يا عَزيز الرُوح شلون امل مِنك ؟
ويا أخر نفَس بالروح
ما أگدر اعوفنك .

أكبر من أحلامي أشوفَك
حيرتَي الما يمهَا حِيرة
قانعَ بكُلشي يخصكَ
و أبد ما مَحتاج خيرة
خشَن گلبي ومَن عَرفتكَ
بيَن الطبعكَ حِريَره
منَين ما تندار أحبك
بحر ويحاوط جزيرة
يا طموحاتي الأخيرة
و يا مُعَاناتَي الچَبيرة
المهم حبني إعلى مودك
وين تلگة انِسان مِثلي
حُبك بكلبهَ و ضَميره‌َ.

اخاف احچي وتفز الرُوح
واخاف اسكت واضل مجروح
خايف من تصد العِين
اعاين عالگلب مذبوح
ماريدك حلم بالليل
واشوفنه الصبح ممسوح
ماريدك عشك يومين
والثالث عني تروح
وماريدك تگلي اهواك
أريد نصير روح بروح

صعب تتوصف
شما يوصفونَك يالمَخليني
هايم انه بـ عيونك
شمَا وادم تحبَك
انه احبَك حيل وأكثر
بَعد مِن كل اليحبونَك .

كُلِّي بكُلِّك مَمزوجٌ ومُتَّصلٌ
والنائِباتُ التي تُؤذيك تُؤذِيني

:لو ثغره غيابك يسدها اي انسان
جا كلنه الكمر يتعوض بشمعه