Да дня ўшанаваньня памяці памерлых, да Дзядоў, глядзіце інтэрв’ю журналіста Эўрарадыё, Зміцер Лукашук з беларускім бардам, пісьменьнікам, перакладчыкам, і журналістам Сяржуком Сокалаў-Воюшам на беларускіх могілках у Нью Джэрзі. Цікавая размова пра мову, гісторыю, дэмсілы, пра аб’яднаньне беларусаў і выбітных землякоў.

Спасылка на відэа 👇

https://youtu.be/nOlsjGVvHto?si=XP1IasjI_eInur4c

Ніжэй пакідаем адрасы могілак, для тых, хто цікавіцца гісторыяй дыяспары і жадае наведаць гэтыя месцы самі.

📍Belarusian Saint Mary of Zyrovicy Cemetery
Dunhams Corner Rd, East Brunswick, NJ 08816

📍St Euphrosynia Belarusian Cemetery, 38-40 Hillside Ave, South River, NJ 08882

P.S. За арганізацыю сустрэчы і інтэрв’ю дзякуем сябрам АБА Natallia Ka і краме Litarka а таксама Hanna Sharko

🎁Падорым Калядны цуд для дзяцей беларускіх палітвязьняў ❗

Каляды - гэта час, калі людзі чакаюць цудаў і чараўніцтва.  Летась мы разам з вамі змаглі падарыць гэтае чараўніцтва тым дзецям, чые мамы і таты зараз за кратамі. 
У гэтым годзе шэсьць партнёрскіх арганізацый сабраліся разам, каб аб'яднаць сем'і палітвязьняў з беларусамі ўсяго сьвету і падарыць цёплую атмасферу дзецям нашых герояў.

🔺 Арганізатары акцыі:

▪️Дабрачынны фонд «Краіна для жыцьця»
▪️Праваабарончая ініцыятыва “Dissidentby”
▪️Дабрачынная арганізацыя «Littowin LIONS CLUB»
▪️Народныя Пасольствы Беларусі
▪️Асацыяцыя беларусаў у Амэрыцы (AБA)

🔺 Хто можа напісаць ліст?

▪️дзеці ад 0 да 16 гадоў, чые бацькі-палітвязьні зараз за кратамі
▪️дзеці ад 0 да 16 гадоў, чые бацькі- палітвязьні ўжо вызваліліся

Як і ў мінулым годзе, мы прапануем напісаць лісты на нашу Калядную пошту, у якіх дзеці распавядуць, якія падарункі хацелі б знайсьці пад каляднай ялінкай.  Калі дзеці маленькія, то ім могуць дапамагчы дарослыя.  Таксама прымацоўвайце малюнкі дзяцей у анкету. 
Форму для ўдзелу ў акцыі можна запоўніць тут 👉https://forms.gle/si2teaxfPoepK3yr8

*заяўкі на падарункі для дзяцей з асаблівасьцямі да 19 гадоў уключна

🔺 Хто можа стаць Зюзяй?

▪️любы неабыякавы чалавек;
▪️дыяспары беларусаў ва ўсім сьвеце;
▪️любая арганізацыя ці ініцыятыва.

Кожны чалавек можа дазволіць сабе стаць сапраўдным чараўніком, асабліва калі гаворка ідзе пра дзяцей.  Бо гэта так проста і прыемна - выканаць жаданьне аднаго ці некалькіх дзяцей.
Калі вы адчулі, што гатовы стаць Зюзяй і падарыць радасьць тым, у каго рэжым забраў мам або тат, то анкету на ўдзел можна запоўніць тут 👉 https://forms.gle/Zpw9NQhsw61f14bk8

‼️Збор заявак будзе доўжыцца да 3 сьнежня 2023 года ўключна

Калі вы хочаце павіншаваць дзяцей палітвязьняў праз фонд "Краіна для жыцьця", проста пералічыце кошт падарунка на рахунак фонду [арганізацыя дае справаздачу аб мэтавым выкарыстаньні сродкаў] 👉 https://buy.stripe.com/8wMeX6aIc7OFbEk004

Калядная Пошта адкрытая 🎉
Далучайцеся 🙌
Давайце разам рабіць дабро і цуд ☺️

❗️ Увага: у вас ёсць магчымасць выйграць унікальны прыз❗️

Асацыяцыя беларусаў у Амэрыцы праводзіць акцыю, прымеркаваную да Дня Салідарнасьці з Беларусьсю 12 лістапада. Разыгрываецца выцінанка герба Пагоня, вырабленая Вольгай Палуніцай і падпісаная Сьвятланай Ціханоўскай падчас яе візіту ў ЗША на Дзень Волі ў 2023 г. Прыз ахвяраваны суполкай Belarusians of Washington DC.

Наша мэта: сабраць грошы на аперацыю і рэабілітацыю параненага ваяра Палка Каліноўскага, які зараз знаходзіцца ў ЗША і чакае нашай дапамогі.

Умовы:
* Ахвяраваць на збор.
* Паведаміць аб гэтым арганізатарам (Публічна, або напісаць АБА у асабістыя)
* Выцінанка будзе ўручаная асобе, якая зробіць самы вялікi данат да 12:00 PM EST 12 лістапада 2023 года, якi перавысiць $230 (самы вялікі данат да сёньня).
* Калі ні адзiн данат не перавысiць $230, то прыз будзе разыграны сярод топ-10 донараў да 12:00 PM EST 12 лістапада.
* Удзельнікі павінны быць гатовымі падзяліцца паштовым адрасам для перасылкі або прыехаць у Вашынгтон, каб забраць асабіста.

Запрашаем вас паглядзець новы выпуск "З намі цікава", у якім мы паразмаўлялі з Натальляй - заснавальніцай першай беларускай онлайн кнігарні ў ЗША "Літарка".

Мы пагутарылі пра ўдзел у экзітполе ў Нью-Ёрку пад час выбараў 2020-га, пра выхаваньне беларускамоўнай дачкі , пра беларускія кнігі і пісьменьнікаў, а таксама пра стварэньне "Літаркі".

Спасылка на відэа 👉 https://youtu.be/M8odMVsOsBM?si=NMto-HTZ2VgGPTjb

Набыць беларускія кнігі ў ЗША 👉 https://litarka.com/

Слухаць аўдыёкнігі на беларускай мове 👉 https://audiobooks.by/

Каб сачыць за актуальнай інфармацыяй і падзеямі ў беларускай дыяспары ЗША, падпісвайцеся на сацсеткі АБА 👉 https://linktr.ee/aba.together

ПРЭЗЕНТАЦЫЯ КНІГІ АЛЕСЯ БЯЛЯЦКАГА
З 30-га верасьня па 12-га кастрычніка прайшлі прэзэнтацыі кнігі Нобэлеўскага ляўрэата прэміі міру Алеся Бяляцкага ў ЗША.
Старшыня Беларускі ПЭН / PEN Belarus і каардынатарка праекта кнігі Тацьцяна Нядбай наведала суполкі Нью-Ёрка, Саўз Рывера (НДж), Вашынгтон Ды.Сі., і Маямі, а таксама выступіла з прэзэнтацыямі ў Інстытуце Фармацыі Ведаў Універсітэта Чыкага і Гарвардзскім універсітэце.
📕Кніга «Алесь Бяляцкі» паказвае зараджэньне і станаўленьне грамадзянскага актывізму ў Беларусі – і асобу Алеся Бяляцкага як аднаго з найбольш яркіх яго прадстаўнікоў. Адкрывае чытачу Беларусь – што працягвае змаганьне за праўду, правы чалавека, за сваю культуру і незалежнасьць.
❗️Калі ў Вас не атрымалася патрапіць на прэзэнтацыі, але Вы жадаеце набыць і прачытаць кнігу – рабіце замову ў беларуска-амэрыканскай кніжнай краме «Litarka»
👉
https://litarka.com/Ales-Byalyatski-p601662123
У сваю чаргу мы дзякуем галоўнаму спонсару імпрэз Belarusian Kreceuski Foundation

Шаноўныя беларусы ЗША,
У нас з'явілася ўнікальная магчымасць паказаць нашу сапраўдную падтрымку і салідарнасць параненаму ваяру Змiцеру ака «Акула». У яго моцна пашкоджаны рука і нага пасля баёў пад Бахмутам. У кастрычніку фонд Revived Soldiers Ukraine прывёз яго ў Філадэльфію да лепшага хірурга, які можа выратаваць яго руку і нагу ад ампутацыі. Мы ж, землякі-беларусы, можам нашымі аб’яднанымі намаганнямі паклапаціцца пра Зміцера і зрабіць яго знаходжанне ў Філадэльфіі максімальна камфортным, чаго і заслугоўвае самаадданы беларус, які ахвяраваў сабой у імя абароны Украіны і свабоды Беларусi.

ЯК ВЫ МОЖАЦЕ ДАПАМАГЧЫ 👇👇👇

❗️ПАДТРЫМАЦЬ ФІНАНСАВА:

👉НА МЕДЫЧНЫЯ ВЫДАТКІ (уваходзіць кошт страхоўкі і што не пакрываецца страхоўкай)
Association of Belarusians in America адчыніла асобны збор, сродкі якога будуць на 100% перададзены Фонду Revived Soldiers Ukraine на лячэнне нашага земляка https://www.paypal.com/donate/?campaign_id=B2TZK9LQSXHE2

👉НА ПРАЖЫВАННЕ І ХАРЧАВАННЕ Ў ФІЛАДЭЛЬФІІ
https://www.paypal.com/donate?campaign_id=4EAD778X57GF8

❗️СТАЦЬ ВАЛАНЦЁРАМ:
Тыя, хто жадае прыняць удзел у дапамозе Зміцеру асабiста, транспартам ці сваім часам, далучайцеся да валанцёрскага ТГ чату 👉 https://news.1rj.ru/str/+mJMqctMC6ps2MGVh

Нацыя павінна падтрымліваць сваіх самаадданых і смелых ваяроў, бо якраз іх прысутнасць ва Украіне і паказвае, што Беларусь і беларусы НЕ РОЎНА Лукашэнку і яго рэжыму!

❤️Калі ласка, давайце выкажам нашу салідарнасць з нашымі добраахвотнікамі яшчэ раз!

P.S. Шчыра дзякуем ваяру Палка Каліноўскага Pavel Shurmei ака "Дзядзька" за прадстаўленая відэа ў падтрымку збора

Онлайн сустрэча беларусаў Амэрыкі з Уладзімерам Някляевым.

📢 Шаноўныя сябры, запрашаем вас на онлайн сустрэчу з выбітным беларускім пісьменьнікам, паэтам і грамадзкім дзеячом Уладзімерам Някляевым, пад час якой вы зможаце задаць пісьменніку свае пытаньні.
📍Сустрэча будзе адбывацца ў рамках праекта АБА "Літаратура і кАВА". У гэтым праекце сябры АБА будуць арганізоўваць онлайн сустрэчы з беларускімі літаратарамі.
📍Чакаем вас ў зум у нядзелю 19 лістапада ў 19:00 па Варшаве/ 13:00 па Нью-Ёрку/ 10:00 па Сан Францыска.

📍Спасылка на зум zoom
📍Спасылка на facebook event

12 лістапада мінае тры гады з таго дня, калі Раман Бандарэнка выйшаў у свой двор і ніколі не вярнуўся, таму што быў бязлітасна забіты рэжымам Лукашэнкі.

💔Дыяспары беларусаў па ўсім свеце нагадваюць сёння, пра годны ўчынак Рамана, пра тое, што мы ніколі не павінныя забыцца на смерць Рамана іншых ахвяраў рэжыму.

🕯Вечная памяць забітым!

🤍❤️🤍

#явыхожу# явыходжу# мыпамятаем

Сябры, запрашаем вас паглядзець новы выпуск "З намі цікАВА" з актывістам суполкі Беларусы Сан Франыцска, сябрам АБА, праграмістам, стваральнікам праекта Audiobooks.by - Мікітай Белаглазавым

Шчырая размова пра шлях да беларускай сьвядомасьці, удзел у пратэстных маршах , актывізм і стварэньне адукацыйных праектаў.

https://youtu.be/-WuF5rv0BEs?si=9UbQelMy4F2N9UUa

📢 Вынікі розыгрышу выцінанкі "Пагоня"

Сябры, мы шчыра ўдзячныя кожнаму чалавеку, хто праявіў салідарнасьць і зрабіў данат на годную справу - медычную дапамогу ваяру ПКК Зьміцеру, які зараз знаходзіцца на лекаваньні ў ЗША.

Падчас правядзеньня конкурсу мы атрымалі ахвяраваньні для Зьміцера ад 52 чалавек на агульную суму $9,181

Два чалавекі зрабілі найбольшыя ахвяраваньні на суму $1530.96 кожны. І так як сума даната абсалютна ідэнтычная, то выцінанку "Пагоня" атрымлівае чалавек, які зрабіў ахвяраваньне першым.
А другому топ-донару, які заданаціў 12га лістапада, суполка Belarusians in Washington DC вырашыла падарыць БЧБ вымпел з подпісам Сьвятланы Ціханоўскай.
‼️Калі ласка, зьвяжыцеся з намі праз асабістыя паведамленьні, каб атрымаць прызы.

Яшчэ раз выказваем падзяку ўсім донарам.
Нам засталося сабраць яшчэ $10,000 з $25,000. Таму будзем удзячныя за распаўсюд інфармацыі пра дапамогу нашаму беларускаму герою 🙌

Спасылка на ЗБОР 👉 https://www.paypal.com/donate/?campaign_id=B2TZK9LQSXHE2