በ #ሶማሊ ክልል #ጅግጅጋ ከተማ የተነሳው የእሳት አደጋ ወደ ሌሎች አካባቢዎች ሳይዛመት በቁጥጥር ስር ውሏል

በእሳት አደጋው ሳቢያ #932 ሱቆች ወድመዋል፡፡

የክልሉ ርዕሰ መስተዳደር አቶ ሙስጠፋ ሙሁመድ የተመራ ልዑክ ከፌዴራል እና ክልል ሃላፊዎች ጋር በመሆን ዛሬ ጠዋት የደረሰውን ውድመት ለመመልከት በቦታው ተገኝተዋል፡፡

ዛሬ ጠዋት ከጎረቤት #ሶማሊላንድ ዋና ከተማ #ሀርጌሳ ከንቲባ የተመራ የእሳት አደጋ አጥፊ ቡድን ወደ ስፍራው አምርቷል። ባለፈው አመት በሚያዝያ ወር በሀርጌሳ ከተማ #ዋሄን ገበያ ላይ ከፍተኛ የእሳት ቃጠሎ በደረሰበት ወቅት የሶማሊ ክልል የነፍስ አድን ቡድን ወደ ስፍራው መላኩ ይታወሳል።

አዲሱ ታይዋን ተብሎ በሚጠራው የገበያ ማእከል ላይ የደረሰው የእሳት አደጋ መንስዔውእስካሁን አልታወቀም፡፡ በእሳት አደጋው ሳቢያ #932 ሱቆች ሲወድሙ የደረሰውን ጉዳት የሚያጣራ ኮሚቴ ተቋቁሞ ወደ ስራ መግባቱ ተገልጧል። SRTV_Somali ያጋራው ምስል ከባድ ውድመት መድረሱን ያመላክታል፡፡

በቅዱስ ፓትርያርኩ የሚመራ ልዑካን ቡድን መቐለ ከተማ ገባ

በኢትዮጵያ ኦርቶዶክስ ተዋሕዶ ቤተክርስቲያን በቅዱስ ፓትርያርክ የሚመራ ልዑካን ቡድን በትግራይ ክልል ከሚገኙ ብፁዓን አባቶች ጋር የሰላም ውይይት ለማድረግና የሰብዐዊ ድጋፍ ለማድረስ መቐለ ከተማ መግባቱን የ/ኢ/ኦ/ተ/ቤተክርስቲያን ሕዝብ ግንኙነት መምሪያ አስታወቀ።

ቀደም ሲል የተቋቋመው ኮሚቴው ወደ ክልሉ ከመጓዙ አስቀድሞ በብፁዕ ወቅዱስ ፓትርያርኩ የሚመራ ልዑካን ቡድን ወደ መቐለ እንዲጓዝና የሰብዐዊ ድጋፍ ከማድረግ በተጨማሪ በክልሉ ከሚገኙ ብፁዓን አበው ሊቃነ ጳጳሳት ጋር ውይይት አድርጎ እንዲመለስ በቋሚ ሲኖዶስ መወሰኑና ይኸው በመቐለ ሊካሔድ የታሰበው መርሐ ግብርም አስቀድሞ ለክልሉ ጊዜያዊ አስተዳደር እንዲደርስ ተደርጓል።

በዚህም መሰረት በብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት የሚመራ የልዑካን ቡድን ዛሬ ሐምሌ 3ቀን 2015 ዓ.ም ማለዳ ወደ ክልል ትግራይ መቐለ ከተማ አምርቷል።

ልዑካን ቡድኑ በትግራይ ክልል ጊዜያዊ አስተዳደር በመገኘት የሰብዐዊ ድጋፉን የሚያበረክት ሲሆን በክልሉ ጊዜያዊ መንግስት በኩል በሚመቻቸው መሠረት ተፈናቃይ ወገኖችን ይጎበኛሉ ተብሎ ይጠበቃል።

በመርሐ ግብሩ መሰረትም ቅዱስ ፓትርያርኩና የልዑካን ቡድኑ አባላት በትግራይ ከሚገኙ ብፁዓን አባቶች ጋር ውይይት ያደርጋሉ።ቅዱስ ሲኖዶስ በቅርቡ ባስተላለፈው ውሳኔ መሠረት የትግራይን ሕዝብ ይቅርታ መጠየቁ ይታወሳል።

በ2015 በጀት ዓመት 100 ቢሊዮን ብር ለመሰብሰብ ታቅዶ 107 ቢሊዮን ብር መሰብሰቡን የአዲስ አበባ ከተማ አስተዳደር ከንቲባ አዳነች አቤቤ አስታወቁ፡፡

ከንቲባዋ በተሰበሰበው በገት በርካታ ታላላቅ ፕሮጀክቶችን ገንብተናል ብለዋል፡፡

በ2016 በጀት ዓመት 140.29 ቢሊዮን ብር ለመሰብሰብ አቅደናል ያሉት ከንቲባዋ ይሄንን እቅድ ለማሳካት ግብር ከፋዮቻችንን ማበረታታት ተገቢ በመሆኑም ዛሬ የ2016 በጀት ዓመት ገቢ የማሰባሰብ ንቅናቄን አስጀምረናል ሲሉ ገልፀዋል።

የሰበሰብነውን ገንዘብ መልሰን ለዘላቂ ልማት፣ ለስራ ዕድል ፈጠራ፣ የከተማዋን ገጽታ ለመቀየር እንዲሁም የንግድ እንቅስቃሴውን በማነቃቃት የላቀ ሚና ለሚጫወቱ ፕሮጀክቶች በማዋልና የተቋማት አገልግሎት አሰጣጥን በማሻሻል በታማኝነት እንሰራለን ሲሉ ከንቲባ አዳነች አቤቤ ተናግረዋል።

የጎፋ ዞን ፖሊስ መምሪያ በ99 የፖሊስ አመራርና አባላት ላይ ከቀላል እስከ ከባድ የዲሲፕሊን እርምጃ መውሰዱን አስታወቀ

በደቡብ ክልል የጎፋ ዞን ፖሊስ መምሪያ በፖሊስ አመራር እና አባላት ላይ ሲያካሂድ በነበረው የግምገማ መድረክ፣ ከ96 በላይ የፖሊስ ማኔጅመንት እና አባላት ላይ ከቀላል እስከ ከባድ የዲሲፕሊን እርምጃ መውሰዱን አስታወቀ።

በፖሊስ አመራር እና አባላት ዘንድ የሚታዩ የአመለካከት፣ የአሰራር፣ የአመራር እና የሥነ-ምግባር ግድፈቶችን በማረም ለህብረተሰቡ ወቅቱን የሚመጥን አገልግሎት ማበርከት የሚያስችል የግምገማ ሰነድ በማዘጋጀት ወደ ግምገማ ሂደት እንደተገባ የዞኑ ፖሊስ መምሪያ አዛዥ ኢንስፔክተር ታረቀኝ አጥናፉ ተናግረዋል።

በመሆኑም የጎፋ ዞን ፖሊስ መምሪያ በዞኑ ስር በሚገኙ በሁሉም ወረዳዎችና የከተማ አስተዳደር የፖሊስ መዋቅር ሲያከናውን የነበረውን ዞናዊ የግምገማ መድረክ ሲያጠቃልል 70 የፖሊስ አባላት የጽሑፍ ማስጠንቀቂያ ፤ 20 የፖሊስ አባላት ደግሞ ከኃላፊነታቸዉ እንዲነሱ የተወሰነ ሲሆን 6 የፖሊስ አባላት በዲስፕሊን እንዲጠየቁና 3 የፖሊስ አባላት ደግሞ ከሥራ ታግደው በህግ መጠየቅ አለባቸው እንዳለባቸው መባሉን ከደቡብ ፖሊስ ኮሚሽን ያገኘነው መረጃ ያመላክታል።