ዜና: በቀጣይ 4 አመታት የሚተገበር አዲስ ሀገራዊ #የኤችአይቪ/ኤድስ መከላከል እና መቆጣጠር ስትራቴጂክ እቅድ ይፋ ተደረገ

በቀጣይ 4 አመታት #በኢትዮጵያ የሚተገበር አዲስ ሀገራዊ የኤችአይቪ/ኤድስ መከላከል እና መቆጣጠር ስትራቴጂክ እቅድ (HIV/AIDS National Strategic Plan 2023/24-2026/7) ይፋ መደረጉ ተገለጸ።

ከጤና ጥበቃ ሚኒስቴር ያገኘነው መረጃ እንደሚያሳየው የስትራቴጂክ እቅዱ ዋና ግብ ለቀጣይ አራት አመታት የኤችአይቪ ስርጭትን ለመቆጣጠር እና ለመቀነስ ያለመ ነው።

በተጨማሪም አዳዲስ በኤችአይቪ የመያዝ እና የሞት ምጣኔ በመቀነስ በአገር አቀፍ ደረጃ በ10,000 ሕዝብ ከ1 በታች ለማድረስ መሆኑን አመላክቷል።

በስትራቴጂክ እቅድ ዝግጅት ሂደቱ ላይ ሁሉም ባለድርሻ አካላት እንዲሁም ዓለም አቀፍ እና የሀገር ውስጥ አማካሪዎች እንደተሳተፉበት ጠቁሟል።
https://wp.me/pfjhHd-156

ዜና: #ሶማሊያ የኢትዮጵያ አምባሳደርን አባረረች፣ #በፑንትላንድ እና #ሶማሊላንድ የሚገኙ የኢትዮጵያ ቆንስላ ጽ/ቤቶችን እንዲዘጉ አድርጋለች

የሶማሊያ መንግስት በሀገሩ #የኢትዮጵያ አምባሳደርን ሙክታር ሞሃመድ ዋሬ ማባረሩን ምንጮቹን ዋቢ በማድረግ ሮይተርስ የዜና ወኪል አስታወቀ።

ከሀገራቸው መንግስት ጋር እንዲመክሩ በሚል ሞቃዲሾን ለቀው እንዲወጡ ተደርገዋል ያለው ዘገባው በተጨማሪም የሶማሊያ መንግስት በሶማሊላንድ ዋና ከተማ #ሀርጌሳ እና በፑንትላንድ የሚገኙትን ቆንስላ ጽ/ቤቶችን እንዲዘጉ ማድረጓንም ጠቁሟል።

ሶማሊያ የኢትዮጵያ አምባሳደር የሆኑትን ሙክታር ሞሃመድ ዋሬ ከሞቃዲሾ ያባረረችው ዛሬ መጋቢት 26 ቀን 2016 ዓ.ም መሆኑን ሁለት የሶማሊያ መንግስት ባለስልጣናት እንደነገሩት አስታውቋል።

የሶማሊያ መንግስት በሶማሊላንድ ዋና ከተማ ሀርጌሳ እና በፑንትላንድ የሚገኙትን ቆንስላ ጽ/ቤቶችን እንዲዘጉ የማድረግ ስልጣን እንዳለው የታወቀ ነገር የለም።

ለጉዳዩ ቅርበት ያላቸው ምንጮች ለአዲስ ስታንዳርድ እንደገለጹት አምባሳደር ሙክታር እስካሁን በይፋ ከሶማሊያ መንግስት የተገለጸላቸው ነገር የለም፤ በጉዳዩ ዙሪያም የሶማሊያ የውጭ ጉዳይ ሚኒስትር ያወጣው መግለጫ የለም።

የውጭ ጉዳይ ሚኒስትር ዴኤታ አምባሳደር ምስጋናው አረጋ በፑንትላንድ ፋይናንስ ሚኒስትር ሞሃመድ ፋራህ ሞሃመድ የተመራ የሀገሪቱ ከፍተኛ የሚኒስትሮች ልዑክን በጽ/ቤታቸው ተቀብለው ማነጋገራቸውን ትላንት መጋቢት 25 ቀን 2016 ዓ.ም መዘገባችን ይታወሳል።

================
የአዲስ ስታንዳርድ አማርኛ የማኅበራዊ ትስስር ገጾችን ይቀላቀሉ፡
ቴሌግራም: https://rb.gy/rekjr
ፌስቡክ: https://rb.gy/xwxb3
ትዊተር (X)፡ https://rb.gy/34uh4
ድረገጽ: https://rb.gy/5td6n

ዜና: በተለያዩ የአገሪቱ ክፍሎች እየተለመደ የመጣው ሰዎችን አግቶ ገንዘብ መጠየቅ #በትግራይ ክልልም እየተበራከተ ይገኛል - ኢሰመጉ

በተለያዩ የአገሪቱ ክፍሎች ሰዎችን አግቶ ገንዘብ መጠየቅ እየተለመደ የመጣ ተግባር ነው ሲል የገለጸው ኢሰመጉ ከዚህ በፊት ከነበሩ አካባዎች በተጨማሪ በትግራይ ክልልም ከቅርብ ጊዜ ወዲህ የእገታ ድርጊቶች እየተበራከቱ ይገኛሉ ብሏል፡፡

መግለጫው በሌላ በኩል በፋኖ ታጣቂ ቡድን ታግተው የነበሩ ከ270 በላይ የቀን ሠራተኞች ከሳምንታት በፊት መለቀቃቸው የተገለጸ ቢሆንም ያልተለቀቁ ሰዎች መኖራቸውን ካሰባሰብኳቸው መረጃዎች ተረድቻለሁ ብሏል።
https://wp.me/pfjhHd-159

ዜና: #ሶማሊያ የኢትዮጵያ አምባሳደር በ72 ሰዓታት ሞቃዲሾን ለቀው እንዲወጡ አዘዘች፣ በአዲስ አበባ የሚገኙትን አምባሳደሯን ጠርታለች

የሶማሊያ የውጭ ጉዳይ እና አለም አቀፍ ትብብር ሚኒስትር ባወጣው ይፋዊ መግለጫ በሞቃዲሾ የሚገኙት #የኢትዮጵያ አምባሳደር ሙክታር ሞሃመድ ዋሬ ሶማሊያን ለቀው እንዲወጡ የ72 ሰዓት ግዜ መስጠቱን አስታውቋል።

መግለጫው በተጨማሪም በኢትዮጵያ የሚገኙትን አምባሳደሩን ለምክክር በሚል መጥራቱን ጠቁሟል።

“እርምጃው የተወሰደው የሶማሊያ ፌደራል ሪፐብሊክን ሉዓላዊነት፣ አንድነት፣ ነጻነት እና ግዛታዊ አንድነት ለማስጠበቅ ነው” ሲል ይፋዊ መግለጫው አትቷል።

ውሳኔው የተላለፈው የሀገሪቱ የሚኒስትሮች ምክር ቤት የኢትዮጵያ መንግስትን “የሶማሊያ ሉዓላዊነት እና የውስጥ ጉዳይ የተጻረረ” “ተግባር” ተከትሎ ነው በማለት የገለጸ ሲሆን በዝርዝር የጠቀሰው ነገር ግን የለም።

በተጨማሪም የሶማሊያ መንግስት በሶማሊላንድ ዋና ከተማ #ሀርጌሳ እና በፑንትላንድ የሚገኙትን ቆንስላ ጽ/ቤቶች በሰባት ቀናት ውስጥ ይዘጋሉ ብሏል።

================
የአዲስ ስታንዳርድ አማርኛ የማኅበራዊ ትስስር ገጾችን ይቀላቀሉ፡
ቴሌግራም: https://rb.gy/rekjr
ፌስቡክ: https://rb.gy/xwxb3
ትዊተር (X)፡ https://rb.gy/34uh4
ዩቲዩብ፡ https://rb.gy/bjcbg
ድረገጽ: https://rb.gy/5td6n
ቲክቶክ፡https://rb.gy/3bghek

ዜና: በፍኖተሰላም ከተማ የመማሪያ ክፍል ዉስጥ ፈተና በሚፈተኑ ተማሪዎች ላይ በተጣለ #ቦምብ በተማሪዎች ላይ ጉዳት መድረሱ ተገለጸ

#በፍኖተሰላም ከተማ በዳሞት መሰናዶ ቁጥር 1 ትምህርት ቤት ላይ ፈተና በመውሰድ ላይ በነበሩ ተማሪዎች ክፍል ውስጥ በተጣለ ቦንም በርካታ ተማሪዎች መጎዳታቸው ተገለጸ።

በደረሰው ጥቃት 25 ተማሪዎች ጉዳት የደረሰባቸው መሆኑን እና ከነዚህም ውስጥ አራቱ ከፍተኛ ጉዳት እንደደረሰባቸው #ከአማራ ክልል ኮሙዩኒኬሽን ቢሮ ያገኘነው መረጃ ያሳያል። የፍኖተ ሰላም ከተማ ፖሊስ ጽ/ቤት በበኩሉ በተፈፀመ የቦምብ ጥቃት ጉዳት የደረሰባቸው ተማሪዎች ቁጥር 31 መድረሱን ጠቁሟል።

ከፍተኛ ጉዳት ከደረሰባቸው ተማሪዎች ውስጥ ሁለቱ ተማሪዎች ለከፍተኛ ህክምና ሪፈር መባላቸውን የጠቆመው የክልሉ ኮሙዩኒኬሽን መረጃ ፖሊስ ፍንዳታውን ያደረሰውን ተጠርጣሪ በቁጥጥር ስር ማዋሉን አስታውቋል።

ፍንዳታውን ያደረሰው ተጠርጣሪ ዮሃንስ ተስፋየ ሹመት የሚባል መሆኑን ፖሊስ አረጋግጧል ያለው የክልል መረጃ ተጠርጣሪው እጁ እና እግሩ ላይ ቆስሎ ተይዟል ብሏል።

================
የአዲስ ስታንዳርድ አማርኛ የማኅበራዊ ትስስር ገጾችን ይቀላቀሉ፡
ቴሌግራም: https://rb.gy/rekjr
ፌስቡክ: https://rb.gy/xwxb3
ትዊተር (X)፡ https://rb.gy/34uh4
ዩቲዩብ፡ https://rb.gy/bjcbg
ድረገጽ: https://rb.gy/5td6n
ቲክቶክ፡https://rb.gy/3bghek

በ #ትግራይ ክልል ውዝፍ የጡረታ አበል ክፍያ መጀመሩ ተገለጸ

በትግራይ ክልል ውዝፍ የጡረታ አበል ክፍያ መጀመሩን የመንግስት ሰራተኞች ማህበራዊ ዋስትና አስተዳደር አስታወቀ።

በክልሉ 65 ሺህ 873 ከሚሆኑት ውዝፍ የጡረታ አበል ተከፋዮች 90 በመቶ የሚሆኑት መረጃዎች ተጣርተው ከትላንት መጋቢት 26/ 2016 ጀምሮ የ17 ወር ክፍያ እንዲፈጸም 1 ነጥብ 3 ቢሊየን ብር ተለቋል ተብሏል።

የመንግስት ሰራተኞች ማህበራዊ ዋስትና አስተዳደር ዋና ስራ አስፈጻሚ ዳባ ኦሪያ መረጃዎች ተጣርተው በአጭር ጊዜ ይከፈላል ሲሉ ገልጸዋል።

በዚህ መሰረት ከተጠቀሱት የዋና ባለመብቶች ትንሹ ውዝፍ ክፍያ 24 ሺህ 266 ሲሆን፤ ትልቁ ክፍያ 349 ሺህ 596 ብር መሆኑ ተመላክቷል፡፡

በክልሉ ካሉት አጠቃላይ የጡረታ አበል ተከፋይ 5 ሺህ የሚሆኑት ከፕሪቶሪያው ስምምነት በኋላ ወደ ጡረታ ስርአት የገቡ በመሆኑ ክፍያቸው ያልተቋረጠና አሁን እየተከፈላቸው ነው ተብሏል፡፡

ተተኪ የሚባሉ ወይም ወራሾች በ17 ወር ውስጥ እድሜያቸው ህጉ በሚጠይቀው መሰረት የስንት ወር ይደርሳቸዋል የሚለው እየተጣራ መሆኑንም ተናግረዋል፡፡

በፍርድ ቤት ሂደት ላይ የሚገኙና ውሳኔ ያገኙ በሚቀርቡ ማስረጃዎች መሰረት ክፍያው የሚፈጸም እንደሚሆንም ተመላክቷል፡፡

ይህ በእንዲህ እንዳለ ማንኛውም ጥያቄዎች በትግራይ ክልል #አዲግራት፣ #አክሱም፣ #እንደስላሴ ፣ #ማይጨውና #መቀሌ ቅርንጫፍን ጨምሮ በሀገሪቱ በሚገኙ ከ70 በላይ ቅርጫፎች ከቀረቡ ታይተው ምላሽ የሚያገኙበት ሁኔታም ተመቻችቷል መባሉን ፋና ዘግቧል፡፡

#ኢትዮጵያ እና #የዓለም_ባንክ የ1 ነጥብ 72 ቢሊየን ዶላር የድጋፍ እና የብድር ስምምነት ተፈራረሙ

ኢትዮጵያ እና የዓለም ባንክ የ1 ነጥብ 72 ቢሊየን ዶላር የድጋፍ እና የብድር ስምምነት መፈራረማቸውን ገንዘብ ሚኒስቴር አስታወቀ።

በገንዘብ ሚኒስትሩ አሕመድ ሺዴ እና በዓለም ባንክ የኢትዮጵያ ዳይሬክተር ኦስማን ዲዮን በኩል የተፈረመው የብድር እና የድጋፍ ስምምነቱ በኢትዮጵያ ዘላቂ ልማትን ለማረጋገጥ የሚውሉ ስድስት ፕሮጀክቶችን ለመተገበር እንደሚውል ተገልጿል፡፡

ከተደረገው ድጋፍ ውስጥ 300 ሚሊየን ዶላር የሚሆነው በገጠር አካባቢዎች የምግብ ዋስትናን ለማረጋገጥ የሚደረገው ጥረት ማሳለጥ ለሚያስችል የመንገድ መሰረት ልማት ግንባታ እንደሚውል ተገልጿል፡፡

200 ሚሊየን ዶላሩ ደግሞ በኢትዮጵያ እየተተገበረ የሚገኘውን የሴፍቲ ኔት ፕሮግራም ለማጠናከር እና ለማስፋፋት የሚውል ነወ ተብሏል።

በተመሳሳይ ከተሰጠው ብድር ውስጥ 340 ሚሊየን የሚሆነው በኢትዮጵያ ቆላማ አካባቢዎች የሚኖሩ አርብቶ አደር እና ከፊል አርብቶ አደር የማህበረሰብ ክፍሎችን የኑሮ ሁኔታ ለማሻሻል እንደሚውል ተጠቅሷል፡፡

522 ነጥብ 6 ሚሊየን ዶላር በላይ የሚሆነው ደግሞ በኢትዮጵያ የኤሌክትሪክ ሃይል ተደራሽነትን ለማስፋት እና ታዳሽ ሃይል ማመንጨት የሚቻልበትን ሁኔታ ለመደገፍ እንደሚውል የተገለጸ ሲሆን 275 ሚሊየን ዶላር የሚሆነው ደግሞ በኢትዮጵያ ከተሞች የንጹህ መጠጥ ውሃ አቅርቦትን እና ተደረሽነትን ለማስፋት ስራ ይውላል ትብሏል።

ዜና፡ በ #ትግራይና #አማራ አዋሳኝ አካባቢዎች መከላከያ ሰራዊት ሰላም እና ደህንነት የማስጠበቅ ኃላፊነቱን ይወስዳል – የመንግሥት ኮሙኒኬሽን አገልግሎት

የፌዴራል መንግስት፤ በትግራይ እና አማራ አዋሳኝ አካባቢዎች “የወሰን እና የማንነት” ጥያቄዎች በህዝበ ውሳኔ እልባት እስኪያገኙ ድረስ የ #ኢትዮጵያ መከላከያ ሰራዊት ከአካባቢው መህበረሰብ ጋር በመሆን ሰላም እና ደህንነት እንደሚቆጣጠር ገለጸ።

“ከሰሞኑ በትግራይ ክልል በኩል በአማራ ክልል አዋሳኝ አካባቢዎች የሚታየው አዝማሚያ ተገቢነት የሌለው ብቻ ሳይኾን የፕሪቶሪያውን ስምምነት የሚጥስ ነው” ሲሉ የመንግሥት ኮሙኒኬሽን አገልግሎት ሚኒስትሩ ለገሰ ቱሉ (ዶ.ር) በወቅታዊ ጉዳዮች ዙሪያ በሰጡት መግለጫ ተናግረዋል።

ሚኒስትሩ አክለውም፤ የሚነሱ ጥያቄዎችን እና የሚያጋጥሙ ችግሮችን በውይይት እና በድርድር ከመፍታት ይልቅ “ወሰንን በኃይል እናስከብራለን የሚል አካሄድ ካለፈው ስሕተት አለመማርን ያመለክታል” ብለዋል፡፡

ተጨማሪ ይመልከቱ፡ https://wp.me/pfjhHd-15e

ከ #አማራ ክልል ወደ #ኦሮሚያ ክልል የተመለሱት ተፈናቃዮች አሁንም ድረስ ችግር ላይ መሆናቸውን ገለፁ

የመንግስትን ጥሪ ተቀብለው ከአማራ ክልል ወደ ምስራቅ ወለጋ ዞን ኦሮሚያ ክልል የተመለሱት ተፈናቃዮች አሁንም በፀጥታ ችግር ሳቢያ ወደ ቤታቸው መመለስ አለመቻላቸውን ለዶቼ ቬለ ገልፀዋል።

ተመላሽ ተፈናቃዮቹ እንደገለፁት አብዛኛው ተመላሽ የሚገኘው በከተማ ውስጥ በተዘጋጀ ጊዜያዊ መጠለያ ጣቢያ ነው።

እነዚህ ተፈናቃዮች የፌደራል እና የክልል መንግስታትን ጥሪ ተቀብለው ከአንድ ወር በፊት ነበር ለበርካታ ጊዜ ተጠልለው ከነበሩበት ደብረ ብርሃን ከተማ ወደ ምስራቅ ወለጋ ዞን የተመለሱት።

ከኦሮሚያ ክልል ምዕራብ ወለጋ ዞን ተፈናቅለው በአማራ ክልል ሀርቡ እና ጃራ መጠለያ ጣቢያ ከነበሩት ተፈናቃዮች መካከል ወደ 315 የሚደርሱ ተፈናቃዮች ከሁለት ወር ገደማ በፊት ወደ ጊምቢ ወረዳ መመለሳቸው ይታወሳል።

ዶቼ ቬለ
================
የአዲስ ስታንዳርድ አማርኛ የማኅበራዊ ትስስር ገጾችን ይቀላቀሉ፡
ቴሌግራም: https://rb.gy/rekjr
ፌስቡክ: https://rb.gy/xwxb3
ትዊተር (X)፡ https://rb.gy/34uh4
ዩቲዩብ፡ https://rb.gy/bjcbg
ድረገጽ: https://rb.gy/5td6n
ቲክቶክ፡https://rb.gy/3bghek

ርዕስ አንቀጽ: #በአዲስ አበባ ግዜውን ያልጠበቀና ያለበቂ ዕቅድ እየተተገበረ የሚገኘው ከተማዋን የማነጽ ስራ አቅመ ዳካሞች ላይ ጫና ፈጥሯል፣ ቢያንስ ሂደቱ ሰብአዊነትን ሊላበስ ይገባዋል!!

የገዢው ፓርቲ ብልጽግና ባለስለጣናት አዲስ አበባ በከንቲባዋ አዳነች አቤቤ አማካኝነት በታሪኳ አይታው በማታውቀው ሁኔታ እየተለወጠች ትገኛለች በሚል በኩራት ሲናገሩ ይደመጣል።

ባለስልጣናቱ ከሚያነሷቸው ነጥቦች መካከል በቅርቡ በከተማዋ በተለዩ አምስት የመንገድ ኮሪደሮች ከ40 ኪሎሜትር በላይ በመገንባት ላይ ያለውን ከተማዋን የማሰዋብ ስራ ይጠቅሳሉ፤ መዲናዋን ዘመናዊ በማድረግ እንደ ስሟ አዲስ አበባ እንድትሆን እና ለነዋሪዎቿ ምቹ የማድረግ ስራ ነው ሲሉ ይደመጣል።

ከተማዋን የተመቸች ለማድረግ የሚደረገው ጥረት ግን በማፍረስ ላይ የተመሰረተ ሁኗል፤ የከተማዋን ነዋሪዎች በሚያሳምም ሁኔታ በብርሃን ፍጥነት እየተተገበረ ነው፣ መኖሪያ ቤቶች፣ የንግድ ተቋማት እና የአምልኮ ስፍራዎች በማፈራረስ።

የመንገድ ኮሪደር ልማቱ ቁጥር ስፍር የሌላቸውን በአራት ኪሎ፣ #መገናኛ፣ #ሲኤምሲ እና መሰል ቦታዎች የሚገኙ አነስተኛ ንግድ ስራዎችን ማስተጓጎሉ አይቀሬ ነው። የዚህ ኢኮኖሚያዊ አንድምታ ከንግድ ባለቤቶች በላይ የሚዘልቅ ሲሆን ከከተማው ርቀው የሚገኙትን ቤተሰቦቻቸውንም በር ማንኳኳቱ የማይቀር ነው።

ይህ ሁሉ ደግሞ በአንድ ሳምንት ሲተገበር የሚያመጣው ጣጣ ብዙ ነው፤ በየጊዜው የሚስተጓጎሉ አቅርቦቶችን ጨምሮ በአስደንጋጭ የዋጋ ግሽበት በመታመስ ላይ ላለችው አዲስ አበባ ተጽእኖው ለቀጣይ አመታት የሚንከባለል ይሆናል።

60 በመቶ የሚሆነው ህዝቡ በከፋ ድህነት ውስጥ ለሚኖርበት መንግስት፣ ከተማ ማስዋብ ቀዳሚ ተግባሩ መሆን አልነበረበትም። በአሁኑ ወቅት ኢትዮጵያ ከጊዜ ወደ ጊዜ እየተባባሰ ለመጣው የሰብዓዊ ቀውስ ምላሽ ለመስጠት ወደ አንድ ቢሊዮን ዶላር የሚጠጋ የገንዘብ እጥረት ገጥሟታል።
ለቤት ፈረሳ፣ ለካሳ ክፍያ እና ለመንገድ ኮሪደሮች ግንባታ የተመደበው በጀት በሌሎች የሀገሪቱ ክፍሎች በሞት አፋፍ ላይ የሚገኙትን በሺዎች የሚቆጠሩ የድርቅ ተጎጂዎችን ለመርዳት ጥቅም ላይ ሊውል በቻለ ነበር።
ሙሉውን ለማንበብ ሊንኩን ይጠቀሙ https://wp.me/pfjhHd-15j

ተቋርጦ የነበረው የደብረብርሃን_ደሴ የፌደራል መንገድ ከዛሬ ጀምሮ ለተጓዦች ክፍት መደረጉን የማዕከላዊ ሸዋ ኮማንድ ፖስት ገለፀ

"ከፀጥታ ችግር" ጋር በተገናኘ ተቋርጦ የነበረው የደብረብርሃን_ደሴ የፌደራል መንገድ ትራንስፖርት ከዛሬ መጋቢት 28 ቀን 2016 ጀምሮ ለተጓዦች ክፍት መደረጉን የማዕከላዊ ሸዋ ኮማንድ ፖስት አስታውቋል።

መንገዱ ክፍት የተደረገው፤ "የቀጠናው የሰላም ሁኔታ ካሳየው መሻሻልና ከህብረተሰቡ ጥያቄ በመነሳት" መሆኑን ገልጿል።

ኮማንድ ፖስቱ፤ ህብረተሰቡ ለፀጥታ አካላት የሚያደርገውን ድጋፍና "የጥፋት ሀይሎችን" ወደ ተጠያቂነት እንዲቀርቡ የሚሰራውን ስራ አሁን በጀመረው መንገድ አጠናክሮ እንዲቀጥልም አሳስቧል።

"የሰላም መደፍረስና ቀውስን ምቹ የመኖሪያ እድል የሚያደርገው ሰላም ጠል ሀይል" ዳግም የማተራመስ እድል ሊኖረው በማይችልበት ሁኔታ የሰላም ማስከበር ስራውንም ከህዝቡ ጋር በመተባበር የሚሰራ ይሆናል ብሏል።

በአማራ ከልል ከደሴ- ሸዋሮቢት- ደ/ብረሀን እንዲሁም ከደ/ብረሀን -ሸዋሮቢት - ደሴ የትኛውም አይነት የትራንስፖርት እንቅስቃሴ የካቲት 16 ቀን ጀምሮ ላልተወሰነ ጊዜ እንዲቆም መደረጉ ይታወሳል።