքիային արտաքին քաղաքականության հարցերում մանևրելու լայն դաշտից, ինչպես նաև վկայում է ՌԴ համար վերջինիս դերի նվազման ու երկկողմ հարաբերություններում առկա լարվածության մասին։
Այս ամենը՝ համադրված այլ մի շարք փաստերի հետ, փոքր լավատեսության հիմք է տալիս Հարավային Կովկասում Թուրքիայի դերի համեմատաբար սահմանափակման առումով։

Իհարկե, սա չի նշանակում, որ մեր սպառնալիքները կվերանան ինքնաբերաբար։ Սակայն դրանց դիմադրելու հնարավորություններն են մեծանում, որից պետք է օգտվեն ազգային ուժերը։

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Սահմանադրությունը փոփոխելու նպատակը երկուսն է.

1. Կատարել Թուրքիայի և Ադրբեջանի հերթական պահանջը։
Փոփոխությունները վերաբերելու են ոչ միայն Արցախի ու Հայոց ցեղասպանության հարցին (դրանք լիարժեք հանվելու են), այլև հնարավորություններ են ստեղծվելու թուրքական հաջորդ պահանջները կատարելու համար՝ հանգեցնելով Հայաստանի անկախության կորստին։

2. Սահմանադրական փոփոխությունների գնով ևս մի փոքր երկարացնել սեփական իշխանությունը։

Հայաստանի այսօրվա խնդիրների հետ Սահմանադրության փոփոխությունը ոչ մի կապ չունի։ Այն բացառապես թուրք-ադրբեջանական պահանջ է։
Այս թեմայով ցանկացած այլ ոճի քննարկում կոչված է մոլորեցնելու մեզ և հերթական կորուստներին տանելու։

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Խորհրդանշական է, չէ՞։

1. Ալիևը այսօր հերթական անգամ օկուպացված Ստեփանակերտում է։ Ողջ օրը շրջելով օկուպացված Արցախում՝ դարձյալ հակահայկական ելույթներ է ունեցել։

2. Զուգահեռ Ալիևի կամքը կատարող և միաժամանկ Հայաստնաի դե-ֆակտո վարչապետը «հանկարծ» հայտարարում է Սահմանադրությունը փոխելու մասին, որը գրեթե ամեն օր պահանջում է Ադրբեջանն ու Թուրքիան։

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Այսօր նաև 2004 թ. Բուդապեշտում կացնահարված հայ սպա Գուրգեն Մարգարյանի հիշատակի օրն է։

Եթե հրաժարվենք էս հիշողությունից, երաշխավորված ստանալու ենք նոր ցեղասպանություն և գաղթ։
Ազգային ուժեղ պետությունը այլընտրանք չունի։

պ.գ.թ., թյուրքագետ Վարուժան | @varuzhandragoman

Ամեն օր, երբ դուք զբաղվում եք ձեր գործերով, ես էլ զբաղվում եմ իմ առաջնային գործով՝ հետևում եմ, ուսումնասիրում եմ և վերլուծում են այն ամենը, ինչ կատարվում է Թուրքիայում ու Ադրբեջանում և նրանց շուրջ։
Դա իմ գործն է։

Ցավոք, ամեն օր ես տեսնում եմ, թե ոնց են այդ երկու երկրում մշակում Հայաստանի դեմ նոր գործողություններ, որոնք չեն մնում թղթի վրա. դրանք շատ արագ վերածվում են ծրագրերի, որոնց մասին մեր հանրությունը տեղեկանում է միայն այն ժամանակ, երբ մեզ ուղղված հարվածը հասնում է տեղ ու մեզ հերթական կորուստը պատճառում։

Ամեն օր ես տեսնում եմ, թե ինչպես են ծրագրվում Հայաստանի դեմ նոր պահանջները և որն է դրանց իրական նպատակը, այլ ոչ թե այն, թե ինչ են մեզ ու արտաքին աշխարհին հայտարարում։ Տեսնում և համոզվում եմ, որ այդ պահանջները ոչ մի կապ չունեն մեզ հետ խաղաղություն հաստատելու հետ։ Թուրք-ադրբեջանական կողմում կա բացառապես մեկ նպատակ՝ թուլացնել, մաշեցնել և բառիս ուղիղ իմաստով վերացնել հայկական պետությունը։ Ու չկա որևէ մեկը, որ կարող է հակառակում համոզել կամ առավել ևս՝ ապացուցել դա։ Չկա՛։

Այս պահին Հայաստանի դեմ դրված պահանջների ցանկը մեծ է։ Սահմանադրության փոփոխությունը՝ մեր սահմանադրության թուրքացումը դրանցից ընդամենը մեկն է, որը նպատակ ունի իրավական հիմքեր ստեղծել Հայաստանի թուրքացման՝ վիլայեթացման համար։ Ես տեսել եմ տասնյակ թուրքական քննարկումներ, հոդվածներ, ելույթներ, որտեղ նշում են, թե ինչու է դա պետք իրենց։

Իմիջիայլոց, Թուրքիան 1990-ականներից միշտ էլ փորձել է այս թեման ընդգրկել քաղաքական բանակցությունների օրակարգում, բայց Հայաստանի բոլոր իշխանություններից հանդիպել է կոշտ պատասխանի և ետքաշվել։

Այսօր պետք է հետևողականորեն մերժել սահմանադրության փոփոխության օրակարգը։ Այն կապ չունի հայերի ու Հայաստանի շահերի հետ։ Կապ չունի։
Որևէ պարագայում չպետք է մտնել նույնիսկ վերացական քննարկման մեջ այդ թեմայով։ Սահմանադրությունը փոխելու օրակարգը բացառապես թուրքական պահանջ է, որն էլ ավելի է մեզ թուլացնելու։

Հայաստանի անկախությունն ու անվտանգ ապագան Թուրքիայի պահանջով չի ձևավորվում։
Ուստի դեմ եմ վիլեյաթեցմանը, դեմ եմ թրքացմանը։ Ուժեղ ու զարգացող Հայաստանը կմտածի սահմանադրության մասին միայն այն ժամանակ, երբ դա իսկապես պետք լինի, այլ ոչ թե Անկարայից ու Բաքվից եկած հրամաններով։

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman

Նկարում Թուրքիայի իշխանությունների գլխավոր մեդիաներից «Daily Sabah»-ի հոդվածներից մեկն է, որտեղ հեղինակները պնդում են, որ Թուրքիան պետք է աջակցի Հայաստանի դե-ֆակտո վարչապետին, քանի որ վերջինս կիրականացնի բոլոր թուրքական պահանջները։
Հոդվածը գրված է դեռևս 2021 թ. մարտին։

✊ԱՋԱԿՑԵԼ ԱԼԻՔԻՆ

պ.գ.թ., թյուրքագետ Վարուժան | @varuzhandragoman