🎥Алесь Бяляцкі: Мы не бачым пакуль што святла ў тунэлі, але мусім ісці наперад

• Пра фізічны і маральны стан пасля вызвалення з турмы
• Чаму Бяляцкага адправілі ў Вільню, а астатніх зняволеных ва Украіну
• Што вядома пра Валянціна Стэфановіча, Марфу Рабкову, Насту Лойку
• Чым другое зняволенне адрознівалася ад першага
• Як Алесь у калідоры СІЗО даведаўся пра Нобелеўскую прэмію
• Прамова ў судзе — адкуль гуманізм у нечалавечых умовах?
• Ці ёсць надзея на дэмакратычкую Беларусь
• Што дапамагло трымацца ў турме

Адказы на гэтыя пытанні ў размове з DW Беларусь.

https://www.youtube.com/watch?v=488WEGa2QPQ

🎥Алесь Бяляцкі: «Не губляйце спадзяванні, не апускайце рукі, працягвайце працаваць»

Вызвалены з турмы і вывезены з павязкай на вачах ў Літву нобелеўскі лаўрэат і праваабаронца Алесь Бяляцкі даў вялікае інтэрв'ю Радыё Свабода.

Сярод іншага Алесь адказаў:

🔸чаму ў 2021-м годзе вырашыў заставацца ў Беларусі, разумеючы маштаб рэпрэсіяў і маючы папярэдні досвед палітвязня;
🔸як даведаўся аб прысуджэнні яму Нобелеўскай прэміі і ці паўплывала гэта на ягоны побыт у турме;
🔸як даведаўся пра напад Расіі на Украіну і ці ўсе вязні разумелі, хто ў гэтай вайне агрэсар;
🔸Алесь таксама выказаў зычэнні тым, хто застаецца ў турмах, тым, хто ў эміграцыі і надалей чакае перамен да лепшага ў Беларусі.

https://youtu.be/v1E5qAS3vEI

Павел Севярынец, першыя дні на волі.

13 снежня ён быў вызвалены ў ліку 123-х былых палітвязняў палітычных зняволеных. З іх 109 грамадзян Беларусі прымусова вывезлі ва Ўкраіну, Павел Севярынец таксама апынуўся сярод іх.

Яшчэ каля сутак родныя шукалі пацверджанняў, што ён ужо на волі. З роднымі і сябрамі Паўлу ўдалося звязацца толькі 14 снежня. Па іх словах, настрой у Паўла бадзеры.

Вядомы палітык Павел Севярынец , ураджэнец Оршы, ьыў затрыманы ў чэрвені 2020г. і асуджаны на 7 гадоў зняволення па ч. 1 арт. 13 і ч. 2 арт. 293 Крымінальнага кодэкса (Падрыхтоўка да ўдзелу ў масавых беспарадках).

Працягваем паказваць, як у Віцебску ствараюць святочны настрой ідэалагічна правільнымі метадамі.

Гэты дом стаіць якраз каля плошчы Пермогі, дзе усталявалі галоўную гарадскую ёлку. Таксама ідэалагічна правільную...

Вызвалены Уладзь Лабковіч хоча працягнуць займацца праваабарончай дзейнасцю

Ён таксама распавёў, што калі б ён застаўся за кратамі, то ў хуткім часе яго б маглі асудзіць паводле арт. 411 КК (злоснае непадпарадкаванне адміністрацыі).

Таксама яму казалі супрацоўнікі калоніі, што яго тэрмін не мае значэння — ён будзе заставацца за кратамі столькі, колькі яны захочуць.

Відэа: @radiosvaboda

Уладзь Лабковіч: «Мы ўжо не героі, героі зараз знаходзяцца за кратамі, у турмах, героі сёння ідуць у ШІЗА»

Таксама вызвалены праваабаронца паведаміў, што падчас знаходжання ва Украіне палітвязні амаль кожныя 2 гадзіны спускаліся ў бомбасховішчы.

Відэа: @nashaniva

Навапалачаніна Сяргея Ерамеева, абвінавачанага ў падрыве чыгункі на БАМе, асудзілі на 22 гады

5 год ён правядзе ў турме, астатнія ў калоніі строгага рэжыму. Вырак вынес Другі Усходні акруговы вайсковы суд, які вырашыў, што Ерамееў «за грашовую ўзнагароду ўвайшоў у склад тэрарыстычнай супольнасці». Ён атрымаў самаробныя выбуховыя прылады і, прыбыўшы ў Бурацію, усталяваў іх на вагонах-цыстэрнах з дызельным палівам двух грузавых цягнікоў

Падрывы на БАМе адбыліся ў канцы лістапада 2023 г. — адзін у Паўночнамуйскім тунэлі, другі — на аб’язным шляху. У выніку загарэліся цыстэрны і была пашкоджана чыгуначная інфраструктура. Шкода ацэненая больш як у 102 мільёны руб.

Пра затрыманне ў Омску падазраванага ў тэракце Ерамеева ФСБ паведаміла 7 снежня 2023 г. У судзе ён тлумачыў, што хацеў паралізаваць рух на чыгунцы, каб перашкодзіць перавозцы вайсковых грузаў.

У Беларусі мужчына страціў работу праз палітыку. Сяргей Ерамееў працаваў на «Нафтане» і ўдзельнічаў у агульнабеларускім страйку ў 2020 годзе.

Вядомы палітык Павел Севярынец - ураджэнец Оршы, вызвалены ў ліку 123 палітвязняў 13 снежня, ужо ў Вільні.

Спачатку яго вывезлі ва Ўкраіну, але дзякуючы сумесным намаганням шэрагу беларускіх і міжнародных ініцыятываў, у ліку іншых вызваленых, якія выказалі такое жаданне, ён быў эвакуяваны ў Літву.

❗️Полацкі суд перастараўся: “экстрэмісцкім” прызнаны рэсурс, які “змагаўся з экстрэмізмам” 🙃

18 снежня суд Полацкага раёна і г.Полацка прызнаў “экстрэмісцкай” старонку “ВКонтакте” з назвай "Zмагар – Использованная прокладка". Інтэрнэт-рэсурсы з падобнымі абразлівымі назвамі масава з’явіліся пасля пратэстаў 2020 г. Такім чынам іх стваральнікі з ліку штатных ідэолагаў, супрацоўнікаў сілавых структур і прыхільнікаў дзейных уладаў імкнуліся дыскрэдытаваць беларускую нацыянальную сімволіку і ўсіх, для каго бел-чырвона-белы сцяг стаў сімвалам змагання за волю.

У той самы дзень полацкі суд прызнаў “экстрэмісцкім і старонку “ВКонтакте” з назвай “Жыве Беларусь”.

Суд Лёзненскага раёна на мінулым тыдні таксама спрычыніўся да “змагання з экстрэмізмам”. 17 снежня “ экстрэмісцкай” была прызнана старонка "Грамада Палесся" у сацсетцы "Одноклассники", 18 снежня – старонкі “ВКонтакте” з назвамі "Народная амбасада Беларусi ў Бразылii (Бразiлiя)" і "Magnus Ducatus Lithuaniae" ( гэтая старонка прысвечана гісторыі ВКЛ).

Усе названыя вышэй інтэрнэт-рэсурсы 20 снежня былі ўключаны ў Рэспубліканскі спс экстрэмісцкіх матэрыялаў.

Ксёндз Сяргей Сурыновіч: "Некаторыя элементы фрэскі пачалі адцягваць увагу ад цэнтральнай таямніцы — ад Хрыста і Яго Уваскрасення"

Пробашч віцебскага касцёла Святога Антонія патлумачыў, чаму з цэнтральнай фрэскі ў храме зніклі выявы жынчыны і двух салдат.

Ксёндз Сяргей распавёў пра гэта выданню catholicnews.by у інтэрв'ю з нагоды 25-годдзя адноўлення парафіі святога Антонія:

"пытанне ўзнялі самі парафіяне. На працягу многіх гадоў паступалі катэгарычныя заўвагі і скаргі, і ў выніку супольнасць прыняла рашэнне, што пэўныя вобразы трэба прыбраць. Гэта не было воляй аднаго чалавека, а менавіта патрабаваннем людзей, якія хацелі, каб іх касцёл заставаўся прасторай малітвы і супакою.

Фігура жанчыны была намаляваная ў правакацыйным ракурсе і размяшчалася акурат над амбонам, адкуль чытаецца Божае Слова. Для многіх вернікаў гэта выглядала недарэчна і выклікала незадаволенасць, а часам нават згаршэнне. Каб пазбегнуць непатрэбных спрэчак і каб нічога не перашкаджала малітве, парафіяльная супольнасць настойліва патрабавала прыбраць гэты вобраз, які змяшчаўся акурат заўсёды перад іх вачыма падчас малітвы як і наступны.

Што да жаўнераў, то яны былі паказаныя ў сучасным вайсковым адзенні. Парафіяне неаднаразова казалі: мы жывём у мірнай краіне, молімся заўсёды аб супакоі, беларусы — мірныя людзі. Таму падобныя вобразы выклікалі ў іх неадназначныя пачуцці і непакой. Каб пазбегнуць непатрэбных інтэрпрэтацый і каб фрэска заставалася чыстым сведчаннем веры, а не прычынай спрэчак і раздражнення, парафіяне настойліва патрабавалі прыбраць і гэтыя выявы".

Пры гэтым ксёндз Сяргей Сурыновіч заўважыў, што "гэтае рашэнне людзей не павінна ўспрымацца як абраза для мастака. Кожны творца, які бярэцца за працу ў касцёле, загадзя разумее: яго твор ахвяраваны Богу і службе людзям. Ён становіцца часткай святыні і служыць супольнасці, а не асабістай славе, хоць талент і адукацыя мастака заслугоўваюць пашаны". ➡️https://tinyurl.com/36f68brm

САМЫЯ ВАЖНЫЯ ❗️ПАДЗЕІ МІНУЛАГА ТЫДНЯ
( 15-21 снежня)

- Кватэру наваполацкага актывіста Яўгена Вільскага зноў спрабавалі прадаць з аўкцыёна.

- У Еўрапарламенце дачцэ палітвязня Анджэя Пачобута перададзена прэмія “За свабоду думкі” імя Сахарава.

- Вызвалены праваабаронца Уладзь Лабковіч і палітык Павел Севярынец – ужо ў Вільні.

- Навапалачаніна Сяргея Ерамеева, абвінавачанага ў падрыве чыгункі на БАМе, асудзілі на 22 гады.

- Віцебскі відэааператар Вячаслаў Лазараў атрымаў медаль Няскораных.

- Полацкі суд перастараўся : “экстрэмісцкім” прызнаны рэсурс, які “змагаўся з экстрэмізмам”. Па рашэнні гэтага суда інтэрнэт-рэсурсы двойчы траплялі ў Рэспубліканскі спіс экстрэмісцкіх матэрыялаў.

- Ксёндз Сяргей Сурыновіч, пробашч віцебскага касцёла Святога Антонія, патлумачыў , чаму з цэнтральнай фрэскі ў храме зніклі выявы жынчыны і двух салдат .

Старшыня Аршанскага райвыканкама Ігар Мароз будзе навучаць вяскоўцаў

Ен ужо правёў першы семінар у СХФ «Смальяны». І выказаўся літаральна пра ўсё аспекты гаспадарання - і пра становішча на фермах, і пра захаванне тэхнікі на зіму, і пра падрыхтоўку да вяснова-палявых работ.

Падобныя семінары будуць праводзіцца і ў іншых гаспадарках. Яшчэ трошкі, і Ігар Мароз можа стаць на Аршаншчыне той самай асобай, без якой не абыходзіцца нават пераборка бульбы. Вы ж памятаеце гэты анекдот : "хорошая - плохая"...

Новы кіраўнік Следчага камітэта Канстанцін Бычак - родам з Віцебшчыны

Раней ён займаў пасаду начальніка Следчага ўпраўлення КДБ Беларусі. З баз сілавікоў быў вядомы ранг Бычака ў КДБ — палкоўнік.

Ён нарадзіўся ў Гарадку Віцебскай вобласці. Яго бацька Фёдар Бычак працаваў начальнікам фінансавага аддзела ў райвыканкаме і ўваходзіў у раённы Савет дэпутатаў у 2014—2018 гадах. Канстанціну Бычаку 39 гадоў, ён жанаты, мае сына і дачку.

Суд Лёзненскага раёна зноў прызнаў “экстрэмізм”

20 снежня “экстрэмісцкімі” былі прызнаны Telegram-канал "Беларускi ПЭН» і старонка "Embaixada Popular de Belarus no Brasil" (Народнае пасольства Беларусі ў Бразіліі) у Facebook.

23 снежня гэтыя інтэрнэт-рэсурсы былі ўключаны ў Рэспубліканскі спіс экстрэмісцкіх матэрыялаў.