Yakshanba soat 21:00da ovozli chat qilamiz. Istalgan savolni berish mumkin bo'lgan ovozli chatimizda qatnashish uchun Telegram versiyangizni yangilab oling. Asosan React Native va Flutter mavzusida gaplashamiz.

Odatda dasturchi bo'lganim uchun, o'z kanalimda siyosiy, diniy mojarolarni ko'tarmayman. Lekin shunday mavzular bor-ki, bu mavzu nafaqat dasturchilar, balki butun millat uchun muhimdir. (Shu la'nati bayroqni rasmini qo'yishni istamadim.)

Ijtimoiy tarmoqlardagi videolardan anglash mumkin-ki, Toshkentda turgan bir guruh shaxslar "birjinslilar" nikohini qonuniylashtirish uchun harakat boshlagan. Ular meetingdan tortib, prezidentga murojaat qilishga ham ulgurgan. Erkinlik va sevgi niqobi ostida kirib kelayotgan bu jirkanch illat, avvaliga ko'zimizga kichik bo'lib ko'ringan bo'lsada, ayni paytda huruj qilish darajasiga yetib kelgan.

Bu guruh faollaridan biri, har juma Xasti-imom masjidida namoyishlar o'tkazishga targ'ib qilmoqda. Provocationga uchib, janjal chiqarishga chaqirmayman. Zero, ularning maqsadi ham shu.

Lekin shunchaki jim turish, nafaqat musulmon erkakni, balki sof fitratdagi insonning ham ishi emas. Ertaga qaror bekor qilinib, o'g'lingiz bilan ketayotganingizda oldingizdan bir "oila" chiqib qolsa, qanday javob berishni o'ylang.

Konstitutsiyaviy huquqingizni himoya qiling. Arz qiling. Qonunda ular qilayotgan ish uchun jinoiy javobgarlik belgilangan. Farzandlaringiz kelajagi uchun befarq bo'lmang.

Agar post yoqmagan bo'lsa shunchaki ko'rmaganga olib o'tib keting. Millatim uchun, dinim uchun jim o'tib ketishni uddalay olmadim.

Assalomu alaykum, ovozli chatni kutayotganlar bormi?

Kiraveramiz unda :))

Bugun bir narsani test qilishda yordam berib yuboradiganlar bormi? :))

Barchaga birga bo'lganliklari uchun katta rahmat. 🤩

A'zo bo'lmaganlar uchun: https://www.youtube.com/channel/UCethNOy9XCQFkSgbvPVZWCg

​​Juda yengil yo'lni tanlabsiz!

Hozirgina instagram ijtimoiy tarmog'ida Toshkent shahar hokimligi profilida "Kelajak yoshlari" nomli qandaydir tadbirga ko'zim tushdi. Essiz, Toshkent shahar matbuot xizmati va boshqa tashkilotchilar portfolio ko'rsatish uchun juda yengil yo'lni tanlashibdi.

Bugungi kunda ilmsizlik, ishsizlik asosiy muammoyimiz bo'lib turgan zamonda ilmli yoshlarni emas, TIk Tok avlodlarini "kelajak avlodlari" deb ko'rsatishyotgani va yoshlar ulardan ibrat olayotgani juda-juda achinarli!

Mas'ullar ko'zimizni ochaylik! Biz ilmli yoshlarni kelajak avlodi deb ataylik. Boshqalarga ibrat qilib ko'rsataylik! Yengil yelpi hayotga o'rgatib yana bir avlodni yo'qotmaylik! Insof qilaylik! Piar uchun emas, chin dildan, millat uchun, vatan uchun harakat qilaylik!

Bir shaxmatchi qiz haqida o'qigan edim. Amerika terma jamoasiga o'tib ketgan. O'zbekistonda yaxshi e'tibor qaratishmagan. Jahon chempioni. Matematikadan jahon chempioni bo'lgan bola haqida ham.

Ularga maqtov yorliq berilgan, nari borsa televizor. Ularni kutib olgani o'qituvchisi, ota-onasi chiqishgan.

50 million so'mlik mukofotga esa achindim. Bu pulga 50 ta bilimdon bolaga, chet eldagi yaxshi sifatli kursni olib bersa bo'ladi. 😐

Sizlar bunday yo'lni tanlamang. Sizlarga va'da berib aytaman, bunday yengil hayotni orqasida kelajak yo'q!

Bugungi ovozli chatimiz soat 22:00da boshlaydi. Avval @mayoquz dagi chat, keyin bizni kanaldagi chatga kirish esdan chiqmasin :))

Savollar @muhammadyunusuzbot ga yuborilsa, birinchilardan bo'lib o'qiladi.

https://github.com/muhammadyunusuz/telegram_bot#nodejsda-bot-api-ga-murojaat-qilish

Ramazondan keyin taqdim qilinadigan bot yasash bo'yicha kurs. Narxi dars soatiga qarab aniq bo'ladi. 😊

O'qishni istasangiz talablarga tayyorlanib turing.

Savollar bo'lsa kommentga 👇

Bugungi chat, ertaga soat 22:00ga ko'chirildi.

​​Қиморда ўйнатган ютади.

Ахборот технологиялар ва коммуникацияларни ривожлантириш вазирлиги ўзи Ўзбекистон тарихида қандайдир бўлиб халқаро олимпиада чиққан талабаларни дастурлаш бўйича Жаҳон олимпиадасига чиққан талабаларни ҳар хил баҳоналар билан юбормади.

Ўша мақолам чиққандан бир соат ўтмай талабалар бўлди раҳбарият кетишга рухсат берди, бугун билет олар эканмиз, илтимос мақолани ўчиринг деб мурожаат қилишди.

Мен ўчирдим, лекин талабалар алданган эди. Буни ич-ичимдан ҳис қилсам ҳам талабаларнинг айтганини қилдим.

Мақола чиққач менга ярим соат ичида беш-олтита тадбиркор чиқди, мен ўша талабаларни барча харажатларини кўтараман, давлат умуман ҳеч нарса тўлаши керак эмас, менга талабаларнинг контактларини беринг дейишди. Лекин масала ҳал бўлди, давлат кўтарар экан деб рад жавобини бердим.

Ўтган куни ТикТокерларнинг байрами бўлибди, ҳар бир тиктокер қимматбаҳо совғалар, 50 миллион сўмгача пул мукофотлари билан тақдирланибди. Бизнинг ҳукуматга саводсиз, жилпанглаб ҳар хил видео оладиган авлод керак эканлигини шундан ҳам билса бўлади.

Олти кишининг олимпиада харажатларига эса ошиб борса 10 000 доллар пул харажат бўлар эди, лекин бундай ақл соҳиблари учун бизда пул йўқ.

Миллат ўз қаҳрамонлари таниб қўйиши керак:

1. Ҳасанов Ҳусайн - ТАТУ 4-босқич талабаси, наманганлик кучли дастурчи ва математик robocontest ҳали ҳам биринчиликни бермай келаётган ёшлардан бири.

2. Қодиров Жамшидхон самарқандлик кучли математик, RoboCoders 2019 дастурлаш мусобақаси иккинчи ўрин соҳиби, 2020-йил талабалар ўртасидаги республика математика олимпиадаси 3-ўрин соҳиби.

3. Балтабаев Назарбек - хоразмлик кучли дастурчи, Robocoders 2019 дастурлаш мусобақасида 1-ўрин соҳиби, IT-Park ташкиллаштирган мусобақада 2 ўрин билан 6000$ мукофотни қўлга киритган.

4. Ҳожиев Суннатилло - алгоритм яратиш бўйича замонамизнинг Ал-Хоразмийи, ҳозирча алгоритм яратишда юртимизда унга тенг келадигани йўқ.

——-

P.S. Қиморда бир қоида бор: қимор ўйнаган эмас, ўйнатган ютади. Хитой, АҚШ ва бошқа йирик давлатлар ТикТок каби дастур ва платформалар яратувчиларни яратиш билан банд, яъни улар қимор ўйнатувчиларни яратмоқда. Биз эса ўша қиморхонадаги оддий бир ўйинчиларни рағбатлантириш билан бандмиз. Асосийси келажагимиз буюк, осмонимиз мусаффо, ошдан олинглар, совиб қолмасин.

@tentakminds