#Iqtibos_time

Ish qidirib yurganimda yapon kompaniyalarining intervyularidan yiqilib juda qiynalganman. Lekin oxirida to’la qonli yapon qadryatlariga asoslangan kompaniyadan ish olganman, va bu kompaniya menga to’g’ri kelmasligini yangi ishchilar hammamiz birincha marta yig’ilganimizda xodimlarning bir-biriga bo’lgan munosabatidan sezganman.(Oradan 5yil o’tdi, hozir ancha yaxshilangan bo’lishi mumkin)

Va menda hozirgi kompaniyam bilan shu yapon kompaniyasi o’rtasida tanlash imkoni bo’lgan. Xattoki, yapon kompaniyasi moddiy tarafdan yaxshiroq variant taklif qilgan bo’lsada, hozirgi kompaniyamdagi inson qadri, uning imkoniyatlari va ko’nikmalari inobatga olinishi, doimiy shaxsiy rivojlanish uchun imkoniyat borligi sabab shu variantni tanlaganman.

Qisqa xulosa shundaki, kompaniyaning chiroyli nomi yoki 100yillik tarixi emas, ichki madaniyati, insonlarga yaratib beradigan imkoniyatlari, jamiyatda oddiy shaxs, korxonada xodim, oilada ota yoki ona vazifalarini mo’tadil bajarishingiz uchun qanday yordamlar qila oladi - shu faktorlar asosiy o’lchovingizga aylangani to’g’riroq deb o’ylayman.

Sizningchachi?

👉@lidernotes

Tinglash - bu faqat eshitish emas!

Kuchli liderda yaxshi tinglay olish ko’nikmasi bo’lishi lozimligi haqida ko’p eshitganmiz. Lekin juda ham kam ta’kidlanadigan bir qiziq faktor bu suhbatlashayotgan insondagi xatti-harakatlarni ham tinglay olish ko’nikmasidir.

Ko’p holatlarda oddiygina quloq orqali eshitishni o’zi bilan chegaralanamiz va suhbatning maqsadiga yetib borishga qiynalamiz. Demak, faqatgina aytilgan gapni tinglash emas, balki aytilmagan gaplarni ham tinglay olishimiz kerak ekan.

Aytilmagan gap yoki so’zlar nima bo’lishi mumkinligi esa bu sizning qanchalik kuzatuv qobilyatingiz yuqoriligiga bog’liq.

👉@lidernotes

Men futbolning emas, Messining muxlisiman. Endi US futbolini ko’rar ekanmizda Messichilar😁

Qiziq, Beckham nima deb ko’ndirgan ekan-a?

👉@lidernotes

#Iqtibos_time

Eng pozitiv motivatsiyani olsa bo’ladigan o’zgarmas hayot haqiqati bor:

“Doim ko’proq harakat qilgan, ko’proq tayyorgarlik ko’rgan inson yutadi.”

Nega menda o’xshamayapti, nega doim mag’lubiyatlar bilan yakunlanyapti deb o’zingizni qiynamang. Shunchaki, kimdandir ko’proq harakat qilmaganingizni tan olib, davom eting.

👉 @lidernotes

Chegaralar!

Tadqiqotlarga ko’ra, Qo’shma Shtatlarda ishi kuchi energiya inqiroziga yuz tutmoqda ekan. Odatda 59% Amerikalik ishchilar BURNOUT (Charchash)ni boshidan o’tkazayotgan bo’lsa, 66% ishchilar esa haddan tashqari charchoq tufayli yuqori darajadagi stress holatini boshidan o’tkazyapti.

Qizig’i, ular shu holatni ozmi-ko’pmi tushunishyapti.

Men uchun doim O’zbek halqining stress holatiga nisbatan tushunchasi qanday ekanligi qiziq bo’lgan.

Stress haqida gapiray deysanu, lekin shaxsiy chegaralar shu darajada buzilib yotibdiki, bu haqida o’ylashning o’zi stress.

Shaxsiy chegaralarimizni asraylik, ularni yaxshi ma’noda belgilab olaylik, va kamroq stressda yashaylik.

👉@lidernotes

⏺10-minut qoidasi.

Unumdorlik bo’yicha Expert David Allenning “2-minutlik qoida”si haqida bilsangiz kerak. Qaysiki, agar oldingizda turgan vazifani bajarish uchun 2 daqiqa vaqt ketsa, uni vazifalar ro’yxatiga (to-do list) kiritib qo’yish o’rniga shu zahotiyoq bajaring. Bu usul sizga kichik vazifalarni to’planib ketib, kechiktirib yuborishingizni oldini olishga yordam beradi.

Bu masalaga nisbatan shaxsiy fikrim biroz boshqacha. 2-daqiqalik ishni o’ylab ham o’tirmay darrov bajarib qo’yamanku deb o’ylashingiz tabiiy. Unda sizga yangi usulni taklif qilib ko’raman.

Bu - 10-minut qoidasi😊

Deyarli ko’pchiligimizda 10 minut ichida bajarsa bo’ladigan vazifalarimiz ko’p va tan olaylik shularni keyinga qoldiramiz yoki boshqa bo’shroq kunimizga(to-do list) kirib qo’yamiz. Va to’planib qolgan bir qancha 10 minutlik vazifalar bizga bir dunyo ishdek ko’rinadi va qolgani o’zimizga ma’lum.

Turli time-menejmentni o’rgatadigan kitoblarni o’qishni to’xtataylik va 10-minutlik vazifalarni shu zahotiyoq bajarishga odatlanaylik.

👉@lidernotes

🔤🔤🔤🔤🔤🔤🔤🔤 🔤🔤🔤🔤🔤🔤🔤 azizlar!

Biroz tanaffusdan so’ng, men yana Telegramga qaytdim. Yanada rivojlangan, yanada o’zimni o’zgartirgan holatda.

Bizni kuzatishda, liderlar safimizni kengaytirishda davom eting azizlar. Zero har bir inson lider bo’lishi kerak, eng avvalo o’z hayotini va oilasini boshqarish uchun.

👉 @lidernotes

Nega o’zgardim? Loyihasi 9-mavsumiga speaker sifatida taklif qilishdi. Shunday ilmli ustozlarning orasida bo’lish, ular bilan bir safda turishni o’zi katta sharaf.

Loyihaga qiziqqanlar batafsil kirib ko’rishingiz mumkin.

Bizga “Shaxsiy rivojlanish” mavzusi berildi😊

👉@lidernotes

Shaxsiy rivojlanish nimadan yoki qayerdan boshlanadi?

Birinchi navbatda, o’zini yaxshi ko’rgan va xurmat qilgan inson yoki o’ziga eng yaxshilarini ravo ko’radigan inson shaxsiy rivojlanish haqida o’ylaydi. Bunday hislatlar esa insonning o’ziga bo’lgan ishonchi baland bo’lishiga yordam beradi. O’z ustida doimiy ishlayotgan qancha insonni tanisam har birida o’ziga bo’lgan ishonchni va xurmatni ko’rganman. Davomli bir joyda ishlash, davomli bir xil lavozimda ishlash va har oy shunchaki oylik maosh uchun ishga borib kelish ular uchun zerikarli.

Shaxsiy rivojlanish o’zni yaxshi ko’rishdan, xurmat qilishdan va eng yaxshilarini ravo ko’rishdan boshlanadi.

👉 @lidernotes

24 x GRAND SLAM Champion

Novak Djokovic - dunyoning GOAT tennis sportchisi yaqinda 24-chi GRAND SLAM kubogini qo’lga kiritdi. O’yindan keyingi Press konferensiyada shunday deydi: “36 yoshli sportchi sifatida har gal o’zimni qaytadan kashf qilishga majburman. Ham ruhan, ham jismonan. Va albatta yangi marralarni, maqsadlarni qo’yishdan to’xtamayman. Chunki shaxsiy rivojlanishni davomli qilib turadigan omil bu har doim yuqoriroq maqsad bo’lishi.”

Tinimsiz mehnat, kuchli iroda va o’ziga eng yaxshisini ravo ko’rish deganda shu sportchining hayoti yaqqol misol bo’la oladi. Sizda tinimsiz mehnat va kuchli iroda katta ehtimol bilan bo’lsa kerak. Endi o’zingizga eng yaxshilarini ravo ko’rish qoldi xolos.

👉 @lidernotes

“O’zgaramiz” loyihasidagi ilk suhbatni ham yakunlab oldik. Ajratgan vaqtinglarga rozi bo’lasizlar. Kamchiliklarni endi shu yerda to’ldirib boramiz nasib qilsa.

👉 @lidernotes