Тукай ятимнәре

Манзара! Тукай янында сукбайлар йоклап ята.
Ә ул әйтерсең аларны шигырь укып юата.

Шигырь укый хәзер Тукай Мәскәүнең иң түрендә,
“Тотса Мәскәүләр якаң” дип, як-якка төкеренә...

“Тотса Мәскәүләр якаң”, дип, ачындың, татар улы.
Якага түгел, телләргә үрелде Мәскәү кулы.

Үрмәләде үпкәләргә якадан урыс кышы,
Ничә гасыр ютәллибез кайтаралмый бурычны:

Авызлар тулы кара кан, кыйган юк төкерергә,
Арабызда үрчи бара телсезләр, бөкереләр...

Ничә буын үсте, үсә кисек тел – иман белән.
Кителде күңел кыллары, изделдек “Иван” белән...

“Ваня” исемен күтәрде күпме татар малае,
Кысалар кысылган саен акыл барды тараеп...

Татарлыктан бу тарлыкка төштек әле без нигә?
Телләребез “тырмаланды”, дәшмәс булды әниләр...

Дәшкәннәре саулык өчен сагаеп сакауланды,
“Тырмалы” Мәскәү сөя шул шамакай, сакауларны...

Дәшмәүчеләр эчтән көеп, саргая бара һаман
Кипкән яфрак тәкъдирләре көзләрен була яман...

Син дә корыдың яфрактай, язларда корыдың шул,
Урыс кышынан үпкәңне үптереп туңдырдың шул...

Мәскәү уртасында бүген шигырь укый синең сын,
Сәрхүш сукбайлар төш күрә, тоеп шигырь җылысын.

Син үзең дә сукбай булып йөргәнсең өйдән өйгә,
Инде Мәскәү ятимнәре аяк очыңа килә...

Фәнил Гыйләҗев.

вкдагы Исхакый сәхифәсенә теләкләшлек күрсәтеп, язылыгыз!https://vk.com/gayaz_isxaki
2000гә әз генә калды)
поддержите подпиской страничку Исхаки в вк)
https://vk.com/gayaz_isxaki

Сәлам, дуслар! Без бераз актуаль эшләрдән китеп тордык һәм онлайн киңлектән югалдык. Моның бер сәбәбе техник мәсьәләләр белән бәйле булса, икенчесе исә, һәм иң мөһиме – Хәтер көне өчен безгә “җавап” кайтарулар дәвам итә. Белгәнегезчә, быел “Азатлык” татар яшьләре берлеге Хәтер көнен мөмкин кадәр актив һәм киң масштабта үткәрде.

Беренче яктан, Казанда үткәрелгән чара көч структуралары тарафыннан куеп таратылды. Икенче яктан, төрле илләрдә ялгыз пикетлар оештырылды. Иң киң масштаблы чаралар Төркиядә – Истанбул һәм Анталия шәһәрләрендә узды. Анда бер яктан без Хәтер көнен милли җыеннар рәвешендә күп санлы катнашучылар белән традицион форматта үткәрә алдык. Икенче яктан, Хәтер көне кысаларында Төркия оешмаларын җәлеп итеп, алар тарафыннан җыеннар һәм фәнни конференцияләр оештыруга ирештек.

Гомумән алганда, нәкъ менә “Азатлык” Хәтер көнен шактый зур масштабта үткәрә алды. Бу эшчәнлек игътибарсыз калмады. Татарстанда да, чит илләрдә дә активистларыбызның “кинәт” проблемалары барлыкка килде. Аеруча кайбер активистларыбызга яшәү рөхсәте һәм документлар белән “көтелмәгән” авырлыклар килеп чыкты. Бу мәсьәләләрнең шактыен хәл итеп булды, әмма вакыт һәм финанс чыгымнары таләп итте. Шөкер, зур тырышлыклар белән бу проблемаларның күпчелеген хәл итеп, татар хәрәкәте активистларына ярдәм итә алдык.

Хәзер без яңадан актуаль эшчәнлеккә керешәбез. Безнең белән булганыгыз өчен рәхмәт!

Всем привет. Мы несколько выпали из повести и пропали онлайн. Одна из причин чисто техническая. Другая, наиболее важная – мы получили и продолжаем получать “ответку” за Хәтер көне. Как Вы знаете, Союз татарской молодежи “Азатлык” в этом году наиболее активно и насколько это возможно широкомасштабно провел день памяти татарского народа.

С одной стороны акция в Казани, которую разогнали силовики. С другой стороны, одиночные пикеты в разных странах за границей. Ну и наиболее масштабные мероприятия в Турции, в Стамбуле и Анталии, где одной стороны мы смогли провести Хәтер көне в традиционных форматах – национальных джиенов (собраний) с большим количеством участников. И с другой стороны, нам частично удалось привлечь к Хәтер көне турецкие организации, которыми были организованы собрания и научные конференции.

По сути, именно “Азатлык” более менее масштабно смог провести Хәтер көне. И наша деятельность не осталась незамеченной. Проблемы возникли у активистов как в Татарстане, так и за границей. В частности ряд наших активистов “неожиданно” получили трудности с внж и документами. Вопросы решаемы, но требовали от нас времени и финансовых затрат. К счастью, на данный момент, через большие усилия нам удалось решить бОльшую часть этих вопросов, и помочь активистам татарского движения.
Сейчас же мы вновь будем вкатываться в актуальную повестку. Спасибо, что Вы с нами.

Понятное дело, что на "справедливость в суде" никто и не надеется, но говорить об этом, говорить о репрессиях против татарского национального движения мы должны. и будем.

мы еще напомним, что за последние полгода у Зиннура Аглиуллина дома два раза проводились обыски.

Гаяз Исхакый ютуб сәхифәсенә язылырга, видеоларны карарга, аларга лайклар куярга, үз фикерләрегезне язарга чакырабыз!

https://www.youtube.com/@gayaz_isxaqiy

Бүген, 23 ноябрь – Татар халкының бөек улы, шагыйрь Дәрдемәнднең тууына 165 ел!
Сагыну, сөю һәм тирән хөрмәт белән искә алабыз!

***
Татарлыктан татар һич гарь итәрме,
Кеше үз исмене инкяр итәрме.
Татарлыкта татар угълы татармын,
Татар түгел димә – башың ватармын!

***
Урысча күп сүзең, азы татарча,
Белалмыйм, кем син – урысмы, татармы?
Ничектер белмәдек исме шәрифең:
Хәсәнме, юкса Иванмы, Макармы?..

***
Гөрләгән сулар башында,
Тыңлагыз, шунда үтәр –
Йөрсә сыктап таң-сәхәрләр
Моң-сагышлардан хыял.
И туган илнең һавасы,
Рәнҗемим, зинһар, күтәр!
Рәнҗемим, зинһар, күтәр!

Ни газизрәк – бу ватанмы?
Аһ, туган каүмем газиз!
Ул мөкаддәс кан белән ул
Изге сөткә ни җитәр!..
Сөт калыр, ватан китәр!
Сөт калыр, ватан китәр!

***

БЕЗ

Гасырлар кичте китте... кичте еллар!
Нәбиләр, падишаһлар, сөрде дәвран...
Гомерләрдер күчеп кәрван вә кәрван,
Килеп кичте җиһандан канча илләр!..

Сүнеп, вәйран булып мәгъмур тиякләр,
Җир астында тезелде ку сөякләр!..
Исә җилләр, күчә комлар... бетә эз...
Дәрийгъ, мәхзүн күңел, без дә бетәбез!

Мөсафир, кем, җиһанга басты ботны,
Биетте ажгырып аны замана...
Өеп чергән өмидне... төртте утны –
Йотып утларны китте... яна-яна...

***

КОРАБ

Шаулый диңгез...
Җил өрәдер...
Җилкәнен киргән кораб!
Төн вә көндез
Ул йөрәдер:
Юл бара ят ил карап...

Чыкты җилләр,
Купты тулкын –
Ил корабын җил сөрә!..
Кайсы юллар,
Нинди упкын
Тарта безне җан сорап?!.

Дәрдемәнд