1-April📆

Yaponiyada 1-Apreldan boshlab yangi o’quv yili va yangi bizness kalendar boshlanishi haqida bilarmidingiz?
(1-Aprel hazili emas, rostdan shunday😁)

Bugun esa, 31-Mart tabiiyki yil yakuni va deyarli hamma ishchilar imkon qadar yil oxirigacha yakunlashi shart bo’lgan proyektlari, savdolari va turli vazifalarini bajarishyapti. Bugun ko’pchilikni xatto ko’chalarda, stansiyalarda, poyezd ichida ishlashyapganini ko’rishingiz mumkin.

Nega aynan 1-Aprel? Turli sabablarni keltirish mumkin, lekin eng rasmiy ma’lumot bu Yaponiya tarixidagi Meiji davridan (1886 yil) qolib ketgan kalendar. Va qolaversa, yangi yil yaxshiliklar, xush kafiyatga boy xotiralar bilan boshlash uchun Sakura daraxti gullaydigan paytni belgilashgan deydigan yaponlar ham bisyor. Bu davrni xuddi bir vaqtning o’zida ham ayriliq, ham yangi hayotga kirib borish davri desak ham bo’ladi.

Xullas, yangi o’quv va yangi ish yilini rasman ertadan, amalda esa kelasi Dushanbadan boshlaydigan barchaga yanada katta zafarlar tilab qolamiz.

👉 @lidernotes

🚀 Sarhisob 📝

2023-yilning 3-oyi, ya’ni yilning 1/4 qismi ham ortda qoldi.

Har oy ohirida o’zingiz uchun biroz vaqt ajratib, shu oyning sarhisobini qilish yillik maqsadlaringiz sari qo’yilgan kichik qadam hisoblanadi. Va shu odatga sodiq qolgan holda, fevral oyining kichik sarhisobini albatta qilib ko’ring.

Quyidagi 2 ta savolni o’zingizga berish orqali biroz mulohaza qilib ko’ring:

✅ Mart oyidagi yutuqlaringiz va nimalardan minnatdorsiz❓

✅ Ushu oydagi ham kariyera, ham shaxsiy hayotingizdagi kamchiliklaringiz nimalar❓

Oddiy oq qog’oz yoki telefoningizdagi Notes ilovasiga shu savollarga javob yozib ko’rishga harakat qiling.

Har doimgidek shu savollarga javob berish uchun fikrlashga ketgan vaqtingiz va uni qayd qilish orqali oladigan xulosalaringiz keyingi oyda yanada yaxshiroq rivojlanishingizga katta yordam beradi.

Foyda berganlardan izohlarda javobingizni kutib qolaman.

👉 @lidernotes

Fikr time 💭

Bir maqola o’qib o’tirgandim va birdan quyidagi savol kelib qoldi. Har biringizning fikringiz qiziq, shunchaki.

Omad borligiga ishonasizmi?
Omadning muvaffaqiyatdagi o’rni bormi?

To’g’ri-noto’g’ri fikr yo’q, ochiq o’ylagan fikringizni yozib ko’ring.

👉 @lidernotes

Welcome to kelajakka.

2023 US Open tennis musobaqasida sportchilarga Sun’iy Intellekt (AI) murabbiydan foydalanishga ruxsat berilar ekan.

AI xattoki sport murabbiylarning ham o’rnini egallab qo’yayapti.

Lekin baribir emotsiyani, ehtirozni va xursandchlik-qayg’uni bera olmaydi a, nima dedinglar?

👉 @lidernotes

#Iqtibos_time

Nima deb gap boshlasam ekin? Nima deb javob qaytarsam ekin?
Chala javob bergandan biroz sukut saqlay qolaman.

Bu kabi fikrlash sizga nisbatan bo’lgan boshqalarning fikrini negativlashib borishiga xizmat qilib qo’yadi ko’p holatlarda. Oz bo’lsa ham muloqat qilishdan qochmaylik azizlar.

👉 @lidernotes

#Iqtibos_time

“Siz atrofingizdagi doimiy birga vaqt o’tkazadigan 5ta odamning o’rtachasisiz” kabi chiroyli gaplarni ko’p eshitgansiz. Men bugun bundan ham chiroyliroq, va albatta hayotiyroq gapni eshitib qoldim.

“Siz atrofingizdagi doimiy birga vaqt o’tkazadigan FIKRLARning o’rtachasisiz.” - Do Epic Shit kitobidan.

Ya’ni, siz ijtimoiy tarmoqlarda kuzatayotgan insonlarning fikrlari, o’qiyapgan kitobingizdagi fikrlar, eshityapgan podcastsdagi fikrlar - bularning hammasi tabiiy sizga ta’sir o’tkazadi.

Insonlar fikrlari bilan qadrlanadigan zamonlar allaqachon kelgan deb o’ylayman va imkon qadar yaxshi va butun fikrlaydigan insonlar atrofida bo’lishga harakat qilaylik.

Atrofdagi FIKRLARga yuboramiz🚀

👉 @lidernotes

👋 Xayrli Dushanba azizlar!

Yana bir yangi haftani yaxshi kayfiyatda boshlab oldingizmi?

Har galgidek, hafta davomida o’zim uchun foydali deb bilgan bilimlarni “Lider Notes” jurnalining navbatdagi #110-sonida ulashishda davom etaman.

#110-sonigacha qoldirmay yetib kelishimda siz azizlarning qo’llab-quvvatlashingiz katta yordam berdi. Birga bo’lishda davom eting yaxshilar😊

Hafta davomida yaxshi kayfiyat tark etmasin🤗

👉 @lidernotes

2x ko’proq harakat.

Muvaffaqiyatli insonlarning tarixi yoki erishgan yutuqlarini eshitganimizda ko’pincha ularga havas qilamiz va tabiiyki o’xshashga ham harakat qilamiz.

Unda o’xshagan bo’lsa menda ham albatta o’xshaydi deymiz.

Va juda ko’pchiligimiz o’xshashga harakat qilish jarayonida bir muhim faktni yoddan chiqaramiz, qaysiki, yutuqlari ortidagi mashaqqatli mehnatlarini.

Kimgadir o’xshamoqchi bo’lsangiz, shu insondan 2 barobar ko’proq harakat qiling. Chunki u sizdan kamida 2-3 qadam oldinda va bu sizdan tinimsiz mehnatni talab qiladi.

P.S. Kimgadir o’xshash-o’xshamaslik esa har birimizning o’z ixtiyorimizda.

👉 @lidernotes

Diqqat imkoniyat!

Yosh qizlar uchun ustozimiz Alisher Isaev asos solgan Sales Doctor kompaniyasiga volontyorlar qidirishmoqda.

Imkoniyatni qo’ldan boy bermang.👇

⏺Beshikdan to…

Bugun ayolim bilan birga kitob do’koniga aylanishga bordik. Men odatda kitoblarni turli ko’rinishda o’qiyman, ekektron versiya, audio versiya va albatta hard copy. Lekin mingdan ortiq kitoblar terilib turgan do’konda sayohat qilish indamay biror soat vaqtingizni olib qo’yadi.

Bunday do’konlardan albatta farzandimizga biror kitob sovg’a sifatida olish odatimiz bor.

Farzandimga kitob tanlar ekanman, yuqorida rasmdagi kitoblarga ko’zim tushib hayratda qoldim. Raketa ilmi, Nyuton qonunlari kabi ilmiy kitoblarni 0 yoshdan boshlab o’qitsa bo’ladigan sodda tilda yozilgan. Adashmasam, biz Nyutonning 3ta qonunini maktabda 7-sinfda o’rganganmiz, va hali ham shunday bo’lsa kerak. Yuqorida rasmdagi kitoblar shunchaki bir misol, va shu kabi yana yuzlab kitoblarni topsangiz bo’ladi.

Ilmni o’rgatishning yoshi va vaqti yo’q. Faqat uni qanday yo’llar bilan o’rgatish eng muhim masala. Beshikdan to qabrgacha ilm ol deganlari shu bo’lsa kerak deb o’zimizga yaxshi xulosa oldik.

P.S. Shu kitoblarni hammasini O’zbek tiliga tarjima qilib tashlaging keladi kishini.

👉 @lidernotes

#Iqtibos_time

Vaholanki, bir necha liderlik usullari bor va bu usullarning deyarli yarmi introvert insonlar harakteriga juda mos tushadi.

Men bilgan bir necha yaxshi liderlar ham introvert insonlar.

👉 @lidernotes

O’zgarishlar.

Amerikalik yozuvchi Luis L'Amour shunday deb yozgan edi: "Hech qachon o'zgarmaydigan yagona narsa bu - hamma narsa o'zgarishidir.”

Ba’zan atrofimizdagi o’zgarishlardan norozi bo’lamiz yoki darrovda negativ tarafini ko’ramiz. Aslida esa bu hayotning yagona o’zgarmas qonuni ekanini unutib qo’yamiz.

Yangiliklarga, o’zgarishlarga pozitiv qarang, ularga nisbatan ochiq bo’ling. Ha, agar bu o’zgarishlar umuman ma’noga ega bo'lmasa, unga ma’no berishga harakat qiling.

Faqat shu orqaligina jamiyat yaxshilanishi mumkin.

👉 @lidernotes

⏺Ikkilanish…

Inson psixologiyasi shu darajada ehtiyotkorlikni birinchi o’ringa qo’yadiki, agar aqlimizdagi biror yangilikni boshlash bizga foydadan ko’ra qiyinchiliklar yoki zararlar olib kelishini oldindan bilsak katta ehtimol bilan shu ishni boshlamaymiz. Masalan, biznessni past-balandini, undagi qiyinchiliklarni deyarli bilgan inson qanchalik yaxshi ideaga ega bo’lmasin shu biznesni boshlamaydi. Chunki oson bo’lmasligini, oxirida bankrot bo’lish riski ham borligini bilgani uchun, undan ehtiyot bo’lish uchun.

Atrofimizdagi katta yutuqlarga erishgan insonlar esa boshida ko’p narsani bilmay boshlashgan bo’ladi. Va ularning muvaffaqtiyat sababi, jarayonda kelib chiqqan qiyinchiliklar va yangiliklarni shu jarayonning o’zida yechim topib, o’rganib borishgani bo’ladi.

Agar biz biror yangi narsani boshlash uchun kamida 70% tayyorligimizni bilsak, Allohga tavakkal boshlashimiz va jarayonda o’rganish uchun ruhan tayyor bo’lishimiz ijobiy yutuqlarga yetaklar ekan. Ikkilanmaylik!

👉 @lidernotes

⏺SHIKATANAI.🇯🇵

Yaponlarda bir yaxshi ibora bor - Shikatanai. Bu ko’p holatlarda biror narsani o’zgartirish ilojisi bo’lmasa ishlatiladi. Shu oddiygina ibora insonga xatosi haqida o’ylab befoyda vaqt sarflamaslikka, oldinga qarab yurishlikka yordam beradi.

O'zgartira olmaydigan narsalar haqida o’ylashdan voz kechishimiz kerak. Ba'zi narsalar bizning nazoratimizdan tashqarida ekanligini tan olaylik va bu tabiiy. Aksincha, nimani o'zgartirishimiz mumkinligiga e'tiborimizni qarataylik.

P.S. Bu iborani o’zimizdagi “Ha endi iloji yo’qda, nima ham qila olardik” iborasi bilan adashtirib yurmang.😊

👉 @lidernotes

Barabanchi🥁

Liderlarni xuddi Jazz musiqasi chaladigan jamoadagi barabanchiga o’xshataman. Chunki barabanchi boshqa musiqachilarni bir maromda usulni barqaror urishini saqlab beradi.

Lider ham xuddi shunday. Jamoada siz ko'plab iqtidorli odamlar bilan o'ralgan bo'lasiz. Trombonchi, baschi, trubachi, pianinachi va siz(lider), ritmni ushlab, hamma o'z vaqtida ishlashini ta’minlaydigan inson.

👉 @lidernotes

👋 Xayrli Dushanba azizlar!

Yana bir yangi haftani yaxshi kayfiyatda boshlab oldingizmi?

Har galgidek, hafta davomida o’zim uchun foydali deb bilgan bilimlarni “Lider Notes” jurnalining navbatdagi #111-sonida ulashishda davom etaman.

Bilganlarga eslatma bo'lishini, bilmaganlarga esa shu postni ulashish orqali qo'llashingizni xohlardim.

Hafta davomida yaxshi kayfiyat tark etmasin🤗

👉 @lidernotes